|
|
|
|
|
|
|
|
|
|
Lun 29 a viz Du,
niv.310 Pellgargit
ar pennadoù e stumm Word Evit resev
kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Erru an amzer yen! |
|
|
|
|
|
|
|
|
|
Dispaket eo prim-ha-prim ar yenien ha n'omp ket
kustumet gwall vat amañ e Breizh. Diaezamantoù a
zo bet neuze, gant an hentoù riklus hag erc’h ken
dañjerus all evit ar vlenierien. Troc'hadennoù
tredan a zo bet ivez. Abaoe disadorn da noz eo e ra erc’h
e-kostez Bro-Leon dreist-holl, Aodoù-an-Arvor, ar Mor-Bihan
ha Kreiz-Breizh. Nullet eo bet ar c'hirri-boutin evit kas ar vugale
d'ar skol e lec’hioù zo, evel er Mor-Bihan, e
lec'h m'eo chomet 90% eus ar c'hirri-boutin er c'harrdioù
hiziv. Abalamour d'an erc'h ha d'ar riell ne oa karr-boutin ebet evit
kas ar vugale d'ar skol kostez Lannuon kennebeut, Gwengamp pe
Rostrenenn, e Bro-Leon ha kostez Redon ivez. Gwelloc'h
doujañ d'an alioù fur evit chom hep
riklañ war an hent: loc'hañ an oto goustadik,
krennañ war ho tizh hag evit nompas chom boud eo
gwelloc'h ober gant starderez ar c'heflusker.Gant an amzer yen
ki-se en deus goulennet RTE (Réseau de transport
d'électricité) ouzh ar Vretoned diwall
da veveziñ re a dredan etre 6e hag 8e noz dreist-holl.
Hervez Marcel Le Stumm, e-penn Météo-France e
Brest, "e vo yen an amzer e-pad ar sizhun c'hoazh ha
sec'hoc'h e vo. Tommoc'h e vo an amzer adalek ar Gwener 3 a viz Kerzu
sañset, met erc'h a raio adarre a-benn dimerc'her, d'ar
1añ a viz Kerzu". Ur rekord evit ur miz Du a zo
bet pilet e-kerzh an nozvezh etre disul ha dilun e Ploermael,
gant -8,3 derez!
|
|
|
|
|
|
Hag a nevez gant ar glaou? |
|
|
|
M.M. |
|
|
|
|
|
Pa vez kaoz eus energiezhioù fosil ha
gazoù un efed-gor ganto e vez soñjet alies en
eoul-maen, gwech an amzer e-barzh ar gaz. Met unan eus ar re
saotrusañ a vez ankouaet alies-mat: ar glaou, evel pa vije
bet dilezet abaoe an naontekvet kantved, ar pezh n'eo ket gwir tamm
ebet. Un drederenn eus an energiezh a zo o tont eus ar glaou, muioc'h
eget evit ar gaz, hag ar vammenn saotrusañ eo. E 2009 ez eo
bet diskennet un tammig (-1,1%) lodenn an energiezhioù fosil
implijet, abalamour d'an enkadenn ekonomikel. Daoust da se eo
kendalc'het da greskiñ feurioù ar
gazoù un efed-gor ganto (CO2, CH4, N2O), betek tizhout al
liveoù uhelañ a zo bet a-viskoazh. Evit ar pezh a
sell ouzh ar glaou, diskennet eo eus 0,5% er bed, met kenderc'hel a ra
da greskiñ en Indez ha Sina (ma vez 78% eus an tredan o tont
diwar ar glaou!). En Europa e oa sañset ul lezenn tremen
evit ma vije paouezet da arc'hantañ ar glaou gant an
arc'hant-Stad adal 2014, met emañ parlamant Europa o paouez
kinnig ma vije kendalc'het betek 2018. Feuket e vez kalz ekologourien
gant ar c'hinnig-mañ, a gavont diboell penn-da-benn, ober a
reont anv eus ar gwask lakaet gant embregerezhioù bras an
energiezh. Da heuliañ evit gouzout penaos ec'h emdroy an
traoù.
