|
|
|
|
|
|
|
|
|
|
Lun 16 a viz Eost, niv.295 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Pakistan, Rusia, Sina: drast euzhus |
|
|
|
|
|
|
|
|
|
Un hañvezh eus ar re washañ
eo hini 2010 evit poblañsoù Pakistan, Rusia ha Sina. Er vro-mañ ur sizhun zo,
e oa bet riskladurioù douar da-heul glaveier bras, e Gansu, e gwalarn Sina.
1248 den a vefe marvet er gwalleur ha n'eus bet adkavet roud ebet eus 496
den. Disklêriet o deus hiziv servijoù ofisiel Sina e vefe paouezet gant ar
c'hlask war o lerc'h. E Rusia e vefe aet war sioulaat an tan-gwall meur
nepell eus Moskov. 500 tan-gwall a vije bet er vro abaoe fin miz Gouere.
Tomm-berv eo an amzer e Rusia en hañv-mañ, ha mouget eo bet poblañs Moskov
hag ar vro tro-dro d'ar gêr-benn gant moged an tanioù bras. 54 den a vefe
marvet abaoe deroù an tanioù-gwall. Nec'het eo ivez ar Stadoù all gant
surentez ar c'hreizennoù nukleel en takadoù tizhet gant an tan. Arnev ha glav
bras a c'hellfe tizhout trowardroioù Moskov en deizioù-mañ. Gant an dour-beuz
eo bet drastet Pakistan er pemzektez tremenet, e proviñs Pendjab (treuzet
gant ar ster Indus), hag a zo e-touez ar re bobletañ. 1600 zo marvet hag
ouzhpenn 2 vilion a dud zo bremañ hep ti ebet. 17 milion a dud a zo tizhet
gant ar gwalleur e doare pe zoare: da heul drast an dour-beuz e ra diouer an
dour da evañ hag ar boued, hag e teu riskl ar c'hleñvedoù-red. Manifestiñ a
ra Pakistaniz zo peogwir e teu ar sikourioù gant kalz dale. Hervez Aozadur ar
Broadoù Unanet e vefe ezhomm eus 459 milion a zollaroù evit gellout kinnig ar
skoazelloù retañ. Evit poent en defe Pakistan resevet ur c'hard eus ar sammad-se.
|
|
|
|
|
|
Raktres
"Ecoo Tour 2010": galv d'ar vrezhonegerien ! |
|
|
|
Ouzhpenn an droiad war velo,
e vo pal tud Ecoo kelaouiñ ar muiañ ar gwellañ an dud. Internet, ar video, an
eskemmoù gant an dud hag ar c'helaouiñ war-eeun un tamm e pep lec'h a vo
binvioù a bouez-kenañ. Fellout a ra da skipailh Ecoo Tour 2010 gellout kinnig
ar muiañ ar gwellañ a zanvez e galleg, brezhoneg ha saozneg. Emañ neuze
skipailh Ecoo o klask war-lerc'h brezhonegerien a vefe prest da gemer perzh
a-youl vat er raktres a-benn sikour da dreiñ keleier lakaet war Internet,
istitlañ pe eilmouezhiañ filmouigoù ha kelaouadennoù savet e-kerzh ar
mizvezh. Evit mont e darempred gant
skipailh Ecoo: ecoo.asso@gmail.com. Evit gouzout hiroc'h: |
|
|
|
|
|
Emañ ar gevredigezh "Ecoo:
écologie, économie, coopération" o kas ur raktres war-raok er miz-mañ,
"Ecoo Tour 2010" e anv. Etre ar 5 hag an 31 a viz Eost e kinnig un
"Dro Breizh" war varc'h-houarn evit ober anaoudegezh gant ar pezh a
ra embregerezhioù, kevredigezhioù pe tud o-unan, er vro, war dachennoù an
ekologiezh, an diorren padus hag an ekonomiezh reizh ha sokial. An droiad-se
a vo un digarez evit klask respont d'ur goulenn simpl: "petra a vez
graet e-kichen du-mañ?"
