|
|
|
|
|
|
|
|
|
|
Lun 5 a viz Du, niv.166 Pellgargit ar pennadoù e stumm Word Petra
oa keleier Bremaik warlene? Klikit amañ! |
|
|
|
|
|
|
|
|
|
|
|
|
|
|
|
Pesketaerien hag eoul-maen |
|
|
|
|
|
|
|
|
|
Er beure-mañ e oa e-tro 300 pesketaer
a oa o vanifestiñ dirak mirlec'h eoul-maen porzh kenwerzh
Brest. Kement-all e oant en Oriant hag e-tro 50 e Douarnenez, o
vanifestiñ er memes mod. Gitonioù o doa, warno
skrivet "May-day, may-day, avec le poids du pétrole, nous
coulons". Re vras eo koust an eoul-maen evit ar besketaerien. Evel
m'emañ an traoù hiziv, ne c'hell ur chaluter
gounit arc'hant nemet m'emañ al litrad eoul-maen da 0,30
euro. Tro 0,50 euro e koust al litrad hiziv. Lonkañ a ra an
eoul-maen 30% eus ar gounidoù graet ur vag. Betek
bremañ e c'helle ar besketaerien bezañ digollet
gant ur c'hef arc'hant a-ratozh, ar Fonds de prévention des
aléas de pêche. Nullet eo bet ar
foñs-se gant Brusel: ne glote ket gant reolennoù
Europa. Klask a ra ar besketaerien neuze kaout un emglev gant Michel
Barnier, ministr ar Pesketaerezh. Kinnigoù o deus da ober
evit gwellaat o stad. Diskregiñ a reont gant al labour, ha
digwener, e oant kroget da vanifestiñ. Disklêriet
en defe ar ministr bezañ prest da ginnig
diskoulmoù nevez a-benn dimerc'her. Fellout a ra d'ar
besketaerien e teufe ar ministr da Vreizh evit ober se, rak ne fell ket
dezho mont da Bariz hep bezañ sur e vo keloù
nevez.
|
|
|
|
|
|
Tizhet
e vefe bet pik ar produiñ eoul-maen |
|
|
|
M.M. Lec'hienn an EWG: /www.energywatchgroup.org |
|
|
|
|
|
Gouzout
a reer emañ kementadoù an eoul-maen a c'heller
implijout o vihanaat, dreist-holl er mare-mañ pa vez
ker-ruz. Koulskoude, n'emañ ket a-du ar skiantourien war ar
mare ma krogo ar produiñ da zigreskiñ. Hervez ur
studiadenn nevez bet savet gant ar strollad Energy Watch Group eo bet
tizhet ar mare ma n'hall ket mui ar produiñ
kreskiñ ken. Neuze, goude bezañ chomet
difiñv e-pad ur prantadig e krogo da zigreskiñ.
|
|
|
|
|
|
Sine
Yaouank d'ar 5, 6, 7, 8 a viz Du e Roazhon
|
|
|
|
Evit kaout ar roll filmoù
dre ar munud: Lun 5: Tavarn La cour des miracles,
18 straed Penc'hoed, 8e30 noz Meurzh 6: Tavarn Memes tra, 18 kae
Emile Zola, 8e30 noz Merc'her 7: e Tavarn Ti Anna,
plasenn Santez Anna, 8e30 noz Yaou 8: Pol brezhoneg Skol an Emsav,
25 straed Pierre Martin, 8e30 noz |
|
|
|
|
|
Emañ
bed ar c'hleweled e brezhoneg o fiñval, o
cheñch... N'eus ken met teurel ur sell ouzh ar pezh a gaver
war ar web (Webnoz, Setu, Gwagenn TV, Kaouenn.net, abadennoù
France 3, blogoù hiniennel...) evit gwelet e vez krouet a
bep seurt traoù gant tud nevez a-wezhioù. Ma vez
ledanet hor brassell war ar chadennoù evel France 3 Breizh,
TV Breizh, TV Roazhon 35 e vez gwelet ivez traoù nevez pe
filmaozourien yaouank o kemer hardizh o c'hamera a-benn komz diwar-benn
danvezioù a bep seurt, pe filmoù eilmouezhiet e
brezhoneg pe c'hoazh sitkomoù... Evit gellet kaout un
tañva eus an emdroadur-se e pedomp ac'hanoc'h da gemer perzh
e Sine Yaouank d'ar 5,6, 7, 8 a viz Du e tavarnioù pe
lec'hioù kevredigezhel Roazhon. Pep tra 'vo digoust, moaien
'vo eskemm goude ar filmoù diwar o fenn. Evel-just, n'eo
nemet ar c'houlzad-se un digor-kalon eus gouel bras Skeudenn, Yaouank,
hag a vo klozet d'ar 17 a viz Du gant ur mell fest-noz er MusikHall.
