|
|
|
|
|
|
|
|
|
|
Lun 18 a viz
C'hwevrer, niv.179 Pellgargit ar pennadoù e
stumm Word Evit resev ur gemennadenn bep Lun evit ar Bremaik nevez, kasit ho chomlec'h da: bremaik@free.fr |
|
|
|
|
|
|
|
|
|
|
|
|
|
|
Kosova dizalc'h |
|
|
|
|
|
|
|
|
|
Dec'h e oa bet disklêriet o
dizalc‘hiezh gant ar Gosovared. Gant Parlamant Kosova, a oa dindan beli
Stad Serbia a-raok, ez eus bet divizet mont war-du krouiñ ur Stad dizalc'h.
Miliadoù a dud a oa bodet dec'h e Prishtina, kêr-benn Kosova, evit lidañ ar
Stad nevez. Albaniz eo a ra al lodenn vrasañ eus ar Gosovared. Albaniz
Albania, Makedonia ha Serbia a oa deuet da oueliañ gant ar Gosovared nevez-dizalc‘h.
N'eo ket deuet mat an diviz-mañ gant un toullad Stadoù, hag hini Serbia da
gentañ. Manifestadegoù feuls a zo bet dec'h e Beograd. Prezidant Serbia,
Boris Tadic, en deus embannet e klaskfe, dre ar peoc'h, nullañ diviz
Parlamant Kosova. Goulennet eo bet gant Rusia ne vefe ket anavezet dizalc‘hiezh
Kosova gant Aozadur ar Broadoù Unanet. Hiziv en em vod 27 ministr an aferioù estren
Europa e Brusel. Klasket e vo ganto kinnig ur mennad asantet gant an holl
diwar-benn Kosova. Lod eus ar Stadoù zo kentoc'h a-du da zegemer dizalc‘hiezh
Kosova: Alamagn, Breizh-Veur, Frañs hag Italia. Met Stadoù zo ne fell ket
dezho mont war an tu-se: Kiprenez, Spagn, Gres, Roumania, Slovakia ha
Bulgaria. Aon o deus ar Stadoù-se e vroudfe intrudu Parlamant Kosova pobloù
all da zisklêriañ o dizalc'hiezh. Ouzhpenn Stadoù Europa, e vo anavezet Stad
Kosova gant Stadoù-Unanet Amerika sur a-walc'h.
|
|
|
|
|
|
Savet e vo aerborzh
Kernitron-al-Lann, daoust d'ar rebechoù a vez graet outañ |
|
|
|
M.M. Evit gouzout hiroc'h : |
|
|
|
|
|
Adalek 2015 e paouezo
aerborzh Naoned, "Nantes Atlantique" (skeudenn), da vezañ implijet. Unan all a
vo savet e Kernitron-al-Lann (Notre-Dame-des-Landes). Sañset e c'hello
degemer div wech muioc'h a dud eget an hini a zo bremañ (evit ar poent e
c'hell aerborzh Naoned degemer 3 milion a dud, ha 2,6 milion a zo bet
degemeret er bloavezh 2007). Emañ ar C'huzul Stad o paouez embann e kave
dezhañ e oa talvoudus ar raktres. Maer Naoned (PS), hag ar c'hentañ ministr,
o deus labouret evit ma vefe kaset da benn. Talvezout a ra e vo difrouezh
taolioù-esa ar c'hevredigezhioù a sav a-enep d'ar raktres.
|
|
|
|
|
|
Kizelladennoù-mein
displeget e brezhoneg |
|
|
|
Ganet e 1934 kostez Lyon,
hemañ en deus kroget gant e vuhez arzour e fin ar bloavezhioù 50 gant al livañ
diheverz a-raok e zilezel e 1962 pa
stagas da implij objedoù ar vuhez pemdez evit krouiñ e oberennoù. Bepred eo
bet o prederiañ war plas an oberenn en he endro hag alies eo bet araokour an
emsavioù arzel evel al land-art, da skouer. Abaoe ugent vloaz en deus
krouet un 200 kizelladenn bennak diwar mein, kailhennoù ha biliennoù,
dastumet e-pad e bourmenadennoù, dre zegouezh pa ijin en ur maen spurmantet
ur c'horf, ur blantenn, pe ul loen. Goude-se e vezont lakaet a-gevret ha
livet e du evit an unvanelezh. Ar re-mañ o doa ur perzh dija e 1963 en ur
c'hoari ijinet gant Michel Sanejouand (c'hoari an Topo) met e fin ar
bloavezhioù 80 eo e teuont da vezañ an danvez nemetañ evit sevel oberennoù
bihan. En diskouezadeg-mañ e
kinnig prederiañ war ar c'hizellerezh dre an danvezioù hag an teknikoù
implijet, pe an doare da ginnig anezho met da gentañ tout, war an darempred etre ar c'hizelladennoù hag al
lec'h. E peder sal an diskouezva e vo kavet neuze meur a zoare da zizoleiñ anezho
: gwelet eus an uhel, staliet da live daoulagad unan bennak azezet, pe
luc'hskeudennoù bras eus e oberennoù divent a ranker kilañ evit sellet outo. Hoel Louarn Evit gouzout hiroc' : www.lequartier.net |
|
|
|
|
|
Ur weladenn e brezhoneg a
vo kinniget er C'harter, e Kemper, d'ar 15 a viz Meurzh da 4e evit an
diskouezadeg nevez gant ar c'hizeller Michel Sanejouand a bado betek an 23.
