|
|
|
|
|
|
|
|
|
|
25 a viz Ebrel 2005,
niv. 53 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Ar
C'hembread Gwynfor Evans aet da Anaon |
|
|
|
Diriaou
e oa aet da Anaon ar C’hembread Gwynfor Evans, bet ganet e
1912. Bet eo bet prezidant Plaid Cymru, ar strollad emrenour kembreat,
e-pad ouzhpenn 30 vloaz. Kannad eo bet e Parlamant Westminster. Stourmet
en deus a-hed e vuhez evit ma vefe anavezet perzhioù dibar
Kembreiz, hag ofisielaet o yezh da skouer. Aet
e oa betek kinnig ober un harz-debriñ evit ma vefe asantet
krouidigezh ur chadenn skinwel kembraek, S4C, e 1980. Laouen-kenañ
e oa pa oa bet mouzhiet gant Kembreiz evit sevel o Farlamant, e 1999.
Dedennet e oa Gwynfor Evans gant al liammoù etre ar
broioù keltiek. Meur a wezh eo deuet da Vreizh da
skoulmañ darempredoù gant Breizhiz. Evit
gouzout hiroc'h : http://www.bbc.co.uk/wales/walesonair/database/gwynfor_en.shtml |
|
|
|
|
|
|
|
|
|
|
|
Kompost |
|
|
|
Tro
ur c’hard eus ho poubellennad a c’hell
bezañ adimplijet ha bezañ talvoudus
deoc’h e-lec’h bezañ devet e-barzh ur
pulluc’hva hep servijout da netra. Ha petra eo ar
c’hard poubellennad-se ? An danvez
organek : plusk, restachoù,
sac’hadigoù te, eskern, klor uioù... N’eus
ken ’met meskañ tout an traoù-se gant
lostachoù ho jardin, ma vez, ha lakaat tout e-barzh ur bailh
hep tal dezhañ (graet e vez “roteler” pe
“composteur” eus an dra-se). Goude un nebeud
mizioù e teuio ar pezh a oa ur bern lastez da
vezañ douar-teil eus ar c’hentañ. Evit
gwir, ar rotel darev a strujusao kement ho touar ma n’ho po
ket ezhomm da lakaat ludu ouzhpenn en ho jardin. Evit
dont a-benn da gaout kompost mat eo ret ober diouzh ar
reolennoù simpl-mañ : ar
c’hompost a rank bezañ gleb hag aer
ennañ ar
c’hompost a rank bezañ stok ouzh an douar ar
c’hompost a rank bezañ danvez a bep
seurt ennañ : restachoù boued,
plant... Gallout
a rit lakaat ur sailh e-kichen ho poubellenn en ho kegin a-benn dastum
an danvez organek evit ho kompost. Hag ouzhpenn-se e
produoc’h nebeutoc’h a lastez ! Evit
goût hiroc’h : http://www.terrevivante.org/ pulluc’hva :
incinérateur kompost :
danvez a vez treuzfurmet a-benn reiñ rotel douar-teil :
terreau danvez
organek : déchets organiques |
|
|
|
|
|
|
|
|
|
|
|
Gouel
Kala-Mae / Gouel Barr-Mae |
|
|
|
Kantreadeg
get barzhonegoù a-zivout an nevezamzer, aozet gant Bemdez.
D’ar 1añ a viz Mae, pand eo an amzer é
arru brav, e veze maeet an tier e Breizh aveit degas chañs
d’an dud ha pellaat tañvalded ar
gouiañv. Kement-se a vez graet en Iwerzhon hag e
Kernev-veur… Aveit akustumiñ ar re o deus-int
ankouaet ha sevel liammoù etre ar rummadoù
ec’h eus bet kinniget un tolp en arbenn da Gala-Mae (Beltan
aveit ar Gelted kozh). An
deiz kent, d'ar Sadorn 4e
goude-merenn : "Tavarn S. Hubert" e Baod. Kasit un
droc’hell geneoc’h ! Sorbiennoù
gant Daniel an Doujet. Diskouezadeg. 6e
goude-merenn : deomp asambl da vaeiñ Baod ! 7e
noz : pred aozet get Skol Diwan An Alre e sal ar
Pennhêr en Alre. Na gwelloc’h aveit achu brav,
bourraplted a vo c’hoazh. Mirit ho plas :
02 97 56 00 22. D’ar
Sul 1añ a viz Mae 10e. :
emgav e tavarn "Ar Loch Charlot" àr an hent etre
Bieuzhi-ar-C’hoed ha Kamorzh. 10e15 :
tro-vale ha barzhonegoù e tachad ar Roc’h Du.
Istoer ha sorbiennoù ag an tachad-mañ
a-ziàr an natur, an evned hag ar Polpeganed.
Avizoù àr ar feson da naetaat ar
gwazhioù get Rojer Gweganoù hag ar gevredigezh
Locaterre. 12e :
pred er maezioù, degasit ho poued. 2e
goude-merenn : baleadenn e Lanneier Lanvaoz.
