|
|
|
|
|
|
|
|
|
|
Lun 22 a viz Du, niv.309 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Sikouret e vo Iwerzhon |
|
|
|
Divigad: kement a vank da
gempouezañ ar gounidoù hag an dispignoù (déficit) |
|
|
|
|
|
Savet e oa bet dec'h en un
doare ofisiel gant Brian Cowen (skeudenn), kentañ ministr Iwerzhon, ur goulenn sikour
digant Unaniezh Europa hag ar Font moneizel etrebroadel (FME). Lakaet diaes
eo ekonomiezh Iwerzhon abaoe meur a viz bremañ, gant un divigad* par da 32%
eus Produadur Diabarzh Kriz (PDK) ar Stad a veze lesanvet an "Tigr
Kelt" n'eus ket keit-se zo. Ur steuñv strizh zo bet savet gant
gouarnamant Iwerzhon a-benn espern 15 miliard a euroioù war pevar bloaz evit
koazhañ an divigad da 3% eus PDK ar vro. Ar skoaziad digant Europa a vo
nebeutoc'h eget 100 miliard a euroioù hervez Didier Reynders, Ministr belgiat
an arc'hant (Belgia zo e penn Unaniezh Europa er mare-mañ). Divizet eo bet
ganto ober e doare ma ne vije ket kresket an tailhoù war an embregerezhioù en
Iwerzhon, hag a zo re izelañ Europa. Ur skoaziad 110 miliard a euroioù a oa
bet asantet da Stad C'hres c'hwec'h miz zo.
|
|
|
|
|
|
Bevliesseurted:
sinet un emglev a-benn ar fin |
|
|
|
Padal ne oa ket anat
betek-henn, o vezañ ma oa boulc’het ar Guzuliadeg war ur
c’hwitadenn. E gwirionez e oa bet divizet e 2002, e Johannesbourg, lakaat
un harz da zigresk ar vevliesseurted a-benn 2010, ar pezh n’eo ket bet graet. E-touez an divizoù kemeret
da wareziñ an endro ha stourm a-enep diskar an niver a spesadoù, ez eus daou
anezho a zo pouezus-kenañ. An hini kentañ a zo liammet
ouzh ar gounidoù a vez tennet, gant ar broioù pinvidik, eus ar mammennoù genetek
o tont eus loened ha plant o vevañ e broioù ar C’hreisteiz. An eil a sell ouzh astenn
an takadoù gwarezet: a-benn 2020 e ranko bezañ gwarezet 17% eus ar
gorread-douar ha 10% eus ar gorread-mor. Daoust d’an
araokadennoù-mañ e chom kalz a skoilhoù da ziskar. Arabat disoñjal da skouer n'eo
ket bet degemeret ar steuñv gant Stadoù-Unanet Amerika, ha n’o deus
morse peurwiriekaet ar C’henemglev diwar-benn ar vevliesseurted savet e
1992 gant Kuzuliadeg an Douar, e Rio de Janeiro. C.J. Ar pennad-skrid-mañ zo bet savet gant skolidi ar
gentel "Komz ha krouiñ" e Skol An Emsav. |
|
|
|
|
|
D’ar Sadorn 30 a viz
Here ha war-lerc’h div sizhunvezh a vreutadegoù, eo deuet a-benn ar 193
Stad bodet e Nagoya (Japan) da siñan un emglev diwar-benn gwarez ar
vevliesseurted (s.o. Bremaik niv.308).
|
|
|
|
|
|
Jean-Michel Basquiat |
|
|
|
Basquiat a oa arzour ar
straedoù, eus ar rummad "grafiti" er Stadoù-Unanet. E 1977 e rae
grafitioù sinet SAMO (a dalvez evit "Same Old Shit", d.l.e.
