|
|
|
|
|
|
|
|
|
|
Lun 12 a viz Ebrel, niv.281 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Prezidant
Polonia marvet gant 95 den all |
|
|
|
|
|
|
|
|
|
|
|
|
|
|
|
Kreizenn-dredan
dre c'hlaou e Suafrika |
|
|
|
M.M. |
|
|
|
|
|
Dre ma vez kudennoù produiñ tredan e Suafrika (e 2008
o doa ranket embregerezhioù zo chom a-sav gant o labour) ez eus bet kinniget
gant Alstom ur raktres sevel ur greizenn produiñ tredan diwar glaou, e Medupi.
Ur pezh mell raktres eo, a zlefe produiñ 4764MW, hag ezteurel e-maez 25
milion a donennoù CO2 bep bloaz (da lâret eo 5% eus eztaoladennoù Frañs!),
hep kontañ soufr ha merkur a vo kaset kuit. Ouzhpenn da se, e vije ret sevel
kilometradoù a orjalennoù tredan. Un amprest a 3,75 miliard a zollarioù a zo
bet roet gant ar Bank Bedel evit skoazellañ ar raktres. Kannaded Frañs o deus
mouezhiet a-du evit an amprest-mañ. Unan eus an abegoù a c'hell bezañ e vo
savet ar greizenn gant Alstom, ur c'hevredad gall a zo er vro abaoe kant
vloaz. Ouzhpenn d'ar c'hudennoù savet e-keñver an endro, e savo kudennoù
sokial: Eskom, an embregerezh a bourvez an tredan, en deus embannet e kresko
ar prizioù eus 35% gant savadur ar greizenn. Da lâret eo e teuio an tredan da
vezañ re ger evit ul lodenn vras eus ar boblañs, pa servijo dreist-holl d'an
embregerezhioù.
|
|
|
|
|
|
Mirdi ar Faoued: Dañsoù Breizh
taolennet |
|
|
|
"La danse en Bretagne vue par les peintres
(1850-1950)", betek an 23 a viz Mae. D'ar Sul: etre 14e ha 18e. Priz: 4,20€ ha
2,50€. Ret eo goulenn en a-raok evit ar gweladennoù
heñchet. Pgz: 02 97 23 15 27. Evit gouzout hiroc'h: www.museedufaouet.fr |
|
|
|
|
|
Abaoe ar 6 a viz Ebrel e
kinnig Mirdi ar Faoued un dastumad livadurioù gouestlet da zañsoù Breizh, bet
graet etre 1850 ha 1950. Ur studi etnografek eo, tost. Balioù, euredoù, pardonioù,
gwiskamantoù, fiñvoù... Pep liver a ro tro, gant e sell dezhañ hag e zorn-livañ
pe e zorn-tresañ, da ziskouez dañsoù ar vro en e zoare personel. Tu vo da
welet labour ar Belgiad Paul-Auguste Masui, ar C'hemperad Pierre de Belay,
hag ivez Théophile Deyrolle, Émile Simon, Arthur Midy, Pierre Cadre... An
oberenn goshañ diskouezet amañ zo bet sinet gant Olivier Perrin, ha graet e
1808, e-kostez Kemper, Gavotte des pauvres. Evit ar wech kentañ ivez e
vo diskouezet an dresadenn La noce à Quimper, gant Hyppolyte Lalaisse,
graet e 1844. 75 taolenn zo en diskouezadeg, en o zouez livadur nemetañ
Mathurin Méheut diwar-benn an dañs, La danse chez Postic. Prezegennoù
a vo kinniget ingal e-kerzh maread an diskouezadeg, evit displegañ en un
doare pishoc'h perzhioù zo eus al livadurioù hag an tresadennoù kinniget. Roll
an abadennoù a vo kavet e lec'hienn Mirdi ar Faoued.
|
|
|
|
|
|
Tro Bro
Leon ha Tro Bro Cyclo 2010 |
|
|
|
Evit gouzout hiroc'h: www.tro-bro-leon.com |
|
|
|
|
|
Disadorn ha disul e vo
aozet ar 27vet Tro Bro-Leon, ar redadeg war varc'h-houarn krouet e 1984. Ur
redadeg marc'hoù-houarn evit an dud na oant ket a-vicher e oa da gentañ.
Abaoe 1999 emañ ar redadeg e-barzh roll Unvaniezh Etrebroadel ar
Varc'houarnerien. Evit an dud a-vicher eo Tro Bro Leon ur redadeg a gont evit
Kib Frañs ar Marc'h-houarn. Tro-dro da vourk Lanniliz e vez aozet Tro
Bro-Leon bewech. Hentoù douar a ya da-heul hentoù meinek, ar
"ribinoù". Diwar-se eo bet lesanvet Tro Bro-Leon ar "Paris-Roubaix
bihan" pe "Ifern Breizh-Izel" gant ar varc'hhouarnerien. Disul
e vo redet 120 km Tro Bro-Leon 2010, hag a vo kinniget e brezhoneg war
|
|
|
|
|
|
How to Train Your Dragon (Dragons) |
|
||
|
|
Stadoù-Unanet
Amerika - 2010 Seveniñ
: Chris Sanders & Dean Deblois
Diwallit tudoù, a-benn nebeut e vo ret soñjal e vo
ken bamus filmoù Dreamworks ha reoù Pixar ma kendalc’h... Setu ar
skouer amañ gant How to Train Your Dragon. Ur film troioù-kaer
klasel-tre met labouret kenañ. Un teuzar evit an daoulagad: an danvezioù, an
endro, ar fiñvoù, donder soutil an 3D... Ouzhpenn-se: kanaouenn ebet, an
erevent na gaozeont ket hag ar merc’hed a zo ken barrek hag ar baotred!
