|
|
|
|
|
|
|
|
|
|
20 a viz Kerzu 2004,
niv. 37 Pellgargit ar pennadoù e stumm Word Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Ur
politikerezh yezh evit Breizh |
|
|
|
Sed
aze anv un destenn votet a-unvouezh digwener (17 a viz Kerzu) gant
Kuzul-rannvro Breizh. Fellout a rae da brezidant ar C'huzul-rannvro,
Jean-Yves an Drian, e vefe degemeret an destenn-se gant an holl
dilennidi er Rannvro. Savet ha kinniget eo bet an
destenn-mañ gant ur bodad-labour kaset war-raok gant
Yann-Bêr Thomin, e-karg eus ar politikerezh yezh. Anavezet eo
bremañ en-ofisiel ar brezhoneg hag ar gallaoueg, gant ar
galleg, evel yezhoù ar Rannvro gant ar C'huzul-rannvro.
Klask a ra an destenn kemer e kont holl dachennoù buhez ar
yezh : deskadurezh, mediaoù (skingomz, skinwel,
embann), stummadur... N'eus bet divizet yalc'had ebet evit kas ar
politikerezh yezh war-raok evit poent. Graet e vo e miz C'hwevrer. |
|
|
|
|
|
|
|
|
|
|
|
Manikin
saotret Tad-kozh an Nedeleg |
|
|
|
A-benn
nebeut e vo lidet Nedeleg. Piv en defe c’hoant da
brofañ profoù ampoezonet? Den ebet evel just ha
koulskoude ez eo ar pezh a vez graet gant an darn vrasañ
ac’hanomp! E-barzh
ar c’hoarielloù pe an traouajoù a bep
seurt e vez kavet danvezioù saotrus ha dañjerus.
Da skouer e vez kavet e-barzh ar PVC soupl
“ftalatoù” hag a zo lakaet da
zañjerus evit ar strujañ gant ar skiantourien.
Danvezioù e-touez ar
“ftalatoù” a zirenk mont-en-dro an
hormon pe a zo pistri evit an avu. E-barzh ar
c’hoarielloù PVC e vez kavet
organostaenioù a zistruj difennoù ar
c’horf. En-ofisiel e anavez produerien vras e-giz Mattel
(Fisher Price) pe Hasbro (Playskool) ez eus seurt kozh
danvezioù en o froduioù met ne glaskont ket lemel
anezhe.... N’eus nemet ar Playmobil-où a vefe
yac’hus. Pa
n’hallit ket prenañ
c’hoarielloù, prenit dilhad. Siwazh! Kavet e oa
bet e miz Ebrel 2004 e-barzh dilhad dindan ar merk Dysney
metaloù ponner, “ftalatoù”,
organostaenioù ha nonufenol, danvez dañjerus evit
hon hormon hag a zistruj an ADN, ha formaldehidoù a zegas
krign-bev. Ha
na soñjit ket e vefe yac’hoc’h
profañ dour-frond ar merkoù brudet. Leun a
ftalatoù zo e-barzh! A-benn
bezañ sur da brofañ traoù
dizañjer : www.vigitox.org. Organostaenioù :
organoétains (danvezioù
organek atomoù staen enno) Strujañ :
reproduction |
|
|
|
|
|
|
|
|
|
|
|
"Emgavioù
Arzel" e miz Genver e Roazhon |
|
|
|
Aozet
e vo un diskouezadeg a vesk meur a zoare arz en davarn "Scaramouche", e
Roazhon, gant arzourien yaouank eus ar c'horn-bro. Pep
abadenn a vo kinniget meur a-wezh e-kerzh miz Genver, ar programm a vo
kavet war ar plas. Kement
ha gouzout hiroc'h : Scaramouche, 3 bis straed Duhamel
(e-kichen savadur Frañs3 war bali Jean Janvier), e Roazhon. |
|
|
|
|
|
|
|
|
|
|
|
Bageal |
|
|
|
Graet
an hanter eus an hent gant an holl vartoloded, ar pezh a dalvez emaint
bremañ er Meurvor Habask, ez eo Vincent Riou a zo an hini
kentañ. Met an den eus Penn-ar-Bed a zo atav heuliet a-dost
gant Jean ar C’hamm (6,1 miltir eus al leader). Ur
rakweladenn a laka Riou da dremen ar C’hab Horn
d’ar c’hentañ a viz Genver da lavaret eo
pemp devezh en a-raok war taol-dreist Michel Desjoyaux e 2001 (gant 93
devezh ha 3 eurvezh 57’32’’). Arabat mont
