|
|
|
|
|
|
|
|
|
|
Lun 14 a viz Genver,
niv.174 Pellgargit ar pennadoù e
stumm Word Evit resev ur gemennadenn bep Lun evit ar Bremaik nevez, kasit ho chomlec'h da: bremaik@free.fr |
|
|
|
|
|
|
|
|
|
|
|
|
|
|
Barnedigezh prosez an Erika |
|
|
|
|
|
|
|
|
|
D'ar 16 a viz Genver e vo embannet barnedigezh
prosez an Erika, gant prezidant lez-kastiz Pariz. Trizek sizhunvezh e oa
padet kendivizoù ar prosez, etre C'hwevrer ha Mezheven 2007. Seizh vloaz zo e
oa bet boulc'het an enklask, hag ouzhpenn 150 lodenn zo en teuliad. Un
hanter-kant arbennigour bennak a oa deuet da gomz e-kerzh 230 eurvezh ar
prosez. Ouzhpenn 400 kilometrad aodoù a oa bet saotret da vare Nedeleg 1999
pa oa aet an eoullestr Erika d'ar strad. Pemzek den pe aozadur a oa bet
tamallet neuze, ha degaset dirak 11vet kambr lez-kastiz Pariz warlene.
Hirc’hortozet eo ar varnedigezh, rak diskouezet eo bet gant kendivizoù
ar prosez peseurt doare milendall melestradurel ha lezennel eo metoù an
treuzdougen eoul-maen war vor. Piv zo kiriek da vat? Ar baramantourien italian
(a c'hellfe kaout un dell-gastiz a 75000 euro hag ur bloavezh prizon)? An
embregerezh en deus fretet ar vag? Perc'henn ar madoù war vourzh, Total (a
c'hellfe rankout paeañ 375000 euro)? Pe an aozadur a oa e karg eus dresañ ar
vag hag aotren anezhi da vont war vor, ar Rhina (375000 euro ivez a dell-gastiz)?
Pe kabiten indezat ar vag (un dell-gastiz a 10000 euro)? Tra a-bouez bras,
bez' ez eus anv a lakaat war wel "gwalldaol ekologel" al lanv du.
Hervez an Inra e vefe koustet e-tro 370 milion a euroioù lanv du an Erika. An
damallourien (ouzhpenn kant kumun, ar Stad, met ivez paluderien Gwenrann da
skouer) a c'houlenn un digoll ur miliard a euroioù. A dra sur e lezo an diviz
a vo roet dimerc'her ur roud hag a levezono prosezioù da zont.
|
|
|
|
|
|
Saotradur gant ar merkur : petra
nevez ? |
|
|
|
M.M. |
|
|
|
|
|
Abaoe pell e vez gouvezet eo
saotrus ar merkur. Ar gudenn bennañ gantañ eo e lak kalz amzer d'en em
zismantrañ en natur hag e chom e-pad pell er boudoù bev. E-pad ar bloavezhioù
1950 e oa marvet kantadoù a dud e Japan goude bezañ bet debret pesked saotret
o tont eus Minamata. Koulskoude eo dav gortoz ar bloavezhioù-mañ evit ma vefe
savet reolennoù tro-dro da implij ar merkur. Etre an 12 hag ar 17 a viz Du
2007 ez eus bet ur brezegenn aozet gant an ABU (ONU) war an danvez.
|
|
|
|
|
|
Taol-lagad e
Sant-Brieg |
|
|
|
Kregiñ a raio gant
luc'hskeudennoù daou arzour eus al Letzemburg, Michel Medinger ha Luc Ewen, a
vo lakaet war wel betek an 21 a viz Genver. Poltredoù "divuhezennoù"
(natures mortes) hag "al leurenniñ" a roio tro d'ar
weladennerien da zizoleiñ selloù disheñvel met kenglotaus an daou
luc'hskeudenner war hon endro, hor c'hevredigezh ha pezh a vez distaolet
ganti: liesdoareoù da zegemer ar wirionez ha da leurenniñ pezh a welont. Gant
Michel Medinger e vo laboused marv, bleunioù disec'het, frammoù hag objedoù
kozh: peadra evitañ da grouiñ "divuhezennoù" da vat ha da reiñ
buhez en-dro da loened pe a-bep seurt traoù dilezet. Luc Ewen a ra gant an
adimplij ivez peogwir e ya da zastum danvez e fotoioù el lasterezhioù e-lec'h
m'eo mesket holl dafar hor c'hevredigezh. An implij a ra eus al livioù a ro
disoc'hoù souezhus a c'hell seblantout hunvreheñvel.
