|
|
|
|
|
|
|
|
|
|
Lun 12 a viz Du,
niv.167 Pellgargit ar pennadoù e
stumm Word Evit resev kemennadenn Bremaik bep Lun, Petra
oa keleier Bremaik warlene? Klikit amañ! |
|
|
|
|
|
|
|
|
|
|
|
|
|
|
|
Ur sizhunvezh a stourm sokial er C'hwec'hkorn |
|
|
|
Gant kalz a implijidi eus an SNCF e oa bet graet
harz-labour c'hoazh d'an 18 a viz Here. Abaoe, en deus disklêriet ar
gouarnamant ne cheñchfe ket krafoù pennañ e raktres. Hervez ar mediaoù e vefe
a-du gant ar gouarnamant al lodenn vrasañ eus an dud e Frañs. Seizh sindikad
diwar an eizh zo evit labourerien an hentoù-houarn o deus neuze galvet d'un
diskrog-labour nevez er sizhun-mañ, didermen en taol-mañ. Holl sindikadoù EDG
ha GDF o deus galvet da baouez gant al labour ivez. Sindikadoù studierien zo
o deus galvet da aloubiñ tiez-gar zo ivez, a-benn talañ da raktres ar
gouarnamant reneveziñ doare merañ ar skolioù-meur. |
|
|
|
|
|
An holl vediaoù a lak ar gaoz war-se en
deizioù-mañ: ur sizhunvezh a stourm sokial a vo er C'hwec'hkorn. Lakaet e vo
e pleustr adalek dimeurzh da noz gant diskrogoù-labour en trenioù, en EDF, e
GDF, hag e metro Pariz koulz hag e Opera ar gêr-benn c'hall. An abeg d'ar
stourm-se zo unan eus raktresoù pennañ ar gouarnamant, cheñch an doareoù leve
ispisial a zo evit micherioù zo. Pa rank kalz a dud labourat 40 vloaz a-benn
kaout ul leve klok, e c'hell tud zo war postoù labour resis, mont war o leve
klok goude 37 vloaz hanter. Tro 500000 den gopret, ha tro ur milion a dud war
o leve, a vefe er C'hwec'hkorn gant an doareoù ispisial-se.
|
|
|
|
|
|
Peseurt divizoù eus Grenelle an
Endro a vo lakaet e pleustr, penaos ha pegoulz ? |
|
|
|
M.M. Emañ ar pennad-mañ o tont eus un dielfennadenn glokoc'h
a c'heller kavout war lec'hienn nevez @rrêt sur images: |
|
|
|
|
|
Goude Grenelle an Endro ez eus bet klevet war an
holl mediaoù pennañ e vefe kalz cheñchamantoù gant an divizoù a oa bet
kemeret : harzet e vo da broduiñ OGK, un tailh a ranko bezañ paeet gant ar
c'hirri-samm, ha ne vo ket savet hentoù-tizh nevez ken.
|
|
|
|
|
|
Emgav etre sevenadurioù Breizh ha
Niger e Karaez |
|
|
|
Etre 2e goude kreisteiz hag an noz e vo kinniget e
Leurenn Glenmor ur rummad abadennoù. Da 2e30 e vo ur c'hendiviz diwar-benn
"Yezhoù ha sevenadur". Da 8e30 e vo ur sonadeg gant Makida Palabre,
Mamar Kassey ha Désert Rebel. Bannet e vo ivez ur film e-ser ar gouel-se, e
Kallag, d'al Lun 19 a viz Du, e sinema L'Argoat. "Al Leessi', sevenet
gant Rahmatou Keïta, a ginnig a sell dre vras war istor sinema Afrika (5
euro). Evit gouzout hiroc'h: |
|
|
|
|
|
Evit klozañ Sizhunvezh ar c'hengred etrebroadel, e
kinnigo kevredigezh ar bodad Bretagne Niger un degouezh dreistordinal,
"Breizh Niger, cultures croisée", d'ar 24 a viz Du, e Karaez. E
Breizh, ez eus tost 30 kevredigezh, mui strollegezhioù lec'hel, skolioù,
ospitalioù, ha me oar me, a vez o skoulmañ liammoù etre hor bro ha Niger, bro
ar Sahel. Bodad Breizh Niger a ginnigo neuze ur penn-devezh evit diskouez
penaos e kej sevenadurioù an div vro, gant abadennoù sonerezh, kontadennoù,
diskouezadegoù, abadennoù sport...