|
|
|
|
|
|
Kastell-Paol
– Montroulez : bepred
kement a vrud ! |
|
|
|
Evel bep bloaz eo paotred Afrika a
oa ar re varrekañ met, tra souezhusoc’h,
n’eo ket ar Genyaned o deus tout rasket : an Namibian Ruben
Iindongo o trec’hiñ war an 10 km pa
c’houneze an Ougandad Nathan Chebet ar redadeg
hirañ. Eus kostez ar merc’hed eo c’hoazh
Nancy Omwenga he deus trec’het an 21,1 km (5 gwech
trec’h war an 10 km ha div bremañ war an 21,1 km).
Esther Maina a drec’he war an 10 km.
Brav eo deuet c’hoazh ar
genstrivadeg. Emgav ar bloaz o tont gant kemend-all a dud
d’an nebeutañ. Notennomp ivez e vo
dalc’het kampionad Bro-C’hall an 10 km e Langaeg er
bloaz a zeu pa oa tremenet hini ar bloaz paseet…etre Taole
ha Montroulez ! Kenan an Habask |
|
|
|
|
|
Tost da 10000 reder a oa
d’ar Sul 28 a viz Here war hent Montroulez. Evel bep bloaz e
veze redet div redadeg vras (hag un nebeud bihanoc’h)
oc’h erruout e Montroulez. An hini gentañ anezhi a
loc’he eus Taole, dek kilometrad a striv pa oa an hini all,
an hanter varaton o kregiñ e Kastell-Paol. Muioc’h
a dud a oa c’hoazh eget ar bloavezhioù tremen,
tost da 10000 evit an div redadeg-se ! An darn vuiañ anezho
a zeue evit ar blijadur da redek hepken pa zeue lod all gant ar
c’hoant bezañ ar primañ posupl. 
Hag ar Vretoned ? Dre vras eo bet mat ar
Vretoned. Evel bep bloaz ez int bet plaset mat met ne zeuont ket a-benn
da geveziñ gant an Afrikaned. En 10 km ez eus tu da
bouezañ war 4re flas Stephane Lefrans ha 5vet hini Mickael
Thomas. War an hed a-us ez eo bet barrek Benoit Nicolas evit e
gentañ hanter-varaton. Seizhvet e echu eñ nepell
dirak Armel Roussel (8vet) hag e vignon Pascal Redou (11vet). Evit ar
pezh a sell ouzh ar merc’hed eo Beatrice Ceveno a zo bet
gwelet ar muiañ gant he eilvet blas brav war an 10 km pa
veze Maryse Le Gallo oc’h echuiñ dekvet eus an
hanter-varaton. Denis Lemeunier, 5vet eus Kampionad ar bed war kador
ruilh ar 1500 metrad a wellaas amzer-gwellañ an hanter
varaton en e rummad.