Hoel Louarn
Bemdez etre 10 eur ha 6
eur Evit gouzout hiroc'h: http://www.mairie-saint-brieuc.fr |
|
|
|
|
|
Abaoe disadorn ha betek an
3 a viz C'hwevrer e vo kinniget an diskouezadegoù "Clin d’œil
sur les arts" e Sant-Brieg.
Tro an arzoù neuziañ e vo
etre ar 26 a viz Genver hag an 3 a viz C'hwevrer gant daou arzour eus ar vro:
al livour Jean-Marie Tréméac (skeudenn) hag ar c'hizeller Alain Marcon. Hemañ a sav kalz
oberennoù e lec'hioù foran, alies o kenlabourat gant tisavourien pe
liorzherien, en ur ober gant un teknik gorrek, hini ar c'hoad kizellet don.
Daoust d'ul labour war an danvez hag ar gouloù e ro taolennoù Jean-Marie Tréméac
ar santimant int bet graet buan-ha-buan, tost war ar prim.
|
|
|
|
|
|
Mell-droad: distro Roazhoniz (3-1 a-enep Marsilha) |
|
|
|
|
|
|
|
|
|
Dec'h da noz e c'hoarie skipailh Stad Roazhon gant
skipailh OM Marsilha, e stad hent an Oriant. Ne oa ket bet boulc'het ar
c'hrogad en un doare dispar gant ar Vretoned, gant ur pal merket gant Djibril
Cissé d'ar 16vet munutenn. N'en deus ket plijet kement-se da baotred Guy Lacombe,
ha klasket o deus respont da daol-kaer Cissé. Briand da gentañ, dre ziv wech
en deus klasket reiñ an tu da Roazhon da zastum poentoù. C'hwitet. Disheñvel
an disoc'h d'an 39vet munutenn gant ur vell kaset gant Lemoine da bPagis...
daoust dezhañ (ha d'e genseurt Briand) bezañ e-maez c'hoari d'ar poent-se!
Lezet eo bet an traoù da vont gant an tredeog, ar pezh n'en deus ket plijet
tamm ebet da brezidant an OM, Pape Diouf, anat eo. Goude an ehan, e oa anat e
c'helle mont an trec'h gant un tu pe egile: c'hoari a rae an daou skipailh
gant memes youl ha memes startijenn. Lakaet diaes eo bet koulskoude paotred
Marsilha 20 munut a-raok dibenn ar c'hrogad, dre ma oant 10 war an dachenn
(kartoñs ruz evit Krupoviesca) Peadra da virout ar birvilh a oa e-touez an
30000 seller a oa war ar plas. Ar respont zo bet roet a-benn ar fin gant
Wiltord (skeudenn)... div wech (82vet ha 88vet munutenn)! A-drugarez da velloù kaset
gant Briand bep tro. Gourdoner ar re ruz-ha-du a c'helle bezañ laouen, ne oa
ket bet trec'h Roazhon abaoe an 28 a viz Here! Gant disoc'h dec'h e pign
en-dro Stad Roazhon e-touez dek skipailh kentañ taolenn ar C'hevre 1.
