|
|
|
|
|
|
|
|
|
|
Lun 7 a viz Mezheven, niv.289 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Prosez Jérôme Kerviel |
|
|
|
|
|
|
|
|
|
A-benn
arc'hoazh e vo boulc'het gant prosez an trader Jérôme Kerviel, e
Lez-kastiz Pariz, hag a bado betek ar 25 a viz Even. Paotr Pont-'n-Abad, 33
bloaz, a oa bet lakaet war wel e mediaoù Frañs hag ar bed a-bezh e fin miz
Genver 2008. Roet e oa bet da c'houzout gant ar bank Société Générale e vefe
bet an trader kiriek eus ur c'holl 4,9 miliard a euroioù. Ur pennadig
war-lerc'h e tispake an enkadenn ekonomikel da vat. Tamall a ra Société
Générale d'e implijad kozh bezañ kuzhet an oberiadennoù a rae gant arc'hant
ar bank (50 miliard a euroioù a vefe bet er jeu). Diouzh an tu all, e embann
Jérôme Kerviel e ouie mat e renerien ar pezh a veze graet gantañ. Gellout a
rafe Kerviel bezañ kondaonet da bemp bloaz toull-bac'h hag un dell-gastiz
375000€, hep kemer e kont an "digoll ha kampi" a c'hellfe
bezañ evit Société Générale. Ouzhpenn 40 test zo bet galvet da gomz dirak al
lez-kastiz, en o zouez 33 bet galvet gant an Difennerezh.
|
|
|
|
|
|
Kemm ar
plankton gant an hin |
|
|
|
M.M. |
|
|
|
|
|
Hervez ar skiantourien eo
e-barzh ar mor emañ an darn vrasañ eus efedoù tommadur an hin. Evel ma
c’hoarvez war an douar, e vez tizhet al loened o vevañ eno gant kemmoù
o metou-bevañ. Gwir bras eo evit ar plankton, da skouer. Abaoe 1946 e vez
studiet hennezh a-dost gant ur skipailh eus Plymouth. Daou dra o deus merzet:
e norzh ar Meurvor Atlantel e vez brasoc'h liesseurted ar spesadoù, ha
berroc'h ar plankton. Tro 2-3mm e vezont bremañ pa vezent tro 3-4mm gwechall.
Ul levezon a c'hellfe kaout kement-mañ war ar c'hementadoù karbon a c'hell
bezañ trapet gant ar plankton: met ma vije paket nebeutoc'h a garbon e
tommafe buanoc'h c'hoazh an hin hag e savfe ur c'helc'h-bac'h gant ar gudenn.
Ul levezon a c'hellfe kaout ivez war ar spesadoù moru, o dije muioc'h a boan
da gavout boued. Ar wech kentañ eo d'ar skiantourien stadañ ur c'hemm ken
bras, war ur c'hementad bras a roadoù studiet.
|
|
|
|
|
|
Livadurioù Fernand Le Gout-Gérard e
Mirdi ar Faoued |
|
|
|
Da welet e Mirdi ar Faoued, 1 straed Kemper, 56320
Ar Faoued. Pgz: 02 97 23 15 27. Lec'hienn: www.museedufaouet.fr |
|
|
|
|
|
Adalek an 12 a viz Even e
vo kinniget gant Mirdi ar Faoued un diskouezadeg gouestlet da oberenn Fernand
Le Gout-Gérard (1854-1924). Bet ganet e Saint-Lô, e kuitaas an arzour e
labour tailhanter (un hengoun en e familh) evit ober eus al livañ e vicher da
vat. E 1889 e tresas hag e livas lec'hioù zo e Breizh. Buan-tre e voe plijet
ken-ken gant porzh Konk-Kerne, lec'h ma prenas un ti. Livañ a reas
dreist-holl marc'hadoù, enno tud ha gwiskamantoù liesseurt, met ivez ar bigi
hag ar porzhioù. Al labour-mañ dreist-holl, graet hervez teknikoù klasel, zo
gwelet evel e hini gwellañ. Dibab a reas livañ prantadoù kuzh-heol pe
brumennek pe c'hoazh pa vez izel ar mor. E labour war ar sklêrijenn, hag hec’h
efedoù war danvez an dour zo resis hag aketus, gant un dibab livioù dedennus.
