|
|
|
|
|
|
|
|
|
|
Lun 14 a viz Gwengolo, niv.252 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Votadeg e Norvegia |
|
|
|
|
|
|
|
|
|
Etre dec'h ha hiziv e vouezhie Norvegiz a-benn
dilenn o c'hannaded. Klozet e vo ar burevioù votiñ da 9e fenoz. Ur sontadeg
embannet disadorn a lakae emglev ar c'hostezennoù kreiz-ha-kleiz
|
|
|
|
|
|
Manifestadeg ramzel d'an 21/09 |
|
|
|
M.M. Kit da welet, kinnigit un
darvoud : |
|
|
|
|
|
Komzet hor boa, nebeud zo, eus
an oberennoù a oa raktreset evit desachañ evezh an divizourien diwar-benn an
hin a-benn kendalc'h Kopenhagen, gant al luskad tck-tck. Penaos emañ kont
gant kement-mañ? Avaaz a aoz ur vanifestadeg bedel d'an 21 a viz Gwengolo. Ar
pal a zo aozañ darvoudoù liesseurt e pep lec'h er bed, en un doare emren. Ar
wech kentañ eo ma vez aozet seurt oberenn war ur skeul ken bras, gant kement
a dud o kemer perzh. War e lec'hienn e c'hell pep hini displegañ peseurt
darvoud a vo aozet gantañ/ganti. Ur wech kinniget un darvoud, pe gwelet unan
a zo kinniget tost ouzh al lec'h m'emaomp, e c'hellomp brudañ an darvoud-mañ
ar muiañ ar gwellañ, ha d'an 21 e ranko an holl en em gavout el lec'h
divizet. Doare "flashmob" emren eo ar manifestadegoù, da lâret eo
en em gav an holl en ul lec'h er memes mare, d'ober un dra bennak souezhus,
ha mont kuit da c'houde. Evit poent ez eus bet kinniget darvoudoù e Redon,
Kemper, ha Roazhon, evit ar pezh a sell ouzh Breizh. En holl eo ouzhpenn 350
darvoud a zo bet kinniget dija, e-barzh 54 bro, war pep kevandir!
|
|
|
|
|
|
Mirdi Arzoù-kaer Pont-Aven e
brezhoneg |
|
|
|
Gweladenn vrezhonek, Sadorn 19 a viz Gwengolo,
11e. Digoust. Mirdi Arzoù-kaer Pont-Aven Plasenn an Ti-kêr, 29930 Pont-Aven Pgz: 02 98 06 14 43 mediation@pont-aven.fr |
|
|
|
|
|
D'ar Sadorn 19 a viz
Gwengolo da 11e, e kinnigo skipailh Mirdi Arzoù-kaer Pont-Aven ur weladenn
vrezhonek, digoust ha digor d'an holl, da-geñver Devezhioù Europa ar Glad.
Lakaet e vo war-wel oberennoù dastumad padus ar mirdi. E gwirionez eo un
dibenn-sizhun a-bezh a weladennoù digoust a vo kinniget gant ar mirdi, war
tem an "digeriñ", digeriñ an arz d'ar muiañ ar gwellañ a dud.
Ouzhpenn ar weladenn vrezhonek e vo ivez unan e yezh ar sinoù, ha lod all, e
galleg, war temoù resisoc'h. Un 850 oberenn bennak a gaver e diaz padus ar
mirdi, en o zouez taolennoù, livadurioù, engravadurioù sinet gant Emile
Bernard, Maurice Denis, Paul Gauguin, Georges Lacombe, Paul Sérusier ha
degadoù a arzourien all.