|
|
|
|
|
|
Kenstrivadeg
danevelloù brezhonek Redon |
|
|
|
Abaoe
ar bloavezh-skol 1999-2000, e kinnig izili Redon an "Association
Bretonne" ur genstrivadeg danevelloù brezhonek. Gellout a ra
an holl re a ra gant ar brezhoneg kemer perzh: deskidi pe
brezhonegerien da vat. Pemp rann a vo: skolioù
kentañ derez, skolajoù, liseoù,
oadourien o teskiñ, brezhonegerien ampart. Tem
ar genstrivadeg er bloaz-mañ a zo "an
huñvreoù/un huñvre". Dav e
vo d'ar skrid bezañ ur bajennad. Da gas dre lizher a-benn ar
15 a viz Meurzh 2011. Ur
juri a zibabo al loreidi, hag a vo pedet gant Ti-kêr Redon
d'ul lid d'ar 16 a viz Mae 2011 evit resev o frizioù. Evit kemer perzh: |
|
|
|
|
|
|
|
|
|
|
|
Tennis: Masters ar baotred |
|
|
|
Andy
Murray – Rafael Nadal, 6-7 6-3 6-7 Roger
Federer – Novak Djokovic, 6-1 6-4 Evit
ar gourfenn etre "Rafa" ha Roger e oa leun-kouch an O2 Arena. Gwir eo
n'eus ket bet kement-se a zigarezioù da welet an eil o
c'hoari a-enep egile e-kerzh an daou vloaz tremenet. Ur gourfenn
hunvreet gant an holl eo, ha diskouezet en deus Roger un doare c'hoari
tennis dreistordinal adarre, a-live gant ar pezh en deus graet a-hed ar
sizhun e Londrez. Diouzh e du eo deuet a-benn Rafael Nadal da dapout ur
set memestra, niverenn 1 en ATP na petra 'ta! Roger Federer
– Rafael Nadal, 6-3 3-6 6-1 Mell-droad Evit
a sell ouzh ar R2. Trec'h eo bet Naoned war Clermont-Foot, 2-0, daou
bal lakaet gant Rodelin (23', 68'). Pignet eo skipailh ar Ganaried war
ar 5vet pazenn! Evit Gwened ne ya ket gwelloc'h an traoù,
rampo mann ouzh mann a-enep Angers, chom a reont er 17vet plas. Naoned
2-0 Clermont Gwened
0-0 Angers Evit
a sell ouzh ar Rummad 1. Arestet eo bet ar c'hrogad etre Brest ha Lens,
kement a erc'h a oa o kouezhañ war Stad Francis
Leblé. Adc'hoariet e vo ar match-mañ e-kerzh ar
sizhun gant ma ne raio ket erc'h adarre. Evit an derbi etre Roazhoniz
hag Oriantiz eo aet ar maout gant ar Pennoù-Merluz. Daou bal
a zo bet lakaet gant Jacques-Alaixys Romao (61') ha Jeremy Morel (86'),
ha meritet eo bet evit paotred Christian Gourcuff. Daoust m'eo bet
c'hoariet propik gant Roazhoniz n'int ket bet dañjerus
a-walc'h evit soñjal gounit. An
Oriant 2-0 Roazhon Brest
– Lens (da vezañ adc'hoariet d’ar Meurzh
30 a viz Du) |
|
|
|
|
|
En O2 Arena e Londrez eo bet dalc'het Masters
Tennis ar baotred evit ar wezh kentañ. Bodet e vez e seurt
degouezhioù an eizh c'hoarier gwellañ a zo bet
a-hed ar bloavezh. Dibabet int bet diouzh o renk ATP e fin ar c'houlzad
c'hoari 2010. Setu an eizh c'hoarier gwellañ, en urzh:
Rafael Nadal, Roger Federer, Novak Djokovik, Robin Soderling, Andy
Murray ar Skosad, Tomas Berdych, David Ferrer hag Andy Roddick. Da-heul
ar c'hrogadoù a zo bet en daou strollad, ez eus bet an
hanterc'hourfennoù. Ur c'hrogad brav-eston a zo bet etre
Andy Murray, an arvesterien saoz o reiñ kalon
dezhañ forzh pegement, ha Rafael Nadal. Goude teir eurvezh
c'hoari, siwazh evit Murray, en deus gounezet ar Spagnolad. Na pegen
diaes eo bet hemañ koulskoude. Evit an eil hanterc'hourfenn
etre Novak Djokovic ha Roger Federer, eo bet ur gwir blijadur evit
hemañ-diwezhañ, trec'h ken aes ha tra.
|
|
|
|
|
|
Potiche |
|
||
|
|
Frañs
– 2010 Senario
ha seveniñ : François Ozon
Liesseurt
eo oberenn François Ozon.