Ul lid a vo aozet a-benn ar Sul 27 a viz Even, lec'h ma vo kinniget ha dediet
al levr Fernand Le Gout-Gérard gant e aozer Jean-Marc Michaud, pennmirour an
departamant.
|
|
|
|
|
|
Roland-Garros:
distro Rafael Nadal da c'hoarier niv.1 |
|
|
|
Ur souezhadenn vrav eo bet
Gourfenn ar merc'hed o-unan, ar maout aet gant Francesca Schiavone 6-4 7-6 (en
1 eurvezh ha 38 munut) a-enep d'an Aostralianez Samantha Stosur. Ar wech
kentañ eo d'an Italianez 29 bloaz bezañ trec'h ur Gourfenn er Grand Chelem. |
|
|
|
|
|
Aet e oa ar maout dec'h
gant Rafael Nadal e Gourfenn tournamant tennis Roland-Garros (evit rann ar
baotred o-unan). Ar Spagnol 24 bloaz en doa c'hwitet war e daol warlene, pa
glaske bezañ trec'h evit ar pempvet gwech diouzh renk war tachenn douar ruz
Roland-Garros. E tal dezhañ e oa ar Svedad Robin Söderling. Distroet e oa an
daou zen tal-ouzh-tal dec'h. Div eurvezh ha 18 munutenn en deus lakaet Rafael
Nadal evit kas an dorzh d'ar gêr, 6-4 6-2 6-4. Set ebet kollet gantañ! Dont a
rae a-benn Nadal da gas e enebour d'ober fazioù. 44 fazi zo bet graet gant
Söderling e-kerzh tri set, pa n’en doa Nadal graet nemet 16. Echuet eo
an abadenn war ur fazi gant ar Svedad adarre: arouezius eus ar c'hrogad
a-bezh. Setu Nadal aet gant e seizhvet priz er Grand Chelem ha
distroet d'ar plas a c'hoarier niv.1 er renkadur bedel, bet tapet digantañ e
miz Eost 2009 gant e gevezer meur, ar Suis Roger Federer.
|
|
|
|
|
|
13vet Nozvezh ar Gorriged (La 13ème
Nuit des Lutins) |
|
||
|
|
Frañs
– 2010 Seveniñ
: Shaun Severi, Bif, Foued Mansour, Jean-Christophe Lie, Olivier Smolders,
Edouard Deluc
Liesseurt betek re marteze? Gwir eo n’eus
tamm liamm ebet etre an eil film hag ar re all, met diskouez a ra pegen
pinvidik e c’hall bezañ ar stumm abadennoù-se. Pinvidikoc’h eget
ar filmoù hir moarvat rak n’o deus ket da zerc’hel d’ur
steuñvenn dre ret ha, dreist-holl, n’o deus ket ezhomm da zoujañ ouzh
danvez arvestourien rakijinet gant ar broduerien. Muioc’h a frankiz
krouiñ zo e metoù ar filmoù-berr neuze. Evit e drizekvet dalc’h eo deuet Troiad ar Gorriged
da vezañ Nozvezh ar Gorriged, skignet e veze an abadenn e memes koulz e pep
korn eus Frañs. Dav e vo gortoz bloaz evit gwelet an dastumad nevez, met dre
chañs ez eus festivalioù e-leizh e Breizh da c’hortoz. Evit gouzout hiroc’h : http://leslutins.com Gwelet ivez : www.courtmetrange.eu |
|
||
|
|
|
|
|
|
Eus ar re liesseurtañ eo bet dibab ar Gorriged
evit dalc’h 2010: ur film e-barzh ar film, efedoù arbennik da ziskouez
strafuilhoù spered un den, gwirheñvelded sokial, tresadenn-vev diroll,
dornlevr gwideo ha bomm buhez e gwenn-ha-du.
