|
|
|
|
|
|
|
|
|
|
15 a viz Du 2004,
niv. 32 |
|
|
|
|
|
|
|
|
|
|
|
|
|
|
|
Ouzhpenn
5 000 den o deus kuitaet Aod-an-Olifant |
|
|
|
Hiziv
e vo echuet gant an divroañ dre nijerez eus Aod-an-Olifant
aozet gant arme Frañs. Ur mil den bennak a oa bet kaset kuit
dec'h adarre dre hanterouriezh lu Frañs. Ouzhpenn
5 000 den o deus kuitaet ar vro eus kornôg Afrika
renet gant Laurent Gbagbo. Lod eus ar re a fell dezho kuitaat zo
staliet c'hoazh en ur c'hamp eus arme Frañs, nepell diouzh
aerborzh Abidjan. 10 000 soudard c'hall hag eus ar
Broadoù Unanet zo er vro. Dec'h
e oa bet anvet un ofiser nevez e penn lu Aod-an-Olifant gant ar
prezidant Laurent Gbagbo. Plijout a ra ar c'horonal Philippe Mangou
d'ar re zo savet a-du gant renad Gbagbo, dre ma'z eo brudet evit
bezañ a-enep krenn an arme c'hall war douaroù
Aod-an-Olifant. Hervez e arme, e vefe bet prenet nijerezioù
ha biñsaskelloù brezel nevez gant ar Stad. |
|
|
|
|
|
|
|
|
|
|
|
Emsavadeg
ar paper-brudañ ! |
|
|
|
Bemdez
eo ar memes tra : rankout a rit tennañ ho lizhiri
eus ur strobad paperennoù brudañ digoust ez it da
foetañ er boubellenn diouzhtu-dak hep bezañ
lennet anezhe peurvuiañ. 40 kg paper dre diegezh
bep bloaz a dalvez ar bruderezh-se ha 60 % anezhañ
a zeu eus ar gourmarc’hadoù. Moullañ
seurt paperennoù a goust 62 € dre diegezh
bep bloaz. Evel just e vez lakaet an dispign-se e-barzh priz an
traoù e gwerzh ha neuze war chouk ar brenerien. Ouzhpenn-se
eo ret kontañ 4 € dre diegezh bep bloaz
evit an adaozañ, pezh ar vez paeet gant an
tailhoù, da lâret eo ganimp. N’eo ket
digoust evit an holl ar bruderezh digoust ! Ret
eo soñjal ivez ez eus ur c’houst
da-geñver an endro ivez : evit produiñ
an 40 kg paper a stank ho poest-lizhiri e vez ezhomm eus
30 kg koad, 400 litrad dour, 180 kWh tredan,
liv leun a vetal ponner, ha produioù kimiek a bep seurt. Ha
pa vez foetet ar paper-se ganeoc’h, ma vez graet mat an
traoù e vez adaozet, mod-all e vez devet. Trawalc’h
neuze gant ar moc’haj-se : pegañ war ho
poest-lizhiri ur pegsun "Stop pub" zo ur jestr simpl hag efedus. Kement
ha gouzout hiroc’h : www.univers-nature.com |
|
|
|
|
|
|
|
|
|
|
|
Roger
Corbeau : poltredoù |
|
|
|
N’eo
ket alies e weler poltredoù ken brav hiziv an deiz. Fromet e
vez tud zo, simudet reoù all, dirak daoulagad bamet Jean
Gabin. |
|
|
|
|
|
|
|
|
|
|
|
Rallye |
|
|
|
Ur
miz war-lerc’h bezañ sur bezañ
kentañ e renkadur ar vlenierien, Sébastien Loeb,
an Elzasad, en deus bet c’hoant da echuiñ ar
gwellañ posupl en Aostralia evit ar redadeg
diwezhañ. E Perth neuze en deus gounezet e 6vet redadeg er
bloaz-mañ (diwar 16 rallye), hag an 10vet eus e red-sport
(war ur Citroën Xsara). Loeb a gemer plas Petter Solberg,
kampion 2003, hag a echu en eil plas er bloaz mañ. An
Estoniad Marko Martin a erru da drede war ar podiom. Bageal Just
ur ger evit lavaret ez eo Jean ar C’hamm zo da
gentañ er Vendée Globe war-lerc’h ur
sizhunvezh war vor, gant 53,6 miltir lañs war Vincent Riou. Mell-droad 14vet
devezh R1 Lyon
(1añ) 2-0 Naoned (9vet) Roazhon
(13vet) 1-1 Tolosa (11vet) 16vet
devezh R2 Brest
(2vet) – Dijon (12vet) Gueugnon
(4e) 2–1 An Oriant (15vet) Reims
(16vet) 3–2 Gwengamp (14vet) 15vet
devezh R1 Naoned
(11vet) – Bourdel (7vet) St-Etienne
(15vet) – Roazhon (14vet) 17vet
devezh R2 Gwengamp
(16vet) – Ar Mañs (9vet) An
Oriant (18vet) – An Havr-Nevez (19vet) Troyes
(5vet) – Brest (4vet) |
|
|
|
|
|
|
|
|
|
|
|
Birth |
|
|
|
Stadoù-Unanet
- 2004 Seveniñ : Jonathan Glazer Gant
ur barrad kalon e oa marvet trumm Sean e-ser redek en ur park. Goude
dek vloaz kañv he deus graet e intañvez, Anna
(Nicole Kidman), he mennozh da sevel ur vuhez nevez dezhi : dimeziñ a raio a-benn nebeut
gant Joseph. D’ar c’houlz-se e teu ur paotr yaouank
da embann eo eñ Sean, gwaz marv Anna distro deus an Anaon.
