|
|
|
|
|
|
|
|
|
|
29 a viz Meurzh
2005, niv. 49 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Kren-douar
nepell diouzh Sumatra |
|
|
|
A-boan
tri miz goude an tsunami bras a lamas o buhez digant 270 000
den e Gevred Azia, en doa krenet an douar dec'h goude kreisteiz. Kalon
ar c'hren-douar a oa tost-tre da hini ar Galvet
o deus pennadurezhioù meur a vro da ziwall, ha niverus-tre
eo bet an dud o kuitaat an aodoù evit tizhout
tachennoù war an uhel (e Sri Lanka, Malezia, Thailand). Tud
enezenn Nias, e kornôg Sumatra, o deus gouzañvet
kalz. Hanternoz e oa du-hont pa oa c'hoarvezet ar gwallreuz. 300 Niasad
a vefe bet lazhet gant ar gwallzistruj. Ar
riskl zo ez afe an nerzh distruj davet broioù Su ha
Kornôg Meurvor Indez. Pennadurezhioù Madagaskar
hag enez Voris o deus galvet tud o bro da vezañ war evezh. |
|
|
|
|
|
|
|
|
|
|
|
Alanit’ta ! |
|
|
|
An
aer en tier zo saotret don gant meur a brodu kimiek : an
aergelc’h e-barzh ur riboul leun a girri a c’hell
bezañ yac’hoc’h evit hini
ranndioù zo ! Da
gentañ penn, m’ho pez c’hoant da
yac’haat an aer en ho ti e vo ret deoc’h
foetañ ar muiañ ar gwellañ a
broduioù saotrus. En o zouez e c’haller kavout ar
frondoù a bep seurt evit skarzhañ ar
c’hwezhioù fall, produioù da gempenn an
ti, pe danvezioù all diaesoc’h da welet e-giz ar
peg pe ar gwerniz e-barzh pezhioù arrebeuri zo. Goude
bezañ foetet ar pezh a faot, e vo ret deoc’h
aveliñ mat ho ti a-benn neveziñ an aer zo
ennañ. Profitit eus amzer gaer an nevezamzer hag eus e
vouchigoù avel flour, kalz flouroc’h evit
reoù ur vombell aerosol! Evit
peurechuiñ ho labour disaotrañ e vefe brav lakaat
plant glas en ho ti. Spesadoù zo a lonk an
danvezioù saotrus dre o delioù hag o
gwrizioù hag a c’hell
“neptuiñ” anezho gant o enzim. Ar re
efedusañ evit al labour-se eo : ar c’haoutchouk,
an dieffenbachia, ar schefflera, ar spathiphyllum ha ar plant eus ar
c’herentiad Ficus. Hag ouzhpenn-se e vo kinklet brav ho ti
gant ar plant-se ! Evit
gouzout hiroc’h : |
|
|
|
|
|
|
|
|
|
|
|
Gouel
"Des Petits Riens" en Aodoù-an-Arvor |
|
|
|
Kinniget
e vo 5vet gouel "Des Petits Riens", aozet gant Ofis-departamant Diorren
ar Sevenadur en Aodoù-an-Arvor, etre ar 1añ a viz
Ebrel hag ar 1añ a viz Mae 2005. Pal ar festival-se zo
kinnig abadennoù a bep seurt er muiañ ar
gwellañ a lec'hioù (e ti tud, en ul lise, un
iliz, un davarn, un atant...). 53 c’humun eus
Aodoù-an-Arvor a gemero perzh er bloaz-mañ.
