|
|
|
|
|
|
|
|
|
|
Lun 15 a viz Du, niv.308 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Gouarnamant Fillon III |
|
|
|
Ar pennoù nevez: Alain
Juppé, ministr an difenn hag ar vrezelerien gozh. Xavier Bertrand, ministr al
labour hag ar yec'hed. Patrick Ollier, ministr karget e-kichen ar C'hentañ
Ministr, eus an darempredoù gant ar Parlamant. Henri de Raincourt, ministr ar
c'henlabour. Jeannette Bougrab, sekretourez-Stad e karg eus ar yaouankiz hag
ar vuhez kevredigezhel. Frédéric Lefebvre, sekretour-Stad e-karg eus ar
c'henwerzh, an artizanerezh, an embregerezhioù bihan hag etre hag an touristerezh.
Marie-Anne Montchamp, sekretourez-Stad karget eus ar c'hengred. Philippe
Richert, ministr e karg eus ar strollegezhioù hag an tiriad. Thierry Mariani,
e karg eus an treuzdougen. Maurice Leroy, ministr ar c'hêrioù. Cheñch a reont: Michèle
Alliot-Marie, ministrez an Aferioù estren hag Europa. Michel Mercier, sieller
meur, ministr ar justis hag ar frankizoù. Nathalie Kosciusko-Morizet,
ministrez an ekologiezh, an diorren padus, an treuzdougen hag al lojañ. Nora
Berra, e karg eus ar yec'hed. Eric Besson e karg eus an industriezh. Laurent
Wauquiez, ministr an aferioù europat. Chantal Jouanno, e karg eus ar sportoù.
Nadine Morano, ministrez e karg eus deskardelezh hag ar stummañ. Roselyne
Bachelot-Narquin, ministrez ar c'hengred hag ar c'henstag sokial. Chom a reont: Christine
Lagarde, ministrez an armerzh hag an arc'hanterezh. Brice Hortefeux, ministr
an diabarzh, an tramor, ar strollegezhioù tiriadel hag an enbroañ. Luc
Chatel, e karg eus an deskadurezh. François Baroin, ministr ar budjed, ar
c'hontoù foran, ar velestradurezh foran ha mouezh aotreet ar gouarnamant.
Valérie Pécresse, ministr an deskadurezh uhel hag an enklask. Bruno Le Maire,
ministr al labour-douar, ar boued, ar pesketaerezh, ar maezioù ha terkerezh
an tiriad. Georges Tron, e-karg eus ar velestradurezh foran. Benoît Apparu, e
karg eus al lojañ. Frédéric Mitterrand, ministr ar sevenadur hag ar c'hehentiñ.
Marie-Luce Penchard, a ra war-dro an tramor. Pierre Lelouch, e karg eus ar
c'henwerh diavaez . Mont a reont kuit: Bernard
Kouchner, Eric Woerth, Fadela Amara, Rama Yade, Jean-Louis Borloo, Hervé
Morin, Christian Estrosi, Jean-Marie Bockel ha Valérie Létard. |
|
|
|
|
|
E fin miz Even en doa
lavaret ar prezidant Nicolas Sarkozy en doa c'hoant da cheñch gouarnamant
Frañs war-lerc'h adreizh al leveoù. Pemp miz goude eo graet. Roet eo bet e
zilez gant gouarnamant Fillon d'ar Sadorn 13 a viz Du da noz hag an deiz
goude diouzh ar mintin en deus lavaret Nicolas Sarkozy e c’halve en-dro
François Fillon evit bezañ Kentañ Ministr ar gouarnamant nevez. D'ar Sul 14 a
viz Du da 8e15 noz, Claude Guéant sekretour-meur an Elysée en deus skignet
anvioù gouarnamant Fillon III. Er skipailh nevez-se ez eus 31 ezel (11 plac'h
ha 20 paotr), 37 a oa a-raok. 16 ezel eus ar skipailh kozh a zo bet skarzhet
10 nevez a zo deuet evel Alain Juppé pe Xavier Bertrand.
|
|
|
|
|
|
Boued
foeltret |
|
|
|
M.M. |
|
|
|
|
|
Hervez ur studiadenn e vije
foeltret e-tro 7kg a voued bep bloaz gant an dud e Frañs. E-barzh ar
c'hementadoù-se ne vez kontet nemet an traoù o dije gallet bezañ debret ha
n'int ket bet boulc'het pe dispaket, setu, ma vez ouzhpennet ar bara sec'h,
ar frouezh brein, hag all, e vez tizhet e-tro 20kg a voued bep bloaz gant pep
hini! Gant se ne vez ket kontet c'hoazh ar boued taolet el lastez gant ar
stalioù, pa n'eo ket bet gwerzhet e-koulz, nag an hini taolet gant ar broduerien.