D’ar gomedienn sokial e tistro gant Potiche,
un istor dalc’het er bloavezhioù 70 met ne baouez
ket d’ober lagadennoù d’an amzer a
vremañ. Aktored eus an dibab a zeu da glokaat ar skipailh
(Depardieu, Viard, Godrèche, Renier, López).
Plijadur o deus bet o c’hoari asambles, splann eo, hag an
arvestourien o do kement-all a blijadur. Meriadeg Vallerie Evit gouzout hiroc’h: www.francois-ozon.com |
|
||
|
|
|
|
|
|
Hêrez labouradeg disglavier he zad eo
Suzanne
|
|
|
|
|
|
Ehan
gant Gweltaz Adeux |
|
|
|
12 kanaouenn (46 mn). Dasparzhet
gant Coop Breizh. Antonin Artaud ha Gaston
Ferdière
Kleñvedoù
ar preder a gemer muioc’h-muiañ a amzer en e
vuhez. Mont a ra an traoù war washaat gant an
drammoù. A-benn ar fin eo lakaet Antonin Artaud, dre heg, en
un ti evit ar re foll e Rodez. Pennrener an ospital eo Gaston
Ferdière. Levr
Emmanuel Venet (Ferdière, Psychiatre
d’Antonin Artaud, Editions Verdier, 2006) a
ziskouez deomp an darempredoù souezhus etre ar skrivagner
klañv hag e vezeg. Bed al lennegezh a vremañ a
blij da Ferdière. Lorc’h zo ennañ
oc’h ober war-dro kempouez spered Antonin Artaud.
N’eo ket Ferdière ur bredvezeg dianav ken,
bac’het en un ensavadur bennak er "broviñs". Dont
a ra da vezañ an hini a roio un arzour, divent e varregezh,
da Vro-C’hall en-dro. D’ar
c’houlz-se e veze implijet an tredan evit pareañ
ar glañvourien. Ur jahinerezh evit gwir e oa. Evelkent,
lezel a ra ar bredvezeg kaieroù ha kreionoù gant
Antonin Artaud atav. Ne fell ket dezhañ e teufe ar gur da
vezañ ur skoilh evit ar grouidigezh arzel. Ken
skedus eo personelezh arzourien zo ken e chom ar re all oc'h ober o
seizh gwellañ evit souten anezho, en o skeud. Al
levr-mañ a c’hell adkempouezañ brud
fall Ferdière. Tangi Legavre Ferdière, Psychiatre
d’Antonin Artaud gant Emmanuel Venet (2006). |
|
|
|
|
|
Distro eo paotr Gweltaz EV! Asambles gant Nico
Guérin gant ar gitar-boud ha Christophe "Tof" Rossini gant
an taboulinoù. Daou vloaz zo bremañ e oa bet tro
da glevet Kelc'hioù du ha kelc'hioù glas,
ar ganaouenn a voulc'h albom solo nevez-flamm Gweltaz Adeux, Ehan. Un
dave da bladenn ziwezhañ EV, Dizehan?
Un eil a zo e fin ar bladenn gant Ar redadeg, bet
adkempennet neuze. Ar pezh zo sur eo en deus tennet splet Gweltaz Adeux
eus an "ehan" abaoe fin EV. Plijadur en deus dleet kaout ivez o
skrivañ ar pozioù. C'hoari a ra Gweltaz Adeux
gant soniadoù ar brezhoneg ingal, gant Gerioù
hud (just a-walc'h) ha Kleier o tintal
(dres...) da skouer. Gerioù an natur a glever ingal, pa vije
re ar plant, ar mor, al loened pe ar c'houlzoù amzer. Ur
seblant laouen ha seder a achap diwar ton ar bladenn dre vras. Blaz ar
rock zo bepred gant sonerezh Gweltaz koulskoude, gant tredan ar
gitaroù ha luskoù efedus, arabat bezañ
nec'het. Evezh zo bet taolet a dra-sur war an enrollañ hag
ar sonveskañ ivez. Splann e teu e gomzoù ha son
ar binvioù. Un drugar eo gwelet kanerien eveltañ
pe kanerezed evel Nolwenn Korbell o kenderc'hel da vont gant o hent.
