|
|
|
|
|
|
|
|
|
|
6 a viz Kerzu 2004,
niv. 35 |
|
|
|
|
|
|
|
|
|
|
|
|
|
|
|
Ur
politikerezh yezh kinniget d'ar 17 a viz Kerzu |
|
|
|
Disadorn
e oa bet aozet un emgav e Pondi, etre dilennidi ar rannvro ha
stourmerien evit ar brezhoneg hag ar gallaoueg. Ur rak-kinnig
politikerezh yezh a oa bet savet gant Bodad Yezh ha Sevenadur Breizh ar
C'huzul-rannvro, kaset war-raok gant Yann-Bêr Thomin.
Jean-Yves an Drian, prezidant Kuzul-rannvro Breizh, a oa eno, ha
selaouet en deus evezhiadennoù an oberourien yezhel. Traoù
da ouzhpennañ, da dennañ kuit, da gemm. Gouzout
petra a dalvez ar pezh a anver "brezhoneg ar bobl" e testenn ar
Rannvro, da skouer. War-zu peseurt palioù mont
e-keñver kelenn brezhoneg d'an dud deuet. Penaos
pouezañ war ar Stad hag ar Rektoriezh evit gwellaat an
traoù e-keñver deskadurezh. Fellout a rae d'ar
oberourien yezhel resisaat kalz a draoù. Adlabouret e vo war
an destenn gant bodad ar C'huzul-rannvro e-karg eus an teuliad-se,
a-benn mouezhiadeg ar guzulierien-rannvro. Embannet
en deus meur a wezh prezidant ar Rannvro e felle dezhañ e
vefe votet an destenn a-unvouezh, d'ar 17 a viz Kerzu 2004. |
|
|
|
|
|
|
|
|
|
|
|
Petra
eo an diorren padus ? |
|
|
|
Gant
tout ar pennoù bras e vez anv eus diorren padus. Met petra a
sinifi e gwirionez ? Daoust hag-eñ n’eo
ket ur ger hep ster resis ebet a vez implijet evit lâret un
dra hag e gontrol-bev ? E
1987, gant Bodad Bedel an Endro, e oa bet termenet resis petra eo an
diorren padus : “un diorren a glot gant an
ezhommoù zo bremañ hep mirout ouzh ar
rummadoù da zont a bourvezañ d’o
ezhommoù dezhe”. A-benn
en ober eo diazezet an diorren padus war 3 reolenn-aour : Reolenn
an diwall : gwelloc’h eo dilezel un
teknologiezh ma c’hell e heuliadoù
bezañ re zrastus. Reolenn
an unaniezh etre ar rummadoù : ret eo
derc’hel kont eus disoc’hoù hon
choazoù war an amzer da zont. Reolenn
ar c’hemer perzh : ret eo d’an
holl kemer perzh en diorren padus, an dibaboù a rank
bezañ graet en un doare demokratel. Gant
an “Agenda 21” e vez lakaet e pleustr an diorren
padus, da lâret eo ur program evit an 21vet kantved. Gallout
a ra bezañ da live ar bed, ur stad, ur rannvro pe ur
c’horn-bro. Rannvro Breizh he deus kroget da lakaat e pleustr
he “agenda 21” er bloaz-mañ. Bodad
Bedel an Endro : Commission Mondiale sur
l’Environnement Reolenn
an diwall : principe de précaution |
|
|
|
|
|
|
|
|
|
|
|
Robert
Capa |
|
|
|
Pemp
brezel a zo bet poltredet gant Robert Capa. Brezel diabarzh Bro-Spagn
(1936-1939), eneberezh ar Sinaiz ouzh ar Japaniz (du-hont e oa e 1938),
an eil Brezel-Bed en Europa (1941-1945), ar brezel kentañ
etre Israel ha Palestina (1948), ha brezel Indezsina e 1954.