|
|
|
|
|
|
Aet ar maout gant ar Pennoù-Merluz,
a-benn ar fin! |
|
|
|
|
|
|
|
|
|
Tri miz, sed a oa tri miz e oa treut ar
geusteurenn evit paotred Christian Gourcuff. E traoñ renk kevre 1 mell-droad
Frañs e oa ar Pennoù-merluz, ha vat a ra dezho an trec'h war skipailh Tolosa
bet tapet ganto dec'h e stad ar Voustoer (1-0). Deuet int a-benn da bignat
d'an 11vet plas. Koulskoude ne oa ket bet lodenn gentañ ar c'hrogad evit
diskouez war beseurt hent e oa an Oriantiz o vont. 0-0 a oa e fin an
hanterenn gentañ, ha kalz a soñje e echufe ar c'hrogad gant ar sifroù-se e
stad an Oriant, ar pezh a oa bet c'hoarvezet div wech diouzh renk a-raok. Ranket
en deus ar gourdoner Christian Gourcuff aozañ en-dro e skipailh, pa ne oa nag
ar c'habiten Marchal, na Namouchi, na Le Pen, na Marin war an dachenn. Ar c'habiten
" da c'hortoz", Abriel zo bet paotr ar abadenn dec'h, a-vec'h boulc'het
an eil hanterenn (d'an 50vet munutenn) e oa lakaet ur pal gantañ, hag a-hed
ar c'hrogad en deus klasket sachañ e skipailh en ur gas hag adkas gant aked
ha startijenn ar vell d'e genseurted. Dav vo d'ar Pennoù-Merluz derc'hel
start gant o c'hoari poellek evit chom er C'hevre 1... 5 c'hrogad a chom
c'hoazh a-raok hanter ar C'hampionad.
|
|
|
|
|
|
|
Eastern Promises (Les promesses de l’ombre) |
|
|
|
Stadoù-Unanet Amerika ha Rouantelezh-Unanet - 2007 Seveniñ : David Cronenberg
Ne ’vo ket kavet amañ ur film gant un istor
tort. Met kentoc’h ur film iskis, gant un aergelc’h un tammig
ispisial: douster ha melkoni mare Nedeleg mesket gant feulster kriz. Deuet
brav eo Cronenberg a-benn da sevel ur film dedennus, dudius hag heugus war
memes tro. Spontet e vezer gant tro spered ar mafia ha nec’het gant
c’hoant tec’hout ha dienez ar bobl rusian ha beli ar stad warni.
Ur film start eo, gant aktourien donezonet: un disoc’h mat-tre! G.L. Kement ha gouzout muioc’h: www.lespromessesdelombre.com |
|
|
|
|
|
|
|
Emañ Nedeleg o tostaat. Anna, amiegez, a zo
spontet gant marv ur plac’h dougerez 14 vloaz en he servij. E deizlevr
ar grennardez emañ en soñj kavout roud eus familh ar poupig
nevez-c’hanet. Siwazh eo ret dezhi kavout unan bennak da dreiñ ar skrid
savet e rusianeg. Mont a ra da c’houlenn sikour digant perc’henn
ur preti a zo e gwirionez e penn ur gang dañjerus.
|
|
|
|
|
|
Soulwax – Most of the Remixes |
|
|
|
Hiziv an deiz e tistroont hag e kinnigont deomp ur
bladenn doubl, enni (evel ma tiskouez an titl) un nebeud kanaouennoù advesket
ganto. Ha gwechoù zo ez eo gwelloc’h ar remiks evit ar ganaouenn orin:
Gravity Rainbow gant Klaxons, da skouer. Un ganaouenn vat eo, met
advesket e tizoloer anezhi en-dro. N’eus arzour ebet ha ne vefe ket advesket
gant Soulwax: Gorillaz, Kylie Minogue pe c’hoazh Daft Punk pe Justice,
an holl a vez implijet ganto, hep ober un dibab etre ar pezh a zo, sañset,
mat da vezañ selaouet hervez Les Inrocks pe Télérama. Memes ar re evel Robbie Williams pe Sugababes a
zeu da vezañ plijus da selaou ur wech tremenet etre daouarn ar re Dewaele. Meneg
ispisial evit Seventeen savet gant Ladytron hag Robot Rock (Daft Punk): ar
remiksoù kinniget amañ a zo eus ar re wellañ. R.M. Embannet gant Parlophone Muioc’h a ditouroù: Partiet eo gant Yaouank 2007!