Tamm ha tamm ez aio ar souezh da strafuilh. Harpet
war an tem dreistnatur-mañ e vez kaset ur preder war nerzh
ar santimantoù ha pegen pell e c’heller
bezañ kaset gantañ en desped d’ar
skiant-vat. Gant skeudennoù lipet kaer e sav Jonathan Glazer
un aergelc’h a-zoare da ziorren ar senario fin bet kenskrivet
gantañ ha gant Jean-Claude Carrière.
Soñjal a raer e "Mojennoù ar Marv" gant an istor
karantez usvedoniel-mañ douget gant Nicole Kidman. Sell aze
ur stumm film en dije sevenet Hitchcock laouen. Kement
ha gouzout muioc'h : http://www.birthmovie.com/ |
|
|
|
|
|
|
|
|
|
|
|
Death
In Vegas – Satan’s Circus |
|
|
|
Embannet
gant Drone Distro
e oa ar rock, eme tud’zo, goude meur a vloavezh dindan beli
ar sonerezh eletronek. Un dra vat eo : evel-se ez eus
nebeutoc’h a wask war ar sonerien dekno, ha neuze o deus
muioc’h a frankiz evit pellaat diouzh klichedoù an
tekno. Sonerien Death In Vegas a denn gounid eus se : gant o fladenn nevez e tistroont
d’an diazezoù. Tonioù hir, tamm kan ebet : amañ e klever levezon
tadoù-kozh ar sonerezh tekno (Zugaga, eil ton ar bladenn,
savet war batrom Trans Europe Express) hag hini an dub (an doare da
hiraat an amzer o tremen). Arnevez e chom ar sonerezh memestra, dre
ma’z eo produet en ur implijout teknikoù a
vremañ. Ar re gentañ a breno ar bladenn o do unan
all ouzhpenn : un abadenn live klok, enrollet e Londrez e
2003. Kement
ha gouzout hiroc'h : http://continorooms.com/div/ |
|
|
|
|
|
|
|
|
|
|
|
Aour
tout ! |
|
|
|
Pennoù
kenwerzh ar gened o deus kaset enklaskoù
– hag a ra c’hoazh –
diwar-benn implij ar plantennoù pe ar bezhin er
produioù kened. Goude bezañ krouet ha gwerzhet
miliadoù a voestadoù prizius, ar saverien
produioù kened a cheñch danvez. Ouzh ar
c’hailh eo troet selloù an arnodvaoù
hag ar merkoù brudet. Eus ar c’hiz spontus eo. Met
en tu all da se ez eus bet kavet perzhioù dedennus
d’ar c’hailh. Kement evit al
livañ-kroc’hen hag ar produioù-kened
all. Hervez kont, an aour hag ar boultrenn diamantoù, da
skouer, a zo elfennoù a zegas startijenn ha dalc’h
d’ar c’hroc’hen. An nakr a
c’hellfe mirout ouzh ar c’hroc’hen da
goshaat re vuan. Evit a sell ouzh al
livañ-kroc’hen, bec’h d’ar
rubiz, d’ar strass, d’ar safir ha me a oar me
c’hoazh ! Kavout a reot anezho dindan
stummoù disheñvel :
ruz-muzelloù, gloss pe eye-liner.
Marteze ez eo un digarez da brenañ safir pe
diamantoù hep bezañ rivinet ! |
|
|
|
|
|