N’eus bet den ebet gouest da boltrediñ kement a
vrezelioù, pa ouier e vez
atav buhez an tenner-poltredoù en arvar
a-benn ar fin. Endre Friedmann eo anv gwirion Robert Capa. E Budapest e
oa bet ganet e 1913, yuzev e oa. Ur stal dilhad cheuc’h a oa
gant e dud. |
|
|
|
|
|
|
|
|
|
|
|
Marc’houarnerezh |
|
|
|
Lance
Armstrong n’eo ket sur da redek Tro Bro-C’hall
2005. Evit ar reder, bet trec’h 6 gwech c’hoazh er
redadeg-se, pep tra a vo dibabet e-keñver e youl e penn
kentañ ar bloaz 2005. Un dra zo sur avat, ma vez gwelet
Armstrong e Tro Bro-C’hall c’hoazh ur wech e 2005,
ne vo nemet evit klask gounit ar redadeg ur 7vet gwech. Evit santout an
nerzh a chom gantañ da 33 bloaz, e adkrogo an embreg abred
a-walc’h e miz Kerzu en Texas. Met e zibab ne vo gouezet
nemet e-tro miz Chwevrer 2005. Bageal Da
15852,4 miltir eus an diwezh, Jean ar C’hamm zo atav
kentañ gant 36,7 miltir lañs war Vincent Riou, e
poursuer kentãn. Mell-droad 17vet
devezh R1 Monaco
(7vet) 2-0 Roazhon (9vet) Naoned
(16vet) 0-1 Nisa (13vet) 18vet
devezh R2 Gueugnon
(3e) 0-0 Gwengamp (15vet) Brest
(5vet) 1-0 Angers (17vet) Grenoble
(10vet) 1-2 An Oriant (16vet) 18vet
devezh R1 Lille
(2vet) – Naoned (16vet) Roazhon
(13vet) – Lens (10vet) 19vet
devezh R2 An
Oriant (14vet) – Brest (4e) Gwengamp
(16vet) – An Havr Nevez (20vet) |
|
|
|
|
|
|
|
|
|
|
|
The
Incredibles (Les Indestructibles) |
|
|
|
Stadoù-Unanet
- 2004 Senario
ha seveniñ : Brad Bird Ur
“super-haroz” deus ar re vrudetañ e oa
Mr Incredible… gwechall. Met lezennoù da adlakaat
ar “super-harozed” e-touesk an dudigoù a
oa bet votet. Evel e wreg Elastigirl hag o mignoned e oa bet rediet Mr
Incredible d’ober deus e anv kuzh e anv nemetañ
neuze. Pemzek vloaz diwezhatoc’h e labour Bob Paar en un ti
kretaat ha ganet ez eus tri bugel dezhañ gant e wreg Helen.
Met hunvreal a ra an den talañ ouzh
dañjerioù brasoc’h eget an hirvoud hag
al lard fall. Diazezet
eo fent filmoù ar studioioù Pixar war
dibarderioù korf o zudennoù. Da-heul ar
c’hoarielloù (Toy story 1
& 2), an amprevaned (A bug's life / 1001
pattes), an euzhviled (Monster, Inc.) hag
ar pesked (Finding Nemo / Le monde de
Némo) e ra Pixar gant tud ar wech-mañ,
met tud roet dezho donezonioù dreist-natur memestra. Kement
a berzhioù mat a zo er film nevez hag er re gozh :
skeudennoù kaeroc'h-kaerañ, fent diroll hag ijin
forzh pegement. Ma n'eus ket ganeoc'h ur bugel da ziduiñ,
kit hoc'h-unan 'ta. Kement
ha gouzout hiroc'h : http://www.disney.fr/FilmsDisney/lesindestructibles/main.html |
|
|
|
|
|
|
|
|
|
|
|
Breizh,
Keltia ha BT... Seizhvet lodenn |
|
|
|
Istor
gallegerien Amerika gwallgaset gant ar Saozon en 18vet kantved eo
danvez ar rummad Les pionniers du Nouveau Monde
(dastumadenn "Vécu" e ti Glénat). Kavout a reer
Skosiz e-kerzh an istor koulskoude. Ar wech kentañ (levrennoù 5 ha
6) pa vez meneg eus ar perzh kemeret gant Klan Fraser (1800 den) en
arme Wolfe a drec'has Montcalm e 1759. An eil gwech
(adalek al levrenn 8) pa zimez unan eus an
tudennoù pennañ (Benjamin Graindal) gant merc'h
ur MacTavish, livet evel Jakobour. Savet mat eo an istor (J-F ha Maryse
Charles). Gwelloc'h e c'hallfe bezañ an tresañ.
Deuet eo er-maez ar 14vet levrenn e 2003. Emañ Graindal e
Louiziana o vont da brenañ un domani... |
|
|
|
|
|
|
|
|
|
|
|
Soubenn
domatez gant jinjebr |
|
|
|
1
c’hilo tomatez darev, 2 loaiad vras a soubilh-tomatez stank,
1 penn-onion bras, 2 glosenn gignen, 1 loaiad vihan a eoul olivez, 1
delienn lore, tin, 1 tamm bihan a jinjebr (3 loaiad vihan ur wezh
skejennet), ¼ litrad dour , ½ loaiad sukr, 10 cl
dienn fresk, holen ha pebr. Dibluskit
ar penn-onion, ar c’hignen hag ar jinjebr. Skejennit anezho
munud. Gwalc’hit an tomatez, lemmit al lostig ha
troc’hit anezho a dammoù. Lakait an onion hag ar
jinjebr da alourañ en eoul olivez en ur gokelenn. Ouzhpennit
ar c’hignen, ar soubilh-tomatez stank, ar sukr hag an
tomatez. Stagit an delienn lore hag an tin asamblez ouzh lost ar
gokelenn (an doare aesañ eo da chom hep ankouaat ar
boked-mañ pa vo poent drailhañ), lakait pebr hag
holen. Skuilhit an dour ha lakait da virviñ. Bihanit an tan,
goloit ha laoskit da boazhañ e-pad 15 pe 20 munutenn. Tennit
ar boked tin ha lore. Drailhit munud. Ouzhpennit an dienn fresk ha
reizhit an temz. Gallout a reer mirout ar
soubenn-mañ dre skornañ anezhi. |
|
|
|
|
|