|
|
|
|
|
|
|
|
|
|
Lun 12 a viz Here, niv.256 Pellgargit
ar pennadoù e stumm Word Evit resev kemennadenn nevez Bremaik bep Lun, Petra oa keleier Bremaik bloaz zo? Klikit amañ ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
"Taget" al Loar gant an Nasa |
|
|
|
|
|
|
|
|
|
Digwener e oa bet kaset daou
vekanik da bladañ e penn-ahel Su al Loar. Estaj goullo ur fuzeenn, div
donenn, zo bet bannet d'un tizh bras war toull Cabeus, nepell diouzh ar
penn-ahel, hag a zo bepred en noz, da 11e31 (eur Grennwich). Ar sonterez
LCROSS he deus heuliet peder munutenn war-lerc'h. N'eus bet skeudenn ebet eus
ar stokad evel m'o doa raktreset tud an Nasa siwazh. Spi o deus eo tremenet
an traoù evel ma oa jedet ganto. Gant binvioù ar sonterez ha pellsellerioù an
Douar e vo klasket studiañ an danvez bet skarzhet gant an darzhadenn. Pal an
"dagadenn"-mañ zo gouzout hag-eñ ez eus skorn war al Loar. Hervez
studiadennoù embannet nevez zo, e vefe roudoù dour dister-kenañ, e traezh al
Loar. Soñjal a ra da skiantourien an Nasa e c'hellfe bezañ etre 2% ha 3%
skorn e douar al Loar e toull Cabeus. N'eus bet takenn sklêrijenn ebet el
lec'h-se abaoe ur miliard a vloavezhioù.
|
|
|
|
|
|
An
eoul-maen en traezh: raktresoù dañjerus Total |
|
|
|
M.M. Er mare-mañ emañ Greenpeace gant ul luskad stourm
a-enep da Total war an danvez-se. Titouroù ouzhpenn a vo kavet amañ : |
|
|
|
|
|
Pa ya ar c'hementadoù
eoul-maen da hesk eo dav kavout mammennoù all evit en em bourveziñ.
Betek-henn e veze implijet nebeut a-walc'h an eoul-maen mesket en traezh: dre
ma vez ezhomm kalzik labour evit dispartiañ an eil diouzh egile, ne oa ket
spletus ober kement-se. Met, bremañ, pa vez diaesoc'h-diaesañ kavout
eoul-maen, e teu da vezañ dedennetoc'h-dedennetañ an embregerezhioù gant an
eoul-maen-se. En Alberta (Kanada; skeudenn), er Venezuela, hag e Madagaskar dreist-holl
e vez kavet eoul-maen a-seurt-se. Er C'hanada ez eus bet dismantret ouzhpenn
3000km² a goadeier evit-se, ha diheñchet stêrioù evit reiñ dour d'ar
fabrikoù. Evit dont a-benn da eztennañ an eoul-maen eo dav lakaat produoù
e-barzh an traezh, hag ar re-se a vez adkavet en dour, el loened, en dud da
c'houde. Dre ma vez ezhomm kalzik treuzfurmadurioù e vez eztaolet CO2 forzh
pegement evit kinnig an eoul-maen-se (etre 3 ha 5 gwech muioc'h eget an
eoul-maen boutin).