"bepred ar memes kozh traoù") e lesanv arzour. E livadurioù a oa
tremenet buan-kenañ eus ar mogerioù-straed d'ar mirdioù, war livadennoù en
taol-mañ. Awenet eo bet gant ur
meskaj etre ar Bibl hag ar mojennoù Vaudou, ar bannoù-treset, ar bruderezh,
ar mediaoù, ar sonerien afrikan-hag-amerikan hag ar boks. Diwar e wrizioù eus
Haiti ha Puerto Rico en doa kemeret doareoù an arz kentidik*. Levezonet eo
bet gant arzourien evel Jean Dubuffet, ar strollad Cobra, Robert Rauschenberg
pe c’hoazh Cy Twombly. Adalek 1984 en doa labouret gant Andy Warhol
(betek e varv dezhañ e 1987) hag e voe unan eus an arzourien du kentañ o
vezañ ken brudet. Goude marv gwall abred
Basquiat, e 1988, e laosk un oberenn bras-spontus evit diskouez deomp e sell
diwar-benn e vuhez, ar marv, hag ar ouennelouriezh: an dra bouezusañ evitañ a
oa kadarnaat e stad a zen du, evit stourm ouzh ar ouennelouriezh hag ar
ouennelourien. Ur film kentañ anvet Basquiat
a oa bet savet diwar e benn e 1996, gant Julian Schnabel, hag unan all er
bloaz-mañ anvet Jean-Michel Basquiat: The Radiant Child, savet gant
Tamra Davis. S.B Evit gouzout hiroc’h: http://mam.paris.fr Kentidik: evel en amzerioù kentañ (primitif) |
|
|
|
|
|
Abaoe ar
|
|
|
|
|
|
Hent ar
Rom 2010 |
|
|
|
Bep pevar bloaz e vez aozet
redadeg "Hent ar Rom" e-unan-penn en donvor. Aozet e vez gant Pen
Duik SAS abaoe 1978. Ar bageer primañ en doa lakaet nebeutoc’h eget
eizh devezh. D’an 19 a viz Du e vo roet ar prizioù. David Planchet hag Erig
Girard Beg an Trein: Pointe du Grouin Ar pennad-skrid-mañ zo bet savet gant skolidi ar
gentel "Komz ha krouiñ" e Skol An Emsav. Emañ mell
ar Rummad 1 o vont da cheñch adarre
|
|
|
|
|
|
Loc’het e oa
bageerien Hent ar Rom d’ar Sul 31 viz Here da un eur ha div vunutenn
goude-merenn, evit treizhañ ar mor atlantel eus Sant-Maloù da bPointe-à-Pitre
Betek-henn e veze implijet
ur volotenn gwenn-gris merk Puma, pe meur a hini zoken, e Frañs, evit matchoù
mell-droad ar Rummad 1 ha re ar Rummad 2. Evit an 20vet devezh avat, da lâret
eo evit krogadoù kentañ eil hanterenn ar c'hampionad a grogo d’ar 15 a
viz Genver 2011, e tegouezho ur vell nevez, melen-aour ar wezh-mañ, war an
dachenn-c'hoari. Ne vo implijet ar bolotennoù-mañ nemet evit krogadoù
mell-droad ar c'hampionadoù gall, hag amañ e vo c’hoazh peadra evit an
akipamanter Puma d’ober un tammig buzz kenwerzhel diwar-benn ar vell nevez-mañ.
Un emglev a 4 milion a euroioù a zo etre Kevre Mell-droad Frañs (LFP) ha Puma
evit an 3 bloaz a zeu. Roet e vez ganto e-tro 12.000 mell evit pep koulzad
c’hoari, d’an 40 kleub a zo e Frañs.
