|
|
|
|
|
|
|
|
|
|
Lun 16 a viz Du, niv.261 Pellgargit
ar pennadoù e stumm Word Evit resev kemennadenn nevez Bremaik bep Lun, Petra oa keleier Bremaik bloaz zo? Klikit amañ ! |
|
|
|
|
|
|
|
|
|
|
|
|
|
|
Barack Obama en Azia
|
|
|
|
|
|
|
|
|
|
Emañ prezidant ar
Stadoù-Unanet, Barack Obama, o kenderc'hel hiziv e Sina e droiad en Azia. E
Tokyo e oa digwener, lec'h m'en deus komzet gant ar c'hentañ ministr nevez,
Yukio Hatoyama. Hemañ en deus disklêriet e oa poent adwelet an emglev etre
Japan ha SUA. Ne fell ket ken da ouarnamant Tokyo bezañ suj da Washington
evel m'emañ abaoe 50 vloaz, met dont da vezañ ur c'henseurt gwirion. Bet eo
bet Barack Obama goude-se e Singapoura, lec'h m'en deus disklêriet e c'hoant
da genlabourat gant an holl Stadoù aziat eus ar Meurvor Habask. Graet en deus
anv (dre gomz hepken) eus Manmyar hag eus saviad Aung San Suu Kyi, ar
stourmerez evit gwirioù mab-den, hag eus nerzh nukleel Korea an Norzh. Dec'h
e oa bet o komz e Shanghai dirak studierien deuet eus brudetañ skolioù-meur
ar veurgêr. Dirazo en deus embannet ne oa ket enbourien eus Sina hag ar
Stadoù-Unanet. Ouzhpennet en deus o doa gwir an holl, er bed a-bezh, ar
minorelezhioù en o zouez, da frankiz ar gaoz, ar relijion hag ar c'helaouiñ.
Hiziv eo aet ar prezidant stadunanat da vBeijing, evit gwelet e genseurt
sinaat, Hu Jintao. Dizemglevioù zo etre an div Stad vras, e-keñver ar
c'henwerzh hag ar moneiz, ha Tibet.
|
|
|
|
|
|
Efed-gor a-enep tredan nukleek ? |
|
|
|
Taer eo an tabut, lod eus
an ekologourien, Jean-Marc Jancovici (skeudenn) en o zouez, a soñj e vo ret ober gant an
energiezh nukleel, hag arguzennoù kreñv a zo gantañ ivez. Da bep hini d'en em
ditouriñ ha d'ober e soñj diwar an dielloù. M.M. Arguzennoù Greenpeace : www.dont-nuke-the-climate.org |
|
|
|
|
|
Evit ma ne dremenfe ket
kresk an hin dreist da
|
|
|
|
|
|
"Paroles d'hiver" en
Aodoù-an-Arvor |
|
|
|
Evit gouzout hiroc'h: |
|
|
|
|
|
Etre an 19 a viz Du hag ar
|
|
|
|
|
|
Golf: ur Breizhad e Masters Aostralia |
|
|
|
Evit gouzout hiroc'h: |
|
|
|
|
|
Dec'h e oa bet aozet
Masters Aostralia ar Golf e Melbourne. Aet eo ar maout gant ar Stadunanad
Tiger Woods (o stardañ dorn François Delamontagne war ar skeudenn), renet ar
c'hoari gantañ adal an toull kentañ, gant 274 poent. E 93vet trec'h eo evitañ,
hag e 7vet er bloaz-mañ. Ar wech kentañ e oa evitañ tapout ar c'hentañ plas
en Aostralia. War-lerc’h an Amerikan milvrudet e oa an Aostralian Greg
Chalmers (276 poent). Ur souezhadenn eo bet marteze degouezh ar Breizhad
François Delamontagne (o c'hoari evit Frañs), erruet en trede plas, rampo
gant Jason Dufner (SUA). 278 poent zo aet gant pep hini anezho. War e
lec'hienn bersonel en deus embannet ar golfer pegen sebezus e oa evitañ gwelet
kement a dud war al lec'h, 25000 bemdez, evit gwelet Tiger Woods. Tachenn
Melbourne a oa evit ar Breizhad "digredus" ha "diaes-tre, ret e
oa prederiañ kalz". Ur podiom a-bouez evit e vuhez sportour a-vicher eo.