Hervez ar FAO ez eus 90% eus an dud na verzont ket pegen bras eo ar
c'hementad boued stlapet ganto en o foubellennoù. Pa vez taolet un dorzh vara
peogwir eo sec'h da skouer, kentoc'h eget lakaat anezhi er soubenn, pe evit
aozañ rekipeoù all, ne ouezer ket alies e vez foeltret ur gibellad dour a zo
bet implijet evit sevel an dorzh vara-se. En holl e vije e-tro 55% ouzh ar
produiñ az afe da goll! Se a dalvez e vez saotret ha tennet dour gant an
hanter eus an douaroù labouret evit netra. Peadra zo da brederiañ... Gant ma
ne vo ket foeltret ken buan all ar "boued spered!"
|
|
|
|
|
|
Beilhadegoù kontet e Breizh #6 |
|
|
|
Roll abadennoù "Beilhadegoù kontet e Breizh" 2010 a
c'heller kavout war lec'hienn Skol-Uhel ar Vro: www.culture-bretagne.org |
|
|
|
|
|
Evit ar 6vet gwech, e
kinnig Skol-Uhel ar Vro ur mizvezh beilhadegoù e Breizh a-bezh abaoe
penn-kentañ ar miz betek fin Du 2010. Pal an degouezh zo simpl: lakaat war
wel, ha talvoudekaat, hengoun ar c'hontañ e Breizh. Klask a ra neuze an
aozerien kinnig degouezhioù lec'h ma vo skoaz-ouzh-skoaz rummadoù oad a bep
seurt, tud a gomz yezhoù ha rannyezhoù liesseurt, un digarez da dreuzkas arz
ar c'hontadennoù, met ivez da lakaat en a-raok an deskadurezh a c'heller
tennañ diwar ar c'hontadennoù-se, kenkoulz hag ar blijadur d'en em gavout
asambles.
|
|
|
|
|
|
Mell-droad:
Brest atav e penn ar Rummad 1 |
|
|
|
Disadorn a zeu, d'an 20 a
viz Du, e vo un derby hirc’hortozet etre Roazhon ha Brest e stad
Hent an Oriant evit gouzout peseurt skipailh breizhat a vo pe a chomo e penn
ar R1. Brest 1-1 Sochaux An Oriant 1-1
Paris-Saint-Germain Auxerres 2-1 Roazhon Rugbi: Skipailh
Frañs e Naoned Pellik zo ne oa ket bet
gwelet ur c’hrogad rugbi e stad ar Beaujoire e Naoned, ha gwelet skipailh
Frañs ouzhpenn a oa kaoz e oa leun-chouk ar stad, goude ma rae glav-pil! O
c’hortoz leun a basoù hag a draoù dic’hortoz e oa an arvesterien,
dreist-holl gant strobinellerien ar rugbi, Fidjiiz, met gant ar gorventenn a
oa n’int ket deuet a-benn da ziskouez petra int gouest d’ober.
Ret eo gouzout ez eus ur Fidjiad diwar seizh o c’hoari rugbi,
n’eo ket mui ur sport eno, ur relijion an hini eo! Evit a sell ouzh ar
c’hoari ez eus bet plantet un esae iskis-kenañ gant David Marty goude
ma’z eus bet c’hwitet un taol-kastiz gant Yachvilli (33’).
Mod-all en deus Maxime Médard, c’hoarier Tolosa, plantet unan all
(43’) a-raok ma tiskouezfe ar "pack" e nerzh dindan ar
peulioù evit un esae-kastiz (70’). Frañs 34-12 Fidji |
|
|
|
|
|
Daoust d’ar rampo 1
ouzh 1 a-enep Sochaux e chom Stad Brest 29 e penn ar R1! Evit a sell ouzh ar
c’hluboù breizhat all hag o deus c’hoariet disul e vije bet
gwelloc’h ma ne vije nemet 80' c’hoari. O c’hounit e oa an
Oriant pa’z eus bet plantet ur pal gant Néné, argader Pariz d’ar
90', ha rampo e oa Auxerres ha Roazhon p’eo plantet pal an trec’h
gant Quercia hag a oa a-boan erruet war an dachenn c’hoari (86').
