|
|
|
|
|
|
|
|
|
|
Lun 18 a viz Even, niv.150 Pellgargit ar pennadoù e stumm Word Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Votadeg ar gannaded: |
|
|
|
E Breizh ez eus bet kollet un tamm
tachenn gant an UMP. 2 bastell-vro zo bet paket gant kannaded PS e
Penn-ar-Bed da skouer. War ar 36 pastell-vro, 14 zo aet gant tuad ar
prezidant Nicolas Sarkozy (13 UMP, 1 Nouveau Centre). 18 zo aet gant ar
PS, unan gant ar MoDem (Felger) hag unan gant ar Re C'hlas
(Naoned-Orvez). Gwelet eo bet adarre an diforc'h etre ar Mor-Bihan hag
an departamantoù all. N'eus nemet pastell-vro an Oriant zo
aet gant ar PS eno, ar peurrest zo aet gant an UMP, p'emañ
ar bihanniver gant an UMP en holl departamantoù all. Goulennoù a oa bet kaset
d'an danvez-kannaded gant Kuzul Sevenadurel Breizh, a denne d'ar yezh
ha d'an digreizennañ. Tu zo da vont da lenn
respontoù an danvez-kannaded aze: www.kuzul.info Devezh-labour
"an internet hag ar brezhoneg"
Digeriñ an deskamant d'an
holl eo soñj ar bodad-labour ivez. Abalamour da se ez eus
bet savet ur framm "Skol-veur ar Bobl". Ur rouedad prederiañ
ha skignañ anaoudegezh ha gouiziegezh e vo, ur framm
aozañ devezhioù-studi, stajoù,
"koñferañsoù profitapl"... Lakaet eo bet ar c'hrogad kentañ d'ar Sadorn 23 a viz Even, e Lise Diwan Karaez. "An internet hag ar brezhoneg" a vo an tem. Kinniget e vo stalioù-labour, da bep hini da c'hallout deskiñ penaos sevel ha merañ ul lec'hienn pe ur blog, penaos filmañ da c'hallout skignañ war an net da c'houde... 30 den a vo degemeret d’ar muiañ. Koust a ray 10 euro an devezh evit ar studierien/liseidi/tud dilabour. 15 euro evit ar re all. Pred merenn a vo e-barzh ar priz enskrivañ. Ret e vo kas e follenn enskrivañ d'an 18 a viz Even d'an diwezhatañ da: Kuzul Sevenadurel Breizh, 7 straed Jeneral Guillaudot, 35069 Roazhon cedex. Pgz/plr: 02.99.87.17.65. ksb.ccb@wanadoo.fr pe ksb@kuzul.info.
Roll an devezh 9e "Etre
ar c'hlask hag ar c'hrouiñ, petra a c'haller ober gant an
internet ?" gant Fulup Jakez, ha diviz 10e Strollad
A: Sevel, boueta ha merañ ul lec’hienn gant Sophie
Marcon Strollad B: Sevel
filmoù hag abadennoù da skignañ war ar
rouedad gant Laors Skavenneg 12e
Merenn 13e30
Strollad A: Sevel, boueta ha merañ ur blog gant Gwenvael
Jequel Strollad B: Sevel, boueta ha
merañ ul lec’hienn gant Sophie Marcon 15e45
Strollad A: Sevel filmoù hag abadennoù da
skignañ war ar rouedad gant Laors Skavenneg, Gael Roblin ha
Brendan Guillouzic-Gouret Strollad B: Sevel, boueta ha
merañ ur blog gant Gwenvael Jequel 17e45
Klozañ an abadenn |
|
|
|
|
|
|
|
|
|
Er C'hwec'hkorn e oa bet ouzhpenn 40% eus an dud
enskrivet war al listennoù votiñ o chom hep
mouezhiañ dec'h. Chom a ra an UMP e penn ar Vodadenn Vroadel
gant 314 sez diwar 577 kannad (359 a-raok). Peadra da ouarnamant
François Fillon da vezañ frank evit kas war-raok
e zivizoù. Tu zo da ouzhpennañ da duad Nicolas
Sarkozy 21 c’hannad an "Nouveau Centre" (izili kozh an UDF
chomet tost ouzh an UMP), 9 c’hannad eus an tuad dehou hag 2
gannad MPF. 5 kannad zo gant ar MoDem. Tremen a ra ar PS da 185 kannad
(149 a-raok). 17 kannad komunour zo bremañ (e-lec'h 20
a-raok), 15 eus an tuad kleiz, 8 evit ar PRG. Ha 4 c'hannad eus ar Re
C'hlas.