re vuan koulskoude peogwir ne seblant ket eus ar gwellañ, an
amzer er Meurvor Habask, e-tro Zeland-Nevez dreist-holl. Mell-droad 19vet
devezh R1 Strasbourg
(18vet) 1-0 Roazhon (11vet) Naoned
(16vet) 2–2 Sochaux (7vet) 19vet
devezh R2 An
Oriant (15vet) 3-0 Brest (4e) Gwengamp
(16vet) 1–0 An Havr Nevez (20vet) 20vet
devezh R1 Bastia
(18vet) – Naoned (17vet) Roazhon
(13vet) – Auxerre (3vet) 20vet
devezh R2 Brest
(5vet) – Gwengamp (13vet) Châteauroux
(8vet) – An Oriant (11vet) |
|
|
|
|
|
|
|
|
|
|
|
The
Forgotten (Mémoire effacée) |
|
|
|
Stadoù-Unanet
- 2003 Seveniñ :
Joseph Ruben Ne
zeu ket a-benn Telly (Julianne Moore) da
zigañviñ. Bloaz zo eo marv he fennhêr
ha stroñset eo c’hoazh ar vamm yaouank gant ar
gwallzarvoud en doa skrapet he mab. Daoust da strivoù he
bredelfenner ne zeu ket a-benn Telly da zisoñjal. An holl
dud all e seblant bezañ aes tre dezho disoñjal
avat, hag un deiz bennak e krog he gwaz da lavaret dezhi n’o
deus bet bugel ebet morse. Dalc’het
e vezer e-pad ar film gant senario prederiek Gerald diPego hep gouzout
en a-raok petra a c’hoarvezo gwech ebet. Traoù
divoutin a zo er film-mañ e gwirionez :
talañ ouzh c’hoarvoudennoù dreistnatur
a zo d’ober met ne vezer ket boas da welet an
armoù a vez implijet gant tudenn Julianne Moore er
stourm-se. Un tamm faltazi eus ar re wellañ. Kement
ha gouzout muioc'h : http://www.columbiatristar.fr/k/memoire/ |
|
|
|
|
|
|
|
|
|
|
|
Ellen
Allien – My Parade /DJ Mix |
|
|
|
Embannet
gant Bpitch Control Ar
bloaz tremenet e oa deuet er-maez ur bladenn sonerezh elektronek
dispar : Berlinette, gant Ellen Allien. Distreiñ a
ra-hi gant ur bladenn nevez. Diwar an 13 kanaouenn n’eus
nemet 2 savet ganti, ar peurrest a zo sonerezh elektronek alaman
(Modeslektor, Apparat) pe saoz (Plaid). E gwirionez e
c’haller lakaat ar bladenn da vont eus ar penn
kentañ betek ar fin : pep tra a zo bet mesket
ganti, n’eus troc’h ebet, evel ma vefe ur ganaouenn
hir gant meur a lodenn. Un dra voutin a zo d’an holl
ganaouennoù : sonerezh elektronek eo, gant sonioù
eeun o tont a-frapadoù. Kement
ha gouzout hiroc'h : |
|
|
|
|
|
|
|
|
|
|
|
Koton
klub |
|
|
|
Ar
c’hoton a vez soñjet ennañ alies evel
un elfenn c’hlan. Koulskoude ez eo unan eus an
danvezioù a brodu ar muiañ a saotradur. 24 % eus
al lazh-amprevaned a raer gantañ er bed a vez implijet evit
gounit koton. Ar pezh a zo fall-put evit an dud a labour er parkeier.
Ar c’hementad dour dispignet a zo divent ivez. Pa ouezer
peseurt dalc’h a vo gant an dour en amzer da zont…
Ar merk IDEO zo bet krouet gant div blac’h, Rachel Liu hag
Antoinette Giorgi o deus bet c’hoant da implijout ar
c’hoton en ur mod-all. Labourat a reont diouzh
reolennoù ar c’henwerzh kempouez. Sevel a reont o
dilhad diwar goton bio hepken. Ne vez ket implijet na louzoù
na lazh-amprevaned evit e c’hounit. Ne labouront nemet gant
produourien vihan ha paeañ a reont o implijidi en un doare
reizh. Ne implijont ket PVC kennebeut evit fardañ an
tresadennoù a zo ouzh an ticheurtoù, met un doare
all ha na brodu ket saotradurioù. Ouzhpenn-se ne ankouaont
ket sevel dilhad diouzh ar c’hiz, treset brav hag a liv
kaer ! Da zizoleiñ un tamm e pep lec’h e
Breizh… Kement
ha gouzout hiroc'h : www.ideo-wear.com |
|
|
|
|
|