|
|
|
|
|
|
Hellfest – d'an 18, 19 hag 20
a viz Even e Klison |
|
|
|
Peadra a
vo neuze evit ar re a blij dezho ar sonerezh metal,
hard rock, trash, death metal, grindcore, black metal hag all e-pad tri
devezh e Klison. Estreget
metal a vo ouzhpenn: Deftones (hardcore), Sick of it All
(hardcore) ha Fear Factory (sonerezh industriezh, d'ar Gwener
18), Jello Biafra (bet kaner ar strollad punk hardcore Dead
Kennedys) ha Fields of the Nephilim (sonerezh gotek, d'ar
Sadorn 19). Hag
a-hend-all e vo ivez Slash, Carcass, Alice
Cooper, Sepultura, Airborne, Slayer,
Motörhead, Kiss (ac'hem, ya), The Young
Gods (sonerezh industriezh) hag ur bern re all. En holl
peder leurenn ha 116 arzour/strolllad disheñvel. Peadra da lakaat ho
tiskouarn da darzhañ meur a wech. Filmoù, sonadegoù ha krogadoù mell-droad er
Metal Corner, hag ivez pladennoù, rochedigoù, tatouadurioù ha piercing en
Extreme Market. Sonadegoù ha diskouezadegoù a vo ivez e kreiz-kêr Klison
a-hed ar festival. R.M. Hellfest, Klison, 18-20 a
viz Even 2010. Muioc'h a Hellfest : www.hellfest.fr Olifant
kalon-evn
Petra ho pije graet goude
bezañ lennet ar c'hemennad berr-mañ er gelaouenn Trompilh an Olifanted
ma vijec'h bet e plas ur skolaerez yaouank, aet skuizh oc'h ober skol da
gevnid, zo kaeroc'h? Graet he soñj mont kuit war-du lezioù Stêr Veur Limpopo
e-lec'h ma ray-hi anaoudegezh gant an olifantez Kikunga ha hec'h evn iskis
Kolokolo... Troet e brezhoneg diwar an
euskareg gant Mark Kerrain e c'halloc'h dizoleiñ ar peurrest eus an istor
burzhudus-se o lenn al levrig bet skrivet, er penn-kentañ, gant Mariasun
Landa, dindan ditl Elefante txori-bihotza. Bet ganet d'ar 5 a viz Even
1949, en Errentería, skrivet he deus un tregont oberenn bennak evit ar vugale
hag ar grennarded, tapet Priz White Ravens 2002 ganti evit Elefante
txori-bihotza. Troet hec'h oberennoù e meur a yezh (un daouzek bennak)
kelenn a ra ar skrivagnerez e Skol-Veur Donostia atav, bet tapet un
aotreegezh prederouriezh ganti er Sorbonne. Daoust deoc'h bezañ
koshoc'h eget seizh vloaz, m'ho peus ur galon-bugel c'hoazh, lennit al
levrig-mañ, skeudennaouet gant tresadennoù an Damganad Degast'. Ha lennit
betek ar golo-kein a-benn diskouez e oa bet embannet hep skoazell-arc'hant. Un
abeg mat all da skoazellañ embannadur al levrioù evit ar vugale e brezhoneg...
Ha n'eo ket yac'h-pesk evit poent. Yannig Boulard Olifant Kalon-Evn, gant
Mariasun Landa (troet gant Mark Kerrain), tresadennoù gant Degast'. Adalek 7
vloaz. Embannet gant Sav-Heol (7€an tamm). Embannadurioù Sav-Heol, 32
bali ar Voudenn, 35650 REUZ. |
|
|
|
|
|
Ma! N'eo
ket tamm ebet ar pezh a selaouan, met diaes komz eus sonerezh e Breizh hep
menegiñ Hellfest. Aozet e vez e Klison abaoe 2002 (nemet e 2003 ma voe aozet
e Naoned), ha brudet mat eo e-touez an dud a selaou sonerezh metal. Hag
ouzhpenn eo aet e fulor Christine Boutin p'he deus gwelet skritell ar
festival, setu ne c'hell ket bezañ un darvoud 100% fall.
"Bagad olifanted troet
gant ar sevenadur a glask skolaerez gant spered a intrudu hag avanturus.
Lojeiz e koadoù-meur Afrika. Boued : glazur nemetken. Gopr : kant tonellad
bananez."
