|
|
|
|
|
|
|
|
|
|
Lun 7 a viz Du, niv.
74 Pellgargit ar pennadoù e stumm Word Petra oa keleier Bremaik
warlene? Klikit amañ! |
|
|
|
|
|
|
|
|
|
|
|
|
|
|
|
Digoret
Divskouarn ! |
|
|
|
Un
dek paeron bennak zo
evit ar poent gant Divskouarn. Arzourien, kanerien, skrivagnerien, tud
e karg eus kevredigezhioù, embregerezhioù,
kelennerien
skol-veur zo en o zouez. Ur c'huzul-merañ hag ur burev zo
bet
dilennet disadorn : Yannig Bigouin, teñzorer,
Erwann Denez,
besprezidant, Yannig Robin, prezidant, hag Isabelle Thomas, sekretourez. |
|
|
|
|
|
Disadorn e oa bet krouet en-ofisiel ar
gevredigezh Divskouarn, e Karaez. "Divskouarn" emezoc'h ? Ya,
ur gevredigezh c'hoant ganti diorren implij ar brezhoneg evit ar vugale
vihan. Adalek ar mare m'emañ ar bugel e kof e vamm betek ma
yafe er skol kentañ derez. Ur bern elfennoù
disheñvel a vez strollet neuze e labour Divskouarn.
Daremprediñ ar familhoù, ar skolioù,
an tiez-kêr, an ensavadurioù sokial ha publik, ar
c'hreizennoù stummañ war micherioù ar
magourioù... Gant Divskouarn e vo gwelet da
gentañ petra a vez graet e-keñver brezhoneg er
magourioù e departamantoù Breizh. Dastumet e vo
titouroù diwar-benn ar skiant bet prenet e lec'h pe lec'h.
Savet e vo da c'houde ur "garta" a-benn resisaat ha lakaat splann an
obererezhioù graet e-keñver brezhoneg, ha gellout
priziañ al labour graet.
|
|
|
|
|
|
“Emañ
an ti o teviñ hag e sellomp e lec’h all”* |
|
|
|
Tout
ar bolitikourien a vez o komz eus “endro”,
“diorren padus”,
“bevliesseurted”, forzh piv e vefent. Padal abaoe
tri bloaz eo bet digresket budjed Ministrerezh an Endro hag ar
skoaziadoù roet d’ar
c’hevredigezhioù a warez an endro : un
digresk a 10% e 2005 hag a 20% e Ar
c’hevredigezhioù da saveteiñ an endro a
ra ul labour ha na vez ket graet gant ar Stad (titouriñ an
dud, enklaskoù a bep seurt...). Piv a raio al labour-se pa
vint aet holl da get (an hanter nebeutoc’h a dud a vo o
labourat gante adalek 2006) ? Emichañs
e teuio ar sioulder en-dro e speredoù strafuilhet ar
bannlevioù ha ne vo karr ebet ken o teviñ e-kreiz
an noz. Emichañs
e teuio ar sklerijenn en-dro e spered ar bolitikourien ha ne vo ket
lezet hon ti da zeviñ. *frazenn
distaget gant Jacques Chirac e Johannesburg, e 2002. |
|
|
|
|
|
Gwir eo, evit an deizioù e vez kalzig
a draoù o teviñ e kêrioù
bras Bro-C’hall hag e vez troet spered an dud
kentoc’h ouzh o surentez, hini o c’hirri pe
aergelc’h ar bannlevioù (gant gwir abeg) evit gant
yec’hed un ti all, ti an holl, zo o teviñ a bep
tu, hep na vefe kement a reuz er mediaoù hag er gevredigezh.
Piv eta, en deus klevet komz eus ar vanifestadeg a oa bet aozet
disadorn gant ar c’hevredigezhioù a stourm evit
difenn an endro, e Pariz ?
|
|
|
|
|
|
Barzhanoff...
ha ’barzh ar Genrouedad |
|
|
|
Hag
int da sevel sketchoù da gentañ, reoù
evit ar vugale, koulz ha re sevenet er straedoù da vare
manifestadeg veur Roazhon e 2003... Aet int betek sevel int o-unan
pezhioù-c'hoari da vat, Muntr er Vro-Vigoudenn,
diwar un danevell savet gant Erwan Kervella, ha Kig ha Faltazi
nevez zo. Kavet e vo war al lec'hienn holl deiziadoù an
abadennoù kinniget gant Barzhanoff, ur c'hinnig eus pep
arvest ha peadra da vont e darempred gant ar skipailh, evel-just. Sed
amañ ar chomlec'h ! |
|
|
|
|
|
Strollad c'hoariva Barzhanoff zo bet ganet e
Roazhon gant deskarded eus Skol an Emsav, c'hoant ganto kas pelloc'h an
implij a raent eus ar brezhoneg...