|
|
|
|
|
|
Atleterezh: Elodie Gwegan kampionadez
Frañs |
|
|
|
|
|
|
|
|
|
Ur vedalenn aour zo aet gant Elodie Gwegan dec'h,
evit gourfenn an 800 metrad, e Bourdel, e Kampionadoù Frañs Atlerezh en-diabarzh.
Aketus eo bet an atleterez: diwallet he deus mat betek an termen diwezhañ
chom hep koufoniñ he nerzh re vuan. War metradoù diwezhañ pevare tro an
dachenn he deus diskouezadeg e oa hi o vont da wiskañ ar vedalenn aour, dirak
Laëtita Valdonado, a oa ivez war ar renk evit pignat war pazenn uhelañ ar
podiom. Etre ar 7 hag an 9 a viz Meurzh e vo aozet Kampionadoù ar Bed
Atleterezh en-diabarzh, e Spagn. Ne vo ket gwelet rederez bro an Alre e
Valencia a-benn miz koulskoude. N'eo ket he fal. C'hoarioù Olumpek Beijing ne
lavaran ket! Kemeret he deus perzh e Kampionad Frañs Atleterezh en-diabarzh
a-benn kenderc'hel da redek. Mont a raio da Suafrika zoken da heuliañ ur staj
evit prientiñ a-ratozh kenstrivadegoù ar C'hoarioù Olumpek. Evit kaout ar
gwir da vont da Sina e ranko Elodie Gwegan dont a-benn da redek 800 m e 1'59'40 !
|
|
|
|
|
|
|
Juno |
|
|
|
Stadoù-Unanet Amerika - 2007 Seveniñ : Jason Reitman
Alies eo bet keñveriet film nevez Jason Reitman
(sevener Thank You For Smoking) gant Little Miss Sunshine.
Filmoù “indie” int, met disheñvel mat. Fent a zo, sur,
tudennoù dic’hortoz er sinema amerikan, hag un happy-ending. Seblantout
a ra startoc’h koulskoude, ha skañvoc’h war memes tro. Ellen Page
a c’hoari dispar ar plac’h yaouank-se. Plijus eo ar film, met
n’eo ket ur bennoberenn. Un draig hegasus un tamm a zo da skouer ar
sonerezh : n’eus nemet kanaouennoù ha na glotont ket ordin gant ar
skeudennoù... Anvet eo bet meur a-wech evit prizioù an Oscar (the
Academy Awards), gwelet vo an disoc’hoù e fin ar miz. G.L. |
|
|
|
|
|
|
|
Juno McGuff a zo un Amerikanez 16 vloaz.
N’emañ ket e-touez ar “freaks” met divoutin eo memes tra.
Ur gudenn a zo ganti abaoe ur pennad: dougerez eo. Goude bezañ klasket diforc’hañ
e tiviz reiñ he foupig da zont d’ur c’houblad divugel. Kavout a
ra ur c’houblad dispar dre ur gelaouenn. Sikouret e vez gant he zud,
met start eo an traoù eviti...
