|
|
|
|
|
|
|
|
|
|
Lun 9 a viz Here,
niv.117 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Taol-arnod
nukleel gant Korea an Norzh |
|
|
|
C'hoarvezout
a ra an taol-esae-se dres d'ar poent m'emañ
Kentañ Ministr nevez Japan, Shinzo Abe, e Seoul, e Korea ar
Su. Embannet en doa ar Stad japanat e vefe evit degemer
taolioù-arnod nukleel gant Korea an Norzh evel ur gourdrouz
a-enep dezhi. E soñj emañ Japan da lakaat e
pleustr kastizoù a-enep Korea an Norzh. Disklêriet
en deus Gouarnamant Beijing, da gustum prest da reiñ harp da
renad Pyongyang, e oa an taol-arnod-se ur fazi. Goulennet
o deus ar Stadoù-Unanet e vefe aozet un emvod etre izili
Kuzul Surentez Aozadur ar Broadoù Unanet. |
|
|
|
|
|
Er
beure-mañ en deus disklêriet Korea an Norzh he doa
kaset da benn un taol-esae nukleel. Un darzhadenn dindan-douar a vefe
bet. Kaset eo be ar c'heloù gant servijoù
kelaouiñ Pyongyang ugent munutenn a-raok an darzhadenn, da
Sina da gentañ. Kelaouet eo bet da c'houde Japan hag ar
broioù all. Ministrerezh Difenn Rusia en deus
disklêriet da c'houde e oa bet un darzhadenn nukleel dindan
douar, evit gwir, er beure-mañ da 1e35 (eur Greenwich).
|
|
|
|
|
|
86%
eus ar C'hallaoued a c'houlenn ma
vefe difennet ar produioù OGK (O Gennoù Kemmet) |
|
|
|
M.M. Mammennoù
hag evit gouzout hiroc'h : |
|
|
|
|
|
Gant
ar CSA ez eus bet graet ur sontadeg, ha souezhus eo he
disoc'hoù : 86% eus an dud bet aterset a c'houlenn ma vefe
difennet ar produioù OGK, hag, en o zouez, 58% a
c’houlenn amzer da vuzuliañ o efedoù
war an endro hag ar yec'hed, hag 28% ma vefent berzet penn-da-benn.
|
|
|
|
|
|
Taolennoù
gwiadoù-kevnid livet |
|
|
|
Hoel
Louarn Evit
gouzout hiroc'h : http://www.auxfilsdelart.com |
|
|
|
|
|
Jean-Jacques
Vigoureux
|
|
|
|
|
|
Kampionad
klezeiata ar Bed : cheñchet
penn d'ar vazh gant Frañs |
|
|
|
Cheñchet
penn d'ar vazh p'o deus kroget al lodennoù dre skipailh. Ha
setu pemp medalenn dastumet gant ar skipailh klezeiataerien, paotred ha
merc'hed. Ur vedalenn arc'hant ha peder aour, ha se e-korf c'hwec'h
c'hrogad ! Ar wech kentañ eo da Frañs dastum
kement a vedalennoù aour dre skipailh. A-benn ar fin o deus
echuet C'hwec'hkorniz e penn uhelañ an daolenn, dirak Rusia
ha Sina (gounezet ganto kalz a emgannoù hiniennel). Siwazh
evito, ne vo ket krogadoù klezeiata dre skipailh evit ar
merc'hed e C'hoarioù Olimpek Beijing e 2008... |
|
|
|
|
|
A-raok
ma krogfe an emgannoù dre skipailh e oa gwall nec'het
skipailh klezeiata Frañs, a oa o kemer perzh e Kampionad ar
Bed e Torino. Tud ar C'hwec'hkorn, brudet er sport-se koulskoude, ne
oant ket deuet a-benn da dapout ur vedalenn en emgannoù
hiniennel, war-bouez Laura Flessel, tapet ganti ur vedalenn arem. E
penn izelañ ar renkad skipailhoù evit Kampionad
ar Bed e oa neuze C'hwec'hkorniz d'ar poent-se.
|
|
|
|
|
|
Indigènes |
|
|
|
Senario
ha seveniñ : Rachid Bouchareb 1943.
