|
|
|
|
|
|
|
|
|
|
Meurzh 6 a viz Ebrel, niv.280 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Thailand: manifestiñ
a ra bepred ar "rochedoù ruz" |
|
|
|
|
|
|
|
|
|
|
|
|
|
|
|
Embregerezhioù
hag Emglev ar Broadoù Unanet |
|
|
|
E miz Genver 2008 eo deuet an embregerezh desevel
chatal "Yaguarete Pora S.A." da vezañ ezel eus an emglev-se.
Koulskoude, hervez an aozadur Survival International, o doa kroget da zrastañ
koadeier forzh pegement un nebeud mizioù en a-raok. Perc'henn eo an
embregerezh war ouzhpenn 150000 devezh-arat a goadeier, e-lec'h ma vev an
Totobiegosodeed. E soñj emaint digoadañ an darn vrasañ eus ar c'hoad-mañ, ha
mirout e-tro 35000 devezh-arat a goadeier hepken. Evit Survival International, ne zouj ket an embregerezh
da ziv eus reolennoù an emglev, o tennañ da wirioù Mab-Den, ha d’an
doujañs ouzh al lec'hioù-bevañ. Gant kement-se o deus goulennet nevez zo ma
vefe skarzhet an embregerezh Yaguarete eus an emglev-mañ, pe neuze e vefe
kollet pep talvoudegezh gant seurt emglev. M.M. |
|
|
|
|
|
Hag anaout a rit Emglev ar Broadoù Unanet? Sinet e
vez gant embregerezhioù, pe kevredigezhioù, evit en em liammañ ouzh ar
Broadoù Unanet, o tiskleriañ emaint o vont da heuliañ dek reolenn a denn ouzh
gwirioù Mab-Den, ouzh an endro, gwir al labour, hag all.
|
|
|
|
|
|
Un "ti-gwer-nij" evit
lakaat an diorren padus war wel e Naoned |
|
|
|
Evit
gouzout hiroc'h : |
|
|
|
|
|
|
|
|
|
|
|
Kampionad
Europa gouren ha back-hold e Ploufragan |
|
|
|
Sed amañ renkamant ar skipailhoù (savet en ur
gemer e kont pemp gwellañ pep rummad): 1.Kanariez (86 poent) 2.Breizh (82 boent) 3.Leon (71 poent) 4.Aostria (67 poent) 5.Skos (46 poent) 6.Bro-Saoz (38 poent) 7.Kantabria (19 poent) 1.Kanariez (50 poent) 2.Leon (40 poent) 3.Breizh (29 foent) 4.Skos (3 foent). Dilennet eo bet en div rann
ar perzhiad gwellañ ivez. E-touez an Diwanidi eo bet enoret Emilio José Cano
(Leon) hag e-touez ar merc'hed eo labour Tamara Gomez (Leon) zo bet priziet. Evit gouzout hiroc'h : |
|
|
|
|
|
Disadorn ha disul e oa bet
aozet kampionad Europa ar gouren hag ar back-hold, e Ploufragan (e-kichen
Sant-Brieg). Div rann a oa: hini an diwanidi (paotred) hag hini ar merc'hed.
E-touez ar Vretoned en deus Gurvan Salaun (-68kg) graet berzh e back-hold
kement hag e gouren. Erwan Tassel (-62kg) en deus eñ bet e ditl kentañ
e-kerzh ar c'hampionad-mañ. Er bloaz-mañ eo aet ar maout gant tud Inizi
Kanariez en div rann.
|
|
|
|
|
|
L’arnacoeur |
|
||
|
|
Frañs
– 2009 Seveniñ
: Pascal Chaumeil
Steuñvenn skouer ur gomedienn romantel amerikan eus
ar bloavezhioù 50 eo (lec’hiet e Monaco war ar marc’had evit
kreñvaat an tu “bling-bling”). Ar c’houblad a zere
zo bet tutaet e gwirionez. Romain Duris zo da vat gant e dudenn ha dont a ra
brav a-walc’h gantañ pa zrevez tamm koroll Patrick Swayze e Dirty
Dancing. Fentus-tre eo ar film-mañ ha ne soursi ket ouzh bezañ gwirheñvel
hep na vefe ur gudenn. Evit
gouzout hiroc’h :
Emglev
etre Dizale ha Gwarez Filmoù
Evit gouzout hiroc'h : |
|
||
|
|
|
|
|
|
Silañ an disrann er c’houbladoù kamm eo 
E-tro 800 eurvezh programm e brezhoneg a oa bet roet
e miz Meurzh warlene gant TV Breizh d'ar gevredigezh Dizale. Evit niverelaat
ha mirout an testenioù klewelet-se e oa bet sinet, ur bloavezh war-lerc'h, e
Brest d'ar Meurzh 30 a viz Meurzh un emglev etre Gilbert Le Traon rener
Gwarez Filmoù, Samuel Julien hag Andrev Lavanant, rener ha prezidant Dizale.