|
|
|
|
|
|
Tournamant
tennis Bercy |
|
|
|
Ne
oa bet gounezet nemet ur priz gant Tomas Berdych betek-henn, e
tournamant Palermo, e 2004. Ne oa ket Roger Federer na Rafael Nadal war
tachenn Bercy, met prouet en doa Berdych e oa barrek a-walc'h evit
bezañ trec'h warno e C'hoarioù Olimpek Athena, e
2004. |
|
|
|
|
|
Tournamant tennis Pariz-Bercy
zo bet un digarez da ober anaouedegzh un tamm gwelloc'h gant ar
c'hoarier tchek Tomas Berdych. Ar paotr, bet ganet e
|
|
|
|
|
|
Match
Point |
|
|
|
Stadoù-Unanet,
Breizh-Veur – 2004 Senario
ha seveniñ : Woody Allen
Termal
a rae Woody Allen etre ar gomedienn hag an drama gant Melinda
& Melinda, e film diwezhañ (ur film etre,
dres). Amañ ne derm ket ken : un drama
penn-kil-ha-troad eo Match Point. Gwech ebet
n’eo aet Woody ken pell war an dachenn-se ha bamus eo ar prof
a ra deomp. Levezon ar c’hoarigan trajediel italian ha
pezhioù-c’hoari Shakespeare a gemer war e chouk
difouge. Daoust hag ur gomedienn pe un drama e vo film
kentañ Woody Allen ? Ne vern, gant ma chomo an awen
gantañ. |
|
|
|
|
|
Loc’het eus metoù dister eo
ar c’hoarier tennis kozh Chris Wilton (Jonathan
Rhys Meyers). Deuet eo da gelenner en ur c’hlub
cheuc’h eus Londrez el lec’h ma ra anaoudegezh gant
Tom (Matthew Goode). Mignoniezh a ziwan buan etre an
daou-se, ha pedet eo Chris d’ober anaoudegezh gant tiegezh
Tom : e dad pinvidik-mor, e c’hoar koant ha tener,
ha Nola (Scarlett Johansson), danvez e bried. Gant
un eskemm tennis-taol e skoulm Chris ha Nola
darempredoù : hemañ zo tagus e zoare
c’hoari, honnezh zo friant he diweuz.
|
|
|
|
|
|
Troiad
an Trans, un tammig e pep lec’h e Breizh |
|
|
|
A-benn
an
Ur
blog a zo bet savet, ennañ e kaver rentaoù-kont
ha skeudennoù eus an abadennoù : http://www.lestrans.com/tournee/ Hag
evit pezh a sell ouzh an Trans : |
|
|
|
|
|
Evel er bloavezhioù tremenet e kinnig
deomp aozerien an Transmusicales ober anaoudegezh gant
strolladoù a vo war al leurenn (pe get) e miz Kerzu e
Roazhon. Lakaat an dud da zizoloiñ strolladoù
nebeut anavezet : setu pal an droiad anvet "Troiad an Trans" (5vet
troiad er bloaz-mañ). Kroget eo er sizhun dremenet e Kemper
gant Montgomery, Kayser Palace ha Strup X.
|
|
|
|
|
|
Koulourdrenn
gant kanell |
|
|
|
Dibluskit
ar goulourdrenn ha tennit an neud hag ar greun anezhi.
Troc’hit he bouedenn e tammoù. Dibluskit
ha miñsit ar pennoù ognon. Dibluskit
an tamm jinjebr ivez ha miñsit anezhañ. En
ur gokelenn, lakait an tammoù ognon da veleniñ en
eoul gant ar jinjebr hag ul loaiad kanell, e-pad ur 5 munut bennak.
Ouzhpennit an tammoù koulourdrenn ha lakait pep tra da
veleniñ e-pad 5 munut adarre. Skuilhit an dour, ouzhpennit
holen ha lakait ar golo war ar gokelenn betek ma vo o
virviñ. Digreskit an tan d’ar c’houlz-se
ha lakait da boazhañ e-pad un 20 munut bennak betek ma vo
peurboazhet ar goulourdrenn. Tennit
an traoù diwar an tan ha kemmeskit pep tra. Lakait holen ha
pebr diouzh ret. Rasklit un nebeud eus ar graoñenn-vuskadez
hag ouzhpennit an eil loaiad kanell. |
|
|
|
|
|
Rekipe
evit 5 den :