|
|
|
|
|
|
|
|
|
|
Meurzh 14 a viz Ebrel, niv.234 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Sioulaet an traoù e Thailand |
|
|
|
|
|
|
|
|
|
Abaoe ar 26 a viz Meurzh ez eus reuz e Thailand.
Manifestiñ a ra ingal abaoe ul lodenn eus an Thaied, lesanvet "ar
rochedoù ruz", evit ma vefe dilezet e bost gant Abhisit Vajjajiva, e
penn ar gouarnamant abaoe pevar miz. Goulenn a reont distro Thaksin
Shinawatra evel kentañ ministr, bet skarzhet gant an arme e 2006. Un devezh
gouel, ar Songkran, e oa dec'h e Thailand, met e Bangkok e oa un afer all:
e-tro 5000 "roched ruz" a oa staliet abaoe pemzektez nepell diouzh
burevioù ar C'hentañ ministr, hag emgannoù zo bet gant annezidi zo eus ar
gêr-benn. Ur 6000 soudard bennak o deus klasket skarzhañ kuit ar
vanifesterien gant aezhennoù-daeraouiñ, kanolioù-dour, tennoù gwenn ha
kirri-houarnet. Aet eo war washaat da c'houde, etre ar "rochedoù ruz",
tud ar gêr-benn hag an arme: ur 113 den gloazet a vefe ha daou zen marvet.
E-kerzh an noz e oa chomet war al lec'h un 2000 "roched ruz"
bennak, kelc'hiet gant soudarded. Ar vanifesterien o deus divizet mont kuit,
a-benn sioulaat ar jeu.
|
|
|
|
|
|
Sevel energiezh diwar an hidrogen ? |
|
|
|
Ur gudenn a zo c'hoazh da reizhañ koulskoude: dre
ma n'eus ket eus an atom hidrogen e-unan en natur eo dav dispartiañ hennezh
diouzh ar re all en dour. Gant un elektroliz e vez graet kement-se
peurliesañ, met n'eo ket gwall efedus an afer, ha beveziñ a ra kalz energiezh
(o tont diouzh gaz, peurliesañ...). Met mont a ra an enklaskoù war-raok. Da skouer,
kavet ez eus bet gant skipailhoù eus ar CNRS doareoù da dommañ 200°C
nebeutoc'h an dour, oc'h implijout ionoù H+ kentoc'h eget reoù 02-. Gant an
hentenn-se e c'heller implijout danvezioù solutoc'h ivez. Hag o lakaat ar
gwask etre 50 ha 100 bar eo efedusoc'h an elektroliz. Araokadennoù a zo, met
n'eo ket evit kement-mañ e vo kirri-tan o vont war-raok gant hidrogen a-benn
warc'hoazh. M.M. |
|
|
|
|
|
E-touez an diskoulmoù a glasker evit talañ ouzh
mont-da-get an eoul-maen, ar glaou, hag ar gaz, e vez kavet an hidrogen. Ma
teufer a-benn da sevel energiezh diwar an hidrogen e vefe dreist: n'eo ket
saotrus an danvez, hag ur bern outañ a zo e pep lec'h. Setu ez eus bet klevet
lavarout e veze harzet an enklaskoù war an danvez gant embregerezhioù bras an
eoul-maen, gant an aon da goll o marc'had. Met war a seblant emañ an traoù o
cheñch.
|
|
|
|
|
|
Prezegenn diwar-benn Anatole ar Braz |
|
|
|
Posupl eo lakaat e anv evit prenañ levr Georges ar
Moel, Anatole Le Braz et l’Amérique, er Greizenn. D’ar Gwener 17 a viz Ebrel e Kreizenn
Sevenadurel Vrezhon Gwengamp, 3€. Titouroù: 02.96.44.27.88. Postel: kreizenn.gwengamp@free.fr Lec’hienn: www.ksgwengamp.ovh.org Festival 2009 An
Netraigoù / Des Petits Riens En Aodoù-an-Arvor
E-pad miz Ebrel e troio festival liesseurt
(c'hoariva, kontadennoù, margodennoù, klouned, sonerezh, dañs,
luc'hskeudennerezh...). an Netraigoù war hentoù Aodoù-an-Arvor evit an 9vet
gwech. Aozet gant Ofis-departamant diorren ar sevenadur (ODDC), asambles gant
ur rummad kenaozerien (kevredigezhioù, kumunioù, kumuniezhioù-kumunioù...),
abadennoù e 54 c’humun eus an departamant, etre ar 1añ hag an 30 a viz
Ebrel. Ar pal a zo reiñ tro d'an arzourien da gejañ gant ar muiañ ar gwellañ
a dud, e-maez al lec'hioù ma kinnigont o labour peurvuiañ. Krouiñ ur prantrad
a frankiz hag a eskemm etre an arvesterien hag an arzourien. Marc'hadmat e
klask chom ar prizioù neuze, evit broudañ an holl da zont, etre 2€ ha
6€ dre vras. Degouezhioù ispisial a vo e-kerzh mizvezh an
Netraigoù: 7vet Emgavioù Micherel Pempoull d'an 23 ha 24 a viz Ebrel (14
abadenn a vo kinniget d'an dud a vicher, ha d'an holl war memes tro evit ar
wech kentañ), ha "Temps fort à Plédéliac", d'ar 25 ha 26 a viz
Ebrel. Un dibenn-sizhun arvestoù, dudioù, predoù, sonadegoù a vo aozet gant
annezidi Pledeliav. Evit gouzout hiroc'h : www.oddc22.com Pgz: 02 96 60 86 10. Postel: despetitsriens@oddc22.com |
|
|
|
|
|
Evit lidañ 150vet deiz ha bloaz ganedigezh Anatole
ar Braz, skrivagner brudet mat eus Aodoù-an-Arvor, e vo pedet Georges ar Moel
(a-gleiz war ar skeudenn, gant Laura, merc’h vihan Anatole ar Braz, hag
he gwaz), hag en deus skrivet en hañv 2008, Anatole Le Braz et l’Amérique.
