|
|
|
|
|
|
|
|
|
|
Lun 9 a viz C'hwevrer, niv.225 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Amzer fall fenoz |
|
|
|
Evit gouzout hiroc'h: |
|
|
|
|
|
En noz-mañ e c'hwezho kreñv
an avel war ar vro hervez Météo France. Ur galv zo bet graet gant an aozadur
publik evit ur "c‘hemenn orañjez" war 35 departamant eus
kornôg Frañs, en o zouez pemp departamant Breizh. Dec'h e oa ar barradoù da
live an Azorez. Adalek 6e fenoz e vo santet. War a seblant e vo an avel en he
rustañ war aodoù ar Meurvor Atlantel: Penn-ar-Bed, ar Mor-Bihan hag al
Liger-Atantel a c'hellfe bezañ tizhet gant avelioù o c'hwezhañ da 120 km/e,
pe 140 km/e zoken, etre 9e noz ha 3e beure arc'hoazh. Un houlenn-vor bras e
vo neuze war an arvor atlantel, gant gwagennoù etre 8 ha 9 metrad. Ne vo ket
ken kreñv ar barradoù avel war Aodoù-an-Arvor hag Il-ha-Gwilen war a seblant,
gant avel o c'hwezhañ d'un tizh etre 100 ha 120 km/e. Aliañ a ra Météo France
chom hep mont-ha-dont re, ha diwall mat ouzh ar gwez pe ar peulioù ar
c'hellfe kouezhañ. Renkañ an traoù chomet er-maez (war ar pondalezioù da
skouer) a c'hellfe nijal kuit gant an avel zo aliet ivez.
|
|
|
|
|
|
Gwarezet e vo lod eus koadegi
Kongo-RDC |
|
|
|
M.M. |
|
|
|
|
|
E Kongo-RDC e vez kavet eil koadeg-veur brasañ ar
bed, an hini gentañ o vezañ hini Amazonia. Hag er vro-se emañ ar gouarnamant
o paouez nullañ 60% eus ar c'hontradoù a aotree da droc'hañ ar c'hoad evit
gwerzhañ hennezh en estrenvro. Un enklask a zo bet kaset da benn gant ar Bank
Bedel evit sellet a dost ouzh 156 kontrad war ar c'hoadoù. Diwar ar re-se,
n'eus bet asantet nemet 65 gantañ, nullet eo bet ar re all neuze. Roet e oa
bet ar re-se e-pad ar brezel, gant ur galloud ha na zalc'he ket.
|
|
|
|
|
|
Un teulfilm diwar-benn ar gallaoueg
gant Kalanna |
|
|
|
Skignet e vo ar film "Lettres à un
gallésant" war www.tvrennes35.fr: D'ar Yaou 18 a viz C'hwevrer da 21e hag hanternoz,
d'ar Sadorn 21 da 15e ha 23e, d'ar Sul 22 da 21e, d'al Lun 23 da 15e30 ha
d'ar Yaou 26 da 16e30. |
|
|
|
|
|
E-kerzh ar sizhunvezh etre an 18 hag ar 26 a viz
C'hwevrer e vo kinniget war TV Roazhon 35 un teulfilm 52 mn diwar-benn ar
gallaoueg, unan eus rannyezhoù romanek Frañs a vez komzet e reter Breizh. Sevenet
eo bet gant Roland Michon ha produet gant Kalanna ha Tv Roazhon 35. "Lettres
à un gallésant" a sell ouzh an emsav gallaoueger a-dreuz buhez Gilles
Morin, bet ganet e Tregomar e 1951 hag aet da Anaon e 1999. Stourmet en doa e
vuhez pad evit diorren ar gallaoueg, gant krouidigezh "les Assemblées
Gallèses" hag en ur vont da genbrezidant Kuzul Sevenadurel Breizh. Eil
sell ar film zo hini ar c'haner ha barzh Bèrtran Ôbrée, en deus tremenet meur
a vloaz o tastum komzoù gallaouegerien. E-kerzh ar film e vo tu da glevet
pennadoù-kaoz e galleg, gallaoueg ha brezhoneg. Un abadenn digor d'an holl a
vo kinniget d'ar Meurzh 10 a viz C'hwevrer da 5e30 goude-kreisteiz er sal Le
Tambour, war tachenn Skol-veur Roazhon 2. Ar sevener a vo aze evit eskemm
gant ar sellerien.
|
|
|
|
|
|
Rugby:
berzh Kembreiz e Skos |
|
|
|
|
|
|
|
|
|
Dec'h e oa bet boulc'het kentañ devezh tournamant
rugby "ar c'hwec'h broad". E kêr Murrayfield, e Skos, e oa bet
degemeret skipailh Kembre, gantañ titl kampion an tournamant tremenet. Daoust
da gembreiz bezañ lakaet diaes ingal gant Skosiz, eo bet splann an traoù
e-kerzh ar c'hrogad: diskouezet o deus Kembreiz e oant mistri an dachenn
c'hoari a-hed an abadenn (26-13). Ne oa ket kousket Skosiz koulskoude, gant
strivoù Max Evans pe Chris Paterson. Hogen, nerzhusoc'h, tagusoc'h, resisoc'h
ha kreñvoc'h e oa Kembreiz. Goude 20 mn e oa bet lakaet e-maez daou Skosad,
lakaet KO gant argadoù Kembreiz! Deuet eo a-benn skipailh Kembre da drec'hiñ
war hini Skos, daoust da veur a Gembread bezañ bet rediet da chom e-maez an
dachenn, gloazet. Hag an askeller kembreat Shane Williams, gwellañ merker
palioù 2008, a oa o kammañ e fin ar c'hrogad dec'h... Goude ar berzh-mañ, e
peseurt stad e vo Kembreiz e-tal d'ar Saozon? Gwelet e vo a-benn disadorn e
Kêrdiz.
