|
|
|
|
|
|
|
|
|
|
13 a viz Kerzu 2004,
niv. 36 |
|
|
|
|
|
|
|
|
|
|
|
|
|
|
|
Profoù
Nedeleg brezhoneg war ar Genrouedad |
|
|
|
Sed
aze ul lec'hienn a vo lakaet en-linenn a-benn nebeud gant an
embregerezh Bzh5, staliet e Karaez ha kaset war-raok gant Tangi ar Menn. N'eus
ket a chomlec'h simploc'h : www.nedeleg.com.
M'ho peus disoñjet unan bennak war ho listenn
prenadoù evit gouelioù fin ar bloaz, e kavot
marteze un draig, pe meur a hini zoken, war al lec'hienn-se.
Bannoù-treset brezhoneg, tresadennoù-bev (war
kasedigoù pe dvd), levrioù a bep seurt,
pegsunioù, kartennoù-hetiñ,
kartenn-hent hollvrezhonek Ofis ar Brezhoneg, c'hoarioù
kartoù, ha kement zo. Tu a vo da c'hourc'hemenn ar pezh a
fell deoc'h en-linenn... met e brezhoneg mar plij. N'eus
nemet ur c'hatalog (er stumm pdf) da bellgargañ evit poent,
met a-raok pell e vo kinniget muioc'h a draoù c'hoazh war http://www.nedeleg.com. |
|
|
|
|
|
|
|
|
|
|
|
Manikin
saotret Tad-kozh an Nedeleg |
|
|
|
A-benn
nebeut e vo lidet Nedeleg. Piv en defe c’hoant da
brofañ profoù ampoezonet? Den ebet evel just ha
koulskoude ez eo ar pezh a vez graet gant an darn vrasañ
ac’hanomp! E-barzh
ar c’hoarielloù pe an traouajoù a bep
seurt e vez kavet danvezioù saotrus ha dañjerus.
Da skouer e vez kavet e-barzh ar PVC soupl
“ftalatoù” hag a zo lakaet da
zañjerus evit ar strujañ gant ar skiantourien.
Danvezioù e-touez ar
“ftalatoù” a zirenk mont-en-dro an
hormon pe a zo pistri evit an avu. E-barzh ar
c’hoarielloù PVC e vez kavet
organostaenioù a zistruj difennoù ar
c’horf. En-ofisiel e anavez produerien vras e-giz Mattel
(Fisher Price) pe Hasbro (Playskool) ez eus seurt kozh
danvezioù en o froduioù met ne glaskont ket lemel
anezhe.... N’eus nemet ar Playmobil-où a vefe
yac’hus. Pa
n’hallit ket prenañ
c’hoarielloù, prenit dilhad. Siwazh! Kavet e oa
bet e miz Ebrel 2004 e-barzh dilhad dindan ar merk Dysney
metaloù ponner, “ftalatoù”,
organostaenioù ha nonufenol, danvez dañjerus evit
hon hormon hag a zistruj an ADN, ha formaldehidoù a zegas
krign-bev. Ha
na soñjit ket e vefe yac’hoc’h
profañ dour-frond ar merkoù brudet. Leun a
ftalatoù zo e-barzh! A-benn
bezañ sur da brofañ traoù
dizañjer : www.vigitox.org. Organostaenioù :
organoétains (danvezioù
organek atomoù staen enno) Strujañ :
reproduction |
|
|
|
|
|
|
|
|
|
|
|
Robert
Capa |
|
|
|
Pemp
brezel a zo bet poltredet gant Robert Capa. Brezel diabarzh Bro-Spagn
(1936-1939), eneberezh ar Sinaiz ouzh ar Japaniz (du-hont e oa e 1938),
an eil Brezel-Bed en Europa (1941-1945), ar brezel kentañ
etre Israel ha Palestina (1948), ha brezel Indezsina e 1954.
N’eus bet den ebet gouest da boltrediñ kement a
vrezelioù, pa ouier e vez
atav buhez an tenner-poltredoù en arvar
a-benn ar fin. Endre Friedmann eo anv gwirion Robert Capa. E Budapest e
oa bet ganet e 1913, yuzev e oa. Ur stal dilhad cheuc’h a oa
gant e dud. |
|
|
|
|
|
|
|
|
|
|
|
Mell-dorn |
|
|
|
Bez’
ez eus kluboù evel-se dezho un istor dreistordinal.
Bez’ ez eus kluboù a oar, gant nerzh ar
c’hoant hag ur galon bras-tre, cheñch istor o
sport. Bez’ ez eus kluboù evel
Montpelhièr … Gounezet en doa dija gourfenn Kevre
ar Gampioned 2003 dre vurzhud, war-lerc’h ur match distro
istorel en e sal (a-enep da skipailh Pamplona gant Jackson Richardson).