Ar skrivagner a ginnigo e labour ha lakaio ac’hanomp da adkavout istor
ur skrivagner all hag en doa treuzet meur a wech ar mor Atlantel peogwir e oa
dedennet gant ar Stadoù-Unanet hag e oa d’ar c’houlz-se en e
varr. Gwech ebet n'en doa ankouaet e wrizioù breizhat daoust da-se.
Arvestoù e-barzh saloñsoù
tud, sonerien rebed tredan-ha-klev en un Iliz, ur gomedianez en un abati,
eizh istorig kontet en ur vrikennerezh kozh, c'hoariva e-barzh un davarn, ur
c'haner-gitarour suis en ul leti-feurm...
|
|
|
|
|
|
Marc'h-houarn:
Pariz-Roubaix gant Tom Boonen |
|
|
|
Ur gwallzarvoud grevus zo bet er redadeg gant ur
marc'h-tan aet da skeiñ ouzh arvesterien. Ur pemzek den bennak zo bet
gloazet. Tri den gloazet en un doare grevus zo bet kaset da ospitalioù Lille
ha Valenciennes. |
|
|
|
|
|
Evit an
trede gwech (hag an eil diouzh renk) eo aet ar maout gant ar Belgiad Tom
Boonen (Quick Step), 28 vloaz, evit ar redadeg war varc'h-houarn etre Pariz
ha Roubaix. Erruet eo e penn ar jeu goude bezañ troadikellet 259km an hent.
N'eo ket bet eus ar sioulañ ha sederañ ar redadeg evitañ; koulz hag evit e
genseurted. Toullet en doa ur rod d'un 40 km eus ar pal, e Louvil, war unan
eus ar 27 tachenn pavezet. Daoust dezhañ kaout poan en e c’har, en deus
kendalc'het er strollad c'hwec'h reder a oa e penn an traoù d'ar poent-se.
Divarc'hadennoù zo bet da c'houde hag o deus lakaet e enebourien da goll
tachenn. Juan Antonia Flecha (Rabobank) en ur dro-gorn, ha Thor Hushovd
(Cervélo) dreist-holl, 16 km a-raok ar pal. Skoaz-ouzh-skoaz eo bet ingal
Boonen gant Filippo Pozzato (Katioucha), erruet da eil, 47 eilenn goude ar
Belgiad! Hushovd zo erruet da drede, 1'17" war-lerc'h Boonen. Echuet eo
bet an dro gant Boonen e 6 eurvezh ha 15'54". Deuet eo a-benn Boonen
d'ober kement-all hag Eddy Merckx, Francesco Moser ha Johan Museeuw er Pariz-Roubaix.
|
|
|
|
|
|
|
A
l'aventure |
|
|
|
Frañs
– 2007 Senario
ha seveniñ : Jean-Claude Brisseau Difennet
d’ar re dindan 12 vloaz
Lodenn diwezhañ un heuliad filmoù war tem ar
c’hoant revel eo A l’aventure hervez ar sevener. Ma,
“Gwell a se!” a soñjer goude bezañ gwelet ar film toull-se.