"Le génie ça
démarre tôt, des fois même ça
rend marteau, style Antonin Artaud"
|
|
|
|
|
|
Buhez-pad
un den war Facebook |
|
|||
|
|
Adalek
krouidigezh e gont betek an digevreañ bloavezhioù
da c’houde, e kont ar filmig-mañ buhez an dudenn
war Facebook. E niver a vignoned, e istorioù karantez, ar
pokoù en deus bet pe kaset, kemenn e eured, pe
c’hoazh fotoioù e vugale, kement tra zo hag a zo
stag ouzh Facebook. Gwir
eo e c’heller soñjal eo faos-tout buhez Alex
Droner, hogen pa sellit a-dostoc’h ha ma’z it war
ho kont Facebook pe hini ho mignoned, daoust hag-eñ
n’eo ket gwirheñvel ar pezh a zo kontet er
filmig-mañ? Deiziataer
2011
Nevez
er bloaz-mañ: "Ar brezhoneg war ar Genrouedad" renabl al
lec'hiennoù pouezusañ e brezhoneg war ar
Genrouedad renket e 6 rumm. E
gwerzh emañ Deiziataer 2011 abaoe ar 15 a viz Gwengolo 2010,
10€ an tamm. Gellout a reer gourc'hemenn anezhañ
dre ar Post ivez evel-just, en ur vont e darempred gant Skol an Emsav
(12€ an tamm gant ar mizoù-kas). Evit gouzout
hiroc'h:
Plijet
oc'h o lenn ar pennadoù embannet a-hed ar bloaz war Bremaik?
Sot oc'h gant ar sonerezh, ar sportoù, an arzoù,
ar sinema, pe me ’oar-me? Gallout a rit degas ho sell war an
danvezioù-se ingal, dre ar brezhoneg, gant Bremaik!
Ur skipailh tud a youl vat a sav ar pennadoù bep sizhun
abaoe ouzhpenn 6 vloaz, ha bepred emaomp o klask "pluennoù"
nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit gouzout hiroch war an doare da
vont en-dro, ha penaos kemer perzh e buhez Bremaik, n'eus mann ebet
aesoc'h: kasit ur gerig deomp d'ar chomlec'h postel-mañ: bremaik@free.fr! Lennit
Bremañ
Du 2010!
An
teuliad zo gouestlet er miz-mañ d'an embann. Ur pennad-kaoz
a vo kavet gant renerez Coop Breizh, Anne-Laure Marteau, e penn an ti
abaoe ur bloaz-hanter, kinniget e vo ivez labour Kuzul ar Brezhoneg war
tachenn an embann brezhonek, levrioù niverel
kentañ an embanner Emgleo Breiz, ha kinniget ivez
saloñsoù levrioù e miz Du, e Pluguen,
Plistin ha Gwenrann... Kenderc'hel
a ra Bremañ da ginnig div bajennad
"Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o
lenn Bremaik, plijadur ho po o lenn Bremañ,
sur! Bep
miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar
bed, kinniget brav, e doare ur magazin. Embannet gant Skol an Emsav
(4,50€ an tamm) Koumanant: 50€ evit ur
bloaz, 60€ evit an estrenvro, 4€ bep miz dre lamadenn E gwerzh er
stalioù-levrioù a ginnig danvez Breizh, pe dre
goumanant. Evit gouzout hiroc'h: www.breman.org |
|
|||
|
|
|
|
|
||
Ijinet ez eus bet gant ur realizatour petra a
c’hellfe bezañ buhez-pad un den war
brasañ rouedad sokial ar bed. Digoret eo bet Facebook
d’an holl e 2006, hag implijet e vez bremañ gant
ouzhpenn 500 milion a dud er bed a-bezh. Tud hag a vez o nevesaat
bemdez o frofil zoken. Ha gouzout a rit penaos e vo hoc’h
hini a-benn hanterkant vloaz? Klasket en deus ar filmaozour Maxime
Luère ober kement-all e-korf ur filmig div vunutenn, a gont
buhez Alex Droner, haroz (ijinet) ar filmig.
Adkavet e vo er bloaz-mañ ar stumm
klasel a blij d'an dud: 17cm uhelder ha 9cm ledander, gant ar skrid
a-led. En ur golo kartoñs e liv e vo kavet an deiziataer, en
taol-mañ, pevar liv penn-da-benn. Kantadoù a
chomlec'hioù a gaver ivez er fin, gant roll
pouezusañ aozadurioù sevenadurel ar vro (kelenn,
embann, mediaoù...).