Savet e miz Du 1998 e klask tamm-ha-tamm Dizale sevel ur gwir dakad produiñ e
brezhoneg. Gant ar pal pennañ diorren ar c’hleweled e brezhoneg. E penn
kentañ 2006 e oa bet advouezhiet ar c’hentañ film sinema e brezhoneg.
Sevenet e vez ivez produadennoù all: tresadennoù-bev, rummadoù skinwel ha
telefilmoù. A-drugarez da Warez Filmoù e vo tu da Zizale reiñ un eil buhez
d'ar programmoù e brezhoneg bet produet gant TV Breizh evel an abadennoù
magazin Tro war dro ha Mil Dremm (an abadenn diwezhañ skignet e
Mezheven 2009) pe c'hoazh eurvezhioù hag eurvezhioù a dresadennoù-bev
advouezhiet. Tud Dizale a gemero perzh ivez etre an 21 betek an 23 a viz
Ebrel d'an 31vet Gouel ar Mediaoù Keltiek e An Tiùr en Iwerzhon. Un digarez e
vo evito da welet ar programmoù sevenet e broioù all ha da grouiñ liammoù
gant tud a-vicher o labourat war dachennoù liesseurt e bed ar c'hleweled hag
e yezhoù a bep seurt.
|
|
|
|
|
|
Alex Chilton (1950-2010) |
|
|
|
E penn-kentañ ar bloavezhioù 1970
en doa kemeret perzh er strollad Big Star. Teir fladenn a voe savet
ganto: #1 Record, Radio City ha Third/Sister
Lovers. Gant an teir fladenn-se o doa
Chilton hag e vignoned degaset o lod d'al luskad power pop, da lavaret eo e
savent tonioù kanet en un doare pop, met sonet gant kalz startijenn. Ne oa
ket bet plijet pennoù-bras an tiez-embann gant Third/Sister Lovers,
ha daoust ma voe enrollet e 1974 e voe embannet e 1978 nemetken. Goude divodañ Big Star e
kendalc'has Chilton da seniñ e-unan, pe gant tud evel Richard Lloyd (ezel eus
ar strollad punk amerikan Television). Produer sonerezh e voe ivez, ha
gantañ e voe produet tonioù kentañ The Cramps hag o fladenn Songs
the Lord Told Us e 1980. Er bloavezhioù 1990 e oa bet
adembannet holl bladennoù Big Star, hag er bloavezhioù 2000 e oa bet
advodet ar strollad hag en doa sonet e meur a festival sonerezh e Breizh-Veur
hag er Stadoù-Unanet, ha bet o doa bet ar berzh n'o doa ket bet er
bloavezhioù 1970. Ul levezon vras eo bet ar strollad evit re all evel R.E.M,
The Replacements, The Posies pe c'hoazh Teenage Fanclub. R.M. Muioc'h a Alex Chilton : |
|
|
|
|
|
Sur a-walc'h n'eus ket kalz tud a anavez
Alex Chilton. Ur gitarour, ur sonaozer hag ur c'haner amerikan e oa.
|
|
|
|
|
|
Saladenn togoù-toñseged gant
parmezan |
|
|||
|
|
Gwalc’hiñ an togoù-toñseged gant dour ha
gwinegr (kuit d’an togoù-toñseged da zuañ). Sec’hañ anezho gant
paper pe un torchouer. Troc’hañ anezho fin ha lakaat en ur plad bras. Ober ar chaous en un tas ha meskañ gant ur fourchetez
an eoul, an dourenn sitroñs, ur briñsenn holen ha pebr malet. Lakaat ar
parmezan troc’het er plad, goloiñ gant ar chaous, meskañ goustadik ha
lakaat ul loaiad perisilh drailhet war c’horre. Riwanon Lennit Bremañ Ebrel 2010: 30 vloaz eo ar gelaouenn !
An teuliad zo gouestlet er miz-mañ da 30 vloaz ar
gelaouenn Bremañ. Gant izili yaouank Skol an Emsav e oa bet krouet e
1980, da vare darvoudoù Plougoñ. Dizehan eo bet embannet ar gelaouenn abaoe.
Cheñchet he stumm, an danvez a gaver e-barzh ivez, pe an dud a gemer perzh.
Soñjezonoù a c'hellot lenn kement hag un dibab pennadoù heverk eus ar
c'heleier a gaver ingal e Bremañ. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€
an tamm) E
gwerzh er stalioù-levrioù a ginnig danvez Breizh, pe dre goumanant. Koumanantiñ:
50€ evit ur bloaz – 60€ evit an estrenvro – 4€
bep miz dre lamadenn Evit
gouzout hiroc'h: www.breman.org |
|
|||
|
|
|
|
|
||
Ar potas hag ar fosfat a c'hello mont da hesk,
disoc'hoù vot an 21 a viz Meurzh er rannvroioù, dizagn Owen Poho liammet gant
arz Jacques Burel, stad an traoù evit skipailh FC Naoned, pladenn gentañ Iwan
B... Kaoz zo eus an holl draoù-se hag eus traoù all c'hoazh e-barzh niverenn Bremañ
miz Ebrel 2010.