|
|
|
|
|
|
|
Stardust (Stardust,
le mystère de l'étoile) |
|
|
|
Stadoù-Unanet –
2006 Seveniñ : Matthew Vaughn Diwar oberenn Neil Gaiman
Un tamm abred eo c’hoazh
evit ar filmoù heroic-fantasy
[gouron-faltazi] a ziwan war ar skrammoù da vare ar
gouelioù dibenn bloaz. Met ur gwir stankadeg e vefe gortoz
pelloc’h ken niverus e vint er bloaz-mañ (The
Seeker/Les Portes du temps, Beowulf, His
Dark Materials/A la croisée des mondes). A-dra-sur
ne vo ket Stardust eus ar re washañ e
rummad 2007. Kalzik a frankiz zo bet kemeret oc’h azasaat
oberenn Neil Gaiman, met n’eo ket falloc’h evit
kelo-se: douget e vezer gant lusk ar gwir marvailh-se, leun a fent ha
plijus-tre da welet. Arvestoù a c’hellje
bezañ bet sevenet gant Tim Burton en e awenetañ
zoken (ret eo notenniñ en deus labouret rener ar
c’hinklañ, Peter Young, war filmoù evel
Sleepy Hollow). N’eus nemet tudenn
Robert De Niro, tennet rag-eeun eus La cage aux folles,
a ya un tammig re bell ganti. Meriadeg Vallerie Kement ha gouzout muioc’h:
www.stardust-lefilm.fr |
|
|
|
|
|
|
|
Plac’h
koantañ kêriadenn Wall eo Victoria
|
|
|
|
|
|
Kemmoù
bras e bed ar sonerezh : Radiohead
hag Einstürzende Neubauten |
|
|
|
Arzourien zo a zo ken prim all,
p’o deus komprenet ar c’hemmoù bras a
c’hoarveze e bed ar sonerezh, hag e fell dezho tizhout o
selaouerien hep hanterouriezh un ti-embann bennak. Div skouer a zo bet
n’eus ket pell zo: pladenn nevez Radiohead,
In Rainbows he zitl, a zo bet lakaet war
Internet gant ar strollad e-unan. Ar re a blij dezho ar strollad a
c’hall pellgargañ ar
c’hanaouennoù e stumm MP3, ha reiñ ar
sammad argant a fell dezho. Memes tra tamm pe damm gant Einstürzende
Neubauten, ur strollad indus eus Berlin. O selaouerien a
c’hall dibab reiñ 35 euro hag e resevint ur
bladenn, pe 65 euro hag o do ur bladenn hag un DVD. Ouzhpenn da se e
c’hallont pellgargañ tonioù diembann,
sellout ouzh eurvezhioù abadennoù,
pleustradegoù hag all ar strollad. Emañ
Einstürzende Neubauten o
paouez echuiñ gant o "Supporter Project Phase
III". Ar re o deus roet argant d’ar strollad o deus resevet
ur bladenn (Alles Wieder Offen he zitl) 14 kanaouenn
enni, ur packaging ispisial, padal e vo disheñvel ar bladenn
a vo gwerzhet er stalioù, ha ne vo nemet 10 kanaouenn enni. War Last fm ivez e kaver
tonioù liesseurt: klasel, elektro, rock hag all roet evit
netra. R.M. |
|
|
|
|
|
Lakaat embann ur bladenn e dibenn 2007? Sed aze
ur mennozh iskis. Pennoù bras an embregerezhioù,
hag int boas da heuliañ an traoù a-dost,
n’o deus gwelet tra ebet o tont ha primoc’h eo bet
Yann selaouer evito, hag aet eo skuizh o rankout paeañ tro
20 euro evit ur voest plastik bresk, a-boan tri-c'hard eur sonerezh,
hag ur packaging tristik a-walc’h peurliesañ.
|
|
|
|
|
|
|
Avaloù-douar
farset gant meskl |
|
|
|
Kleuzit an avaloù-douar
ha poazhit anezho er vurezh. Fardit ar meskl gant ar gwin gwenn, ar
boked louzoù, ar chalotez diskolpet. Dibluskit ar meskl ha
silit ar chug. War dan bras, koazhit an hanter eus ar chug gant an
dienn, Ouzhpennit ar perisilh miñset. Frikit 2 mn hag
ouzhpennit tamm-ha-tamm an amann. Gwarnisit an avaloù-douar
gant ar meskl diblusket. Pallennit gant ar chug. Kempennit 2 hanter
aval war asiedoù raktommet. Lid
breizhat an 11 a viz Du e Gwened
Lakaet eo bet an emgav
d’ar Sul 11 a viz Du da 11e15, da-heul al "lidoù
ofisiel", war dreuzoù uhelenn ar Waremm, diwar-zu straed
Sant-Tropez (e-tal Kuzul an Departamant) e Gwened. Digor d’an
holl. Evit gouzout hiroc'h: http://membres.lycos.fr/bemdez/ Deiziataer
2008 !
