|
|
|
|
|
|
|
|
|
|
Meurzh 24 a viz
Ebrel, niv.97 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Pobl
Nepal a-enep ar roue |
|
|
|
Urzh
en deus roet Gyanendra da zifenn Palez ar roue e Katmandou, ha diriaou
en deus aotreet an arme hag ar polis da dennañ war ar
vanifesterien. Un ugent den bennak zo bet lazhet ha meur a gant den
gloazet zo. Miliadoù a dud a oa dec'h c'hoazh e
straedoù Katmandou diwar galv ar seizh strollad politikel
savet holl a-enep ar roue. 100 000 e oant disadorn er
gêr-benn. Straedoù zo zo bet stouvet gant
pneuioù ha koad plantet tan enno gan ar vanifesterien evit
mirout ouzh gwarded armet ar roue da vont e pep lec'h. Kinniget en deus
ar roue Gyanendra e vefe anvet ur c'hentañ Ministr gant
seizh strollad politikel ar vro, met fellout a ra d'ar vanifesterien e
vefe dilennet ur Vodadenn evit sevel ur Vonreizh nevez. |
|
|
|
|
|
Disadorn ha disul o deus kendalc'het ar
manifestadegoù e Katmandoù, kêr-benn
Nepal, zo etre India ha Sina. Skarzhet en deus ar roue Gyanendra e
c’houarnamant e penn-kentañ miz C'hwevrer ha
divizet kemer an holl c’halloudoù,
disklêriañ ar "stad a reuziad" ha lamet ar
gwirioù diazez. Aet eo ar bobl e fulor ha
manifestiñ a ra evit ma yafe kuit ar roue hag evit ma vefe
staliet an demokratelezh en-dro.
|
|
|
|
|
|
War
roudoù arzhed Slovenia |
|
|
|
Laket
e vint da gousket ha merket gant tud arbennik Ministrerezh an Endro
(ouzhpenn 70 arzh zo bet kousket ganto hep na vefe kudennoù
yec'hed evit al loen goude-se). Un dro-c'houzoug ispisial a vo lakaet
war an arzhed. E-pad tri bloaz e vo tu da adkavout al loen dre loarell
gant ar radio zo er c'holier. Kaset e vint dre garr-samm betek ar
Pireneoù. Kirri-samm a-ratozh int, gant kaouedoù
kranek : ne vo ket tu d'al loened bezañ gloazet.
Kuzh e chomo hent ar c'hirri-samm ha deiziad donedigezh an arzhed
sloven. Kalz a dud er Pireneoù zo a-enep raktres ar
gouarnamant da zegas arzhed d’ar vro, rak un
dañjer e c'hellfe bezañ an arzhed evit an
deñved a vez savet ganto. Tri arzh eus Slovenia a oa bet
degaset d’ar Pireneoù c'hoazh, etre |
|
|
|
|
|
Servijoù Ministrerezh Endro Slovenia o
deus kroget da glask war-lerc'h pemp arzh rous. Un emglev a oa bet etre
Slovenia ha Frañs e miz Gwengolo evit kas pemp loen
d’ar Pireneoù. Kalz a goadeier zo e Slovenia hag
ouzhpenn 500 arzh e vefe o vevañ enno. Loened gouez a vo
kaset betek ar Pireneoù. Peder farez hag ur par,
n’int bet gwech ebet e darempred gant an dud, a vo klasket
tapout.
|
|
|
|
|
|
Ar
bravañ lizher karantez |
|
|
|
La
plus belle lettre d'amour, Festival Poésie des bouts du
monde, Maison des associations, 29233 Kleder. |
|
|
|
|
|
Eil Gouel al Lenn hag al Lavar, "Poésies
des bouts du monde", a vo aozet e Kleder d'an
|
|
|
|
|
|
Tennis :
Rafael Nadal trec'h e Monte-Carlo |
|
|
|
Trec'het
e oa bet c'hoazh Federer gant Nadal e gourfenn tournamant Dubai. Ar
pevarzekvet titl dastumet gant ar Spagnol eo hini Monte-Carlo 2006. |
|
|
|
|
|
Ar Spagnol 19 vloaz
Rafael Nadal zo deuet da vezañ brudet evit e
varregezh war an tachennoù tennis douar. Trec'het en deus
evit an trede gwech ar Suis Roger Federer (24 bloaz), kentañ
c'hoarier tennis ar renkad bedel, 6-2, 6-7 (2/7), 6-3, 7-6 (7/5). Peder
eurvezh eo padet krogad diwezhañ kamponiad Monte-Carlo,
dindan an heol pounner. Nerzh Nadal zo bet gant e daolioù
eeun, hag e zoare da lakaat e enebour da faziañ (78 fazi
eeun graet gant Federer en holl). En eil set e oa deuet a-benn ar Suis
da adtapout e dale un tamm, gant tagadennoù dizehan. Met
kreñvoc'h en deus diskouezet Rafael Nadal bezañ
en taol-mañ adarre.
|
|
|
|
|
|
Ice
Age 2 : The Meltdown |
|
|
|
Stadoù-Unanet
- 2005 Seveniñ
: Carlos
Saldanha
Berzh
bras en doa graet Ice Age ha dreist-holl pa oa deuet er-maez war DVD.
