|
|
|
|
|
|
|
|
|
|
Lun 2 a viz Meurzh, niv.228 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Dilennadegoù e Galiza hag Euskadi |
|
|
|
|
|
|
|
|
|
Dec'h e veze mouezhiet e kumuniezhioù emren Galiza
hag Euskadi, e Stad Spagn, evit dilenn pennoù ar gouarnamantoù lec'hel. Aet
ar maout gant an tu dehou e Galiza gant Strollad ar Bobl (PP). Aet ez eus 39
c‘hador gantañ, pa oa ar Strollad sokialour ha micherour spagnol e penn
Galiza abaoe 2005. 25 kador zo aet gant ar strollad-mañ, ha 12 gant Bloque
Nacionalista Galego, strollad emrenour galizat. Diouzh tu Kumuniezh emren
Euskadi, n'eo ket deuet a-benn ar Strollad sokialour ha micherour spagnol da
drec'hiñ ar Strollad Broadel Euskarat. Bepred emañ hemañ e penn ar jeu,
daoust dezhañ bezañ kollet kadoridi. 30 kador zo gantañ, met liammet gant ar
strolladoù EA (broadelour), IU-EB (ekologour-komunour) hag Aralar
(dizalc'hour) e ra un hollad a 37. N'eo ket a-walc'h evit tapout ar muiañniver
(38). Aet eo kalz war-raok ar Strollad Sokialour Euskarat, renet gant Patxi
Lopez (skeudenn). 18 kador a oa ganto e 2005 ha bremañ ez int 24 er Vodadeg
euskarat. Gant ar strollad a-zehou, Strollad ar Bobl, ez eus bet tapet 13
kador hag unan zo aet gant UdyP, strollad broadelour spagnol a-zehou.
|
|
|
|
|
|
An enklask bevennet gant an
embregerezhioù OGK |
|
|
|
M.M. Evit gouzout hiroc'h : |
|
|
|
|
|
Ul luskad klemm zo er
mare-mañ gant skiantourien ar Stadoù-Unanet. An abeg? Emzalc'h an
embregerezhioù bras a c’hounez plant OGK, a harz outo da gas o
enklaskoù da benn. Emaint o paouez sevel klemm dirak Aozadur Gwareziñ an
Endro (EPA), evit difenn un enklask dizalc'h ha don war ar plant OGK.
Gwarezet e vez an embregerezhioù-mañ gant ar Gwirioù Aozer (perc'henniezh war
produoù ar spered), ha dre-se e c'hellont divizout ar pezh a vez graet gant o
froduoù. Ar gwir o deus ar skiantourien da glask kement hag o deus c'hoant
gant greun boutin, met dav eo dezho goulenn un aotre evit gallout ober
kement-mañ gant ar re OGK. Ha neuze, pe ne vez ket roet an aotre dezho, pe
neuze e c'houlenn an embregerezh gwelet an disoc'hoù embannet a-raok divizout
reiñ e aotre pe get. Asambles gant an dra-se e vez dalc'het ar skiantourien
gant an embregerezhioù a ro kalzik arc'hant d'ar Skolioù-meur, ar pezh a
vihana frankiz ar skiantourien e-keñver an disoc'hoù da embann.
|
|
|
|
|
|
Diskouezadeg gant Kristen Nikolaz e Kemper |
|
|
|
Digor
d’an holl etre al Lun hag ar Gwener, etre 9e ha 12e, hag etre 2e ha 6e
g.k. Digor
d’ar Sadorn etre 10e ha kreisteiz. Evit
gouzout hiroc'h: |
|
|
|
|
|
E-pad
miz Meurzh e kinnigo Ti ar Vro Kemper un diskouezadeg gouestlet da oberenn
Kristen Nikolaz. N'eus bet diskouezadeg ebet pe dost eus e labour kizeller
evit ar poent. Brudetoc'h eo Kristen Nikolaz gant ar Vretoned gant e vouezh.
A bep seurt a vo en diskouezadeg. Kizellañ ar maen a ra, met ar c'hoad ivez;
livet pe get. Kavet e vo delwennoù greunvaen, panelloù koad livet, koad
kizellet. Arrebeuri a vo ivez: bankoù-tosel, taolioù, armelioù, bet kizellet
gantañ. "N’ou'n ket penaos, na perak, ha me oar-me. Met pezh a
oaran, a ran, ha mat eo mod-se!"
|
|
|
|
|
|
Mell-droad:
Lyon-Roazhon (1-1) |
|
|
|
|
|
|
|
|
|
Trec'het e oa bet ar C'hampion Lyon en taol
diwezhañ ma oa en em gavet e-tal da c'hoarierien Roazhon. Mennet e oa bepred
ar re mañ dec'h da lakaat diaes paotred Lyon, a-dra sur. E-kerzh lodenn
gentañ ar c'hrogad e oa start ober an diforc'h etre doare c'hoari Roazhoniz
war tachenn Lyon hag o c’hoari pa vezont er gêr, war tachenn Stad hent
an Oriant. Ar pezh zo ral a-walc'h! Hogen derc’hel penn mat-tre a rae Lyoniz.
