|
|
|
|
|
|
|
|
|
|
Lun 14 a viz Mezheven, niv.290 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Belgia: |
|
|
|
|
|
|
|
|
|
Dec'h e
vote Belgiz evit dilenn o c'hannaded. E penn ar jeu emañ bremañ strollad N-VA
(Emglev Flandrezat Nevez), 27 sez diwar 150 tapet ganto, hag ar Strollad
Sokialour Wallon, 26 sez aet ganto dec'h. En dachenn flandrezat eo aet 29,5%
eus ar mouezhioù gant N-VA, kaset war-raok gant Bart de Wever (skeudenn). Ar
wech kentañ eo d'ur strollad dizalc'hour dastum kement a vouezhioù. Etretout,
e tastum mennozh an dizalc'hiezh 46% eus mouezhioù voterien lodenn
flandrezeger ar vro. Daoust da se, ne fell ket da N-VA mont e penn ar
gouarnamant. Ur c'hentañ ministr galleger a c'hellfe kemer ar plas bet
dilezet gant Yves Leterme neuze, Elio di Rupo, penn ar Strollad Sokialour
Wallon. N'eus bet kentañ ministr galleger ebet e penn gouarnamant Belgia
abaoe 1974. Kudennoù brav a vo da zirouestlañ gant ar gouarnamant da zont. En
o zouez statud melestradurel Brusel ha trowardorioù ar gêr-benn (lesanvet
BHV), yac'haat ar c'hontoù publik, kas da benn prezidantelezh Unaniezh Europa
en eil c'hwec'hmiziad 2010. Pevar gouarnamant ha tri c'hentañ ministr zo bet
e penn Stad Velgia abaoe miz Even 2007.
|
|
|
|
|
|
Labourerien-douar
Haiti o nac'h "profoù" Monsanto |
|
|
|
M.M. Lec'hienn Via Campesina : |
|
|
|
|
|
Goude kren-douar Haiti eo
en em gavet ar vro donoc'h c'hoazh er baourentez. Diwar-se en deus kinniget
an embregerezh "Monsanto" profañ hadoù d'al labourerien-douar evit
ma c'hellfent loc'hañ en-dro gant o labour. Pegen jentil! Marteze, met n'eo
ket n'eus forzh peseurt hadennoù a vez profet: hadoù O Genoù Kemmet (OGK) eo
ar re-se. Da lâret eo eo perc'henn an embregerezh warno, dre m'en deus ur
breved war ar genoù a zo enno. Savet int evit ma ne c'hellfe ket ar greun diwanañ
diwar ar plant ha bezañ implijet ar bloaz war-lerc'h evit hadañ en-dro ar
parkeier. Ret e vo prenañ hadoù nevez. Pebezh prof! Profet ur bloaz, ha
rediet da baeañ bep bloaz goude-se... O c'houzout kement-se, eo bet nac'het
"prof" Monsanto gant ul lodenn eus labourerien-douar Haiti, bodet e
Mouvement Paysan Papaye. Skoazellet e vezont gant Via Campesina, luskad etrebroadel
al labourerien-douar a stourm evit bezañ emren war ar boued. Peadra a zo da
vezañ heuget gant emzalc'h un embregerezh a glask tennañ gounid eus ar
baourentez evit reiñ ur skeudenn vrav outañ ha ledañ e varc'had er
bloavezhioù da zont.
|
|
|
|
|
|
Festival C'hoariva e Bro-Gerne |
|
|
|
Evit gouzout hiroc'h : |
|
|
|
|
|
Abaoe ar Sadorn 12 ha betek
ar Sadorn 26 a viz Mezheven emañ evit an eil gwech Festival Teatr Brezhonek, e Bro-Gerne.