Gounezet en deus ar gwir da gemer perzh e "Tro Europa 2010", ha
kresket e c’hounidoù evel-just (55500 euro diwar an 300000 bet gounezet
gantañ e 2009).
|
|
|
|
|
|
|
Away We Go |
|
|
|
Stadoù-Unanet
– 2009 Seveniñ
: Sam Mendes
Nebeutoc’h eget bloaz goude Revolutionary
Road (2008) e tistro Sam Mendes, ar sevenour deuet da vezañ brudet gant American
Beauty (2000). Dedennet eo gant prederiadennoù e dudennoù atav.
Skañvoc’h eo an ton ar wech-mañ eget en e film diwezhañ avat: heuliañ a
reer gant levenez ur c’houblad gwirheñvel-tre a ya da gejañ ouzh
koubladoù all da gavout skouerioù pe enepskouerioù. Meriadeg Vallerie Miz an teulfilmoù: 10vet!
Evit gouzout hiroc'h: (evit gouzout hiroc'h: 02 96 49 12 06) |
|
|
|
|
|
|
|
Dougerez eo Verona 
Er miz-mañ e vez kinniget e
Breizh 10vet festival "Miz an teulfilmoù". Pal ar jeu zo brudañ
ar muiañ ar gwellañ sinema an teulfilmoù, dre ginnig oberennoù a galite, na
vezont ket bannet pe skignet gwall alies. Ingal e vez aozet kejadennoù etre
ar sellerien ha sevenerien ar filmoù. Kalz a abadennoù a vo aozet e miz Du
2009 adarre: 248 abadenn, aozet gant 154 framm, e 133 kumun disheñvel. Temoù
disheñvel zo bet dibabet hervez al lec'h. E Penn-ar-Bed hag er Mor-Bihan e vo
lakaet en a-raok an teulfilmoù savet er vro pe gant tud eus Breizh (L'autre
Mai gant Jacques Willemont, diwar-benn stourm ar vicherourien hag ar
studierien e Naoned e 1968, pe O seizh posupl, gant Soazig Daniellou,
diwar-benn bachelourien gentañ Diwan zo 30 vloaz hiziv). En Aodoù-an-Arvor eo
liesseurted an temoù a zo lakaet en a-raok (Toute l'histoire de mes échecs
sexuels gant Chris Waitt). En Il-ha-Gwilen eo ar yaouankiz (Les
demoiselles de Nankin gant Camille Ponsin da skouer, diwar-benn div
studierez sinaat). El Liger-Atlantel e vo daou dem bennañ, "broioù an
Hanternoz" (Un détroit surgit des glaces gant Billy Yves da
skouer), ha "sevel traoù a-gevret" (Maison 3E: Ecologique,
Economique, Entr'aide gant Patrick Baronnet, da skouer).
|
|
|
|
|
|
Un dekvloaziad oc'h echuiñ, lodenn 1: folk ha rock |
|
|
|
Distro
eo, da vat, ar sonerezh folk kling-kling savet e-korn an oaled pe e-kreiz ar
parkeier: Sufjan Stevens, Devandra Banhart, Fleet Foxes ha nouspet arzour
all. Spered hippy Woodstock (40 vloaz lidet er bloaz-mañ) sur a-walc'h. Anv a
vez graet ivez eus distro ar rock'n'roll hag eus hini ar sonerezh post-punk:
listennad ebet pe dost hep The White Stripes, Yeah Yeah Yeahs, The
Libertines, The Strokes, Interpol pe Franz Ferdinand. Adimplij ar pezh a zo
bet implijet a zo unan eus pennaennoù ar sevenadur pop, a-benn nebeut distro
ar sonerezh grunge, gwelout a rit. Heñvel evit a sell ouzh ar sonerezh soul:
Back to Black gant Amy Winehouse, evel pa vije bet enrollet e 1964. Er
bloavezhioù tremenet e oa deuet war wel ivez ar sonerezh indie/arnodiñ a
glevr bremañ forzh pelec'h: Radiohead, Sonic Youth, The Flaming Lips, TV on
the Radio (skeudenn), Beck, Arcade Fire ha Wilco a zo deuet a-benn da vezañ
anavezet e diavaez bedig ar rummadoù sonerezh-se. Un dra vat eo? Pep hini a
raio e soñj... R.M. Muioc'h a listennadoù : |
|
|
|
|
|
Gant
dekvloaziad kentañ ar bloavezhioù 2000 oc'h echuiñ e weler kalzik listennadoù
o tiflukañ amañ hag ahont. N'eo ket souezhus kement-se: ar sevel listennadoù
a zo e-touez an traoù a blij ar muiañ d'an holl re a zo dedennet gant an
issevenadur. Dre vras e kaver tamm pe damm ar memes traoù, forzh pelec'h e
sellfed (Pitchfork, AllMusic, NME...).