|
|
|
|
|
|
|
Gone Baby Gone |
|
|
|
Frañs,
Hong-Kong – 2006 Senario
ha seveniñ : Ben Affleck Difennet
d’ar re yaouank dindan 12 vloaz
Aonik e c’heller bezañ pa glever anv eus ar
film kentañ sevenet gant Ben Affleck a zo anavezet evit bezañ c’hoariet
e filmoù ramzel didalvez a-walc’h kentoc’h (Armaggedon, Daredevil,
Pearl Harbor). Arabat ankounac’haat en deus prouet an den e oa
gouest da gemer perzh e raktresoù a-feson ivez: evel aktor e Shakespeare
in Love pe Hollywoodland, evel senarioour e Good Will Hunting,
h.a. E gwirionez, Gone Baby Gone n’eo ket ur film toull, mont a
ra kalz pelloc’h evit un istor polis boutin ha treiñ a ra buan
d’ur studiadenn diwar-benn doareoù an dud. Goude bezañ kroget gant ur
steuñvenn manikean-kenañ e ya ar film war un dachenn kalz soutiloc’h ma
ne ouzer ket re ken gant piv emañ ar gwir. Da bep hini d’ober e soñj. Meriadeg Vallerie Kement ha gouzout
muioc’h: |
|
|
|
|
|
|
|
Strafuilh zo e
Boston. Amanda, ur plac’hig vihan zo bet skrapet digant he mamm ha den
ne oar na pelec’h na gant piv e c’hell bezañ. Ouzhpenn labour ar
boliserien e c’houlenn he moereb hag he eontr digant ur c’houblad
igounierien brevez ober o enklask dezho. Dres eus ar banlev ma
c’hoarvez an darvoudoù eo Patrick Kenzie
|
|
|
|
|
|
Petra nevez er Rouantelezh-Unanet
e 2008 ? |
|
|
|
Er Rouantelezh-Unanet e
seblant an dud bezañ techet da chom tost eus o boazioù: sonerezh pop, sed aze
ar pezh a blij dezho. E 2008 neuze ez eus chañsoù bras e klevfemp kaoz eus The
Courteeners, tri faotr yaouank eus Manchester, hag int levezonet gant The Smiths, The
Concretes pe c’hoazh Iggy Pop. Anat eo ne vo ket cheñchet red ar
sonerezh ganto, met plijus eo o zonioù da selaou. Menegomp ivez The Ting
Tings (skeudenn), un daouad paotr-plac’h, o c’hanaouennoù a
zo diazezet war nebeut a dra: ar paotr o taboulinañ, ar plac’h o kanañ
pe o seniñ gitar (That’s Not My Name). Tra ebet nevez ivez, met
startijenn zo, ha ne seblantont ket ken mod kozh ha The White Stripes. Betek Bro-Skos evit echuiñ
ha lakaat ar gaoz war Glasvegas. Ijinomp neuze ur strollad gant
sonerien a denn da re The Clash, ur gitar boud evel hini Joy Division ha
tonioù kanet evel ar Beach Boys (Daddy’s Gone). R.M. Muioc’h a ditouroù,
ha 4 c’hanaouenn zisheñvel da selaou evit kement strollad meneget: http://www.myspace.com/thecourteeners http://www.myspace.com/thetingtings http://www.myspace.com/glasvegas Emgav gant Jean-Jacques Monnier e
Brest
Ganet e Londrez e fin ar
brezel peogwir e oa aet e dud da adkavout an FFF (Free French Forces/Forces
Françaises Libres), an istorour-mañ en deus skrivet e-leizh a
bennadoù ha meur a levr, en o-zouez
unan war emzalc'h politikel ar Vretoned (1945-1994) ha kaset da benn levrioù
skrivet a-stroll war istor Breizh. E-pad 8 vloaz eo bet o kas
e enklask war-raok evit sevel al levr "L'hermine contre la croix
gammée" e istitl, o kejañ gant kantadoù a dud bet er rezistañs, a zo
bremañ kozh-noe ha lod anezho aet da Anaon abaoe, evit dastum o zestenioù. En
e levr diwezhañ e kinnig Jean-Jacques Monnier, a-hed 400 pajennad, poltridi
tud liesseurt eus hor bro, tud o doa dibabet ur stourm start en ur mare
trubuilhet-kenañ, an hini enep an nazied. H.L. |
|
|
|
|
|
Evel bep bloaz e klasker
gwelout penaos e vo peurrest ar bloavezh a-fed sonerezh. Evit a sell ouzh ar
Stadoù-Unanet e seblant sklaer an traoù. Rannet eo ar strolladoù etre daou
zoare sonerezh: pe freak folk (Devandra Banhart, The Tower Recordings, Regina
Spektor…) pe trouz (Black Dice, Excepter…). 