|
|
|
|
|
|
Ur mizvezh gouel gant Gouel Digor |
|
|
|
Beilhadegoù,
pezhioù-c'hoari, stajoù dañs, prezegennoù a vo evit klokaat ar gouel betek kreiz
miz Du ! Evit
gouzout hiroc'h: DIGOR,
Kreizenn Sevenadurel Vrezhon, plasenn de Verdun, 22200 Gwengamp. Pgz: 02 96 44 27 88. Postel : kreizenn.gwengamp@free.fr |
|
|
|
|
|
|
|
|
|
|
|
Rugby ha
golf, sportoù olimpek e 2016 |
|
|
|
|
|
|
|
|
|
Digwener tremenet, e Kopenhagen,
e oa bet disklêriet war an ton ofisiel gant ar Bodad Etrebroadel Olimpek e oa
a-du gant enskrivadur ar golf hag ar rugby war roll ar sportoù a vo e
C'hoarioù Olimpek an hañvezhioù 2016 ha 2020. Votet eo bet an divizioù-mañ
gant brasañniver ar BEO, gant div vouezhiadeg disheñvel, aozet goude kinnigoù
graet gant sportourien a live uhel (gant Tiger Woods evit ar golf da skouer)
ha pennoù aozadurioù. Aet zo 63 mouezh a-du evit ar golf er c'hoarioù olimpek
e-tal 27 mouezh a-enep ha div tavet. Sklaeroc'h c'hoazh eo bet ar vot evit ar
rugby gant 81 mouezh a-du, 8 a-enep hag unan tavet. Un tournamant rugby a vo
aozet, gant 12 skipailh seizh c'hoarier, evit paotred ha merc'hed. E-keñver
ar golf, e vo un tournamant 72 toull, digor d'ar baotred ha d'ar merc'hed. Ar
wech diwezhañ e oa bet kinniget rugby er C'hoarioù Olimpek a oa e 1924, gant
skipailhoù 15. War roll sportoù olimpek C'hoarioù 1900 ha 1904 e oa bet
enskrivet ar golf. Bez’ ez eus bremañ 28 sport war roll ar C'horioù
Olimpek hañv neuze.
|
|
|
|
|
|
|
(500) Days of Summer ((500) jours ensemble) |
|
|
|
Stadoù-Unanet
– 2009 Seveniñ
: Marc Webb
“Boy meets girl” adarre. Istor koshañ
ar bed eo moarvat met, petra reot, biken n’hor bo echu d’e
gontañ. Un istor trivliadel eo hemañ eta, met trivlioù ar paotr eo a vez
kinniget aze, ar pezh ne c’hoarvez ket ken alies-se en doare filmoù-se.
Ouzhpenn ar sell spis a vez roet war an danvez eo deuet a-benn ar
senarioourien da dremen hebiou da godoù “ret” ar c’homediennoù
romantel. Hag ar sevenour Marc Webb en deus lakaet kalz a ijin e servij e
abadenn. Un taol kaer evit ur film hir kentañ. Panevet evit lodennig an
deiz-ha-bloaz e talvez ar boan mont da welet (500) Days of Summer. Meriadeg Vallerie Kement ha gouzout hiroc’h: http://www.foxsearchlight.com/ Court Métrange Roazhon (TNB) 22-25 a viz Here 2009
Darvoud ispisial: skignet e vo ur film hir ivez ha
n’eo ket forzh pehini: Suspiria sevenet gant Dario Argento e
1977 ha kinniget gant Alain Schlockoff, e penn ar gelaouenn L’écran
Fantastique. Evel boaz e vo roet ur priz gant skolajidi ha
liseidi (un abadenn zisheñvel 1e10 evit pep rann) ha mod all, digor
d’an holl, e vo div nozvezh faltazi, unan bevaat hag unan spont. Tamm
pe damm evel warlene (met gant filmoù all evel-just), pep abadenn a bad 1e20.
D’ar Sul e vo roet 7 priz en holl, dibabet gant an arvesterien rak
n’eus juri ebet ar bloaz-mañ. "Court Métrange nomade" a vo ivez ar
wech-mañ, evit lidañ 8vet gouel ar sinema bevaat (16-31 a viz Here), diwallit
mat: e Felger, Bruz, Kistreberzh ha Rostrenn e vo tu da welet ar filmoù-berr
bevaat neuze. Festival skrijus ha plijus da bep hini! G.L. A-benn gouzout hiroc’h, al lec’hienn
klok-tre gant ar programm resis h.a : http://www.courtmetrange.eu/ |
|
|
|
|
|
|
|
A-raok pep tra e oant mat “a-du war ar fed
ne oant ket a-du”. Kavout a rae da dTom
Setu erru mare 6vet festival Court Métrange e
Roazhon. Ur wech ouzhpenn e vo kinniget e-kerzh an emgav-mañ filmoù-berr,
european dreist-holl, war dodenn ar faltazi en un doare ledan.
|
|
|
|
|
|
Zola Jesus – The Spoils |
|
|
|
 Ma, da gentañ, chom hep teurel
re a evezh ouzh an anv (mod-all, piv goude-se: Balzac Vichnou?) ha selaou
pizh ar sonerezh. Hor c'hefridi eo forzh penaos.
