|
|
|
|
|
|
|
|
|
|
Lun 2 a viz C'hwevrer, niv.224 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
300
den e Naoned disadorn |
|
|
|
Echuet he
deus ar gerzhadeg dirak egorenn Kerneis e Skol-veur Medisinerezh Naoned,
lec'h ma veze aozet en deiz-se klozadur "Asizoù-rannvro
Broioù-al-Liger". CRS-ed a oa war ar plas evit degemer ar vanifesterien.
Barnet e vo c'hwec'h stourmer an adunvanidigezh d'ar Yaou 12 a viz C'hwevrer
e Lez-kastiz Naoned. Un emgav zo bet lakaet gant 44=Breizh da 1e
goude-kreisteiz dirak al lez-varn. |
|
|
|
|
|
|
|
|
|
|
|
Tabutoù tro-dro da strujadur ar mor |
|
|
|
Simpl eo an hentenn, ha dedennus e seblant bezañ, met
goulennoù a sav memes tra: da gentañ, n'ouzer ket peseurt levezon a vo war an
endro hollek ma vez taolet houarn e-barzh ar mor: lakaat a ra lod eus ar
plant da ziorren, met petra evit ar re all ? Ha petra c’hoarvez ma vez
re a blankton o kreskiñ ? Da eil, evit Greenpeace da skouer, n'eo nemet un
doare da dizhout efedoù ar gudenn, ha ket da dalañ ouzh hec’h abegoù.
Ha da drede, ez eus ur studiadenn o paouez bezañ embannet e-barzh ar
gelaouenn vrudet Nature, o tiskouez n'eo ket ken efedus an hentenn hag ar
pezh a oa bet soñjet (titouroù ouzhpenn amañ: http://www.univers-nature.com/). Gant an holl
c’houlennoù-se e vo dav kenderc'hel gant ar c'hlask ! M.M. |
|
|
|
|
|
|
|
|
|
|
|
Festival War al Leurenn |
|
|
|
Yaou 5 a viz C’hwevrer : c’hoariva
filmet gant Pezhioù-c’hoari fentus (Ar Vro Bagan) e Sal Cyberia
Plourin da 8e30 noz. 9-10-12-13 a viz C’hwevrer: staj
c’hoariva evit ar vugale e Brest, kaset da benn gant Strollad Plougin e
ti Sked. Sul 15 a viz C’hwevrer: tri fezh-c’hoari
gant Strollad Lesneven hag unan gant Strollad Rebeldia. Sal Lez Kelenn
Brelez, 3e g.k., 5 €. Sul 22 a viz C’hwevrer: daou bezh-c’hoari
gant Strollad Plougin, Ene Kargedoull hag An daou zen lent. Sal
Roz Avel Sant-Pabu, 3e goude
lein. Sul 1añ a viz Meurzh: pezhoù-c’hoari
farsus gant Strollad Ar Vro Bagan. Sal Liezimplij Plougin, 3e g.k.
5 €/10 €. Evit
gouzout hiroc'h : Strollad
Plougin, pgz : 02 98 89 29 78 |
|
|
|
|
|
|
|
|
|
|
|
Vendée
Globe 2009 gant Desjoyeaux |
|
|
|
Ne oa ket
bet aes evitañ loc'hañ en taol-mañ koulskoude: 40 eurvezh dale en doa tapet,
rak ranket en doa Desjoyeaux distreiñ da borzh ar Sables d'Olonnes dre faot
kudennoù tredan. Nebeutoc'h evit ur mizvezh en deus bet ezhomm martolod
Porzh-ar-Forest (porzh ar Forest-Fouenant) evit adtapout ar strollad bigi a
oa e penn ar redadeg. D'ar 16 a viz Kerzu e oa-eñ e penn ar jeu. D'ar mare-se
e oa start an traoù er Meurvor Indian gant amzer fall-kenañ ha niverus e oa
bet ar rederien bet rediet da zilezel an dreizhadeg. Gellet en deus Michel
Desjoyeaux tapout kalz a lañs war ar re a oa war e lec'h evel-se. An eil bag,
Brit'Air, sturiet gant Armel Le Cleac'h, a oa dec'h da 1700 milmor eus
porzh ar Sables d'Olonnes. Chom a ra dezhañ etre pemp ha seizh devezh merdeiñ
a-raok na vefe skoulmet tro ar bed gantañ. Rocaboy trec'h gant Levenez er fank
!
N'eo ket tremenet heñvel evit ar merc'hed.