Abadennoù sonerezh, c'hoariva, margodennoù,
kontadennoù, diskouezadegoù
skeudennoù, arzoù, c'hoarioù a bep
seurt, evit ar re vihan pe ar re vras... Strolladoù bihan a
arzourien a vez dre vras o kinnig an abadennoù,
strolladoù na gavont ket leurennoù prest da
zegemer anezho. Strolladoù eus ar vro koulz a
strolladoù o tont eus a bep lec'h er C'hwec'hkorn. Prizioù
bihan a vez ivez : 5 pe 3 euro peurvuiañ, pa ne vez
ket digoust gwezhioù all. Evit
gouzout hiroc'h : ODDC 22, pgz :
02 96 60 86 10. contact@oddc22.com.
http://www.oddc22.com |
|
|
|
|
|
|
|
|
|
|
|
Bageal |
|
|
|
Deuet
eo a-benn ! Ar roeñverez Maud Fontenoy he doa
troc’het al linenn degouezh en norzh da enezenn Hiva Oa e
Polinezia disadorn. Aet e oa ar C’hallez kuit eus
kêr Callao e Perou d’an |
|
|
|
|
|
|
|
|
|
|
|
Sky
Captain and the World of Tomorrow |
|
|
|
Stadoù-Unanet
- 2003 Senario
ha seveniñ : Kerry Conran O klask war-lerc’h
c’hoarvoudennoù dic’hortoz e vez ar
gazetennerez Polly Perkins (Gwyneth Paltrow)... dalc’hmat.
Sachet eo hec’h evezh gant skrapadennoù
skiantourien er mare-mañ. E keit m’emañ
Polly o tispenn roudoù da vagañ hec’h
enklask eo aloubet Gotham City gant un arme a robotoù
ramzel. Karr-nij ar c’habiten Sky (Jude Law) a ya war sikour
ar gêr lakaet en arvar. Un den kevrinus a renfe an
darvoudoù-se : an Dr Totenkopf... Ma vije bet gant sevenerien filmoù ar
bloavezioù 30 pe 50 teknologiezh a-vremañ an
efedoù ispisial o defe savet ar film skiant
faltazi-mañ moarvat. Saourus eo e gwirionez cocktail "Sky
Captain" : lakaat a ra da soñjal e
troioù-kaer Indiana Jones peogwir ez eus ennañ
elfennoù boutin d’an daou ved, met
dibarderioù e-leizh a ra personelezh "Sky Captain" (blaz ar
c’hozh...). Neuze, keit ha ne zeu ket en-dro porpant
lêr Indiana Jones war ar skrammoù, porpant
skaï Sky n’eo ket fall. Diwar un danevell gant Edgard Rice Burroughs e vo
savet film kentañ Conran : “Princess of
Mars”. Gant ma vo ul liv ken plijus gant ar
film-se… Evit
gouzout muioc'h : http://www.skycaptain.com/ |
|
|
|
|
|
|
|
|
|
|
|
Bloc
Party - Silent Alarm |
|
|
|
Embannet
gant V2 2004 :
Franz Ferdinand. Hag e 2005 ? Bloc Party. Meuleudi a zo bet
kanet d’ar strollad goude bezañ savet daou single
nemetken, hag emañ o paouez embann e bladenn
gentañ. Ur wech ouzhpenn e kaver warni levezon ar sonerezh
eus penn kentañ ar bloavezhioù 1980 :
The Cure, Wire ha Gang of Four. Selaouit ar bladenn ha diaes e vo
deoc’h disoñjal tonioù evel Banquet,
Blue Light pe c’hoazh She’s Hearing Voices, hag e
viot kemeret diouzhtu en ur maelstrom ennañ ur gitar boud o
treiñ dibaouez, ur vouezh tenn ha gitaroù o
lammat e pep lec’h. Marteze ne zeuio ket a-benn Bloc Party da
sevel un eil albom kenkoulz : n’eo ket ur wall
gudenn, profitomp dija eus ar bladenn-mañ. Bloc
Party. a sono live e Naoned d’an Evit
gouzout hiroc’h : http://www.blocparty.com |
|
|
|
|
|
|
|
|
|
|
|
Ar
c'hiz e Dinarzh |
|
|
|
Evit
an 12vet bloavezh e tegemero Dinarzh ur festival kemenerien yaouank.
D’an 22, Evit
gouzout hiroc’h : http://www.festival-dinard.com |
|
|
|
|
|