|
|
|
|
|
|
|
|
|
|
Lun 26 a viz
Mezheven, niv.106 Pellgargit ar pennadoù e stumm Word Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
 |
|
|
|
|
|
|
|
|
|
4000
den a-enep aerborzh Kernitron-al-Lann |
|
|
|
Sañset
eo Kernitron-al-Lann da vezañ ar gumun a zegemero un
aerborzh nevez a vefe savet a-benn ar bloavezh 2012, evit kemer plas
aerborzh "Naoned-Atlantel". Met abaoe meur a vloaz e stourm tud a-enep
ar raktres-se, gwelet evel re gozh, re ger, diezhomm ha saotrus war ar
marc'had. Se zo kaoz e oa bet pedet gant Re C'hlas al Liger-Atlantel
Yves Cochet ha Dominique Voynet. Ouzhpenn 450 milion a
euroioù e koustfe staliañ aerborzh
Kernitron-al-Lann (anvet ivez aerborzh "Grand Ouest"). |
|
|
|
|
|
Dec'h goude-kreisteiz e oa 4 000 den
bodet en ur prad e Kernitron-al-Lann, un ugent kilometr bennak en
hanternoz da Naoned. Deuet e oant evit lavarout "nann" d'ar raktres
aerborzh, hag evit embann se sklaer e oa bet stummet gant ar
miliadoù a dud-se lizherennoù bras, a oa tu da
lenn eus an oabl. Aozet e oa bet an degouezh gant ur c'henvodad
kevredigezhioù a sav a-enep ar raktres aerborzh.
|
|
|
|
|
|
Mell-droad
"glas" |
|
|
|
Morwena
Audic Evit
goût hiroc’h : http://www.greengoal.fifaworldcup.yahoo.net
(lec’hienn en alamaneg hag e saozneg) |
|
|
|
|
|
Evit ar wezh kentañ da
geñver Kib bedel ar vell-droad ez eus ur preder er
bloaz-mañ war pegen saotrus e c’hell
bezañ ur seurt darvoud ha petra ober evit disteraat ar
saotradur-se. Dre ar raktres “Green Goal” e vez
dastumet ar glav a-benn dourañ al leton, dibabet e vez al
lastez, staliet ez eus bet panelloù dre heol evit kaout
gouloù. Green Goal a zo deut a-benn da gaout ur
gartenn-dezougen digoust evit an arvesterien a ya da welet ar
c’hrogadoù gant kirri-boutin. Hag evit
kempouezañ ar gaz efed ti-gwer a vo produet (tro 100 000
tonennad zo bet jedet) o deus asantet an aozerien paeañ o
skodenn evit kas da benn raktresoù diorren padus e
broioù ar C’hreisteiz. Met memestra n’eo
ket “glas” pep tra : an aozerien n’o deus
ket soñjet en niver divent a girri-nij implijet evit degas
an dud da Vro-Alamagn. N’eo ket skipailh ar
bloaz-mañ a vo trec’h war an efed ti-gwer
m’eus aon!
|
|
|
|
|
|
30vet
deiz-ha-bloaz Gouel Bro-C'halloù Mousterfil |
|
|
|
Ha
nevezinti zo bet zoken gant ar genstrivadeg koubladoù
sonerien "Le Bois des Anches". Evit ar wech kentañ e tregont
vloaz eo aet ar maout gant ur c'houblad merc'hed, Anne-Marie Nikol
(bombard) ha Céline Le Forestier (binioù),
anavezet mat o-div kostez Bro-Pourlet. |
|
|
|
|
|
En dibenn-sizhun-mañ e oa bet lidet
30vet deiz-ha-bloaz "Gallésie en fête", Gouel
Bro-C'halloù, aozet bep bloaz e Mousterfil. Ouzhpenn ar
c'hontadennoù, ar pemoc'h rostet, ar sonadeg, an
tournamantoù gouren pe vell-droad gouezelek, ar fest-deiz,
ar fest-noz, e oa evel-just diskouezadegoù eus an 30 vloaz a
ouelioù bet aozet e Mousterfil.
|
|
|
|
|
|
Loc'het
"skipperien Island" |
|
|
|
|
|
|
|
|
|
Disadorn e loc'he eus Pempoull rederien an trede
"skipperien Island". Ret e vo d'an eizh bag "Class 40", d'an 10 bag
"unkouc'h" ha d'ur vag "lieskouc'h", tizhout Reykjavík dre
morioù diaes an hanternoz, a-raok mont war-zu
Grundarfjördur dindan evezh div c'houeletenn,
|
|
|
|
|
|
On
va s'aimer |
|
|
|
Frañs
– 2005 Senario
ha seveniñ : Ivan Calbérac
Netra
nevez war an douar patatez-mañ e gwirionez. Traoù
fentus zo er film-mañ met n’eus roud ebet eus un
dra dic’hortoz, ken plaen eo ar steuñvenn (eil
doare ur film anvet El Otro lado de la cama eo war
ar marc’had). Da ouzhpennañ talvoudegezh
d’ar film ez eus bet soñjet silañ
kanaouennoù ennañ, met ne zegas ar
c’hanaouennoù-se tra farsus ebet ouzhpenn. Er
c’hontrol e c’hortozer gant mall e vefe echu ganto,
ken droch eo ar c’horolloù a ya ganto.