|
|
|
|
|
|
ILiKETRAiNS – Elegies to
Lessons Learnt |
|
|
|
Elegies to Lessons Learnt eo titl
o fladenn, evit a sell ouzh titloù ar c’hanaouennoù emeur kelaouet
a-fed aergelc’h: Death is the End, We All Fall Down pe
c’hoazh The Deception. Amañ ez eus kaoz eus sorserezed Salem
(met hep bitrakoù bling-bling ar sonerezh metal, hañ, echu eo meurlarjez),
aze e reer anv eus an tan-gwall meur bet c’hoarvezet e Londrez e 1666 (Twenty-Five
Sins) ahont eus ur ministr saoz bet lazhet hag all, rak diazezet eo al lodenn
vrasañ eus komzoù ar c’hanaouennoù war darvoudoù istor. Ok, hag ar
sonerezh neuze? Kentoc’h gorrek, ur seurt meskaj etre Joy Division el
latar hag ur Scott Walker prest d’en em lazhañ: violoñs, piano,
trompilh, amañ emaint holl. Echuiñ a ra brav an traoù gant un ton a bad 9
munutenn. Anat eo n’eo ket ur
bladenn aes da selaou ha ne blijo ket d’an holl. Ar re a zo aet skuizh
gant ar pezh a vez kinniget gant ar chadennoù skinwel / skingomz mainstream a
gavo amañ peadra da gaout plijadur betek fin ar goañv. R.M. Embannet gant Beggars
Banquet Digor eo eil taol-lañs ar sonerezh e
brezhoneg
Evit kemer perzh eo ret
deoc'h lakaat hoc’h anv a-benn ar 1añ a viz Ebrel en ur gas ur
skouerenn eus an testennoù kinniget hag ur fichenn deknikel. Diwallit mat: ne
vo degemeret nemet an 10 kentañ o lakaat o anv! H.L. Dazont ar yezh, Taol-lañs, Ti ar vro, 6 plasenn
Gwirioù mab-den, 29 270 Karaez. Pgz: 02 98 99 18 93 Evit gouzout hiroc'h : |
|
|
|
|
|
Bet oc’h e Leeds c’hoazh? Me ivez,
gwech ebet. War a seblant ne c’hoarzh ket an holl eno bemdez,
dreist-holl e-pad ar goañv, pa zeu a noz war-dro 4 eur goude kreisteiz. Ha
setu just a-walc’h e teu ILiKETRAiNS (ur strollad 5 paotr ennañ) eus
Leeds, e Yorkshire, met netra da welout gant ar chas.
Evit an eil gwech e vo
kinniget deoc'h, kanerien ha sonerien, gant ar c'hevredigezhioù Dazont ar
Yezh
|
|
|
|
|
|
Cake giz gwezhall |
|
|
|
Raktommit ar forn (th 6
– 180°). E-barzh ur girin, merit an amann gant ar sukr gant sikour ul
loa goad. Ouzhpennit an tammoù plusk suraval. Lakait ar vioù unan hag unan. Meskit
mat bewech. Tamouezit asambles an holen, ar bleud hag ar goell a-us. Meskit
mat. Diskargit an aozad e-barzh ur girin. Lakait er forn 50 mn. Mari Lubrano
A-benn ar Sadorn 5 a viz Ebrel e
vo aozet ur staj brezhoneg gant Mervent e Douarnenez. Brezhoneg ar mor eo tem
ar staj. Er porzh-mirdi e vo. Digor eo d'an holl re o deus c'hoant deskiñ pe
peurlipat o anaoudegezh eus ar yezh, ha dreist-holl eus bed ar mor e
brezhoneg. Staj brezhoneg etre 10 ha 5 eur gk. Etre 28 ha 30 euro. Evit enskrivañ: Mervent, pgz:
02 98 87 72 41. Postel: mervent2@wanadoo.fr Lennit Bremañ miz C'hwevrer 2008 !
Freuz ha reuz e Pakistan, Navarra
hag Iparralde, gwallzarvoud ar chaluter Montcalm tost dek vloaz zo, prosez
peñse an Erika, kuitaet renerezh abadennoù brezhonek France 3 gant Fañch
Broudig... Kaoz zo diwar-benn se ha leun a draoù all c'hoazh e-barzh niverenn
Bremañ miz C'hwevrer 2008. Un teuliad peder fajennad zo bet
gouestlet en niverenn-mañ da adframmañ kartenn al lezioù-barn. Pennadoù-kaoz
a vo tu da lenn gant pennbreutaer Lez-engalv Roazhon, ur vreutaerez staliet e
Bro-Dreger, hag ur barner eus Naoned. Soñj ar vreutaerien dre-vras war
kinnigoù Rachida Dati zo bet sammet ivez ha kinniget e berr gomzoù. Bep miz e kinnig ar gelaouenn Bremañ,
abaoe 1980, pennadoù brezhonek a bep seurt, diwar-benn Breizh hag ar bed,
kinniget brav, e doare ur magazin. Embannet gant Skol an Emsav
(4,5 euro an tamm) E gwerzh er stalioù levrioù
a ginnig danvez Breizh, pe dre goumanant. Evit gouzout hiroc'h: www.breman.org |
|
|
|
|
|
4 vi – 250 g amann ( + 15 g evit ar plad)
– 250 g bleud – 250 g sukr -