E gwerzh 12 euro
(mizoù-post profet) dre lizher gant Skol an Emsav, 25 straed Pierre
Martin, 35000 Roazhon Pgz : 02 99 38 75 83. sae.bzh@wanadoo.fr Gouzout
muioc’h hag urzh-prenañ Lennit
Bremañ miz Du !
Reuz Birmania, penaos
emañ kont gant ar gwiskad ozon, 50 vloaz Skol gembraek
Londrez, Prosez gwall-zarvoud treuzell ar c'hQueen Mary 2,
un teuliadig a vo tu da lenn ivez war emdroadur ar c'helenn divyezhek
er bloavezhioù tremenet... Kaoz zo diwar-benn tout-se ha
leun a draoù all c'hoazh e-barzh niverenn Bremañ
miz Du 2007. Teuliad ar miz zo gouestlet d'an
abadennoù brezhonek a vo er bloaz-mañ en tele. TV
Roazhon 35 (peder abadenn disheñvel bep Meurzh a viz da
viz), France 3 Ouest (5vet deiz-ha-bloaz Mouchig-dall, 100vet abadenn
Te ha Me), TV Breizh (Mil dremm, eilmouezhiañ
filmoù) a ginnig er bloaz-mañ adarre
abadennoù en hor yezh. Aet eo ar vrezhonegerien war ar Gwiad
ivez evit kinnig un tele "all" gant WebNoz da skouer, kinniget bep miz
gant Lionel Buannic. Bep miz e kinnig ar gelaouenn Bremañ,
abaoe 1980, pennadoù
brezhonek a bep seurt, diwar-benn Breizh hag ar Bed, kinniget brav,
doare magazin. Embannet gant Skol an Emsav (4,5
euro an tamm) E gwerzh er stalioù
levrioù a ginnig danvez Breizh, pe dre goumanant. Evit gouzout hiroc'h: www.breman.org |
|
|
|
|
|
|
|
Evit 4
den: 4 aval-douar tev – 1,5 kg meskl-park – 1 boked
louzoù – 250 g bouf – 1 boked perisilh
– 50 g cholotez diskolpet – 200 ml gwin gwenn
sec’h – 30 g amann – pebr ha holen
Evel bep bloaz e tougo ar gevredigezh Bemdez
(lakaet da bal dezhi kas sevenadur Breizh war-raok ha lakaat da anat
reizhwir e ziorren) bri d’ar miliadoù a dud bet
reuziet gant ar "Brezel Bras" (1914-18). Diouzh le ar stourmerien gozh
deuet ag an talbenn e vo e doare ul lid hep lu, dilifre ha diarm a-benn
lidañ ar peoc’h.
Deuet eo er-maez deiziataer 2008 ha poent bras
notenniñ emgavioù ar bloaz o tont! Gant ur golo
plastik glas e liv (warlene ne oa ket bet...), deiziataer 2008, e 4 liv
pen-da-benn, a ginnig pep sizhunvezh war div bajenn (stumm "italia").
Kinniget eo pep pajenn en un doare pleustrek-kenañ evit
merañ e amzer hag e notennoù personnel. Adkavet e
vo, evel-just, un dro-lavar evit pep sizhun, peadra da binvikaat e
vrezhoneg hep striv ebet! Ur bern titouroù all a gavot ivez
en deiziataer : ar vakañsoù-skol dre dakad,
taolenn ar c'hemmadurioù, deiziadur 2009, roll an 200
kevredigezh pe aozadur brasañ o plediñ gant ar
brezhoneg pe ar yezhoù bihanniver. Gant e stumm bihan (15x9
sm) e c'hellot e lakaat aes en ho sac'h pe en ho chupenn.
Niverenn
Bremañ miz Du (niv.313) zo
nevez-deuet er-maez!