|
|
|
|
|
|
Parkeier
OGK: pelec'h e vo lakaet ar gwenan? |
|
|
|
M.M. |
|
|
|
|
|
Tabut
a sav etre ar re a glask gounit mel hag al labourerien-douar a ra gant
produoù OGK. Diskouezet he deus ur studiadenn nevez e veze
kavet roudoù eus produoù OGK e-barzh mel gwenan a
oa o ruskenn
|
|
|
|
|
|
Un
diskouezadeg fotoioù evit hor planedenn |
|
|
|
"Breizh, bevañ mod-all"
gant Sophie Zénon, justamant, a lakao war wel
raktresoù pozitivel bet savet e Breizh gant al labour-douar
biologel hag an diorren padus. Jean-Frédéric
Ittel ha Bruce
Molnia a zisplego en un doare simpl hag anat eo kroget an distruj dija,
en ur lakaat kichen-ha-kichen ar memes menezioù-skorn gant
ur c'hantved etre an div luc'hskeudenn. Gant "Ar Saamied" gant Bryan
hag Cherry Alexander ha "Pobloù an Omo" gant Hans Silvester
e vo komprenet al liamm start a vez etre ar pobloù-se hag o
flanedenn. Tu a vo ivez da vont da welet "An natur merzheriet" gant an
AFP. Ar fotoioù dibabet o deus
ur perzh arzel eta met ivez ur pouez politikel ha sokial dre an
danvezioù lakaet war wel. 160 luc'hskeudenn vras, betek 120000 gweladenner a oa bet e
Gazilieg e Hoel Louarn Evit gouzout hiroc'h: www.festivalphoto-lagacilly.com |
|
|
|
|
|
Evit
ar pevare hañvezh, abaoe ar 1añ a viz Even ha
betek an
|
|
|
|
|
|
Echuet
redadegoù 24 eurvezh ar Mañs |
|
|
|
|
|
|
|
|
|
Er
sizhun tremenet e oa bet aozet evit ar 75vet gwech redadegoù
24 eurvezh ar Mañs. Aet eo ar maout gant Audi evit ar 7vet
gwech dec'h. Erruet eo Peugeot en eil plas, hag ar skipailh "emren"
Pescarolo zo erruet da drede. Abaoe 2000 e c'hounez ingal Audi 24e ar
Mañs. Warlene c'hoazh e oa bet trec'h an ti alaman gant
skipailh Pirro, Werner ha Biela war un R10 TDI. Aet eo ar maout 5 gwech
gant Pirro ha Biela er Mañs, ha teir gwech evit Werner. An
holl zo pignet war ar podiom nav gwech diouzh renk. N'eus blenier ebet
all en tournamant gant seurt rekord. N'eo ket aet plaen pep tra evit
Audi koulskoude, evit daou abeg pennañ, ar glav rust, ha
youl bleinerien ti Peugeot da lakaat tud Audi diaes. Div Audi zo chomet
boud disadorn ha disul, an Niv. 3 er rann "junior" hag an Niv.2 er rann
"cador". Ar wech kentañ e oa evit tud Audi koll kement a
girri war hent ar Mañs. 369 tro zo bet graet gant an Audi
Niv.1, 10 muioc'h evit an 908 Hdi-FAP eus ti Peugeot.
|
|
|
|
|
|
|
Boxes |
|
|
|
Frañs - 2006 Seveniñ : Jane Birkin
Setu neuze film Jane Birkin. Ur film
bet filmet e Breizh (e ti Jane Birkin) ha sikouret kalz gant ar
rannvro. Ne vez ket gwelet kalz tra deus korn-bro Landeda avat.