|
|
|
|
|
|
"L'Ecole Buissonnière" e Landunvez |
|
|
|
Erruet skuizh gant ar vuhez
strilhus a veze gouzañvet gante e Toloza e tivizas an div vaouez –Clôde
hag Anne-Marie o anv-bihan– gwerzhañ o zi-debriñ ha cheñch penn d'ar
vag kement hag aveliñ o fenn. Douget gant an avel vervent e tibabjont mont da
Landunvez (e-kichen Porspoder) m'edo mignoned dezhe o chom dija. Broudet ha skoazellet gant
buhezour ar c'horn-bro ez ejont e darempred gant parrez Landunvez a oa ur
raktres divoutin ganti: sevel ur preti e-barzh skol bublik kozh ar gêriadenn.
Ar pezh a voe graet en ur zoujañ d'al lec'h, bec'h ha c'hwez ar skolidi gozh
ennañ bepred. Diskaret ar speurenn a zispartie an div sal-skol e voe miret
aozadur an daou bezh, an eil uheloc'h eget egile abalamour d'ur bazenn.
Kinklet ar mogerioù gant dafar kelenn a veze graet ganto gwechall-gozh e
c'halloc'h adwelout ho taolennoù-lieskementiñ (pegen torr-penn hini ar sifr 7!)
ha klask kaout soñj eus frondoù kemmesket al liv mouk hag ar c'h Kit da zebriñ er preti-mañ,
ken fromus e ginkladur ha tomm-bev taol-mouezh kreisteizat e ostizezed. Ha n'ankounac'hait
ket dreist-holl: seizh gwech seizh a ra nav ha daou-ugent... a gredan. Yannig Boulard Evit gouzout hiroc'h: 02 98 89 55 42 Kavout e hent e Yaouank... e
brezhoneg!
Digoust eo. Roet e vo deoc’h gant izili ar
gevredigezh ouzh stand ar brezhoneg d’ar Sadorn E-kerzh emgavioù all Skeudenn Bro Roazhon e
c'hellor kavout ar pegsun ivez, pe c'hoazh en ur dremen e ti Pol brezhoneg
Skol An Emsav, e-kichen Ti-gar Roazhon. Bruderezh evit hor yezh hag evit broudañ ar re all d'he deskiñ !
Evit gouzout hiroc'h:
Goude ur bloavezh ehan en deus Pol
Brezhoneg Skol an Emsav embannet un deiziataer hollvrezhonek adarre evit
2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
En ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a
c’hallo bezañ miret a vloaz da vloaz, ennañ roll kumunioù Breizh. Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ Du 2009!
An teuliad zo gouestlet er miz-mañ da adframmañ ar
strollegezhioù. Ouzhpenn kinnigoù ar gouarnamant graet nevez zo, eo aet
maered Naoned ha Roazhon da aozañ ur c'hollok evit startaat al liammoù etre
div gêr-benn Breizh. Ha nevez er miz-mañ, div bajennad bet soñjet a-ratozh
evit ar re a grog da lenn brezhoneg: Lennomp! M’ho pez plijadurig o
lenn Bremaik, plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. |
|
|
|
|
|
D'an 
Penaos an diaoul gouzout gant piv mont e
brezhoneg e-pad "Yaouank" (ha goude evel-just)? Evit reiñ da
c’houzout d’an holl e-pad fest-noz Yaouank, pe er gouelioù all,
lec'h ma vez klevet kalz brezhoneg, e c'heller dougen hardizh pegsun nevez
Pol brezhoneg Skol An Emsav! "Me oar brezhoneg ha te?"a embann ar
skritellig ruz-ha-melen. Peadra da vroudañ ar re a oar kaozeal ar yezh da
vont e brezhoneg etrezo, daoust da deñvalijenn ar sal gouel!
