|
|
|
|
|
|
|
|
|
|
Lun 23 a viz C'hwevrer, niv.227 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Prosez tarzhadenn labouradeg AZF Toloza |
|
|
|
|
|
|
|
|
|
Hiziv e vo boulc'het, e Toloza, prosez gwallzarvoud
bras uzin temzoù kimiek AZF. Un darzhadenn vras a c'hoarvezas enni d'an 21 a
viz Gwengolo 2001, hag a lazhas 30 den. 30 000 savadur a oa bet
distrujet pe damzistrujet hag ouzhpenn 20 000 den zo bet digollet. Raktreset
eo ar prosez da badout pevar mizvezh. 3,5 milion a euroioù a vefe koust ar
prosez, gant 229 c‘hevrenn geodedel, en o zouez 210 den, 19
kevredigezh, sindikad ha strollad politikel, 70 test hag arbennigour, 51
breutaer. Diouzh tu an damallidi, un den hepken, Serge Biechlin, rener
labouradeg AZF, hag un aozadur hepken, Grande Paroisse, skourr da dTotal, a
oa perc'henn war an uzin. Tamallet int evit "denlazh ha dengloaz
diratozh, distruj ha dispenn diratozh diwar efed un darzhadenn pe un tangwall
ha torradur da lezenn al labour". Tro en doa bet Serge Biechlin da
labourat e Breizh e-pad meur a vloaz, e Mouster-al-Loc'h hag e Naoned. Goude
tarzhadenn Toloza e oa bet kaozioù ha martezeadennoù a bep seurt diwar-benn abeg
ar gwallzarvoud, en o zouez hini ur gwalldaol, da heul an 11 a viz Gwengolo
er Stadoù-Unanet. Evit tud Toloza e vo da gentañ ar prosez un doare da
gompren perak eo c'hoarvezet.
|
|
|
|
|
|
Keleier diwar-benn an OGK |
|
|
|
M.M. |
|
|
|
|
|
Kalzik aferioù nevez a zo bet tro-dro d'ar plant O
Genoù Kemmet ar sizhun dremenet:
|
|
|
|
|
|
Kontadennoù Bro an Oriant |
|
|
|
Sadorn 28 a viz C'hwevrer,
etre 2e30 ha 6e goude-kreisteiz, e Kreizenn Amzer Nevez (Plañvour). Digor
d'an holl. Evit gouzout hiroc'h : 02 97 21 37 05 emglev.bro.an.oriant@cegetel.net |
|
|
|
|
|
E-ser festival Deizioù
|
|
|
|
|
|
Kampionad
ar bed ar biathlon e Korea ar Su |
|
|
|
|
|
|
|
|
|
Dec'h e oa bet echuet Kampionad ar bed 2009 ar biathlon
e Pyeongchang, e Korea ar Su. Graet e vez eus ar biathlon ar sport a vesk
skiañ ha tennañ gant ar fuzuilh. Dec'h e oa bet skiet ha tennet evit
"mass-start" ar merc'hed (12,5 km ha pevar frantad tenn) hag ar
redadeg a-eiladoù ar baotred (4 x 7,5 km).
|
|
|
|
|
|
|
Bolt (Volt, star malgré lui) |
|
|
|
Stadoù-Unanet
– 2008 Seveniñ
: Chris Williams, Byron Howard Film-bevaat
skignet en ur stumm teirmentek e lec’hioù zo (Gaumont Roazhon, Pathé
Naoned ha lec’hioù all moarvat, gwiriit en a-raok)
Leun a droioù-kaer hag a dudennoù farsus eo an abadenn-mañ (dreist eo ar pemoc’h-Indez Rhino hag ar pichoned). N’eus netra gwall zic’hortoz e red ar senario met ne c’houlenner gant ur film-bevaat evit an holl nemet bezañ dudius ha lusket mat. Entanus e teu Volt da vezañ evit ar re o deus ar chañs da welet anezhañ en e stumm teirmentek rak e-se e vever santadoù sinema nevez hag a ra d’ar re goshañ estlammañ zoken. Ur film teirmentek all, buan! Meriadeg Vallerie Kement ha gouzout hiroc’h : |
|
|
|
|
|
|
|
Ur c’hi dezhañ galloudoù dreist-natur eo
Volt. Kemmet eo bet da ziwall e vestrez vihan ouzh torfedoù den e lagad kazh.