N’eo ket an neb a fellfe dezhañ a c’hell
seveniñ un Everyone says I love you
(Woody Allen, 1996). Meriadeg
Vallerie Evit
gouzout hiroc’h : http://tfmdistribution.fr/onvasaimer/index.htm Paris
je t’aime
Seveniñ
: Olivier Assayas,
Frédéric
Auburtin, Gurinder Chadha,
Sylvain Chomet,
Ethan &
Joel Coen,
Isabel Coixet,
Wes Craven,
Alfonso Cuaron,
Gérard Depardieu,
Christopher Doyle,
Richard LaGravenese,
Vincenzo Natali,
Alexander Payne,
Bruno Podalydès,
Walter Salles,
Oliver Schmitz,
Nobuhiro Suwa,
Daniela Thomas,
Tom Tykwer,
Gus Van Sant. 18
filmig 5 munutenn evit diskouez disheñvelderioù,
kened, sioù Pariz hag he annezidi. Karantez kêr,
evel-just, met ivez, an dud, ar garantez
hag ar sinema. Paris
je t’aime n’eo ket ur film da
vrudañ kaerder Pariz. Brav e teu da vezañ
’balamour da binvidigezh an istorioù, ar
c’harterioù, an dud disheñvel a
c’hell bevañ eno. Ur meskaj gwirvoud, faltazi,
fent ha from. Ur meskaj yezhoù ivez, a-drugarez, da skouer,
d’an douristed ha n’eo ket aes atav o buhez eno ! An
istorioù karantez a zo liesseurt : hini an arz,
mammoù evit o bugale, koubladoù
kozh, tud vev ha tud varv, tud
o kejañ dre zegouezh, ... Tud
eus meteier sokial disheñvel, doareoù da
seveniñ disheñvel : un drugar da
heuliañ, evit mousc’hoarzhin pe
leñvañ ha bezañ laouen o
vevañ (zoken pell eus Pariz !). G.L. Evit
gouzout hiroc’h : http://www.parisjetaime-lefilm.com/ |
|
|
|
|
|
Paotr fur eo Laurent (Julien Boisselier),
gwelet mat e vez. Ren a rae ur vuhez didrubuilh gant e vestrez Camille
(Mélanie Doutey) betek an deiz m’en deus
graet anaoudegezh gant Elodie (Alexandra Lamy),
mestrez nevez e vignon nesañ, François (Gilles
Lellouche). Ha neuze, petra a c’hoarvez
d’ho soñj ? "Karantez, karantez, goulou
goulou, gili gili..." ha trubuilhoù e-leizh evit an holl.
Frañs - 2005
|
|
|
|
|
|
Ellen
Allien + Apparat – Orchestra of Bubbles |
|
|
|
Kemerit
daou zen eus Alamagn, pep hini anezho e karg eus ul label sonerezh
elektro : a-gleiz, Ellen Allien, hag hi e karg eus Bpitch
Control, DJ hollvrudet. A-zehoù , Apparat, da
lavaret eo un den yaouank e karg eus ul label all, Shitkatapult e anv.
Lakait anezho da genlabourat, o c’houzout en deus pep hini e
zoare da welout ar sonerezh elektronek : gant ar
plac’h, sonioù teñval hag a ro
c’hoant da zañsal (pe lakaomp "fiñval")
memestra. Gant ar paotr, sonioù violoñs,
luskoù tost ouzh an hip-hop, un doare difetis
a-walc’h da sevel tonioù. Meskit, hag ho peus
Orchestra of Bubbles, ur meskaj a ziskouez e c’haller
labourat don war an aozañ tonioù (an tu
Orchestra) en ur chom skañv (an tu Bubbles), memestra. Disoc’h :
ur bladenn a c’haller selaou ha selaou en-dro, enni
teñzorioù a zizoloer en ur chom aketus ouzh
kement son bihan aozet gant an daou arzour, hag int prest bepred da
nevesaat ar sonerezh elektronek. Ellen
Allien hag Apparat a vo e Brest da-geñver Astropolis
d’ar Gwener R.M. |
|
|
|
|
|
Embannet gant Bpitch Control / PIAS
|
|
|
|
|
|
Tartezenn
Tatin gant bananez ha chokolad |
|
|
|
Katell
Leon |
|
|
|
|
|
Evit 6 den :