Ur film dudi lusket mat, gant sonerezh lañsus, ur gwir aergelc’h
labouret (tiez, dilhad hag arrebeuri ar Vikinged da skouer). Gant ma vefe tu
da nijal evit gwir war gein un aerouant bremañ... G.L. Ma fell deoc'h lenn pennadoù all savet gant hor
c'henskriverez diwar-benn filmoù, c'hoarioù-video, levrioù ha me oar me, e
c'hellit mont da dañva Soubenn ar Geek. |
|
||
|
|
|
|
|
|
Harold a zo ur Viking yaouank. Treut ha dizampart, ne
vez ket laosket da gemer perzh pa vez taget ar gêriadenn gant erevent. Evit
ma cheñchfe sell e dad warnañ e ijin ur mekanik evit tapout erevent. Dont a
ra a-benn da dapout unan, pezh a zo, ne vo ket gouest d’e lazhañ ha
kregiñ a raio neuze un darempred don ha kuzh etrezo. Ha komprenet e vo gant
ar Vikinged all?
|
|
|
|
|
|
Malcolm McLaren (1946-2010) |
|
|
|
Ha setu bremañ Malcolm McLaren o
vont diouzhimp. Ken abred hag e 1971 en doa digoret ur stal-dilhad anvet Let
it Rock e Londrez, asambles gant e wreg Vivienne Westwood. E 1974 e teuas da vezañ manager ar
strollad rakpunk amerikan The New York Dolls. Ne badas ket ar
strollad, met ne oa ket grevus-tre, hag e 1976 e teuas McLaren da vezañ
manager The Strand, hag a zeufe da vezañ Sex Pistols.
Kemmañ a reas ivez anv e stal, hag a voe anvet Sex. Gant McLaren e voe aozet
sonadeg ar Sex Pistols war ar stêr Tavoez, tost ouzh parlamant ar Rouantelezh
Unanet. Harzet e voe an dud gant ar boliserien, ha brudet e voe an darvoud. Sach-blev a voe goude-se etre
McLaren hag ar strollad. Ober ar reas war-dro ar film The Great
Rock'n'Roll Swindle ivez. Er bloavezhioù 1980 e lakaas
embann div bladenn, enno sonerezh gwall zisheñvel diouzh ar sonerezh punk:
hip hop, funk pe c'hoazh sonerezh Afrika. Er bloavezhioù 1990 ha 2000 e reas
war-dro meur a film pe teulfilm diwar-benn ar sonerezh, hag e kemeras perzh e
meur a abadenn skinwel (Malcolm McLaren's Musical Map of London da
skouer). E 1999 e lakaas an dud da grediñ ez afe war ar renk evit bezañ maer
Londrez. A-hed e vuhez e voe sach-blev
diwar e benn: dreistdonezonet ha speredek-kenañ pe goapaer? "Free Leonard Peltier" eo ar gerioù diwezhañ a zistagas
a-raok mervel. R.M. Muioc'h a ditouroù : |
|
|
|
|
|
2010, bloavezh drastus evit a sell
ouzh ar sonerezh amplaet.
|
|
|
|
|
|
Brizhilli er forn |
|
|||
|
|
Gwalc’hiñ
ar brizhilli, troc’hañ anezho war o hed, tennañ an draen kreiz ha
troc’hañ ar pennoù. Lakaat ar
pesked a-blad en ur plad forn eoulet, kroc’henenn ar pesk eus tu ar
plad. Drailhañ
ar c’hignon, ar perisilh hag al lore ha lakaat ar meskaj war ar
brizhilli. Lakaat
an tomatez troc’het a dammoù war c’horre gant holen ha pebr hag
ur berradig eoul. Lakaat er
forn 200° e-pad 30 min. Riwanon Lennit Bremañ Ebrel 2010: 30 vloaz eo ar gelaouenn !
An teuliad zo gouestlet er miz-mañ da 30 vloaz ar
gelaouenn Bremañ. Gant izili yaouank Skol an Emsav e oa bet krouet e
1980, da vare darvoudoù Plougoñ. Dizehan eo bet embannet ar gelaouenn abaoe.
Cheñchet he stumm, an danvez a gaver e-barzh ivez, pe an dud a gemer perzh.
Soñjezonoù a c'hellot lenn kement hag un dibab pennadoù heverk eus ar
c'heleier a gaver ingal e Bremañ. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€
an tamm) E
gwerzh er stalioù-levrioù a ginnig danvez Breizh, pe dre goumanant. Koumanantiñ:
50€ evit ur bloaz – 60€ evit an estrenvro – 4€
bep miz dre lamadenn Evit
gouzout hiroc'h: www.breman.org |
|
|||
|
|
|
|
|
||