|
|
|
|
|
|
Ur c'helaouer dre gomz mod-nevez e
bro Bempoull |
|
|||
|
|
Ur benveg nevez-flamm a vo
kinniget ar miz-mañ gant Ti an Douristed Pempoull-Goueloù. "Daou
vloavezh labour en holl zo bet ezhomm evit kas ar raktres-mañ da benn",
a zispleg Armelle Lambert, renerez Ti an Douristed. Da gentañ e oa c'hoant
kinnig ur benveg modern d'ar bourmenerien. Ouzhpenn-se e oa c'hoant lakaat en
a-raok perzhioù dibar, ha sevenadur bro Bempoull. "Dibabet hon eus
troioù-bale dedennus, ha dielfennet pelec'h e oa traoù da zisplegañ,
diwar-benn an natur, an istor, pe doareoù ar vro... Ha klasket hon eus tud
gouest da gontañ diwar-benn an traoù-se. Adalek ar penn-kentañ em boa lakaet
war ma soñj reiñ plas d'ar brezhoneg er benveg-mañ. Bep tro p'hon deus kavet
brezhonegerien gouest da gomz diwar-benn al lec'hioù dibabet, omp bet oc'h
enrollañ anezho", a gont Armelle. O c'homzoù a vo da glevet
dre ar benveg bihan-se. Evit stummañ anezho, ez eo Yvon Etienne hag a zo bet
karget d'ober goulennoù ouzh an dud ha da zibab ar bommoù da vezañ miret. "Klevet
e vez frazennoù kentañ an displegadenn vrezhonek, ha goude e vez klevet
dreisti an droidigezh e galleg. Evel-se e vo klevet yezh ar vro gant ar re na
ouzont ket anezhi, hep dezho kaout amzer da vont skuizh ganti war-zigarez ne
gomprenfent ket." Ur bazenn gentañ eo al
labour-mañ. "Ar pal eo ober kelaouerien dre gomz liesyezhek
penn-da-benn" eme Armelle Lambert. "Ar vrezhonegerien, int
ivez, a c'hello da neuze touristañ en o yezh e bro Bempoull!" Silvi Donarzh Sekred-kregin:
Soubenn an
ognon
1.Gwalc’hiñ,
peilhat ha troc’hañ an avaloù-douar a dammoù bihan 2.Peilhat ha
troc’hañ an ognon 3.Peilhat ha
malañ ar c’hignon 4.Lakaat an
amann da deuziñ en ur gastelodenn ha lakaat an ognon da boazhañ e-barzh e-pad 7 pe 8 munutenn. Meskañ mat
e-pad ma vez o poazhañ. 5.Lakaat ar
bleud war c’horre ha lezel da rouzañ 6.Dilemel ar
c’hard eus an ognon ha lakaat a gostez, ouzhpennañ ar bouilhoñs, an
avaloù-douar hag ar c’hignon. Poazhañ e-pad 45mn. 7.Malañ pep tra 8.Adlakaat an
ognon a oa bet lezet a-gostez hag ar bara kras 9.Raskañ ar
graoñenn muskad, lakaat pebr ha holen 10.Lezel da boazhañ e-pad
3 munutenn Riwanon Lennit Bremañ
Mezheven 2010 !
An teuliad zo gouestlet er
miz-mañ da vier Breizh. Lidañ a ra breserezh Coreff he 25 bloaz e 2010. Abaoe
30 vloaz e tispak en-dro breserezhioù artizanel e Breizh, a brud mat zo gant
kalz anezho. Rener Coreff, Mathieu Breton, a ginnig e sell war istor bier Montroulez,
ha Karaez goude-se, hag e blas e kevredigezh Breizh hiziv. Kendalc'het e vo er miz-mañ
gant div bajennad "Lennomp!", bet soñjet a-ratozh evit ar re zo o
teskiñ brezhoneg. M’ho pez plijadurig o lenn Bremaik, plijadur
ho po o lenn Bremañ, sur! Bep miz, abaoe 1980, e
kinnig ar gelaouenn Bremañ pennadoù brezhonek a bep seurt, diwar-benn
Breizh hag ar bed, kinniget brav, e doare ur magazin. Embannet gant Skol an Emsav (4,5€ an tamm) Koumanant: 50€ evit ur bloaz, 60€ evit
an estrenvro, 4€ bep miz dre lamadenn E gwerzh er stalioù-levrioù a ginnig danvez
Breizh, pe dre goumanant. Evit gouzout hiroc'h : www.breman.org |
|
|||
|
|
|
|
|
||
A-benn nebeut e c'hello
touristed ha tud ar vro, en ur bourmen drezo o-unan, selaou displegadennoù buhezek
diwar-benn al lec'h emaint o tizoloiñ. Un tamm brezhoneg a vo da glevet, evit
ar wech kentañ!
Enkadenn C'hres, votadeg ar
gannaded e Breizh-Veur ha Norzh Iwerzhon, chanter tramgarr Brest, ar strollad
nevez "Luskad Breizh war-raok", pennad-kaoz gant ar skiper Franck
Cammas, Gouel Broadel ar Brezhoneg 2010, an eil Redadeg, pladenn nevez Louise
Ebrel... Kaoz zo eus an holl draoù-se hag eus traoù all c'hoazh e-barzh
niverenn Bremañ miz Mezheven 2010.