|
|
|
|
|
|
|
|
|
|
Lun 8 a viz Even, niv.242 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Echu dilennadegoù kannaded Europa |
|
|
|
|
|
|
|
|
|
Dec'h e oa devezh diwezhañ dilennadeg kannaded
Europa er Gumuniezh. En o zouez e oa dilennadeg re Frañs, ha re Breizh neuze.
Evit un takad "Ouest" ennañ 12 departamant e ranke ar Vretoned
votiñ. Evel e peurrest ar Stad c'hall eo bet izel-kenañ an niver a dud o
kemer perzh er vouezhiadeg, gant 55% eus an dud o chom hep votiñ en
Aodoù-an-Arvor, kazimant 57% el Liger-Atlantel ha tost da 58% en
Il-ha-Gwilen, Mor-Bihan ha Penn-ar-Bed. Diskaret eo ar PS hag ar MoDem e
Breizh kenkoulz hag e Frañs, daoust d'ar strolladoù-se bezañ graet berzh er
vro e-kerzh ar votadegoù tremenet (ha pa vefe evit re prezidant ar Republik,
an tiez-kêr pe ar c'huzulioù-rannvro). E penn ar jeu e erru listenn an UMP er
5 departamant. E holl departamantoù Breizh war bouez Aodoù-an-Arvor, e erru
da eil roll Europe-Ecologie (ar Re C'hlas-UDB). E Roazhon ha Lannuon eo deuet
a-benn al listenn ekologour da dapout ar muianiver a vouezhioù zoken. E-touez
nav c'hannad europat nevez an takad "Ouest" e kaver daou Vreizhad hepken,
Alain Cadec (UMP), ha Nicole Kiil-Nielsen (Europe-Ecologie). Daou
sez all zo aet gant an UMP, un eil gant Europe-Ecologie, daou gant ar PS, unan gant ar MoDem, hag unan
gant Libertas.
|
|
|
|
|
|
Ur prosez enep ar gwir da gelaouiñ |
|
|
|
M.M. |
|
|
|
|
|
E miz Du 2008 e oa bet graet un enklask gant pemp
kevredigezh evit an endro, diwar-benn al louzoù, ha resisoc'h an diastuzerioù
(danvezioù evit lazhañ ar boudoù bev a dag ar plant, anvet ivez
"dilastezerien"), a vez kavet er rezin a zebrer ouzh taol. Prenet
ha dielfennet e oa bet rezin o tont eus 16 chadennad gourmarc'hadoù eus
Europa. Ar pal a oa gouzout peseurt kementad a louzoù a veze kavet er rezin,
ha sklaer eo bet an diskoulmoù: e-barzh 92,2% eus ar standilhonoù implijet e
veze kavet louzoù.
|
|
|
|
|
|
"Trivliadoù beaj 1838-2009 - Ur
Breizhad yaouank e Kembre" Gweladennoù brezhonek e Maner Kernod |
|
|
|
Salioù ar maner zo skeudennet enno pep a goulz eus ar veaj-se o kejañ
hag o kenrespont gant skeudennoù a-vremañ, graet gant ar c'harnedour Laurent
Gontier. An diskouezadeg savet a bado betek an 8 a viz Du 2009 e Melag. Gweladennoù heñchet e brezhoneg a vez kinniget ober gant Maner Kernod.
Emgav a ranker kemer evit o aozañ, en ur vont e darempred gant ar skipailh.
Un teul skoazell da weladenniñ e brezhoneg (pe e kembraeg) a c’haller
kaout ivez en degemerva. Diskouezadeg aozet etre ar 4 a viz Ebrel hag an 8 a viz Du 2009.
Maner Kernod, 29300 Melag
Pgz: 02 98 71 90 60
|
|
|
|
|
|
E miz Here 1838, un dileuriadur breizhat, renet gant Teodor Hersart
Kervarker, a zegouezh e Kembre evit kemer perzh en eisteddfod, gouel bras al
lennegezh hag ar sonerezh. Seveniñ a ra eno unan eus e hunvreoù kaerañ:
gweladenniñ ar "vreudeur gembreat". E lizheroù kaset d'e dud, bras
ar resisted anezho, a zezrevell dimp ar c’hejadennoù en deus graet, ar
vuhez pemdeziek...
|
|
|
|
|
|
Roland
Garros: aet ar maout gant Federer |
|
|
|
|
|
|
|
|
|
Dec'h en deus Roger Federer
c'hoariet pevare Gourfenn Roland-Garros e vuhez. Goude 1e55 a c'hoari e-tal
d'ar Svedad Robin Söderling, eo aet ar maout gantañ 6-1, 7-6 (1), 6-4. Ar
wech kentañ e oa da dennisman Bro-Suis resev kib Roland-Garros, priz nemetañ
ar Grand Chelem ne oa ket deuet a-benn da dapout evit ar poent. Ar skoilh
brasañ war e hent a oa bet Rafael Nadal, gantañ e oa aet ar maout bewech. En
taol-mañ e oa bet diskaret ar c'hoarier spagnol gant Söderling en
eizhvedenn-gourfenn. Digoret frank e oa bet an hent evit Federer neuze. N'en
deus bet tamm poan ebet ar Suis da vestroniañ an dachenn dec'h. Stanket e oa
Söderling gantañ e toull al leur-dennis. Ar c'hwec'hvet c'hoarier en istor an
tennis eo bremañ Roger Federer o vezañ gounezet pevar zournamant ar Grand
Chelem, war-lerc'h ar Breizhveuriad Fred Perry, ar Stadunaniz Donald Budge
hag Andre Agassi, an Aostralianed Roy Emerson ha Rod Laver.