Fougasiñ a ra Brisseau diskuliañ kevrinoù c’hoantoù ar merc’hed
en un abadenn a veskfe orgederezh, prederouriezh ha
bred-ezoteregezh-lak-pep-tra-e-barzh-‘ta. E gwirionez, splann eo ne
vestroni hini ebet eus an temoù-se ha ne ra nemet dispakañ e fantasmoù dezhañ
e-unan. Truezus. Meriadeg Vallerie Kement ha gouzout
hiroc’h : |
|
|
|
|
|
|
|
Erru skuizh eo Sandrine
|
|
|
|
|
|
Neil Young – Harvest |
|
|
|
Perak' ta? Peogwir eo Harvest
ur bladenn ken peurvat ken e plij d'an holl, hag he c'havout a reer e ti ur
bern tud disheñvel. Gant Harvest (1972)
e tizhas Neil Young renk kentañ an hit parade, evit ar wech nemeti. Ouzhpenn
e strollad The Stray Gators e vodas e vignoned Stills, Crosby ha Nash hag
ivez James Taylor ha Linda Ronstadt. Anavezet eo an disoc'h gant
an holl: unan eus pladennoù gwellañ ar sonerezh amplaet a ijinas neuze : piv
n'en deus ket klevet c'hoazh Heart of Gold? War dachenn ar politikerezh
ez eas ivez (Alabama). Sevel a reas ivez tonioù (Are You Ready For
the Country?, The Needle and the Damage Done) diwar-benn e vignon
Danny Whitten, hag a varvas e dibenn 1972 abalamour d'an dramm. Ken leun a
vennozhioù e oa ken ec'h enrollas tonioù zo (There's a World, A Man
Needs a Maid) gant laz-seniñ sinfoniek Londrez. Direnket e voe Neil Young gant ar berzh bras a reas, ha goude-se e savas pladennoù enno un aergelc'h teñvaloc'h, dedennet e voe gant al luskad punk. Hiziv an deiz e chom unan eus arzourien goshañ ha doujetañ ar sonerezh amplaet. Selaouit, daoulinit ha pedit neuze (n'eo ket dav bezañ un hippie evit en ober, hañ). R.M. Embannet gant Reprise. Da selaou ivez: After the
Gold Rush. A-benn an 3 a viz Even e
sono Neil Young e Naoned. N'eo ket distro da Vreizh
abaoe e sonadeg e Kemper e 1982. Muioc'h a Neil Young : Ur wech ar
miz e kinniger ur bladenn a-bouez en istor ar sonerezh amplaet. |
|
|
|
|
|
Grit un taol-arnod: pedit
ur punk, un hippie, ur rude boy, ur mod, un den dedennet gant ar sonerezh
elektronek hag unan a blij dezhañ ar sonerezh rock. Lakait anezho da azezañ
en ho saloñs, ha lakait Harvest da dreiñ. Gwelout a rit neuze an holl anezho
o selaou aketus, o kanañ meuleudi da Neil Young, an hippie a c'hallfe
daoulinañ ha pediñ zoken.
|
|
|
|
|
|
Paska : |
|
|
|
Danvez :
1 kg keuz gwenn (fromage blanc en faisselle) – 4 melen vi – 125 g
amann– 250 g dienn fresk – 200g sukr – 1 tasad rezin
sec’h – 1 tasad alamandez pilet – 1 tasad frouezh koñfizet
pilet – 1 suraval Evit
klinkañ : frouezh koñfizet a bep seurt
An deiz
war-lerc'h, fouetit gant ur baser tredan ar melenoù-vioù hag ar sukr betek ma
vo gwenn ar meskad. Ouzhpennit an amann blotaet, an dienn, ar rusk hag ar
chug suraval. Fouetit 10 mn. Ouzhpennit ar c’heuz gwenn ha fouetit
en-dro 15 mn. Lakait e-barzh an toaz ar rezin sec’h, an alamandez pilet
hag ar frouezh koñfizet pilet. Paperit ur pod fleur don gant ur
c’hazenn ha diskargit an aozad. Skloufit mat ha lakait ur pouez warnañ.
Lakait 24 eurvezh er yenerez ; Divoullit, tennit ar c’hazennn ha
kinklit gant frouezh koñfizet. M.L. Lennit Bremañ miz Ebrel
An teuliad peder fajennad zo gouestlet er miz-mañ
d'ar c'helenn brezhoneg d'an dud deuet. Sifroù un diverrañ eus bilañs ar
c'helenn evit ar bloavezh 2008 gant Ofis ar Brezhoneg a gaver. Sevel a reer
ar poent war al labour kaset war-raok gant kreizenn Skol An Emsav gant ar
stummerez Anne Broussot. Alioù ur strollad deskarded a gemer perzh e
kentelioù noz zo bet dastumet ivez. Gallout a reer lenn ur pennad-kaoz gant
lusker ar gevredigezh Divskouarn, he deus kinniget asambles gant Stumdi, ur
staj war ar brezhoneg a-ratozh evit ar re a bled gant ar vugaligoù en o
micher. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