Kaset da benn gant ar gevredigezh C'hoariva, ez eo an darvoud-mañ un digarez
da welet ar pezhioù-c'hoari nevez krouet, e brezhoneg. Un digarez d'ober
anaoudegezh gant c'hoariva broioù all. Er bloaz-mañ eo bet pedet tud
Okitania. Gant ar strollad La Rampe Tio e vo kinniget d’ar Meurzh 15 a
viz Mezheven ar pezh-c'hoari Aristofanada - Femnas al poder e Teatr Kerne e
Kemper. Nozvezhioù a vo ivez gant Strollad Plougin d'ar Gwener 18 e Ty
Théâtre Gouenac'h, Strollad ar Vro Bagan d'ar 26 e Sal ar Sterenn e
Kastell-Nevez-ar-Faou, pe c'hoazh an devezh Bugaleaj Kerne gant Skolioù Su
Kerne ha TAVK d'ar Gwener 25 e Sal an Triskell e Pont-'n-Abad. Bez’ e
vo ivez ur valeadenn c'hoariet e Kemper, ur gejadenn evit ar strolladoù hag
ur brezegenn gant komedianed eus Okitania. Peadra da eskemm, kaout plijadur
ha da veajiñ e-touez ar yezhoù.
|
|
|
|
|
|
Kib ar
Bed 2010 a vell-droad: loc'het eo! |
|
|
|
Pemp stad nevez zo bet
savet er vro, ha pemp stad kozh zo bet adkempennet evit degemer c'hoarierien
ha sellerien eus ar bed a-bezh, gant 70000 micherour. An 32 skipailh zo
rannet e 8 strollad. Eizh krogad zo bet c'hoariet evit poent: Uruguay/Frañs
(0-0), Suafrika/Mec'hiko (1-1), Korea ar Su/Gres (2-0), Arc'hentina/Nigeria
(1-0), Bro-Saoz/Stadoù-Unanet Amerika (1-1), Aljeria/Slovenia (0-1),
Serbia/Ghana (0-1) hag Alamagn/Aostralia (4-0). |
|
|
|
|
|
Digwener tremenet e oa bet
roet lañs d'an 19vet kib ar Bed a vell-droad, e Suafrika. Padout a raio miz,
betek an 11 a viz Gouere. Ar wech kentañ eo da C'hourfenn Kib ar bed bezañ
aozet en Afrika. 31 skipailh diwar 203 zo bet dibabet (skipailh Suafrika a zo
bet degemeret dre ret), etre miz Eost 2007 ha miz Du 2009, evit kemer perzh
er Gourfenn e Suafrika.
|
|
|
|
|
|
Sex and the City 2 |
|
||
|
|
Stadoù-Unanet
– 2009 Senario
ha seveniñ : Michael Patrick King
Displeget evel-se e hañval ar film mont war temoù
a denn da vuhez ar merc’hed a vremañ. N’eo ket gaou met
n’emañ ket aze gwir danvez Sex and the City 2. Maget eo ar film
kentoc’h gant gizioù cheuc’h, gouelioù pompadus, gizioù
cheuc’h, alioù kened, gizioù cheuc’h, beajoù kaer ha pompadus, gizioù
cheuc’h, gizioù cheuc’h, gizioù cheuc’h ha pompadus,
darempredoù karantez hag istorioù revr (nemet e vefe ar c’hontrol).
Bommoù mat zo en abadenn memes tra, met an arvestourezed az aio kuit gant ar
santimant bezañ gwelet o magazin merc’hed bannet war ur skramm meur (ne
vank nemet ar rubrikenn lenn planedenn) hag ar baotred o defe c’hoant
kompren ar merc’hed a rafe gwelloc’h klask un doare all. Evit gouzout hiroc’h: |
|
||
|
|
|
|
|
|
Daou vloaz zo n’hor boa ket bet keloù ganto.