Levenez, rederez Karaez he deus lañset
ar redadeg evel trec'her ar wazed met klasket he deus kerkent en em zizober
da vat eus ar bagad. Klask a rae Elsa Delaunay (Haute Bretagne Athle, Roazhon)
enebiñ met ne teue ket a-benn da gevezañ. Eu he zu, Karine Pasquier (Kemper
Atleterezh), trec'herez ar bloaz paseet, gwanaet gant ar grip, ne oa ket evit
heuliañ an div gentañ. En em zistagañ a rae Levenez, aes-tre er fank, ha hi da
vont da bakout ur pempvet trec'h e kampionad Breizh ar rummad gour. Gwazed 1.Mathieu Rocaboy (AS 22) : 39'03'' 2.Charles Delys (EAPB) : 39'07'' 3.Vincent Siou (HBA) : 39'30'' 4.Benoit Nicolas (Stad Brest) : 39'37'' 5.Yves Piederrière (AS 22) : 40'51'' Skipailh: Haute Bretagne Athlétisme, 40 poent. Maouezed 1.Sandra Levenez (ALCP Karaez) : 25'19'' 2.Elsa Delaunay (HBA) : 25'51'' 3.Karine Pasquier (Kemper Atle) : 26'31'' 4.Hasna Taboussi (Kemper Atle) : 27'30'' 5.Anna-Ael Le Guern (HBA) : 27'33'' Skipailh: HBA 24 foent. K.A.H. |
|
|
|
|
|
Mathieu Rocaboy (a-gleiz war ar skeudenn) zo bet trec'h dec'h da-geñver
kampionad Kross Breizh (pevar departamant), e Brec'h, tost ouzh an Alre. Reder
an AS 22, kampion Aodoù-an-Arvor en deus lañset ar redadeg. Adal ar c'hentañ
kammedoù e pake un dek metrad lañs bennak war ar bagad. Distreiñ a rae a-raok
fin an dro gentañ 3 reder all: Charles Delys (Kampion Il-ha-Gwilen), Vincent
Siou ha Benoit Nicolas (Kampion Penn-ar-Bed). Buan e voe lakaet diaes Nicolas
ha daoust d'e strivoù ne zistroas ket war an triad. Fank stank a oa war ul
lodenn vat eus an dachenn, lec'hiet en un takad gleborek. A-benn ar fin e voe
an emgann etre daou zen ha Rocaboy a oa an hini primañ er metradoù diwezhañ,
primoc'h eget Charles Delys. Evit ar wech kentañ e trec'he er
genstrivadeg-se.
|
|
|
|
|
|
|
Revolutionary Road (Les Noces
rebelles) |
|
|
|
Rouantelezh-Unanet,
Stadoù-Unanet Amerika - 2008 Seveniñ
: Sam Mendes Golden
Globe an aktorez wellañ en un “drama“ evit Kate Winslet –
Meneget teir gwech evit an Academy Awards: dilhad, kinklañ ha gwellañ aktor
en un eilrann evit Michael Shannon.
Revolutionary Road a zo bet savet diwar romant
Richard Yates (La fenêtre paroramique bet embannet e 1961 e ti Robert
Laffont). Unnek vloaz goude Titanic (James Cameron) ec’h adkaver
ar c’houblad Kate Winslet ha Leonardo DiCaprio en ur film diwar-benn un
darempred karantez o tispenn. Sam Mendes a ginnig amañ ur film heñvel un tamm
ouzh e film kentañ American Beauty (1999). Un aergelc’h all a zo
koulskoude er film, abalamour d’ar sonerezh, d’ar gouleier ha
d’an doare da filmañ Kate Winslet, gwreg ar sevener, a santer naturel
ha gwirion. Ar film e-unan a zo brav, hirik evit tud zo moarvat, trist ha
melkonius... G.L. Festival Travelling Roazhon
Kalz
filmaozourien zo bet awenet gant an disrann etre Israel ha Palestina. Filmoù
savet gant David Perlov, Elia Suleiman, Sidney Olcott pe Martin Scorsese a vo
diskouezet e kalz lec’hioù e Roazhon. Daou
zen a vo degemeret evit displegañ ar filmoù ha luskañ prezegennoù: Yael
Fogiel, ur broduerez eus Israel ha Hussam Hindi, ur palestinad hag a ra
war-dro Festival Dinard. Evit
ar bloaz kentañ ez eus kinniget ur raktres nevez: "senario un istor
berr". Kinniget e vo d’ar filmaozourien sevel ur filmig diwar un
istor berr skrivet gant Etgar Keret. Tu
a vo ivez d’an arvestourien da votiñ evit ar filmoù. Div genstrivadeg a
vo aozet. Pauline Kerskaven Evit
gouzout hiroc’h : |
|
|
|
|
|
|
|
|
|
|
|
|
|
La Route du rock – Collection hiver 20-22 a viz C'hwevrer e Sant-Maloù |
|
|
|
Crystal Antlers, hag a sono d'ar Sadorn, a ra
sonerezh indie, koulskoude e seblantont kaout muioc'h a startijenn evit ar
strolladoù all renket er rummad-se. Chañsoù' zo e vefe ivez peadra da vezañ
souezhet gant Gang Gang Dance ha Chairlift. Sonerezh bihanoc’h a vo
gant Jeremy Jay, ha n'eo ket souezhus-tre, pa weler ez eo embannet e sonerezh
gant K Records. N'eus ket pell zo hon eus kaozeet amañ eus Handsome
Furs (skeudenn): dont a ray an daouad kanadian da ginnig e sonerezh
elektro-folk d'ar Sadorn. Echuiñ a raio an traoù d'ar Sul gant Elysian
Fields. Ar re a fell dezho prederiañ a c'hallo mont da selaou
ar brezegenn diwar-benn perzh an dud a youl vat e bed an arzoù, pe an hini
diwar-benn ar sonerezh folk. 30 euro an div nozvezh, 18 euro an nozvezh. R.M. Muioc'h a Route du rock : Kan ar bobl : disadorn e krogo !