Raktres Nika Roza Danilova
(ur plac'h 18 vloaz eus Wisconsin) eo, rak ganti eo e vez savet an holl
donioù (daou soner all a vez ganti war al leurenn). Lavarout a ra e plij an
opera dezhi, hag ivez sonerien evel Suicide, Kate Bush pe
c'hoazh The Residents.
Ha peseurt sonerezh eo
neuze? Ma, just a-walc'h, savet zo bet un dikedenn nevez a-benn envel un
doare sonerezh ne oa ket bet klevet betek-henn, ha neuze ez eo sonerezh lo-fi
gotek. Ijinit neuze ur meskaj etre Siouxsie hag Einstürzende
Neubauten (rak luskoù greanterezh a glever ivez war ar bladenn). An
tikedennoù post-urban depressive (brav, hañ) ha no-fi a zo bet
kinniget ivez: anat eo n'emaomp ket amañ war dachenn ar re a fell dezho
gwerzhañ pladennoù e-leizh, war hini an arzourien dieub ne lavaran ket.
Anat eo n'eo ket ur bladenn
da brofañ da forzh piv na da selaou da forzh pe vare, rak gwallzarvoudoù a
c'hallje c'hoarvezout pa selaouer Clowns, Clay Bodies pe Sink
the Dynasty. Ur splujadenn en ur bed koulz lavarout dianv betek-henn eo
kentoc'h.
Spi zo da gaout bremañ e
kredo aozerien zo pediñ Zola Jesus da seniñ war leurennoù Breizh: tenn-kenañ eo
ar bladenn eus ar penn-kentañ betek ar fin, ha war al leurenn e tlefe bezañ
stennoc'h an traoù. Ma n'ho peus ket trawalc'h e c'hallit selaou ivez Tsra
Bomba, ar bladenn vihan (7 kanaouenn) bet savet gant Zola Jesus.
Anat eo e vo kavet ur plas
da Zola Jesus en hol listennad pladennoù gwellañ 2009.
R.M. Embannet gant Sacred Bones
Records Muioc'h a Zola Jesus : http://www.myspace.com/zolajesus http://www.last.fm/music/Zola+Jesus (ar bladenn a-bezh a
c'haller selaou, ha pellgargañ div ganaouenn ivez) http://zolajesus.blogspot.com/ Teod ar balafenned
gant Manuel Rivas
Troet e brezhoneg diwar ar
galizeg gant Mark Kerrain e vo tu da zizoleiñ pemp eus danevelloù Manuel
Rivas –Kentañ karantez, Bered La Habana, Teod ar
balafenned, O'Mero ha Peroked ar Güaira o anv–
e-barzh al levrig Teod ar balafenned bet embannet nevez zo gant An
Alarc'h Embannadurioù. Kizellet en ur yezh yac'h hag aes-kenañ da gompren,
Yann lenner a gavo e voued ennañ forzh pe live brezhoneg bennak a vefe
gantañ. Pedet oc'h da veajiñ,
difiñv en ho kador-vrec'h, a gCaracas da La Habana en ur dremen dre Diego
Suarez. Kerkent ha troet ar bajenn gentañ e savo betek ho tivfronell frond
sorc'hennus ar jenofl hag ar rosanovas. Ur banne rom pe gwin ribeiro ho po?