Fenoz e vo Jean-Jacques Monnier
o kinnig hag o sinañ e levr diwezhañ Résistance et conscience bretonne
(s.o Bremañ miz Genver) da 6 eur e kafedi al levrdi Dialogues e Brest.
Lusket e vo an diviz gant Mikeal Treger.
|
|
|
|
|
|
Devezh Europa a-enep bac'hañ an dud
dibaper |
|
|
|
E Breizh ez eus eus ur
greizenn-dalc'h e-giz-se, tal-kichen aerborzh Sant-Jakez-al-Lann, e Su Roazhon.
Abaoe miz Eost 2007 e c'hell un 60 den bennak bezañ bac'het eno (75 archer a
vez bepred war al lec'h). Ouzhpenn 500 den zo bet bac'het d'ur mare bennak er
greizenn-se. Gervel a ra bodadoù skoazell d'an dud dibaper
Breizh hag an departamantoù tro-dro manifestiñ evit ma vefe serret ar
greizenn. Emgav zo bet roet da 2e goude kreisteiz war blasenn an Ti-kêr e
Roazhon, ha da 4e g.k. dirak Kreizenn-dalc'h Sant-Jakez-al-Lann. Lennit Bremañ miz Genver 2008 !
Gouel an
douaroniezh e Saint-Dié-des-Vosges, Karta Divskouarn, amzer da zont Kanol
Naoned-Brest, Kib ar bed hand-ball ar merc'hed, teknik filmañ ar
"performance capture" implijet evit Beowulf, un emgav gant ar
skrivagnerez vrezhonek Mich Beyer... Kaoz zo diwar-benn se ha leun a draoù
all c'hoazh e-barzh kentañ niverenn Bremañ 2008. Un
teuliad peder fajennad zo bet gouestlet en niverenn-mañ da Vro-Euskadi. Istor
ha stad ar vro hiziv, penaos emañ kont gant an euskareg... ur bras-sell a vez
kinniget da lennerien Bremañ evit anavezout gwelloc'h ur vro a vez kaoz
diouti alies er metoù brezhonek. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org Deiziataer 2008 !
E
gwerzh 12 euro (mizoù-post profet) dre lizher gant Skol an Emsav, 25 straed
Pierre Martin, 35000 Roazhon. Pgz : 02 99 38 75 83. sae.bzh@wanadoo.fr |
|
|
|
|
|
Deiziad an 19 a viz Genver
zo bet dibabet gant aozadurioù a bep seurt e pep lec'h en Europa evit bezañ
unan gouestlet da sikour an dud dibaper a vez bac'het a-raok bezañ skarzhet
maez. Er C'hwec'hkorn da skouer, e c'hell un den dibaper, bezañ bac'het 32 devezh-pad,
e-barzh unan eus 24 kreizenn-dalc'h melestradurel ar Stad c'hall. Ne vern
m'emañ an dud-se abaoe pell-tre er vro, ne vern eus peseurt bro e teuont. Tud
deuet koulz ha bugale a vez bac'het er c'hreizennoù-se a-raok ma vefent kaset
e-maez ar Stad, pe lezet da vont, gant ar riskl bezañ harzet adarre. Hervez
stourmerien an aozadurioù skoazell d'an dud dibaper, e vefe ar raktres gant
Europa astenn ar gwir da vac'hañ estrenien dibaper da 18 miz, ha berzañ ouzh
an dud skarzhet da zistreiñ e-barzh Unaniezh Europa e-pad 5 bloaz.