Disul tremenet en em adkave skipailh Montpelhièr en-dro
dirak ur voger
« didrec’hus » evit
kalz a dud a-raok
ar match distro e Bougniole (sal Montpelhièr). Ha gwir eo,
diaes e oa krediñ e teufe a-benn da adpignat an nemet 9 en
doa paket er match mont a-enep skipailh Kolding (eus bro Danmark). Met
eno emañ tout hud ar sport ! Hag evel a-enep
Pamplona, Montpelhièr zo deuet a-benn d’en em
dreuzfurmiñ ha gounit a-benn ar fin e diked evit
kardgourfenn Kevre ar Gampioned mell-dorn 2005. Spi zo er
skipailh-mañ bremañ ha diaes eo gwelet petra a
c’hellfe lakaat ar mekanik da c’hounit-se da chom
a-sav. Mell-droad 18vet
devezh R1 Lille
(2vet) 2-1 Naoned (16vet) Roazhon
(13vet) 3-1 Lens (10vet) 19vet
devezh R2 An
Oriant (vet) – Brest (4e) Gwengamp
(vet) – An Havr Nevez (vet) 19vet
devezh R1 Strasbourg
(18vet) – Roazhon (11vet) Naoned
(16vet) –Sochaux (7vet) |
|
|
|
|
|
|
|
|
|
|
|
Wilbur
(Wilbur begår selvmord / Wilbur wants to kill himself) |
|
|
|
Danmark
ha Skos - 2002 Senario
ha seveniñ : Lone Scherfig Mennet
eo Wilbur d’en em zistrujañ. Kaer en deus klask ne
zeu ket a-benn da dizhout e bal avat. Dre chañs ez eus gant
ar gwashaour daonet-se ur breur gwellaour hag a fell dezhañ
lakaat Wilbur da vezañ evurus mod pe vod. Bevañ a
reont o-daou e Glasgow e stal-levrioù o zad aet
d’an Anaon. Muioc’h a wregelezh en o endro a rafe
vad dezho moarvat. Temzet
mat eo ar film-mañ e gwirionez. N’eo ket anat dont
a-benn da sevel ur wir gomedienn war zanvez an emzistruj ha tremen hep
bezañ diwar-c’horre koulskoude. Setu un tolpad
tudennoù o deus ezhomm an eil re diouzh ar re all. Gant ar
brasañ aked e vez graet war o zro gant ar sevenerez. Da-heul
„Reconstruction“, deuet er-maez bloaz zo, e kadarna
„Wilbur“ perzhioù
mat sinema Danmark a c’hell bezañ
soutil-kenañ (nemet pa vez Lars von Trier o
seveniñ: ampart eo met n’eo ket soutil). Mont a
reer er-maez deus ar sal imoret-kaer daoust da abeg tristik ar film. Kement
ha gouzout hiroc'h : http://www.wilburthemovie.co.uk/ |
|
|
|
|
|
|
|
|
|
|
|
NME
Yearbook |
|
|
|
Petra’
zo c’hoarvezet e 2004 e-keñver sonerezh
rock ? M’ho peus disoñjet
darvoudoù pouezusañ ar bloavezh, prenit NME
Yearbook. Ennañ e kaver ur renabl, a viz da viz, eus ar
pladennoù hag ar strolladoù nevez dizoloet (Franz
Ferdinand, The Libertines hag all). Evit pep miz ivez : ar
sifroù pouezusañ (pe ar re
souezhusañ). Un nebeud arzourien a ra ivez renta-kont o
bloavezh (REM, Kings of Leon, The Hives…) hag a gomz
diwar-benn ar sonerezh pe ar politikerezh (dilennadeg George Bush).
Kaoz a zo ivez eus ar gouelioù bras (Glastonbury) hag eus ar
marc’had sonerezh nevez digoret
dre ar genrouedad. Setu ur prof a-zoare evit ar re a
zo sot gant ar sonerezh rock. Da
vezañ prenet er stalioù kazetennoù
etrebroadel, pe dre : www.nme.com |
|
|
|
|
|
|
|
|
|
|
|
Bistro
Ribl dehou e Naoned |
|
|
|
Ribl
dehou, emezit-c’hwi ? E Naoned, war ribl dehou ar
stêr Erzh emañ ar preti (daoust d'ar
stêr bezañ kuzhet dindan Bali an 50 gouestlad), se
zo kaoz eo bet badezet e-giz-se… Met gortozit, pred ar
vrezhonegerien a vez graet eno (bep Gwener da 12e30) ha n’eo
ket dre zegouezh ! Preti nevez Marc hag Isabelle Donas zo ul
lec’h plijus-kenañ. Tomm ha simpl eo ar
c’hinklañ. Ouzh ar mogerioù e vez
diskouezet oberennoù a vremañ gant arzourien
bedet pe tresadennoù bugale… An degemer a zo eus
ar c’hentañ, hag ar boued zo lipous da vat. Ar
penn-keginer a zo leun a ijin : kinnig a ra bemdez ur meuz
fardet diwar besked hag unan diwar gig, diouzh ar marc’had.
Boemus eo, dreist-holl peogwir ez eo donezonet evit fardañ
hiliennoù a bep seurt. Traoù all a
c’heller tañva : meskajoù
krouet evit pep sin eus an Arouezkelc'h, asiedadoù brav evit
an digor-kalon. Sonerien a vez pedet, ha chom a c’heller
betek 4 eur noz o selaou sonerezh elektro, bossa-nova, pe
jazz… Ouzhpenn-se e vez fardet kig-ha-farz evit ar
strolladoù diouzh ar goulenn ! Bistro
Ribl dehou (Rive droite), 5 straed Santeuil e Naoned,
02 40 71 97 32 |
|
|
|
|
|