E barr e nerzh emañ an trede Reich, met ne bado ket. En
Aljeria emeur o klask sevel en-dro arme Frañs. Muzulmaned
e-leizh a zeu d'en em engouestlañ. Trouz
en deus graet ar film-mañ c'hoazh, ha divizoù
politikel en deus degaset zoken (da brederiañ zo kentoc'h
war ar bolitikourien a verzfe ar c'hudennoù dre ar sinema).
Splann eo talvoudegezh ar film neuze, ha dleout a reer anavezout lodenn
an dud-se e disoc'h an Eil Brezel Bed. Met kerse eo e gwirionez ne vefe
ket muioc'h a arz gant an oberenn : re gaer ar
ratozhioù ha re eeun red an istor marteze. Levezon Spielberg
(Saving Private Ryan, 1998) a santer kalz, e fin an
abadenn dreist-holl ; met arvest diwezhañ ar film
eo an hini kreñvañ moarvat, reiñ a ra
e dalvoudegezh d’ar film. Ur
souezh memes tra : daoust d’an arabeg
bezañ hollvezant er film, ne c’heller mont war e
lec’hienn Genrouedad nemet e galleg hag e saozneg. Evit
gouzout muioc’h : http://www.indigenes-lefilm.com/ |
|
|
|
|
|
Frañs
- 2005
|
|
|
|
|
|
REM
– And I Feel Fine.. (The
Best of the IRS Years 1982-1987) |
|
|
|
Istor
pevar den eo. Pevar den o tont eus Georgia, un tu bennak e Su ar
Stadoù-Unanet. En o zouez, ur c’haner deuet da
vezañ moal (pe dost) levezonet gant sonerezh punk New York
(Television, Patti Smith…) hag ur gitarour genidik eus
Kalifornia, da lavaret eo un den a oar lakaat e venveg da
seniñ hervez an hengoun diazezet gant strolladoù
evel The Byrds. An disoc’h : ur strollad,
underground penn-da-benn er penn-kentañ ha deuet da vezañ, hiziv an deiz,
unan eus ar re "vrasañ" er bed. Ha
petra a ginnigont deomp neuze ? Ur sell en a-dreñv
war o fladennoù kentañ, dre 21 ganaouenn, al lod
brasañ anezho deuet da vezañ klasel : Welcome to the Occupation, Finest
Worksong pe
c’hoazh It’s
the End of the World (And I Feel Fine). Setu
evit pezh a sell ouzh ar bladenn hec’h-unan. Ar re a fell
dezho donaat an traoù a c’hallo tapout an
embannadur 2 bladenn ennañ, an eil pladenn o
vezañ leun a ganaouennoù enrollet live, pe re
n’int ket bet embannet betek-henn zoken. Ha ma fell
deoc’h profitañ ivez eus ar skeudennoù
iskis a blij d’ar strollad, tapit an DVD warnañ an
videoioù bet filmet evit skeudenniñ ar
c’hanaouennoù. Re eo ? Gortozit Nedeleg, ha goulennit groñs
digant mamm-gozh profañ an hollad deoc’h. R.M. Muioc’h c’hoazh (an
tonioù a c’haller klevout) : |
|
|
|
|
|
Embannet
gant IRS
|
|
|
|
|
|
Giz
Azia |
|
|
|
An
degemer zo eus ar re blijusañ. Hag ar boued ! Eno e
vez fardet meuzioù fin ha lipous. N’int ket ar
pezh a vez kavet peurliesañ e keusteurenn pretioù
all. Pe kalz gwelloc’h. An digoroù-pred zo
mat-kenañ. Menegiñ a c’heller ar
ravioli poazhet dre vurezh : an teuzer int ! Kinniget
brav-tre ha servijet mat eo ar meuzioù pennañ. Ar
c’hig-houad kreunennek zo ur voem. Ar gokelennadoù
zo dreist ivez. Boued-mor pe kig a bep seurt gant kari. Ne
vez ket fardet dibennoù-pred lipous ganto. Met profet e vez
a galon vat ur bannig sake evit echuiñ ar pred. Ar
preti giz Azia gwellañ zo el Liger-Atlantel, da’m
soñj. Gwelloc’h eo mirout, d’ar Sadorn
noz dreist-holl. Katell
Leon Aux
Saveurs d’Asie, 20 straed 44210
Pornizh. Pgz: 02 51 74 02 84.
