|
|
|
|
|
|
|
|
|
|
Lun 19 a viz Kerzu,
niv. 80 Pellgargit ar pennadoù e stumm Word Petra oa keleier Bremaik
warlene? Klikit amañ! |
|
|
|
|
|
|
|
|
|
|
|
|
|
|
|
Nedeleg
Laouen da holl lennerien Bremaik ! |
|
|
|
Spi hon eus ho pez plijadur o lenn ar
gelaouennig-mañ bep sizhun. Ul labour a-feson a vez graet
gant ar skriverien a-youl vat a ro nerzh bep Sul ha bep Lun evit kinnig
deoc'h pennadoù plijus da lenn. E 2006 e lido ar gelaouennig he daou vloaz.
Mat e vefe deomp gouzout un tamm hiroc'h diwar ho penn, ya, c'hwi,
lennerien gaer ! Hervez sifroù al lec'hienn ez oc'h
ur 500 bennak o lenn ar gelaouenn bep sizhun, da lavarout eo
2 000 bep miz ! Kalonekaüs eo. Ha pemp munutenn ho pefe evit kas ur postel
deomp gant un nebeud titouroù ennañ ? Ul liamm zo
er framm zo en tu dehou (bremaik@free.fr). Setu ar pezh a garfemp
gouzout... -
Ho oad -
Pelec'h emaoc'h
o chom -
Pegoulz ez it da
lenn Bremaik ? -
Lenn a rit
Bremaik ingal bep sizhun ? -
Petra a lennit
da gentañ ? -
Petra na lennit
gwech ebet ? -
Petra ho pefe
c'hoant da cheñch el lec'hienn (rubrikennoù
ouzhpenn ? rubrikennoù
disheñvel ? doare kinnig all ?) N'eo
ket gwall dra, hañ ? Distreiñ a raio Bremaik d'al
Lun Nedeleg Laouen d'an holl ! |
|
|
|
|
|
Erru yenoc'h an amzer ! Poent kempenn an
ti da-geñver gouelioù fin ar bloaz... E Bremaik
Nedeleg 2005 e kavot peadra da fardañ ur pred lipous evit ho
familh, mignoned pe amzeien !
|
|
|
|
|
|
Ar
bloaz nevez e 2105 (pennad-kaoz
gant Elea, plac’hig 10 vloaz o chom e bro Roazhon e 2105) |
|
|
|
Evit
fiskoan en deus prometet Tata din un dra vurzhudus : un tamm pesked! Ar
wezh kentañ e vo din gwelet seurt loened. Klevet am eus
lâret e oa ur bern anezhe er mor gwezhall, met poan
m’eus o kredin se : tout an dud a oar n’eus loen
ebet er mor, ha forzh penaos mann ebet mat da zebrin. Met gwir eo
’m eus gwelet Tridéfilmoù a ziskouez
traoù lufrus rastellet e rouedoù hag a seblante
bev. ’Fin, Tata zo mignon gant ur paotr zo o labourat en ur
mirdi-poull-neuial, ha neuze en deus marc’hataet
gantañ. Ne vefe ket tu dezhañ tapout se en un
doare ofisiel : koust a rae kalz re ger . Cheñch a raio eus
ar bezhin hag an ed. Emaon
o c’hortoz Miguel, ma amezeg. Emañ e dud o tont
eus penn pellañ Bro-Spagn, met bremañ eo re domm
evit chom eno. E dud o doa c’hoant da vevañ en ur
vro gant gwez neuze int deuet amañ. Ha ma
c’hopinez wellañ, Iris, zo he zud o tont eus Enez
Sun, war-lerc’h an tsunami bras e 2090 en deus beuzet an
enezenn ha tammoù eus aodoù Breizh. Ha chañs am eus
o kaout mignoned a-oad ganin : war a seblant gwezhall e veze kalz
muioc’h a vugale. Met bremañ, an hanter eus an dud
ne c’hellont ket kaout bugale ’blam e oa ur bern
produioù kimiek dañjerus a veze implijet gant an
dud, hep gouzout dezhe (er plastik da skouer...). N’ouzon ket
hag-eñ e c’hallin kaout bugale me ivez. Met dre ma
ne chom ket kalz a blastik bremañ, marteze eo echu an
afer-se, piv oar? ’Fin,
bremañ eo echu tout se, an dud a oar eo ret diwall
d’an douar. Ha ma ne ziwallont ket e teu tud e-giz Tata da
c’hourdrouzañ anezhe. Ya, Tata zo
“ekopolis”, ’m boa ket lâret
deoc’h ? A re-se zo beg-e-dog met gwisket e
gwer ! Hag e harzont ar re drouk-tre : ar re a