Bac’het e vezer en ti, evel an
eñvorennoù er
c’hartoñsoù... Ur film diwar-benn buhez Jane Birkin
eo. He yezhoù (saozneg ha galleg), he darempredoù
gant he merc’hed, o zadoù, ar re varv, ar re vev,
he zud, he mamm dreist-holl. Un istor diwar-benn ar familh, an droug a
vez graet gant an eil re d’ar re all. Brav eo an istor neuze,
met un tammig skuizhusoc’h an doare da filmañ.
Neubet-tre a fiñvoù, kaozeadennoù
doare c’hoariva. Ne seblant ket "gwir" neuze ar pezh a felle
da Virkin esteurel. Brav ez eus deuet tammoù ’zo
memestra, met hirik eo hag un tammig dipitus... G.L. |
|
|
|
|
|
|
|
|
|
|
|
|
|
Von
Südenfed – Tromatic Reflexxions |
|
|
|
War o fajennad MySpace e
c’haller gwelout video ton kentañ ar bladenn (Flendermaus
Can’t Get It). R.M. Embannet gant Domino / PIAS |
|
|
|
|
|
Evel
re all e c’hallfe Mark E Smith lavarout: "stourm a ran war
bep tachenn". N’eus ket ken pell zo ez eus deuet er-maez ur
bladenn nevez gant e strollad The Fall, met n’eo ket
trawalc’h evitañ. Setu m’en deus divizet
kenlabourat gant ar strollad elektro alaman anvet Mouse on Mars, hag
int brudet evit o sonerezh elektro kentoc’h sioul.
Cheñchet penn d’ar vazh ur wech savet Von
Südenfed. Tost a-walc’h ouzh an elektro - pe ouzh
sonerezh strolladoù evel LCD Soundsystem. Evit a sell ouzh
ar c’han e kendalc’h Mark E Smith gant e zoare
boutin da chom hep distagañ re ar gerioù, met
evel ma lavar e penn-kentañ ar ganaouenn gentañ: "Can’t
get enough". Efedus da vat eo an teir c’hanaouenn
gentañ (Rhinohead, ur ganaouenn o defe
bet c’hoant ur bern strolladoù da zont a-benn da
sevel). Menegomp ivez Speech Contamination/German Fear of
Österreich, unan eus tonioù
gwellañ ar bladenn. Er fin, un ton dic’hortoz
penn-da-benn, ur seurt elektro-country anvet Dearest Friends.
|
|
|
|
|
|
Gwastell
Harlikin |
|
|
|
Danvez evit 6 den : 1 podad
yaourt plaen – 100g sukr – 100g amann - 150g bleud
– 2 vi – ½ pakad goell – 1
pakad sukr vanilhet – 4 fodad kaotigell (livioù
disheñvel) – 100g alamandez skejennet
Lakait an toaz e-barzh ur plad
karrez, amanennet ha bleudet ha lakait da boazhañ 45 mn er
forn etre (therm 6). Divoullit ha lezit da yenaat.
Troc’hañ ar wastell a-led a-benn kaout 2 lodenn,
gwarnisit kreiz ar wastell gant kaotigell ; lakait pep tamm an eil war
egile en ur groaziañ. Ledit kaotigell abrikez war ar gorre
hag ar c’hostezioù ; goloit gant alamandez
skejennet. Goloit pep korn gant ur gaotigell disheñvel. Mari Lubrano |
|
|
|
|
|
