|
|
|
|
|
|
|
|
|
|
Lun 10 a viz Du, niv.213 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Yaouank: 10 vloaz! |
|
|
|
Evit gouzout hiroc'h : http://www.myspace.com/yaouankgouel |
|
|
|
|
|
Dek vloaz zo c'hoazh e oa bet aozet evit ar wech
kentañ fest-noz bras Roazhon gant Skeudenn Bro-Roazhon. An nozvezh veur a vo
d'ar Sadorn 22 a viz Du er MusikHALL, e Park Diskouezadegoù Aerborzh Roazhon,
e Bruz. War al leurenn e vo Red Cardell, Stef Mellino (Les Négresses Vertes),
Dan ar Braz, Gérard Blanchard, Dr Das (Asian Dub Foundation), Jim O'neill
(The Silencers), ar Vreudeur Guichen ha Louise Ebrel, Roland Conq Création,
Loened Fall, Startijenn gant mignoned, Plantec... ha leun a re all! Met n'eo
ket tout. Abaoe meur a vloaz eo deuet Yaouank da vezañ ur gwir festival gant
meur a zevezh gouel. D'ar Yaou 20 e vo ur fest-noz e Sal ar Site (kreiz-kêr
Roazhon) gant Tan Ban Ty, Alambig Electrik... ur sonadeg digoust a vo d'an 19
er Maezioù Frank gant Esquisse, ur sonadeg all a vo d'an 12 e sal an Antipode
gant Skolkozh ha Yaouank 2018. Meur a abadenn a vo kinniget ivez e-barzh
tavarnioù zo eus kreiz-kêr gant "Yaouank BisTRO". Ar roll klok zo
da gavout war bajenn myspace ar gouel.
|
|
|
|
|
|
Miliadoù a labourerien-douar oc'h en
em lazhañ |
|
|
|
M.M. Da lenn, ur pennad fromus-tre : |
|
|
|
|
|
E-tro 125000 labourer-douar a vefe dija en em
lazhet en India, abalamour d'ar greun OGK a oa bet prenet ganto. Perak 'ta?
1000 gwech keroc'h e vez gwerzhet ar re-se (gant 15€ c'heller prenañ
100g greun OGK, pe 100 Kg greun boutin). Lavaret e vez dezho eo burzhudus ar
greun-se, hag e ouzont talañ ouzh an alouberien hag ar sec'hor. Padal n'eo
ket gwir tamm ebet. Pa rank ar gouerien prenañ seurt greun e vez dav dezho
amprestiñ arc'hant. Goude-se e vez disoc'hoù mantrus gant ar greun-se (aloubet
int bet gant "preñv an taf" [ver de la capsule] hag ezhomm o deus an
hanter muioc'h a zour, met sec'hor a zo bet en India en daou vloaz tremenet),
ha n'int ket gouest da resteurel an arc'hant. Gwasket ma 'z int gant an
dleoù, e kavont neuze gwelloc'h mervel oc'h evañ ur banne dourenn da lazhañ
amprevaned. N'hallont ket implijout en-dro ar greun n'int ket diwanet evit ar
bloaz da zont: gant an deknologiezh Terminator eo dav dezho prenañ greun
nevez en-dro bep bloaz. Evit broudañ ar gouerien da brenañ seurt greun ez eo
bet difennet ar greun hengounel e-barzh kalzik bankoù-greun eus ar vro! Ha
bremañ e vez e-tro 1000 kouer oc'h en em lazhañ bemdez hag o lezel war o lec'h
o familhoù hag o dleoù.