Anat e oa e vefe un heuliad dezhañ neuze.
Perzhioù mat an eil film a gaver e emdroadur an
tudennoù (Sid a zo c’hoazh displijus met fentus
bremañ!) ha kaerder ar skeudennoù bevaat (an dour
pe ar blev a zo gwirion-tre.) Ur film plijus ha fentusoc’h
eget an hini kentañ eo Ice Age 2 neuze, gant
tammoù souezhus (ur strollad guped o kanañ
kanaouenn vrudet ur c’hoarigan amerikan) ha gant
istorioù Scrat ar gwiñver, pennkaoz
c’hoazh d’an darvoudoù droch. G.L. Evit
gouzout muioc’h : http://www.iceagemovie.com/ |
|
|
|
|
|
Sioulik eo buhez Manny ar mammout, Sid al lezireg
ha Diego an tigr dent sabrenn abaoe m’eo tommoc’h
an temz-amzer. Siwazh e krog ar wrez da bignat betek re hag
emañ ar skornegi o teuziñ hag o
c’holoiñ ar blaenenn veur el lec’h
m’emaint o chom. Ret eo dezho tec’hout. Met kavout
a reont Elli war ho hent, ur barez mammout, a gred dezhi
bezañ un oposom, pa soñje d’an holl e
oa Manny an hini diwezhañ eus e ouenn.
|
|
|
|
|
|
The
Knife – Silent Shout |
|
|
|
Embannet
gant Rabid/V2
Gant
Silent Shout eo un afer all. Ar sonioù a lak bepred da
soñjal er bloavezhioù 1980, met an ton a zo
disheñvel avat, n’emaomp ket amañ evit
c’hoazhin : evel Depeche Mode dindan Lexomil,
Kraftwerk e-barzh lestr-spluj ar c’habiten Nemo, gant mouezh
ar ganerez o lakaat da soñjal e strolladoù evel
Cocteau Twins. Ar sonerezh a zo yen, yen-tre zoken, met kas a ra ar
selaouer betek broioù nann anavezet, ha dav eo anzav e
splujer gant kalz plijadur e-barzh bed The Knife. R.M. Evit
gouzout muioc’h : http://www.theknife.net/ |
|
|
|
|
|
Dizoloet hon eus The Knife e
2004 gant Deep Cuts. Ur bladenn kentoc’h mat, gant ur son
elektroklash. Ha setu ar gudenn : d’ar mare-se hor
boa bet tro da glevout war-dro 12,697 pladenn elektroklash, da lavaret
eo e oa dale da vat gant The Knife, un daouad (paotr-plac’h)
eus Sveden.
|
|
|
|
|
|
Kig-yar
Challans gant favenn-vor |
|
|
|
Evit
6 den : 1 yar Challans (2 gilo),
2 benn-kignen, 2 zornad favenn-vor fresk, 20
cl bouilhoñs kig-yer, holen mor,
pebr, 15 cl eoul olivez
er-maez
ur pennadig a-raok keginañ.
Troc'hit ar pennoù-kignen e daou. Digorit divorzhed
ar yar, ha skarzhit an druzoni
a chom en he c'hof. Leunit an toull gant un
dornad favenn-vor hag ur penn-kignen.
Pebrit hag holenit. Grait
troc’hadennoù bihan er
c’hroc’hen a
zo etre an divorzhed hag ar gwennoù evit ma vefe poazhet an
traoù er memes mod
e pep lec’h. Lakait ar c’hig-yar en ur plad.
Ouzhpennit ar favenn-vor hag an
holen a chom. Bannit an eoul olivez hag ar blouilhoñs
kig-yer. Lakait da rostañ
er forn e-pad 2 eur, dourit bep 20 mn. Tennit anezhañ diouzh
ar forn, ha
laoskit e-pad 10 mn. Cheñchit plad, ha lakait ar chug
poazhañ en ur volenn a vo
miret tomm. Katell Leon |
|
|
|
|
|