Evel-se emañ kont en heuliad skinwel d’an nebeutañ. An dalc’h eo
ne oar ket ar c’hi n’eo kement-se nemet faltazi tout hag efedoù
arbennik. Ar pezh a zo kudennek an deiz m’en em gav Volt kollet e-unan
e penn all ar vro dre wallzarvoud.
|
|
|
|
|
|
La Route du Rock – Collection
hiver 2009 |
|
|
|
Sioul eo bet penn-kentañ an
nozvezh gant sonadeg Jeremy Jay. Dereat an tonioù, dav anzav memes tra e
seblante un tammig kollet an tabouliner. Disheñvel da vat an traoù
gant Chairlift, ur strollad eus New York ennañ tri den, en o zouez ur ganerez
gant ur vouezh heñvel ouzh hini Feist. A-fet sonerezh e lavarfemp a-walc'h
sonerezh psikeldeke nevez evel... MGMT just a-walc'h. Un tammig berr an
abadenn. Fin an nozvezh a zo bet
rock'n'roll da vat: John ha Jehn (skeudenn), gwisket e du penn-da-benn, o
deus kinniget sonerezh rock garage levezonet gant sonerezh Suicide pe hini
The Velvet Underground. Muioc'h-mui a drouz
goude-se gant Archie Bronson Outfit, tri soner eus ar Rouantelezh-Unanet hag
o deus kinniget deomp ur seurt sonerezh diaes da rummata: ur seurt shoegaze
(a-wechoù) post-punk nerzhus-tre levezonet gant ar sonerezh lo-fi amerikan,
lakaomp. Echuet an traoù gant Titus Andronicus, ur strollad ennañ tri soner
gitar, ur c'haner dichadennet, ha tonioù fonnus, doare punk speredek. R.M. Adalek disul e c'hallit
kaout un tañva eus ar sonadegoù war lec'hienn TV Roazhon 35, en abadenn Urban
Breizh : |
|
|
|
|
|
Stank an dud e sal an
Omnibus e Sant-Maloù digwener tremenet. Pemp strollad a oa kinniget deomp,
koulz lavarout strolladoù nebeut anavezet pe dianavezet zoken. Talvoudus e oa
mont koulskoude: er bloaz tremenet o doa an aozerien pedet MGMT... un nebeud
mizioù a-raok ma vefent anavezet er bed a-bezh.
|
|
|
|
|
|
Abadennoù nevez war Radio Kerne |
|
|
|
Abadennoù nevez a vo ivez
d'ar Sadorn, gant animatourien a-youl vat. Ur wech ar miz e vo klevet Tony
Foricheur, eus ar gengevredigezh C'hoariva ’barzh "Komz kreñv ha
distagañ mat". Bep div sizhun e vo kinniget "Trouz ar
plañchod", gouestlet d'ar sonerezh hengounel, gant ar muzisian yaouank
Maelan Joubin. Hag an trede abadenn a vo graet "Enezenn ar
garantez" anezhi: ret e vo d'an hini pedet, ur paotr bewech, mont betek
penn an abadenn e-tal da peder animatourez diroll! War ar stern ez eus ivez
abadennoù gant holl Emglevioù Bro Kerne. H.L. Evit gouzout hiroc'h ha selaou ar radio war-eeun :
http://radiokerne.antourtan.org/ Kavout a reoc'h ur pennad klokoc'h e niverenn Bremañ
miz Ebrel. Lennit Bremañ
miz C'hwevrer
An teuliad peder fajennad zo gouestlet da vrezel
Gaza. D'ar 27 a viz Kerzu 2008 eo tarzhet muioc'h c'hoazh ar feulster e
strizhenn Gaza gant argad arme Israel. En teuliad e vez kinniget ur pennad
diwar-benn stad an dachenn douar, arouezius eus an dizemglev padus etre
Israeliz ha Palestiniz. Eil lodenn an teuliad a ro ar gaoz d'ur c'helaouenner
bet war an dachenn e fin miz Genver, evit testeniañ eus ar pezh en deus
gwelet e Gaza. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Abadennoù nevez a vez
kinniget gant Radio Kerne er bloaz-mañ. Ha pinvidikaet-mat eo bet abadenn ar
mintin, gant tud pedet bemdez da gomz war-eeun diwar-benn keleier an devezh:
Gael Morin ha Laetitia Fitamant a ro ar gaoz da dud ar vro diwar-benn ar
sport, ar politikerezh, danvezioù etrebroadel gant Bretoned eus ar bed, ha
sokial, a-drugarez da sindikalourien da skouer. Ha bep mintin e c'hello ar selaourien
klevet unan eus ar c’helaouadennoù bet kinniget e keleier an noz ha
produet gant ar gevredigezh Brudañ ha Skignañ. 