|
|
|
|
|
|
|
Valkyrie (Walkyrie) |
|
|
|
Stadoù-Unanet – 2008 Seveniñ : Bryan Singer
Diwar un darvoud ha
tudennoù gwir eo bet savet Valkyrie, anavezet eo. Daoust da se ez eo
ur thriller muioc’h eget un teulfilm istorel. Ne vez ket pouezet kalz
war an anken na war ar gwask spontus a zlee bezañ war an dud-se. Tavet e vez,
koulz lavaret, war atizoù gwirion tudennoù lies an taol ha war o dislavarioù.
Ha dislavarioù o doa lod anezho hep mar koulskoude. Mont a ra Valkyrie
hebiou d’e dem gant ar c’hoant bezañ ur film dudius moarvat
(a-hend-all ne vije ket Tom Cruise ar penn-c’hoarier). Meriadeg Vallerie Kement ha gouzout
hiroc’h : |
|
|
|
|
|
|
|
Gwastet dre an tan hag ar
c’hleze eo Europa e 1944. Un dornad ofiserien eus ar Wehrmacht ha
pennoù bras eus ar Reich a sav ur raktres nevez da baouez gant ar brezel ha
da ziskouez d’ar bed ne save ket a-du an holl Alamaned gant Hitler. Ar
soñj an taol-mañ eo drouklazhañ ar Führer ha diskar ar renad war un dro.
Marc’h-blein an oberiadenn “Valkyrie” eo Claus von
Stauffenberg
|
|
|
|
|
|
Lux Interior (21 a viz Here 1946 - 4 a viz
C'hwevrer 2009) |
|
|
|
Asambles gant e wreg Poison
Ivy en doa krouet ar strollad psychobilly kentañ, The Cramps e anv, e 1973.
Da lavaret eo: ur meskaj sonerezh surf, sonerezh punk ha
rock'n'roll-rockabilly. Kement tra a blije dezho a
blij deomp: an issevenadur, ar filmoù spont, ar c'homics amerikan, ar
merc'hed gwisket e doare pin-up pe vamp hag un nebeud traoù all ken didalvoud
all. Kroget e oa bet ar strollad da vare ganedigezh ar sonerezh punk er CBGB,
ar sal sonadegoù brudet e New York. E 1984 o doa sonet en un ti evit ar re sot,
an abadenn a c'haller gwelout war an DVD anvet Live at Napa State Mental
Hospital. Div wech int bet o
seniñ e Breizh: e Roazhon e 1981 e-barzh sal "l'Escale" hag e 1992 e Karanteg da-geñver gouel Tamaris. Niverus eo bet ar sonerien
bet e-barzh The Cramps, en o zouez King Congo Powers, bet gitarour er Gun
Club. Lux hag Ivy a chomas er strollad eus ar penn-kentañ betek ar fin. Ar re n'anavezfent ket ar
strollad o do un tañva a-zoare ma selaouont Psychedelic Jungle pe Songs the
Lord Told Us. Ha sellit outo: cheuc'hoc'h
evit meur a emsaver, hañ? R.M. Muioc'h a Gramps : |
|
|
|
|
|
2009, bloavezh fall evit ar
rock'n'roll? Posupl-tre. Miz goude marv Ron Asheton ez eo marvet Lux Interior
(Erick Purkhiser e anv gwir) en un ospital e California, d'ar 4 a viz
C'hwevrer.
|
|
|
|
|
|
Kreien turbod gant avaloù |
|
|
|
4 tanavenn turbod – pebr hag holen – 1
suraval – 125 g amann – 40 g bleud – 200 g dienn fresk
– 100 g keuz rasklet – 1 kg avaloù
En ur gastolodenn, lakait 50 g amann da deuziñ.
Ouzhpennit ar bleud, an dienn fresk, pebr hag holen. Lezit war dan gorrek 15
mn en ur veskañ. Ouzhpennit ar c’heuz ha skuilhit war ar pesked. Dastrewit
tammoù amann war an aozad. Lakait er forn (th 5) 20 mn. Dibluskit an avaloù. Troc’hit anezho
a-rondennoù. Aozit anezho war ar plad. Ouzhpennit tammoù amann. Echuit da boazhañ
20 mn c’hoazh. Servijit diouzhtu. Mari Lubrano Lennit Bremañ miz C'hwevrer
An teuliad peder fajennad zo gouestlet da vrezel
Gaza. D'ar 27 a viz Kerzu 2008 eo tarzhet muioc'h c'hoazh ar feulster e
strizhenn Gaza gant argad arme Israel. En teuliad e vez kinniget ur pennad
diwar-benn stad an dachenn douar, arouezius eus an dizemglev padus etre
Israeliz ha Palestiniz. Eil lodenn an teuliad a ro ar gaoz d'ur c'helaouenner
bet war an dachenn e fin miz Genver, evit testeniañ eus ar pezh en deus
gwelet e Gaza. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Gwalc’hit ha dizourit an tanavennoù. Pebrit
hag holennit anezho. Strimpit gant ar chug suraval. Aozit anezho war ur plad
amanennet.