Evel m’eo dleet pep tudenn eus Sex and the City a dal ouzh
prederiadennoù personel. Ha dont a raio Carrie
|
|
|
|
|
|
15vet Festival Roc'han Feu e Roc'han
// 25 ha 26 a viz Even |
|
|
|
Kregiñ a
raio an traoù a-benn ar Sadorn 19 e tavarnioù Roc'han ma vo kinniget div
sonadeg: Fake Runners, ur strollad eus Roazhon a sono e tavarn Ar
Marc'h Gwenn, ha Gilles Le Rest a sono kanaouennoù Georges Brassens e
tavarn ar C'hoc'hu. En deiz war-lerc'h e vo ur sonadeg gospel en abati
Timadeug. D'ar Gwener 25 e kendalc'ho an traoù: goude kreisteiz e vo un
abadenn evit ar vugale kinniget gant ar strollad Cirklic. Ha diouzh a
noz e vo Fées No Men (binvioù-sko, An Alre), un taol-kaer gant an
arzourez Rohanne diwar-benn 40vet deiz-ha-bloaz marv Jimmy Hendrix hag
ivez sirk a vremañ gant Cirque en Spray. Sonerezh
da vat d'ar Sadorn 26 gant Hocus Pocus (hip hop, eus Naoned), !!! (pe Chk Chk Chk, sonerezh arnodiñ, eus ar
Stadoù-Unanet), Eiffel (rock gall heñvel a-walc'h ouzh Noir Désir pe
Luke), General Elecktricks (elektro-jazz-pop-soul), Revolver
(sonerezh pop) hag ivez The Foves (rock'n'roll, eus Penn-ar-Bed, aet
ar maout ganto da-geñver taol-lañs ar festival) ha DJ Ordeuvre
(sonerezh elektronek). Evel-just
e vo kinniget un dachenn-gampiñ ha meur a stal war al lec'h. Digoust eo
sonadegoù ar Gwener 25, 20€ (rakprenañ) pe 24€ (prenañ war al
lec'h) re ar Sadorn. R.M. Muioc'h a Roc'han Feu : |
|
|
|
|
|
Er
bloaz-mañ eo e lider 15vet deiz-ha-bloaz festival Roc'han Feu. Arabat
disoñjal e oa bet lakaet diaes skipailh aozañ ar festival e 2007 (abalamour
d'an amzer vil), hag int deuet a-benn da genderc'hel gant o raktres abaoe.
|
|
|
|
|
|
Ul levr evit keginañ louzoù gouez |
|
|||
|
|
Ha ma fell deoc’h, e
c’hellit debriñ boued fardet gant louzoù gouez er preti "Bio
Tocori" e Roazhon. Fardet e vez gant ar mestr-keginer Antony Faraji
predoù gant louzoù a bep seurt, evel delioù korz-babouz (berce) farset gant
kig-bevin da skouer. Ur blantenn bleunioù gwenn ganti eo ar c'horz-babouz, a gaver en douaroù gleb. Peadra da zizoleiñ traoù nevez ouzhpenn eo al levr
Cuisinez les plantes sauvages, boued korf ha boued spered war un dro! Cuisinez les plantes sauvages gant Claude Londres, embannet e ti Dangles. (18€ an tamm) Lennit Bremañ
Mezheven 2010 !
An teuliad zo gouestlet er miz-mañ da vier Breizh.
Lidañ a ra breserezh Coreff he 25 bloaz e 2010. Abaoe 30 vloaz e tispak
en-dro breserezhioù artizanel e Breizh, a brud mat zo gant kalz anezho. Rener
Coreff, Mathieu Breton, a ginnig e sell war istor bier Montroulez, ha Karaez
goude-se, hag e blas e kevredigezh Breizh hiziv. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h : www.breman.org |
|
|||
|
|
|
|
|
||
Al levr Cuisinez les
plantes sauvages a zo o paouez bezañ embannet e ti Dangles. Claude
Londres a zispleg el levr-mañ penaos ober gant ar plant a vez kavet e pep
lec’h en natur, er parkeier, war ar c’hleuzioù… evit
keginañ. 76 rekipe liesseurt a zo el levr, gant plant a gaver e Breizh:
beotez-aod, fanouilh ha karotez gouez, kaol-garv, c’hwervizon,
roketez… Ouzhpenn d’ar rekipeoù e ro Claude Londres ur bern
kuzulioù el levr-mañ, evel dastum an delioù hag ar bleunioù yaouank da
skouer, penaos nompaz faziañ gant plant fall evit ar yec’hed, petra eo
ar c’houlz gwellañ evit dastum petra, peseurt louzoù a zo mat evit
pareañ