Diouzh un tu d'egile, ne zeue skipailh ebet a-benn da seveniñ o digarezioù
merkañ. An eil lodenn zo bet kalz dedennusoc'h. A-benn ar fin e kroge ar
c'hoarierien a bep tu da argadiñ. Jimmy Briand (Lyon), Honorato Ederson,
Karim Benzema (Lyon). Siwazh evit skipailh Stad Roazhon, eo deuet a-benn
Miralem Pjanic da gas ar vell e-kreiz kaoued-pal Kim Källström. Dipitet goude
bezañ klasket meur a wech cheñch penn d'ar vazh, e c'helle Jimmy Briand bezañ
laouen en-dro e-kerzh an ehanoù-c'hoari. Adtapet en deus un tenn kreizet gant
Peter Hansson ha souezhet en deus Hugo Lloris gant un tennig en deus kaset ar
vell e kaoued Lyon evit brasañ plijadur Roazhoniz a oa deuet betek stad Gerland.
|
|
|
|
|
|
|
The Wrestler |
|
|
|
Sevenin : Darren Aronofsky Er bloavezhioù 80 e oa Randy "The Ram"
ur c’hatchour brudet. Bremañ ez eo un den o koshaat, o vevañ e-unan en
ur mobile home hag o labourat en ur gourmarc’had. N’eus nemet
e-kerzh an dibenn-sizhun e vez evurus pa gemer perzh e krogadoù katch e
kêriadennoù bihan. Goude un emgann start-tre eo diskaret gant un
taol-kalon. Ret eo dezhañ paouez gant ar sport. Klask a raio, start e vo. Pevare film ar sevener eo The Wrestler
(goude Pi, Requiem for a Dream ha The Fountain) ne vez
ket kavet ennañ techoù boas ar sevener. Un doare teulfilm eo hemañ
kentoc’h hag ar sonerezh a zo hini rock ar bloavezhioù 80. Ur sell
start ha fromus diwar-benn un den diskaret, dilezet, penaos treuzvevañ goude
bezañ bet un esparadenn. Hag ur sell dedennus war ar c’hatch, bed kriz
ha kalet, met troet war ar genskoazell er sal-wiskañ. Evel-just eo bamus gwelet Mickey Rourke en ur
perzh a lak da soñjal en e istor personel. Brav-tre eo ivez tudenn
Marisa Tomei. Un tammig dipitusoc’h eo istor ar verc’h, kollet
ganti pep fiziañs en he zad. Ur film brav ha kreñv. Ul lañs nevez evit Aronofsky. |
|
|
|
|
|
|
|
Stadoù-Unanet Amerika – 2008
|
|
|
|
|
|
Panoramas 12 – Montroulez
– 2-5 a viz Ebrel |
|
|
|
War gresk ez aio an
aergelc'h sur a-walc'h d'ar Sadorn 4, ha chañsoù zo e krenfe leur Park
Langolvaz pa sono Birdy Nam Nam (selaouit Trans Boulogne
Express, single kentañ o fladenn a zeuio er-maez a-benn nebeut, ur drugar
eo) ha Miss Kittin and the Hacker. Hag evit ar re a gav
gwelloc'h ar sonerezh hip-hop e vo peadra ivez, gant Guru's Jazzmatazz
ha Puppetmastaz. Bragoù baggy ha kasketenn ret! Ha ma n'oc'h ket riñset e
vo tu deoc'h mont da hejañ ho korf d'ar Sul e Klub Koatelan : dont a raio Sexy
Sushi, Belleruche (sonerezh elektro-soul eus ar
Rouantelezh-Unanet) ha Karkwa (rock indie) da glozañ ar gouel. Strolladoù all a vo, un
tañva eus pep hini anezho a gaver war lec'hienn Panoramas. Pass 4 devezh: 45 euro, pass
2 zevezh (Gwener ha Sadorn): 30 euro R.M. Muioc'h a Banoramas : |
|
|
|
|
|
Evit 12vet gouel
Panoramas o deus divizet aozerien ar gouel pediñ arzourien a zo e-touez ar re
wellañ pa reer anv eus sonerezh elektronek. Ma krogo an traoù war ton ar fent
eil (pe trede zoken) derez d'ar Yaou 2 gant abadenn Didier Super,
e vo klevet luskoù elektronek azalek an deiz war-lerc'h, gant Tepr
(paotr ar vro, hag a ra sonerezh elektronek a lakafe tud varv da zañsal), Missill
ha DJ Zebra.