|
|
|
|
|
|
Tennis: distro
Kim Clijsters lidet gant ur gib |
|
|
|
|
|
|
|
|
|
Kib US Open
Flushing-Meaddows ar merc'hed zo aet dec'h gant ar Velgiadez Kim Clijsters
(skeudenn). Sebezet eo bet an dud o welet pegen nerzhus eo bet distro ar
c'hoarierez war an tachennoù tennis etrebroadel: paouezet he doa gant ar
vicher e 2007, goude bezañ bet 1añ c'hoarierez ar bed. Aet e oa Kib 2005 an
US Open c'hoazh. E-pad daou vloaz hanter he deus graet war-dro he merc'h
Jada, zo 18 miz bremañ. E miz C'hwevrer he doa Kim Clijsters adkroget gant ar
gourdoniñ, ha miz zo hepken he deus adkroget gant ar c'henstrivadegoù. An
trede tournamant e oa eviti abaoe he distro. Deuet eo a-benn da zerc'hel penn
dirak ar Stadunanadez Serena Williams en hanter-gourfenn. Er gourfenn e
klozas he zrec'h en un eurvezh hanter (7-5, 6-3), e-tal an Danez 19 vloaz
Caroline Wozniacki, 9vet c'hoarierez. An eil gwech eo d'ar maout mont gant ur
vamm evit un tournamant Grand Chelem abaoe 1980, gant an Aostralianez Evonne
Cawley-Goolagang e Wimbledon.
|
|
|
|
|
|
|
Non ma fille, tu n'iras pas danser |
|
|
|
Frañs
– 2009 Senario
ha seveniñ : Christophe Honoré
Poltred ur vaouez distabilaet a dres Christophe
Honoré. Al Lena-se ne oar ket ken penaos en em zerc’hel ha,
dreist-holl, a vag disfiz bras outi hec’h-unan. Diagnostik un neuroz eo
a vez filmet gant doareoù a denn d’an Nouvelle Vague atav hag en
un aergelc’h klet diheson dedennus a-walc’h. Dont a ra Honoré,
sevenour breizhat anezhañ, da dreiñ e Breizh evit ar wech kentañ. E-kreiz an
abadenn e vez kontet marvailh Katell gollet (a zistager “Katell
gaulée” e galleg flour, evel-just!). Un toullad traoù un tamm kamm a
zeu war wel da-geñver Breizh, evel m’eo dleet, met ken
spontusoc’h zo bet gwelet ma c’heller e zigareziñ. Meriadeg Vallerie Kement ha gouzout hiroc’h: |
|
|
|
|
|
|
|
Tec’hout a ra Lena
|
|
|
|
|
|
Oasis : 1991-2009 (?) |
|
|
|
N'eo ket
ar wech kentañ ma sav reuz etre an daou vreur avat: abaoe m'eo bet krouet ar
strollad ez eo bet boas an daou anezho d'en em gannañ, pe war al leurenn, pe
e lec'h all. N'eo ket ar wech kentañ ivez ec'h embannont ez eo echu gant ar
strollad, daoust ma seblant gwir ar wech-mañ. Petra a
chomo neuze? Div bladenn direbech: Definitely Maybe e 1994 ha (What's
the Story) Morning Glory e 1995. Div bladenn a glote mat-tre ivez
gant ar mare ma voent savet: abaoe 1991 e rene an Amerikaned hag o sonerezh
grunge war ar bed, pa zeuas ar Britpop war wel er Rouantelezh-Unanet. Hag
asambles gant al luskad, kement tra a denn da sevenadur pobl an enezenn: blaz
ar fish 'n' chips, troioadoù er pub, ar vell-droad. Kement tra
ne c'hall ket an Amerikaned kompren, evel ma lavare egile all. Pemp pladenn
all a voe embannet gant Oasis etre 1997 ha 2008 (hag ivez daou zastumad singles
hag ur bladenn live). Dav eo anzav ne oant ket ken burzhudus hag an
div gentañ, dav lavarout ivez ne oant ket ken fall ha ma lavaras
kazetennerien zo. War pep hini anezho e oa bepred ur ganaouenn pe ziv (da
nebeutañ) a dalveze ar boan. En holl ivez 70 milion
a bladennoù gwerzhet. R.M. Muioc'h a Oasis : Youenn Guillanton er chapelioù
Youenn Guillanton a skriv e
brezhoneg, testennoù barzhoniel n'int ket merket en amzer. En ur lenn pe
selaou ar arzour-mañ e tizoloer ivez un test eus ar bed a-vremañ. E sonennoù
a ziwan en hor sevenadur hengounel en ur ginnig ur sell ledan war ar bed. An den zo pinvidik e sell
ha kurius war ar gevredigezh. Evel-se e teu a-benn en e ganaouennoù da reiñ
ur sell diavaez war hon endro. An arzour denel-mañ a lak ar selaouerien da
glevet liv an hengoun en un doare naturel en ur gas anezho war un-dro war
hentoù sevenadurioù all ar bed. Etre barzhoniezh ha c'hoariva, mouezh ar
c'haner a ya da heul ur sonerezh awenet gant Susheela Raman, Robert Plant,
Massive Attack, Kristen Nikolas pe c'hoazh Peter Gabriel. Kontañ a ra e
Vreizh dezhañ, etre kudennoù alkoolegezh ar vro hag ur bedadenn da vont da
surfiñ war ar web pe c'hoazh un devezh e Rostrenenn en 19vet kantved e-lec'h
ma vez kejet gant jañdarmed war hent an Erer Kozh, koubladoù e karantez ha
touristed o pourmen! Hoel Louarn Evit gouzout hiroc'h : |
|
|
|
|
|
Ar
rock'n'roll? Un istor kasoni-karantez: McCartney-Lennon, ar vreudeur Davies
(The Kinks) hag ivez Liam ha Noel Gallagher. Echu Oasis neuze? Sed ar pezh o doa
ar blijadur da zizoloiñ an holl dud o doa prenet o ziked hag a c'hortoze
anezho e dibenn miz Eost da-geñver Rock en Seine.