Lennadennoù ha barzhonegoù. 4e
goude-merenn. : lomm aveit diwezh an dro-vale. Digoust
nameit ar pred aveit Diwan. Degasit barzhonegoù ha benveger
mar karit. Aozet
get Bemdez. Evit gouzout hiroc'h :
02 97 57 61 27. |
|
|
|
|
|
|
|
|
|
|
|
Marc’houarnerezh |
|
|
|
Disul
e oa bet dalc’het ar "goshañ redadeg klasel",
Liège-Bastogne-Liège. Danilo Di Luca, bet
gounezet gantañ dija an "Amstel Gold Race" hag ar
"Flèche Wallonne" er bloaz-mañ, a oa gwelet evel
an hini kreñvañ evit ar redadeg-mañ
c’hoazh. Met echuiñ a raio pell a-dreñv
Alexander Vinokourov a-benn ar fin, tost 3 munutenn goude ar
C’hazak, gounezet gantañ evel-se e redadeg
kentañ er bloaz-mañ. War ar podiom e kaver ivez
Jens Voigt, hag a oa achapet gant Vinokourov, ha Michael Boogerd.
Kement ha lavaret e krog un druilhad tud kreñv
d’en em ziskouez… Mell-droad 34vet
devezh R1 Naoned
(15vet) 2-2 Marsilha (3vet) Istres
(20vet) 0-2 Roazhon (5vet) 34vet
devezh R2 Dijon
(6vet) 2-2 Brest (4e) Gwengamp
(10vet) 2-0 Reims (15vet) An
Oriant (14vet) 3-2 Gueugnon (12vet) 35vet
devezh R1 Roazhon
(5vet) – Monaco (3e) Niça
(17vet) – Naoned (15vet) 35vet
devezh R2 Ar
Mañs (1añ) – Gwengamp (8vet) An
Havr-Nevez (15vet) – An Oriant (13vet) Brest
(4e) – Troyes (3e) |
|
|
|
|
|
|
|
|
|
|
|
Man
to Man |
|
|
|
Frañs,
Breizh-Veur & Alamagn - 2004 Seveniñ
: Régis Wargnier Krediñ
a ra da Jamie Dodd (Joseph Fiennes) eo hañval ouzh
Christophe Colomb : kavet en deus e Amerika dezhañ
en ur skrapañ daou bPigme, Toko (Lomama Boseki) ha Likola
(Cécile Bayiha). Soñjal a ra dezhañ e
ra ar boudoù-se al liamm etre ar marmouzed ha mab-den.
Asambles gant daou zenoniour skosat all emañ Jamie o vont da
brientiñ kinnig ofisiel o dizoloadenn. Dedennus-tre
eo abeg ar film ; ken bras all eo an dipit neuze. Displann-krenn eo
soñjezon hag emzalc’h an tudennoù
pennañ : ne zeuer ket a-benn da c’houzout
hag-eñ e kav dezho int en em gavet gant marmouzed, pe tud,
pe gouezidi. N’eo ket gwirheñvel red an istor nag
an tudennoù ; arvestoù lu a zeu er fin
war ar marc’had. Peadra a oa d’ober koulskoude...
Ur wir c’hwitadenn. Evit
gouzout muioc'h : http://www.arpselection.com/Main.html |
|
|
|
|
|
|
|
|
|
|
|
Art
Rock, La Route du Rock |
|
|
|
Gant
an hañv o tostaat eo kroget aozerien ar gouelioù
bras da embann o frogrammoù. Setu ar pezh a
c’hallomp menegiñ evit poent. Art
Rock a vo aozet e Sant Brieg etre an 2 hag ar Ar
15vet Route du Rock a vo aozet e Sant-Maloù etre an 12 hag
ar Muioc’h
a ditouroù : |
|
|
|
|
|
|
|
|
|
|
|
Tagliatelle
gant chifretez |
|
|
|
Danvez :
300 gr tagliatelle fresk, 300 gr chifretez poazhet
diskroc’henet, 2 ivin kignen, 3 loaiad vras a eoul olivez, 1
meudad pimant Espeletta, 4 loaiad parmigiano (parmezan) rasket, holen
ha pebr. Dibluskit
ar c’hignen ha troc’hit anezho munud. Lakait an
eoul olivez da dommañ en ur baelon. Bannit ar
c’hignen hag ar chifretez enni. Ouzhpennit an temz, holen ha
pebr ha meskit mat. Laoskit da boazhañ e-pad 3 munutenn.
Lakait an tagliatelle fresk da boazhañ e-pad ur vunutenn en
dour tomm-berv bet holenet. Pa vint prest, diskennit anezho en ur plad
bet tommet en a-raok. Goloit gant ar chifretez, poultrennit ar
parmigiano warno ha servijit diouzhtu-dak. |
|
|
|
|
|