Ar gejadenn gentañ a vo aozet e Gwerliskin d'ar
Sadorn 7 a viz C"hwevrer. Evit tud eus Bro-Dreger ha Kerne-Uhel eo. An
emstriverien a vo dibabet e-pad ar veilhadeg, aozet gant Dastum. D'ar Sul,
goude kreisteiz e vo ivez ur sonadeg. Ur gejadenn a vo graet d'ar Sadorn ivez e Touraine, e
Monts e-kichen Tours, etre 2 eur goude lein ha 7 eur noz. An 12vet Roue Waroch a vo kinniget ar sizhun
war-lerc'h, d'an 13 betek ar 15 a viz C'hwevrer e Pleskob. Sonerien eus
Bro-Gwened a zo pedet da ganañ gant ar gevredigezh Petra Neue. Kendalc'het e vo gant ar c'hejadennoù e Breizh a-bezh
e pad mizioù C'hwevrer ha Meurzh avat. Da skouer e vo aozet e Landavran,
Pazieg e-kichen Roazhon, Menez-Dol pe Lesneven... Tu zo deoc'h da lakaat hoc’h anv. Ret eo
goulenn ur fichenn enskrivañ digant ar gevredigezh a aoz ar gejadenn en ho
pro. Digoust eo. Abaoe 1973 e vez kinniget "Kan ar Bobl".
Kalz sonerien brudet e Breizh ha pelloc’h o deus kemeret perzh ennañ
evel Diaouled ar Menez, Ar Re Yaouank, Storvan, Yann-Fañch Kemener, Denez
Prigent, Annie Ebrel pe Kristen Nikolaz. P.K. Evit gouzout hiroc'h : http://kanarbobl.free.fr |
|
|
|
|
|
|
|
|
|
|
|
Sevenadur Breizh lidet e miz
C’hwevrer |
|
|
|
E miz
C’hwevrer e vo kendalc’het gant gouelioù a lid sevenadur Breizh. E Roazhon
e vo aozet Sevenadur ar Vro, etre an 18 a viz C’hwevrer ha penn-kentañ
miz Meurzh. Gant ouzhpenn 16 kevredigezh e vo kinniget festoù-noz,
prezegennoù ha c’hoarioù hengounel… Tu a vo ivez da vont da
selaou kontadennoù ha da welet pezhioù-c’hoari. Ur staj
diwar-benn sonerezh Breizh Uhel vo kinniget d’an dud dedennet. Evit an
navet gwech, ne vo ket ankounac’het ar yezhoù. Ar c'hevredigezhoù a
ginnigo stajoù e brezhoneg pe e gallaoueg. Evel bep bloaz e vo baleet e
straedoù Roazhon en ur ganañ ivez. Pal
Sevenadur ar Vro eo lakaat an dud da gejañ ha da gomz diwar-benn ar sevenadur
e-pad 13 devezh. En
Oriant, Deizioù, kinniget gant Emglev Bro an Oriant zo tost echu. Disul a zeu
e vo da skouer ur fest-deiz, aozet gant Dastum evit kregiñ mat ar miz ! P.K. Evit
gouzout hiroc’h : ha Lennit Bremañ miz C'hwevrer
An teuliad peder fajennad zo gouestlet da vrezel
Gaza. D'ar 27 a viz Kerzu 2008 eo tarzhet muioc'h c'hoazh ar feulster e
strizhenn Gaza gant argad arme Israel. En teuliad e vez kinniget ur pennad
diwar-benn stad an dachenn douar, arouezius eus an dizemglev padus etre
Israeliz ha Palestiniz. Eil lodenn an teuliad a ro ar gaoz d'ur c'helaouenner
bet war an dachenn e fin miz Genver, evit testeniañ eus ar pezh en deus
gwelet e Gaza. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