Goude bezañ bet o kanañ e
chapelioù hag ilizoù Breizh a-bezh etre miz Mae ha miz Gouere, eo kroget
Youenn Guillanton gant eil lodenn e droiad d'ar 15 a viz Eost. Disul, d'an 20
a viz Gwengolo e kinnigo ur sonadeg e chapel Sant-Klaer e Lizmerzher da 2e30.
Un abadenn un eur ha kard e brezhoneg penn-da-benn gant tonioù hengounel met
ivez lod all kompozet gant ar c'haner en deus skrivet al levr "Gwez war
dosennoù."
|
|
|
|
|
|
Iliz-veur Gwengamp kinniget e brezhoneg |
|
|
|
Sadorn 19 a viz Gwengolo, adalek 2e30 goude
merenn, digoust. Kreizenn Sevenadurel Vrezhon Plasenn Verdun, 22200 Gwengamp. Tel/Fax : 02 96 44 27 88
Goude ur bloavezh ehan en deus Pol Brezhoneg Skol an
Emsav embannet un deiziataer hollvrezhonek adarre evit 2010. Adkavet e vo ar stumm klasel a blije d’an dud.
17cm uhelder ha 9cm ledander, gant ar skrid a-led. En ur golo plastik du
ha gwenn e vo kavet an deiziataer, pevar liv penn-da-benn, hag en e
gichen ur c’harnedig all hag a c’hallo bezañ miret a vloaz
da vloaz, ennañ roll kumunioù Breizh . Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ
Gwengolo 2009!
An teuliad zo gouestlet er miz-mañ da ouelioù an
hañv. Ur sell dre vras war an niver a dud bet o oueliañ e Breizh en hañv-mañ,
met ivez ur taol lagad spisoc'h war an Erer Kozh, Astropolis, Hent ar Rock,
Gouel ar Filmoù e Douarnenez... Kavet e vo ivez ur pennad-kaoz gant Lou
Millour, kenurzhierez evit Radio Kerne, zo bet o troiata er festivalioù a-hed
an hañvezh. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Da-geñver Devezhioù ar Glad
e kinnigo Kreizenn Sevenadurel Vrezhon Gwengamp gweladenniñ Iliz-veur
Gwengamp, gant Patrick Salaün, e brezhoneg mar plij, ha digoust evel-just. "Unan
eus marvailhoù Gwengamp: an Iliz-Veur hag he gwer-livet. En ur veskañ arz,
relijion hag istor e teuio Patrick Salaün da gregiñ gant Devezhioù ar Glad en
ur brezegenn e brezhoneg war sekredoù gwer-livet Iliz-Veur Itron Varia
Gwengamp" eme dud ar gevredigezh. Degemeret e vo an dud e galleg da
2e30 goude-merenn e Kreizenn Sevenadurel Vrezhon ha diskuliet e vo sekredoù
an Iliz-veur e brezhoneg goude-se. Echuiñ a raio ar brezegenn gant gweladenniñ
an Iliz-Veur lec’h ma vo tro da c’houlenn tra pe dra digant
Patrick Salaün, e galleg pe e brezhoneg.