|
|
|
|
|
|
Severn,
la voix de nos enfants |
|
||
|
|
Frañs
– 2010 Senario
ha seveniñ : Jean-Paul Jaud
Warlene, da-geñver SINEyaouank, e oa bet bannet ar
film Gold Men (Cyril Peyramond, 2009, bet advoueziet gant Dizale) a
gave gwelloc’h kinnig skouerioù a-feson eus tud a striv evit an diorren
padus a-dreuz ar bed eget klemmichal war stad fall an traoù hep kinnig netra.
Severn zo un tamm ar memes tro spered gantañ: ouzhpenn gouzout penaos emaomp
ganti ez eus da dapout krog enni. Arabat termal evit mont da welet an
abadenn-se er sinemaoù rak ne vo ket skignet gant ar chadennoù skinwel,
dalc’het ma vezont gant interestoù all... Meriadeg Vallerie Evit gouzout hiroc’h: |
|
||
|
|
|
|
|
|
Severn Cullis-Suzuki eo anv ur plac’h
yaouank a 12 vloaz a oa bet o kemer ar gaoz dirak an holl pennoù-bras bodet e
kuzuliadeg ar Broadoù Unanet e Rio de Janeiro e 1992. Lakaet he doa anat ar
c’hudennoù denegour hag ekologel a save d’ar mare-se koulz ha
kiriegezh an dud deuet war kement-se. O tougen he bugel kentañ emañ Severn
bremañ hag ober a ra ar poent war kement-se.
|
|
|
|
|
|
Yaouank 2010! |
|
|
|
Evit gouzout hiroc'h: www.yaouank.com
pe www.myspace.com/yaouankgouel Rusia
2028 gant Vladimir Sorokine
Levr diwezhañ Vladimir
Sorokine Journée d’un Opritchnik (embannet e Frañs gant Edition de
l’Olivier, 2008) a gas ac’hanomp en un amzer da zont (2028)
huñvreet, pe kentoc’h gwallhuñvreet, etre Moskov ha kompezennoù divent
Siberia. Gwelout a reomp ur gevredigezh
spontus a vesk roudoù an amzer dremenet (ar sorserezh, ar mojennoù
kozh-noe...) hag an araokadennoù arbennik (an urzhiataerioù, an drammoù nevez
krouet...). Disoñjal a reomp abred
a-walc’h an istor evit derc’hel hon evezh war ar benndudenn
Andréï Danilovitch, den uhel e garg en Opritchina. An aozadur-mañ, par
d’ur gward pretoriek, a oa bet krouet da vare Ivan Grozny (16vet
kantved). Dreist ar varnerien, an archerien, ar vourc'hizion uhel hag an dudjentil
o devoa e izili an hollc’halloud evit gwareziñ an Tsar. O sentidigezh a
oa o relijion. Al levr-mañ zo ur preder sebezus war donkad
Rusia a-vremañ hag an doare m'eo bet tapet ar galloud gant ur strolladig a
dud. Den na vo souezhet o c’houzout n’eo ket deuet mat oberennoù
Sorokine gant gouarnamant Rusia. Tangi Legavre 7vet Saloñs Gwenrann al levrioù e
Breizh
E-keñver ar brezhoneg e vo
meur a emgav. Gant ar c'hannad ha maer Christophe Priou e vo sinet ar garta
Ya d'ar brezhoneg d'ar Sadorn 20 da 11e30. Da 3e goude merenn e vo aozet un
abadenn e koun Bernez an Nail, skrivagner hag embanner (Les Portes du Large),
gant Jaqueline an Nail hag Annaig Renault, diwar-benn e labour. D'ar Sul 21 da 2e30 goude merenn
e vo tu da glevet Annaig Renault ha Martial Ménard o kaozeal, e brezhoneg,
diwar-benn levrioù nevez embannet en hor yezh. Troet e vo war-eeun e galleg
gant ar jubennour Sten Charbonneau. Evit gouzout hiroc'h: |
|
|
|
|
|
Kenderc'hel a ra gouel
Yaouank e Bro Roazhon, gant ar fest-noz meur a-benn disadorn da noz er MusikHALL.