An abadenn veur a vo d'ar Sadorn 17 a viz Du, er
MusikHALL, ar sal vras war tachenn diskouezadegoù Sant-Jakez-al-Lann. War al
leurenn e teuio Ding Dingue Dañs (krouidigezh War'l Leur 2007), Le Big Stal,
Hamon-Martin Métamorphoses Project, Skeduz ha Manu Lann Huel, Bagad Kemper, Les
Ramoneurs de Menhirs ha Louise Ebrel, ar baotred Guichen, Fili Fala, Yudal
Combo, Ampouailh, Riopel/Leroy, Hervé Le Lu/Ronan Robert, Wipidoup, Kanerhog,
ha souezhadennoù ! Evit gouzout hiroc'h: www.myspace.com/yaouankgouel Skeudenn Bro Roazhon, pgz :
02 99 30 06 87. http:www.skeudenn.org |
|
|
|
|
|
Ha Belgia neuze? Gouarnamant ebet,
n’eo ket grevus-tre. Eus ar vro-se e teu ar strollad en deus graet kement
a vad d’ar sonerezh: Soulwax, anavezet ivez dindan an anv 2
Many DJs, da lavaret eo raktresoù an daou vreur Dewaele. Ha na pet den en
deus dañset en ur selaou o dastumadegoù "As Heard On Radio
Soulwax", pe ar meskaj rock-dance peurvat.
|
|
|
|
|
|
|
Avaloù-douar farset gant meskl |
|
|
|
Kleuziit an avaloù-douar ha poazhit anezho er
vurezh. Fardit ar meskl gant ar gwin gwenn, ar bokedad louzoù, ar chalotez
diskolpet. Dibluskit ar meskl ha silit ar chug. War dan bras, koazhit an
hanter eus ar chug gant an dienn, Ouzhpennit ar perisilh miñset. Frikit 2 mn
hag ouzhpennit tamm-ha-tamm an amann. Gwarnisit an avaloù-douar gant ar meskl
diblusket. Pallennit gant ar chug. Kempennit 2 hanter aval-douar war asiedoù
raktommet. Deiziataer 2008 !
E gwerzh 12 euro (mizoù-post profet) dre lizher
gant Skol an Emsav, 25 straed Pierre Martin, 35000 Roazhon. Pgz : 02 99 38 75
83. sae.bzh@wanadoo.fr Gouzout muioc’h hag urzh-prenañ (klikit) Lennit Bremañ miz Du !
Bep miz e kinnig ar gelaouenn Bremañ, abaoe
1980, pennadoù brezhonek a bep seurt,
diwar-benn Breizh hag ar bed, kinniget brav, doare magazin. Reuz Birmania, penaos emañ kont gant ar gwiskad
ozon, 50 vloaz Skol gembraek Londrez, Prosez gwall-zarvoud treuzell ar
c'hQueen Mary 2, un teuliadig a vo tu da lenn ivez war emdroadur ar c'helenn
divyezhek er bloavezhioù tremenet... Kaoz zo diwar-benn tout-se ha leun a
draoù all c'hoazh e-barzh niverenn Bremañ miz Du 2007. Teuliad ar miz zo gouestlet d'an abadennoù brezhonek
a vo er bloaz-mañ en tele. TV Roazhon 35 (peder abadenn disheñvel bep Meurzh
a viz da viz), France 3 Ouest (5vet deiz-ha-bloaz Mouchig-dall, 100vet
abadenn Te ha Me), TV Breizh (Mil dremm, eilmouezhiañ filmoù) a ginnig er
bloaz-mañ adarre abadennoù en hor yezh. Aet eo ar vrezhonegerien war ar Gwiad
ivez evit kinnig un tele "all" gant WebNoz da skouer, kinniget bep
miz gant Lionel Buannic.
Gerig d'ar goumananterien Un nebeud skouerenno ùeus hon niverenn ziwezhañ (miz Du) a oa bet troc'het fall. Al lennerien o defe degemeret unan a c'hell goulenn diganeomp kas ur skouerenn all. Ho pezit ar vadelezh d'hon digareziñ. Embannet gant Skol an Emsav (4,5 euro an tamm) E gwerzh er stalioù levrioù a ginnig danvez
Breizh, pe dre goumanant. Evit gouzout hiroc'h: www.breman.org |
|
|
|
|
|
|
|
Evit 4 den: 4 aval-douar tev - 1,5 kg meskl-park-
1 bokedad louzoù - 250 g bouf – 1 bokedad perisilh – 50 g
cholotez diskolpet – 200 ml gwin gwenn sec’h – 30 g amann
– pebr ha holen