|
|
|
|
|
|
Rubber |
|
||
|
|
Frañs - 2010 Seveniñ : Quentin Dupieux
Eil film Quentin Dupieux eo Rubber. An hini
kentañ a oa Steak (2006) gant Eric & Ramzy. Filmet e-korf pemzektez
er Stadoù-Unanet, Rubber a zo ur film iskis-kenañ. Filmet eo bet gant
ur benveg skeudennoù niverel (ha brav eston eo ar skeudennoù), n’eus
aktor anavezet ebet hag an harozez a zo... ur vandenn-rod. Start eo gouzout
m'eo fentus pe vantrus, brav pe arabadus, leun a breder pe c’houllo. Ur
preder a zo war ar pezh eo ar filmoù, an dudi, sellet ouzh un arvest ha
kinnig un arvest da dud all. Quentin Dupieux a embann sklaer e plij dezhañ
filmoù David Lynch e-lec’h ma rank ar seller bezañ aketus ha degemer ne
c’hall ket kompren pep tra dre ret. Setu, deoc’h da welet ma fell
deoc’h bevañ an taol-arnod-mañ. G.L. A-benn gouzout hiroc’h: www.rubberfilm.com Barnadennoù filmoù all a c'hellit lenn war blog
hor c'henskriverez: http://soubennargeek.wordpress.com |
|
||
|
|
|
|
|
|
Ur strollad tud a sell ouzh ur film er
gouelec’h kalifornian. Ur film un tammig ispisial eo peogwir e
c’hall an aktored mont e darempred gant ar sellerien. Istor ar film a
zo hini Robert, ur vandenn-rod a lazh an holl war he hent...
|
|
|
|
|
|
Penaos cheñch e vuhez? En ur
lazhañ un den da skouer… |
|
|
|
Mat-kaer e ya an traoù gant
an haroz Ben Bradford (Paol Exben er film gall). En e dregont vloaz emañ, dezhañ
ur wreg ha daou vugel kaer, alvokad ampart ha brudet mat, o chom en un ti
bras en ur bannlev chik ha cheuc'h. N’eo ket ar vuhez a
felle dezhañ kaout, siwazh. Gwasket eo gant e vuhez familh ha sokial. En em
gollet eo war hent e vuhez, ankouaet gantañ e hunvreoù hag ar vicher a felle
dezhañ ober: luc'hskeudenner. E wreg Sarah,
hec’h-unan ha dilezet, a zo piket he c’halon gant o amezeg. Dizesper
eo Ben. Mont a ra da di ar c’hamalad-kleiz evit komz an eil gant egile,
ha klask kompren pelec'h emañ an dalc'h. Trenkañ a ra ar soubenn etrezo, ha
lazhet he c’henamourouz gant Ben dre wallzarvoud... Lakaat a ra haroz Douglas
Kennedy da grediñ eo marv. Lezel a ra e vuhez kentañ war e-lerc’h. Cheñch a ra e anv hag e
vuhez, ha tec’hout a ra da vMontenegro, evit dont da vezañ
luc'hskeudenner a-vicher. Ha posupl eo bevañ ur vuhez all da vat?... Béatrice Rabault &
Patrick Moison The Big Picture (L’homme qui voulait
vivre sa vie), gant Douglas Kennedy, embannet e Frañs gant Editions Belfond,
1998. Ar pennad-skrid-mañ zo bet savet gant skolidi ar
gentel "Komz ha krouiñ" e Skol An Emsav. |
|
|
|
|
|
Evel-henn emañ istor haroz The
Big Picture, romant Douglas Kennedy (L’homme qui voulait vivre
sa vie, "An den a felle dezhañ bevañ e vuhez",
1998, embannet gant Editions Belfond), en deus awenet film diwezhañ Eric
Lartigau, ar memes titl dezhañ, gant Romain Duris.