Kudenn ebet, kit en ho koazez e-barzh ostaleri straed an Orzán hag eno, ma
astennit mat ho skouarn, e klevoc'h notennoù melkonius an akordeoñser Antonio
Mallo marteze. Souezhet e vioc'h o tizoleiñ ar pezh a c'hoarvez da noz e La
Habana e-barzh "brasañ bered Amerika". Biken ne soñjoc'h e
Cristóbal Cólon evel a-raok! Teneraat a reoc'h ouzh an istor fromus a ziwan
etre ar skolaer Don Gregorio ha Golvanig, "e wellañ skoliad".
E 1936 emaomp, war bord an toull-don ma kouezho Bro-Spagn ennañ hag Europa
a-bezh da c'houde. Ha petra a dalvez
"teod ar balafenned", 'mutu? Kit da welet hoc'h-unan e-barzh al
levrig-se ha ma ne rit ket e rin "Touseg! Ptilonorink! Iris!"
deoc'h... Yannig Boulard Troet gant Mark Kerrain. Embannet gant An Alarc'h
(6,50 an tamm) |
|
|
|
|
|
Pa vez meneget Galiza e
kaozeadennoù boutin e soñjer diouzhtu er gaita galega kement hag er
soner mil vrudet Carlos Núñez. Estroc'h evit se zo avat! Skrivagnerien
zo evel-just, Manuel Rivas en o zouez, bet ganet e 1957 en A Coruña ha savet
barzhonegoù, romantoù ha danevelloù dindan e bluenn.
|
|
|
|
|
|
"Miss didoenn" Belgia |
|
|
|
Goude ur bloavezh ehan en deus Pol
Brezhoneg Skol an Emsav embannet un deiziataer hollvrezhonek adarre evit
2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
En ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a
c’hallo bezañ miret a vloaz da vloaz, ennañ roll kumunioù Breizh . Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe sae.bzh@wanadoo.fr Lennit Bremañ
Here 2009!
An teuliad zo gouestlet er miz-mañ d'an distro-skol.
Un emgav eo bep bloaz evit gwelet penaos e ya an traoù er c'helenn brezhonek.
P'eo seder a-walc'h renerezh Diwan gant daou lec'hiad nevez krouet er
bloaz-mañ, eo splann evit tud Div Yezh ez eus lec'hioù zo e Breizh lec'h ma
n'eus youl ebet evit kas war-raok an hentad. Nec'het-kenañ eo ivez renerien
Dihun, a gav dezho ne vez ket prientet tamm ebet an dazont gant an
Deskadurezh Katolik. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Trouz bras e ra an degouezh
e Belgia en deizioù-mañ. Disadorn e oa bet lidet ur gouel dic'hortoz e
Belgia. Aozet e oa e Brusel dilennadeg "Miss SDF" ar vro. Aet ar
maout gant Thérèse Van Belle, 58 vloaz, a-orin eus Schaerbeek. Gounezet he
deus ur bloavezh feurm digoust. Roet e oa bet lañs d'ar genstrivadeg
divoas-mañ d'ar 14 a viz C'hwevrer 2009 gant ur glañvdiourez sokial hag he
merc'h, bet o kemer perzh e kenstrivadeg Miss Flandrez-ar-Reter. Roet ez eus
bet bod gant an aozerien d'ar merc'hed war ar renk abaoe meur a viz, ha
sikouret e vo ar "Miss didoenn" hag an nav flac'h erruet war he
lerc'h er genstrivadeg, da gavout ul labour stabil. Skoazellet eo bet ar
raktres gant embregerezhioù bihan eus Brusel, evel rener ur preti, ur stal
bleunioù, da skouer. Dibabet e vefe bet Thérèse Van Belle gant ar juri (bodet
gant an aozerien) peogwir e oar sikour ar re all ha sevel he mouezh pa vez
ret. Fellout a ra d'an aozerien ober diouti "kannadez an dud
didoenn". Ur raktres sokial eo hervezo, evit sachañ evezh Belgiz. Neoazh
rebech a ra meur a gevredigezh skoazell sokial, ha gouarnamant Belgia zoken,
d'an degouezh bezañ un doare "Star'Ac an dienez" ha profitañ en un
doare mezhus eus diaesterioù merc'hed paour.