Danvezioù :
4 favezad dluzh (200 gramm pep hini)- 800 gramm kourjetez – 1
penn-chalotez - 4
loaiad vras greun sezv – 4 loaiad vras dienn fresk
– 3 loaiad vras eoul olivez – 1 loaiad vras chug
sitroñs - 1 loaiad vras hugennoù roz –
pebr hag holen Raktommit
ar forn e Ledit
an hanter eus ar sezv mesket gant an hugennoù roz pilet war
ar pavezadoù dluzh. Gwalc'hit ha sec’hit ar
c’hourjetez. Troc’hit ar c’hourjetez
a-skejennoù, lakait eoul, pebr hag holen. Lakait
ar pavezadoù dluzh er forn. Lakait ganto ar
skejennoù kourjetez ha lakait er forn etre Servijiit
ar pavezadoù dluzh gant ar c’hourjetez hag an hili
sezv. Mari
Lubrano
(23
a viz Gwengolo - 22 a viz Here) Gant
an niver a blanedennoù liammet gant hoc’h arouez
en un doare kenson n’ho po ket ezhomm ur bern
kuzulioù evit dont a-benn anezhi ! N’eus
nemet Sadorn a gendalc’ho da drubuilhañ
ac’hanoc’h. Ne zegaso netra grevus
deoc’h, nemet daleañ pe
diheñchañ darvoudoù zo.
N’eus netra d’ober a-enep Sadorn siwazh, nemet
gortoz e vefe paouezet ganti da hadañ skoilhoù
war ho hent. Ho pet pasianted ! Ger-stur ar bloavezh eo.
Kompren gwelloc’h ar re all, setu ar pezh a vo ret ober evit
ar re zo ganet dindan sin ar Balañsoù. Familh,
kenlabourerien, amezeien… Ret e vo gouestlañ da
bep hini amzer ha madelezh. Evit
a sell ouzh ar garantez ez eus chañsoù e vefe
kreñvoc’h ho c’hoant da gaout plijadur
evit surentez ; hag evit un nebeud prantadoù-dudi
emaoc’h en arvar da derriñ un darempred stabil. Ma
ne anzavit ket ho fazi e vo ar brezel ! Ma vevit
hoc’h-unan, ha ma fell deoc’h kejañ ouzh
unan all, ez eus spi da gaout. Meur a zen a hañval
bezañ dedennet ganeoc’h, met marteze
n’hoc’h eus ket merzet anezho c’hoazh. Ne
c’hortozont nemet un tamm jestr eus ho perzh koulskoude. El
labour e vioc’h broudet ha kalonekaet gant Meurzh. Da ziwall
zo memestra : Meurzh a zegas dihabaskter, neuze diwallit
diouzh an emgannoù gant ho kenlabourerien. Mod-all,
stabilaet e vo buhez labour ar re o doa bet poan betek-henn. Katell
Leon
An deiziataer 2007 zo deuet er-maez ! Kavet e vo er stalioù levrioù breizhek hag e Skol an Emsav, e Roazhon, evel-just. Un doare nevez zo gant deiziataer 2007. Bihanoc'h eo evit mont gwelloc'h er chakodoù hag er seier-dorn. An Deiziataer hollvrezhonek zo ur benveg bepred talvoudus : leun a chomlec'hioù (ouzhpenn 200) hag a ditouroù vo kavet diwar-benn Breizh hag ar brezhoneg, un daolenn kemmadurioù, kodoù-post kumunioù Breizh... 13 euro an tamm. Skol
an Emsav, 25 straed Pierre Martin, 35000 Roazhon: |
|
|
|
|
|
Alies
e vez un tamm karget kinkladur ar pretioù giz Azia. Re a
aour, re a voulouz hag a zelwennoù, re a… Aze
emañ pep tra en e blas reizh. Taolioù ha
kadorioù koad eeun. Kleuzeurioù paper, ha
taolennoù ruz ouzh ar mogerioù. Pep tra zo
sklaer. Danvez liesliv stignet ouzh ar solier. Plantennoù
zo, ur poull gant pesked brav – unan tev-abominapl -
delwennoù, met pas re. Ar sonerezh n’eo na re
greñv na re zous. 
Pavezadoù
dluzh gant dienn sezv