|
|
|
|
|
|
Miss Frañs 2011 mod Endemol: 33 miss war ar renk |
|
|||
|
|
D’ar c’houlz-se e ouezimp da biv e vo roet ar gurunenn hag ar skerb bet douget e-pad ur bloaz gant Malika Ménard, Miss Frañs 2010. Er bloaz-mañ e vo Alain Delon prezidant ar juri, met ne vo ket anv ken eus Geneviève de Fontenay goude m’eo bet roet he dilez ganti e miz Ebrel 2010 eus Comité Miss France, renet gant an ti-produiñ Endemol. Setu ma vo an dilennadeg kentañ hepti abaoe 1981! Aet eo hi neuze da
aozañ ur genstrivadeg "missed" eus he zu, na vo ket gwelet en tele. Kregiñ a ra fall an traoù
memes tra gant koñkour Endemol rak unan eus ar merc'hed, Pauline Darles, miss
Enez-Bro-C'hall a zo aet kuit rak kavout a rae dezhi e oa dismegañs gant tud
ar c'homite ouzh ar merc'hed. Hep kontañ e ra ar c'honkour nevez gant rannvro Breizh ha n'eo
ket Breizh a-bezh evel ma rae ha ma ra bepred Geneviève de Fontenay. Miss Elzas: Mathilde
Buecher - Miss Akitania: Clémence Thill - Miss Arvern: Clémence Olesky - Miss
Bourgogn: Alice Detollenaere - Miss "Breizh": Laury Thilleman
- Miss Kreiz Bro-C’hall: Sarah Perrin - Miss Korsika: Jade Morel - Miss
Aodoù-Azur: Marine Laugier - Miss Gwadeloup: Jenny Vulgaire - Miss Gwiana:
Julie-Malika Grosse - Miss Bro-Ok: Jenna Sylvestre - Miss Limousin: Nellie
Valentin - Miss Loren: Maeva Pax - Miss Martinik: Anaïs Corosine - Miss
Mayotte: Elisabeth Ongaretto - Miss Kreisteiz-Pireneoù: Alison Martin - Miss
Norzh Pas-de-Calais: Angeline Lagache - Miss Normandi: Juliette Polge - Miss
Kaledonia-Nevez: Ornella Zinni - Miss Bro Orleañs: Chanel Haye - Miss
Broioù al Liger: Laetitia Legros - Miss Broioù Savoie: Marion Guichard -
Miss Pikardi: Anastasia Winnebroot - Miss Poitou-Charentes: Pearl Crosland -
Miss Provañs: Analisa Kebaili - Miss Reunion : Florence Arginthe - Miss
Ron-Alpoù: Elise Charbonnier - Miss Roussillon: Marion Castaing - Miss
Sant-Per-ha-Mikelon: Léa Harnett - Miss Tahiti: Poehere Hutihuti Wilson -
Miss Enez-Bro-C’hall: Pauline Darles he deus roet he dilez, kemer a
raio perzh Jessica Muzaton neuze - Miss Champagn-Ardana: Kelly Renson - Miss
Franche-Comté: Sabrina Halm Deiziataer 2011
Nevez er bloaz-mañ: "Ar brezhoneg war ar
Genrouedad" renabl al lec'hiennoù pouezusañ e brezhoneg war ar
Genrouedad renket e 6 rumm. E gwerzh emañ Deiziataer 2011 abaoe ar 15 a viz
Gwengolo 2010, 10€ an tamm. Bez' e c'helloc'h kavout anezhañ e gwerzh
war stand Skol An Emsav e Gouel al Levrioù e Karaez, a-benn an 30 ha 31 a viz
Here. Gellout a reer gourc'hemenn anezhañ dre ar Post ivez evel-just, en ur vont
e darempred gant Skol An Emsav (12€ an tamm gant ar mizoù-kas). Evit gouzout hiroc'h: Skol An Emsav, 25
straed Pierre Martin, 35000 Roazhon.
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez
Bremaik, n'eus mann ebet aesoc'h: kasit ur gerig deomp d'ar chomlec'h
postel-mañ: bremaik@free.fr! Lennit Bremañ
Du 2010!
An teuliad zo gouestlet er miz-mañ d'an embann. Ur
pennad-kaoz a vo kavet gant renerez Coop Breizh, Anne-Laure Marteau, e penn
an ti abaoe ur bloaz-hanter, kinniget e vo ivez labour Kuzul ar Brezhoneg war
tachenn an embann brezhonek, levrioù niverel kentañ an embanner Emgleo Breiz,
ha kinniget ivez saloñsoù levrioù e miz Du, e Pluguen, Plistin ha Gwenrann... Kenderc'hel a ra Bremañ da ginnig div bajennad
"Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Anavezet eo bremañ anvioù an 33 "steredenn" a genstrivo
evit kentañ koñkour Miss Frañs a zeu. Dalc’het e vo lid dilennadeg
Miss Frañs e Caen d’ar 4 a viz Kerzu 2011, hag a vo skignet war ar
chadenn brevez TF1, evel bep bloaz.