|
|
|
|
|
|
Tan Miz Du e Montroulez |
|
|
|
Roll abadennoù Tan Miz Du: http://www.klt.fr/prog_tan_miz_du_2008.html Lik Ha Lik war Virb: |
|
|
|
|
|
Boulc'het e kreiz miz Here, kenderc'hel a raio
gouel "Tan Miz Du" Montroulez betek ar c'hentañ a viz Kerzu! Gouel
Yeah ha sevenadur Breizh e bro Montroulez eo "Tan Miz Du", aozet evit
an eizhvet gwech er bloaz-mañ, gant ar gengevredigezh KLT. Er sizhunvezh-mañ
e vo meur a gaozeadenn kinniget: fenoz e vo kinniget La grammaire bretonne
pour tous gant Eugène Chalm, gant mab ar skriver, Jean-Yves Chalm, e Café de
la terrasse da 6e noz. Arc'hoazh e vo ur fest-deiz evit ar vugale e Salle
Steredenn Lanneur da 3e g.k. gant Div Yezh Lanneur ha Diwan Montroulez. Da 6e
noz e vo ur gaozeadenn gant Patrice Gourlay diwar-benn e levr C'était la
grande guerre, e Skol Vreizh (er Manu). Dimerc'her e vo ur gaozeadenn gant
brezhonegerien kinniget gant Théo ha Mité Loussot e Sal Marie Jacq Henvig. Ur
c'hendiviz e koun Per Roy, gant tud eus e familh, a vo kinniget digwener da 6e
noz e ti Skol Vreizh. Da 9e30 noz e vo kendalc'het ar gouel digwener gant
sonadeg Lik Ha Lik (skeudenn) e Café de l'Aurore Montroulez. D'ar Sadorn
goude-se e vo ur bourmenadenn "war roudoù Per Roy" e straedoù
Montroulez, emgav da 10e beure e MJC Montroulez. An holl abadennoù-se a vo
digoust! Evit ar peurrest eus abadennoù Tan Miz Du da zont, klikit war al
liamm da heul.
|
|
|
|
|
|
6vet Vendée Globe: Desjoyeaux o souzañ
a-dreñv |
|
|
|
|
|
|
|
|
|
Dec'h e oa loc’het ar 6vet redadeg war vor
Vendée Globe, un treizh war vor evit ober tro ar bed, hep skoazell, gant bigi
unkouc'h. 30 moraer a oa war ar renk, met abaoe, ez eus bet leun a gudennoù.
Glav a rae ha teñval e oa an amzer p'eo bet boulc'het gant ar redadeg e bae
Les Sables d'Olonne, c'hwezhañ a rae an avel da 15 skoulm. Ar Suised
Dominique Wavre (Temenos) ha Bernard Stamm (Cheminées Poujoulat)
o deus ranket distreiñ buan a-benn dresañ o bigi. Er beure-mañ e oa tro
Michel Desjoyeaux (skeudenn) war Foncia, bet gounezet ar Vendée Globe
gantañ e 2004, da souzañ a-dreñv evit dresañ e vatimant. Kudennoù tredan zo
bet gantañ dre faot un toull a gas dour er mekanikoù evit adkargañ ar
batirioù tredan. Gortozet eo gant e skipailh fenoz e-tro 10e: da 200 milmor e
oa eus porzh al loc'hadeg c'hoazh.
|
|
|
|
|
|
|
The Visitor |
|
|
|
Senario ha seveniñ : Thomas McCarthy Priz Meur 34e Festival ar Sinema Amerikan e
Deauville Divlaz ha didalvez eo deuet da vezañ buhez Walter
Vale (Richard Jenkins). War e dri-ugent vloaz emañ
ha kelenner war an armerzh en ur skol-veur eo. Tra m’eo kaset da
New-York evit prezegenniñ e kav ur c’houblad en e ranndi. Tud dibaper
eo Tarek (Haaz Sleiman) ha Zainab (Danai Jekesai Gurira). Evit
o skoazellañ e kinnig dezho chom un tamm gantañ en e ranndi, amzer dezho
kavout bod e lec’h all. Ur gwir blijadur eo The Visitor a ro da
welet pegen mat e c’hell bezañ anien mab-den ha pa vefe o talañ ouzh ur
melestradur dall. Peursichant eo tudenn Tarek hag a zisliv war hini Walter.