walc’h o oto e-kerzh an hañv (dija ’vez
ket trawalc’h a zour evit an dud) hag a implij o
otoioù bemdez, ar re a implij ar c’harr-nij
ouzhpenn ur wezh ar bloaz, an dud a bren koad ekzotek
(n’ouzon ket petra eo). ’C’hanta, erru
eo Miguel, aet on neuze, emaomp o vont da zastum bleunioù er
jardin evit klinkañ taol fiskoan. Ale, bloavezh mat
deoc’h !” |
|
|
|
|
|
“Laouen on peogwir eo erruet
vakañsoù Nedeleg : plijusoc’h int evit
vakañsoù an hañv ma vez ken tomm an
amzer ma’m bez ket droed gant Mammig da vont da
c’hoari er-maez. Er goañv e vez kalz
dousoc’h an amzer, neuze ur stammen ha trawalc’h
evit mont da c’hoari. Mammig a gaso gwin dous ha sukret graet
ganti evit fiskoan Nedeleg : labourat a ra er gwini zo e traonienn ar
Gwilen, ha gant an heol hag an tommder a zo eus miz Meurzh da viz Here
eo aes ober gwin sukret-tre. Ar gwellañ gwin eus Breizh eo
(ha deus ar bed memes)!
|
|
|
|
|
|
Diskouezadeg
skeudennoù diwar-ben India |
|
|
|
Skol
Diwan Roazhon, 13 bali Portugal (karter ar Blosne : metro Italie) Tri
levr Alain Carayol, Inde : Malabar &
Coromandal, Mère Gange ha Rajasthan,
terre des princes, zo bet embannet gant Romain Pages
Éditions (24 euro an tamm). |
|
|
|
|
|
Ur rummad skeudennoù graet gant Alain
Carayol a vo kinniget betek ar
|
|
|
|
|
|
Kampionad
mell-dorn ar Bed : trec'h ar Rusianezed |
|
|
|
|
|
|
|
|
|
Klozet eo bet 17vet Kampionad Mell-dorn ar Bed e
Sant-Petersbourg, dec'h. Skipailh Rusia zo bet trec'h. An eil gwech eo
d'ar skipailh merc'hed kaset war-raok gant Evgeny Trefilov tapout
kentañ plas ar c'hampionad. E 2001 en Italia e oant bet
trec'h c'hoazh. N'eus bet souezhadenn vras ebet er
c'hampionad-mañ, war-bouez unan. Evel boaz e oa
skipailhoù Europa er plasoù gwellañ
(Roumania, Danmark, Norvegia, Hungaria), met hini Brazil zo deuet
a-benn da bignat er 7vet plas. Ar wech kentañ eo evit
skipailh ar vro-hont mont ken uhel e renkad ar Bed. Aet eo skipailh ar
Brazilianezed betek trec'hiñ war skipailh Frañs
zoken, en deus echuet en 12vet plas, pa oa bet Kampion ar Bed warlene.
Ar fallañ disoc'h eo evit skipailh ar C'hwec'hkorn abaoe
1990.
|
|
|
|
|
|
Forty
shades of blue |
|
|
|
Stadoù-Unanet
– 2004 Senario
ha seveniñ : Ira Sachs Priz
meur ar strollad-barn, Sundance 2005
Gant
ur stumm klasel e tiskouez an drama-se trubuilhoù kuzh ur
vaouez prederiet gant red he buhez. Soutil eo an doare ma vez silet
roudoù santimantoù an dudenn bennañ,
an dra-se eo en deus graet berzh Forty shades of blue e Sundance
moarvat. Spurmantañ a ra askre Laura a-dreñv
d’he c’hened yen, met n’eo ket fromus-tre
ar film koulskoude, ken diaes eo en em anavezout e tud ken
cheuc’h. Kened yen zo gant ar film en e bezh a-benn ar fin,
betek re marteze ? Evit
gouzout muioc’h : http://www.fortyshadesmovie.com/ |
|
|
|
|
|
En em fichañ a ra Laura
(Dina Korzun) da enoriñ he gwaz Alan
(Rip Torn) a zo anavezet-tre evel produer e metoù
sonerezh ar re zu e Memphis. Aet eo Laura kuit eus Rusia un nebeud
bloavezhioù zo da heuliañ an den meur-se (kalz
koshoc’h egeti eo e gwirionez). Sioul ha seder eo o buhez
gant o mabig abaoe un nebeud bloavezhioù, met daoust
hag-eñ eo tonket an traoù da chom evel
m’emaint ?