|
|
|
|
|
|
Festival kontadennoù e Gwened |
|
|
|
Lun 16 a viz Eost: Jean-Luc Bescond a gonto penaos eo
bet krouet ar bed, ar vuhez, ar garantez hag ar marv gant tonioù sonerezh rak
dont a raio gant e c’hitar. Lun 23 a viz Eost: Paotr Speied, Rémy Cochen a gonto
kontadennoù mojennoù diwar-benn kann al loar. Lun 30 a viz Eost: Etre an arvor hag an argoad e vo
kontadennoù Rémy Cochen. Istorioù holl liammet gant Breizh, un douar tomm d'e
galon. Kregiñ a
raio da 8e30 noz hag al lec'h emgav a zo lakaet dirak Ti an Natur e Gwened,
straed ar Silinoùs. Koustañ a ra 6€ evit an dud deuet ha 3€ evit
ar vugale etre 4 ha 12 vloaz. Evit
gouzout hiroc'h: |
|
|
|
|
|
|
|
|
|
|
|
Neuierien
Frañs laouen-bras |
|
|
|
|
|
|
|
|
|
E Budapest (Hungaria) e oa
bet aozet Kampionad Neuial Europa er sizhun dremenet. Ur sizhunvezh
dreistordinal evit skipailh Frañs: dastumet o deus, adalek al Lun, 21 vedalenn
diwar 120. 8 aour, 7 arc'hant ha 6 arem. War-lerc'h e teu skipailhoù Rusia
gant 12 medalenn (7 aour), Breizh-Veur gant 18 medalenn (6 aour), Hungaria
gant 13 medalenn (6 aour) ha Sveden gant 10 medalenn (3 aour). Strollad ar
baotred zo bet an hini efedusañ, hag er rummad "crawl" dreist-holl:
medalennoù zo bet dastumet ganto e rannoù an 50m, 100m
|
|
|
|
|
|
Inception |
|
||
|
|
Stadoù-Unanet
– 2010 Senario
ha seveniñ : Christopher Nolan
Pa vesker doareoù filmoù disheñvel ne zeuer ket
a-benn atav da lakaat an toaz da sevel. Hogen, un oberenn unvan ha divoutin
en deus graet Nolan hag a denn war un dro d’ar spierezh, d’ar
polar psikologel, d’ar skiant-faltazi, d’ar filmoù gangster ha me
oar-me c’hoazh. E-unan en deus skrivet e senario war a seblant, zo
kaeroc’h, tra ma vez kentoc’h ar boaz e Hollywood d’ober
gant ur bagad senarioourien evit seurt filmoù bras. Arabat chom hep gwelet Inception
rak n’eo ket alies e vez dalc’het an arvestourien e-pign a-hed un
abadenn evel-se. Berzh en doa graet ar sevenour gant The Dark Knight e
2008; kadarnaet eo bremañ e vo mat heuliañ e labour a-dost. Evit gouzout hiroc’h : http://inceptionmovie.warnerbros.com |
|
||
|
|
|
|
|
|
Ul laer e-touez ar re zañjerusañ eo Dom Cobb
|
|
|
|
|
|
Yaouvezhioù ar Porzh e Brest |
|
|
|
Yaou 19 a viz Eost: klevet e vo Diving With Andy, Bazbaz,
Crewstypop, Le Bal Pépère ha gwelet e vo Mario Queen of the circus one man
show, Azimuts hag Annibal et ses éléphants. Yaou 26 a viz Eost: evit ar Yaou diwezhañ e vo Bill & Moi,
Merzhin, Mustang, Les Groove Boys, Compagnie n°8, La Belle Image ha Jane Allan. Evit gouzout hiroc'h : |
|
|
|
|
|
|
|
|
|
|
|
An Dasson àr hentoù Lokmaria-Kaer |
|
|||
|
|
|
|
|||
|
|
|
|
|
||
Hag anavezout a rit ar gelaouenn An Dasson? An
niverenn 72 zo bet embannet nevez zo. Kelaouenn divyezhek Kerlenn Sten Kidna
eo. Enni e kaver bep taol un teuliad, hag abaoe penn-kentañ ar bloaz eo aet
doare-kinnig ar gelaouenn war vravaat a-galz. En niverenn nevez eo bet
gouestlet an teuliad da "hentoù Lokmaria-Kaer". Jacques Madec ha
Loic Marion, daou eilmaer, a zo bet aterset. Ur pennad daouzek
pajenn dezhañ zo diwar-benn an anvioù lec'h, skrivet gant Yann
Gaudion. Ur bourmenadenn zo kinniget ivez, "En-dro d'ar
peulvanoù" savet gant Christian Le Meut. Ur pennad skrivet gant Daniel
Carré diwar-benn "Dihunerion e Lokmaria-Kaer" a vo tu da lenn
ivez: deuet a oa Loeiz Herrieu, skrivagner, barzh, kaner, e 1908, da lâret
d'an dud derc'hel gant ar relijion ha gant ar brezhoneg... 300 den a oa
deuet da selaou anezhañ. Ma faota deoc'h gouzout hiroc'h klaskit
war-lerc’h ur skouerenn eus An Dasson, niv.72.