Laouen eur ivez o kavout en-dro Hiam Abbass bet gwelet nevez zo e Lemon
Tree (2007) hag a c’hoari amañ mamm Tarek. Ur film hag a ro spi e
c’hellfe an traoù cheñch, a-du marteze gant keleier diwezhañ ar
Stadoù-Unanet. "Ha gallout a reomp" ? Meriadeg Vallerie Kement ha gouzout muioc’h : |
|
|
|
|
|
|
|
|
|
|
|
|
|
The Airborne Toxic Event – The
Airborne Toxic Event |
|
|
|
Er Rouantelezh-Unanet e seblant disheñvel an
traoù, pa gaver unan eus tonioù ar strollad e-touez ar re a ginniger evel
tonioù indie aroueziusañ ar bloavezhioù 2000. Ha just a-walc’h Sometime Around Midnight
eo titl an ton-se: digoradur gant bioloñs, gwiskadoù gitar o vont war vuanaat
tamm-ha-tamm, komzoù damheñvel ouzh re How Soon Is Now?: evel Arcade
Fire hep an tu folk, pe evel Interpol hep klask dreveziñ Joy Division. Da
lavaret eo sonerezh pop evel ma plij deomp, ha mat pell zo! Ha kanaouennoù all evel-se, eeun hag efedus war un
dro a zo stank war ar bladenn: Does
This Mean You’re Moving On? hag he lusk diazezet war ur gitar bet
klevet gant Franz Ferdinand, Wishing Well, ur wech ouzhpenn damheñvel
ouzh Arcade Fire (lusk, bioloñs en-dro) ha Gasoline, un ton diazezet
ur wech ouzhpenn war ar gitar, ha cheñchamantoù lusk niverus. Echuiñ a ra ar
bladenn gant Innocence, ur seurt best of eus an nav zon bet klevet a-raok.
Menegomp ivez e teu anv ar strollad eus ul levr bet skrivet gant Don DeLillo.
Postmodern da vat, hañ? R.M. Embannet gant Majordomo / Shout Factory Muioc’h a Airborne Toxic Event : |
|
|
|
|
|
Sach-blev a zo bet er Stadoù-Unanet er
sizhunvezhioù paseet. McCain-Obama? Tamm ebet: The Airborne Toxic Event, ur
strollad a dalvez un dra bennak pe get? Ne dalvez tra ebet, ma kreder ar
pennad (
|
|
|
|
|
|
|
|
|
|
Lerc’h-ouzh-lerc’h e vo Jorj Belz ha
Jean-Paul Rieux é lenn testennoù skrivet e brezhoneg get Loeiz Herrieu, Yann-Ber
Kalloc'h hag Emile Masson, ha 5 laz-kanal ( Digoust e vo mont a-barzh, met goulenn a reomp get
an dud en em gavout da 3 eur d'enderv, dre ma n’eus ket kalz a blas en
iliz. Krogiñ a ray an abadenn get ur prantad e koun ar re varv dirak ar
C’hounlec’h e-tal ar penniliz. Evit gouiet hiroc’h : 02 97 36 66 81 santez-anna-gwened@aliceadsl.fr
Evel bep bloaz e tougo ar gevredigezh Bemdez bri
d’ar miliadoù a dud bet reuziet gant ar "Brezel Bras"
(1914-18). Diouzh le ar stourmerien gozh deuet ag an talbenn e vo e doare ul
lid hep lu, dilifre ha diarm a-benn lidañ ar peoc’h. Lakaet eo bet an emgav d’ar Meurzh 11 a
viz Du da 11e30, da-heul al "lidadegoù kefridiel", war dreuzoù
uhelenn ar Waremm, diwar-zu straed Sant-Tropetz (e-tal Kuzul an Departamant)
e Gwened. Digor d’an holl e vo. Lennit Bremañ
miz Du!
Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Da-geñver an 
Lid breizhat Gwened