|
|
|
|
|
|
Dale
evit ho profoù Nedeleg ? |
|
|
|
Embannet
gant Castle / Sanctuary Music 6 pladenn, ouzhpenn 7 eurvezh sonerezh. Evit an niver a sonerien eo diaesoc’h kontañ : cheñch a reont alies, dre ma vezont skarzhet gant Mark E. Smith, kaner ar strollad abaoe 1976. Marteze an doare gwellañ da splujañ e-barzh bed The Fall : gant ar 24 f/Peel Sessions dastumet amañ e tañvaer ar sonerezh bet graet gant ar strollad abaoe 25 bloaz. Gwelloc’h, nerzhusoc’h, nevesoc’h hag atahinusoc’h evit forzh peseurt strollad punk bremañ.
Embannet
gant Rhino/WEA 3
fladenn (85 kanaouenn), un DVD (video klipoù) hag un albom
bannoù treset. Holl draoù dastumet gant Joey
Ramone just a-raok mervel. Setu
peadra da anavezout ar strollad punk amerikan en deus embannet
pladennoù istorel e dibenn ar bloavezhioù 1970.
Ur wech embannet sklaer ganto ne ouient ket seniñ (na
kanañ), eo deuet a-benn ar Ramones da sevel
tonioù dispar, diazezet war 3 notenn : ha setu int
krouerien ar punk bugglegum, pe un dra bennak evel-se. Hiziv an deiz
int gwelet evel harozed, ha gant gwir abeg. Ur c’houfrig da
lakaat dirak ar wezenn Nedeleg, hag e kano an holl :
Hey ! Ho ! Let’s go !
Embannet
gant Universal Music Trouz
a reont abaoe 20 vloaz. Er bloavezhioù 1990 o doa embannet
ur c’hasedig video anvet Goo :
evel ar bladenn e oa, gant ur video klip da skeudenniñ pep
kanaouenn. An holl videoioù-se a adkaver war an DVD, gant re
all : kanaouennoù tennet eus Dirty
pe c’hoazh Experimental Jet-Set Trash and No
Star. Evel-just e c’haller gwelout izili ar
strollad o kaozeal diwar-benn an tonioù-se, hag ivez ar re o
deus filmet, hag a bep seurt atersadennoù. |
|
|
|
|
|
The Fall – The Complete Peel Sessions
The
Ramones – Weird Tales of the Ramones
Sonic Youth – Corporate Ghost, The
Videos 1990-2002
|
|
|
|
|
|
Steredouriezh :
ar Gwareger (23/11
– 20/12) |
|
|
|
Er
bloaz a zeu e vo lakaet war wel ho puhez prevez. Kejadennoù
pouezus a c’hellfe bezañ e-doug ar
bloaz-mañ. Muioc’h a chañsoù
zo e c’hoarvezfe e miz Mae, Gouere pe Gwengolo…
Aferioù karantez siriusoc’h e vint ! Evit
ar re-se hag an darempredoù gant ho mignoned e
weloc’h sklaeroc’h eget biskoazh ha mat e vo ho
tibaboù. En ho labour e tremeno mat-kenañ an
traoù adalek an nevez-amzer. Ur startijenn dispar a yelo da
heul an aergelc’h-se. Skejennoù
avu kig-houad gant orañjez
Servijit
ar skejennoù bihan gant an tammoù
orañjez war asiedoù tomm. Goloit gant ar chug,
ouzhpennit holen Gwenrann ha pebr. Notenn : Mat eo ar meuz-mañ gant ur
banne Jurançon dous, e Gwastell
Nedeleg bara-mel ha chokolad Aozañ
: 20 mn |
|
|
|
|
|
Startijenn
zo ganeoc’h ! Ho perzhioù mat eo
bezañ degemerus, laouen, dedennet-bras gant buhez ar re all.
Evit a sell ho istorioù karantez e vezit techet da
vezañ entanet betek re, ha n’ouzit ket bepred
gwelet perzhioù gwir an den a zo
ganeoc’h. Feal-kenañ e vezit
d’ho mignoned, ha dibab a rit anezho gant evezh bras.
C’hoarvezout a ra deoc’h ivez mont re vuhan pa vez
bec’h warnoc’h : se a vez ankouaet gant ho
re, rak derc’hel a reont kont eus ho personelezh flamm,
brokus ha barrek da bellwel !
Aozañ
: 15 mn