|
|
|
|
|
|
Skrivadeg 2009! |
|
|
|
Evel boaz e vo kinniget
meur a live d'an dud gant daou skrid. Unan evit ar vugale, savet gant ar
skrivagnerez Mich Beyer (CE, CM, skolaj, ha live 1 an dud deuet). Unan all
evit an dud deuet savet gant Herve Bihan, kelenner skol-veur (live 2,
live 3, Lise/live 4 ha barrek). War hiraat ha war ziaesaat ez a an destenn
hervez al live. Ar re wellañ an em gavo evit ar Gourfenn d'ar Sadorn 16 a viz
Mae e Roazhon, e sal emvod ar C'huzul-rannvro e kreiz-kêr. Trizek vloaz zo e oa bet
krouet ar Skrivadenn gant izili Emglev Bro an Oriant. Tamm-ha-tamm e oa
kroget kevredigezhioù all, e kêrioù all, da aozañ skrivadegoù ivez. Brest,
Kemper, Naoned, Roazhon, Bro-Dreger... Evit kaout ar roll : Skeudenn Bro Roazhon
(kenurzhierezh Skrivadeg 2009). Pgz:
02 99 30 06 87 skeudenn@wanadoo.fr Emgav
gant Radio Bro-Gwened
Un emgav zo bet roet neuze
d'ar Yaou 5 a viz Meurzh, da 6e noz, e savadur Skol-Uhel ar Vro. Eskemm gant Radio Bro Gwened, Yaou 5 a viz Meurzh,
6e noz Skol-Uhel ar Vro, 6 straed an nor Bostern, Gwened. Evit gouzout hiroc'h: 02 97 25 14 00 Lennit Bremañ miz Meurzh
An teuliad peder fajennad
zo gouestlet d'ar produiñ tredan. Embannet en deus Nicolas Sarkozy e vefe
savet un eil, hag un trede marteze zoken, kreizenn EPR e Frañs. Petra soñjal
eus an hent kemeret gant ar Stad c'hall a ro ar plas pennañ d'an nukleel evit
produiñ gremm? Gouzout hiroc’h diwar-benn an nukleel hag an tredan krouet diwar
teknologiezhioù a denn splet eus nerzh ar mor a vo tu d‘ober o lenn
teuliad ar miz. Embannet gant Skol an Emsav (4,5 euro an tamm) E gwerzh er stalioù-levrioù a ginnig danvez
Breizh, pe dre goumanant. Evit gouzout hiroc'h: www.breman.org |
|
|
|
|
|
Distro eo ar Skrivadeg!
D'ar 7 a viz Meurzh e vo aozet lodenn gentañ ar Skrivadeg e seizh kêr eus
Breizh. Bep bloaz e weler neuze bugale yaouank-tre o poaniañ e-kichen tud un
tamm mat koshoc'h. Met plijadur zo da gentañ tout oc’h ober gant ar
yezh a-gevret... gant ar spi da c'hounit ur priz bennak ivez marteze!
A-benn nebeud e lido Radio
Bro-Gwened kentañ deiz-ha-bloaz skigner Trevlean (94.8 Mhz). Gant ar wern
ouzhpenn-se en deus gellet ar radio lec'hel ledanaat e dachenn skignañ. Fellout
a ra da bennoù Radio Bro-Gwened mont e darempred war-eeun gant kevredigezhioù
ha selaouerien Bro-Gwened a-benn tennañ ar muiañ a splet ar gwellañ diwar ur
benveg evel ar skingomz. Reiñ an tu da ober muioc'h c'hoazh eus Radio Bro-Gwened
un ostilh evit tud ar vro a seblant bezañ ar pal. Prezidant ar radio, Michel
Fillon, a ginnig zoken en e bedadenn sevel ur framm a rofe tro da
gevredigezhioù hag obererien ar vro bezañ oberiant ivez e radio o bro.
Reuz sokial ha politikel an
Antilhez gall, Bonreizh nevez Bolivia, Dilennadegoù ar gannaded en Israel,
Sina ha Gwirioù Mab-den, Galv Pariz evit "Breizh en he fezh", ar
Skrivadeg... Kaoz zo eus an holl draoù-se ha traoù all c'hoazh e-barzh
niverenn Bremañ Meurzh 2009.