Kenderc'hel, ya, rak kroget eo ar gouel abaoe penn-kentañ miz Du! Abaoe an 3
ha betek ar Sul 21 a viz Du, adalek 9e noz ingal e vez kinniget abadennoù "BisTRO",
sonadegoù e-barzh 15 tavarn tro-dro da Roazhon. Er Maezioù Frank, a-benn dimerc'her
(17 a viz Du) da greisteiz e vo ur sonadeg gant Jean-Luc Thomas ha Serendou.
Da 7e noz memes deiz, e sal ar Cité e Roazhon e vo an nozvezh "Rock
Breizh" gant Bikini Machine, Aodan, P.H. de la Gravelle, Gimol Dru Band
ha Lorans Outangs. A-benn diriaou adalek 7e noz, e sal ar Cité bepred e vo ur
fest-noz Dispac'h, Kadja Quintet, Darhaou, Bouka, Digresk, An Tri Dipop.
A-benn disadorn e vo an abadenn veur adalek 5e er Musik Hall (war tachenn an
diskouezadegoù e Sant-Jakez-al-Lann) gant Red Cardell, Jean Charles Guichen,
Startijenn, Sylvain Barou Project, Les Ramoneurs de Menhirs, Kejaj,
Alambig Electrik, Vincendeau-Felder, Wipidoup, Etienne Grandjean, Jeu à
la Nantaise, Thomas Moisson & Co, Yann-Fañch Kemener hag Erik Marchand,
Christophe Le Menn hag Eric Menneteau, Manglo Sonne. Plijadur a vo
betek bannoù-heol kentañ beurevezh disul!
Tuning a blij
deoc’h? Klask a rit ur mennozh nevez evit bravaat ho karr? Kit da welout
hini izili an Opritchina! Penn ur c’hi marv war golo ar
c’heflusker evit lavarout: bez’ e c’hellomp lazhañ
n’eus forzh piv. Ur skubellenn staget ouzh an distokell a-dreñv evit
lavarout: skubañ a reomp enebourien Rusia. 
Etre digwener ha disul e vo
aozet gant ar gevredigezh Gourenez 7vet Festival Levrioù Breizh Gwenrann. Ar
Vretoned er bed, sed amañ tem ar bloaz-mañ, hag Irène Frain a vo prezidantez
a-enor. Un abadenn a vo d'ar Sul gant OBE-Organisation des Breton de
l'Extérieur, da skouer. E-touez ar skrivagnerien pedet emañ Roger Faligot,
Josette Jouas, Patricia Dagier, Hervé Quéméner, Marie Le Gall… E
kreizenn sevenadurel Athanor e vo kinniget ar saloñs d'ar Sadorn ha d’ar
Sul.
|
|
|
|
|
|
0810 313 313: "Alo, amañ hoc’h
alvokad" |
|
|||
|
|
Evit gouzout hiroc'h: Deiziataer 2011
Nevez er bloaz-mañ: "Ar brezhoneg war ar
Genrouedad" renabl al lec'hiennoù pouezusañ e brezhoneg war ar
Genrouedad renket e 6 rumm. E gwerzh emañ Deiziataer 2011 abaoe ar 15 a viz
Gwengolo 2010, 10€ an tamm. Bez' e c'helloc'h kavout anezhañ e gwerzh
war stand Skol An Emsav e Gouel al Levrioù e Karaez, a-benn an 30 ha 31 a viz
Here. Gellout a reer gourc'hemenn anezhañ dre ar Post ivez evel-just, en ur
vont e darempred gant Skol An Emsav (12€ an tamm gant ar mizoù-kas). Evit gouzout hiroc'h: Skol An Emsav, 25
straed Pierre Martin, 35000 Roazhon.
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez
Bremaik, n'eus mann ebet aesoc'h: kasit ur gerig deomp d'ar chomlec'h
postel-mañ: bremaik@free.fr! Lennit Bremañ
Du 2010!
An teuliad zo gouestlet er miz-mañ d'an embann. Ur
pennad-kaoz a vo kavet gant renerez Coop Breizh, Anne-Laure Marteau, e penn
an ti abaoe ur bloaz-hanter, kinniget e vo ivez labour Kuzul ar Brezhoneg war
tachenn an embann brezhonek, levrioù niverel kentañ an embanner Emgleo Breiz,
ha kinniget ivez saloñsoù levrioù e miz Du, e Pluguen, Plistin ha Gwenrann... Kenderc'hel a ra Bremañ da ginnig div bajennad
"Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Etre ar 15 hag an 19 a viz
Du