|
|
|
|
|
|
|
Los
abrazos rotos (Etreintes brisées) |
|
|
|
Spagn
– 2008 Senario
ha seveniñ: Pedro Almodóvar
E deroù e red-micher e c’hoarie kalz Almodóvar
war un ton “border line” enkorfet gant tudennoù dastumet war
marzoù ar gevredigezh. A-nebeudoù eo deuet a-benn da c’hoari war ar bevennoù
en un doare soutiloc’h-soutilañ. Startoc’h eo anavezout temz
Almodóvar en e film diwezhañ avat: setu un istor avoultriñ en dije gellet
bezañ kontet kenkoulz all gant unan all. Bommoù eus ar film zo brav-tre memes
tra, mennozh an teulfilm diwar-benn ar film troet er film n’eo ket
toull, menegoù gant Hitchcock, Audrey Hepburn pe Almodóvar e-unan zo a-hed an
abadenn. Kement-se a ro ar santimant emañ Almodóvar o kaout dudi o sevel e
film ha, da gentañ penn, o c’hoari gant e aktorez pennañ met n’eo
ket a-walc’h evit sevel un oberenn. Meriadeg Vallerie Kement ha gouzout
hiroc’h: |
|
|
|
|
|
|
|
Ur sevener filmoù brudet e oa Mateo Blanco
|
|
|
|
|
|
Neil Young e Zenith Naoned |
|
|
|
An eil hini eo en deus
kinniget dreist-holl d'ar 7000 arvester bodet er sal, ha kroget en deus e
abadenn gant un dennadeg leun a startijenn: Mansion on the Hill, Hey
Hey My My (Into the Black) hag Everybody Knows This Is Nowhere. Gant
e bedalenn gweadur en deus aozet sonioù/trouzioù heñvel ouzh ar re a glever
war e bladenn live Arc-Weld. Ar re a vez plijetoc'h gant
tu folk an den o deus bet o feadra ivez, dre m'eo sioulaet an traoù e-kreiz
an abadenn: Heart of Gold, Words ha Don't Let It Bring You
Down en deus sonet, ha setu distro an holl e-tro 1970, pa save After
the Gold Rush ha Harvest. Trouzusoc'h-trouzusañ
dibenn ar sonadeg avat: Rockin' in the Free World a zo padet ouzhpenn
ur c'hard eur, hag al larsenioù liesseurt o deus aloubet ar sal o deus lakaet
an arvesterien da gompren perak e oa bet gwelet Neil Young evel tad al luskad
grunge, ha perak en doa darempredoù mat gant sonerien evel re Sonic
Youth. Ur ganaouenn ouzhpenn en deus sonet e dibenn e abadenn 2 eurvezh-pad: A
Day in the Life, ton diwezhañ Sergeant Pepper. Roll an tonioù : Mansion On The Hill, Hey
Hey, My My (Into The Black), Everybody Knows This Is Nowhere, Powderfinger,
Spirit Road, Words, Cinnamon Girl, Mother Earth, Don't Let It Bring You Down,
Goin' Back Comes A Time, Heart Of Gold, Get Back To The Country, Just Singing
A Song, Get Behind The Wheel, Down By The River, Rockin' In The Free World,
Rappel, A Day In The Life R.M. Evit sellout ouzh ar
sonadeg: Erer Kozh 2009 #5 Emgav gant arzourien eus Jamaika,
Nigeria ha Mali
Nneka (skeudenn), a zo o vevañ en
Alamagn bremañ, he deus bevet he bugaleaj hag he c'hrennardiezh e Nigeria.
A-drugarez d'un argerzh soul awenet gant afrobeat, hip hop ha ragga e tegas
ur groove eus ar c'hentañ. An arzourez-mañ a gemer perzh da vat en emdroadur
ar sonerezh afrikan a-vremañ en ur skrivañ he c'homzoù ha sonaozañ he zonioù. An Italian Alborosie zo
unan eus ar ganerien reggae rouez en Europa a ziskouez pegen digor eo ar
sonerezh-se. Ganet e Sisilia e 1977, Alborosie en deus bevet e huñvre e 2001
o vont da chom e Jamaika ha deuet eo a-benn da vezañ an arzour kentañ gwenn e
groc'hen o vezañ skignet gant label Bob Marley, Tuff Gong. Tonioù e bladenn Soul
Pirate a gont e sell war Jamaika hiriv an deiz, a-wechoù poanius
peogwir eo gwirvoudel met bepred gwellwelus war an enezenn he deus degemeret
anezhañ. A-drugarez d'ur c'henemglev
hag un eskemm arzourien, etre Gouel Karaez hag hini Keyes Medine Tamba e
Mali, e vo ar Vretoned o tegemer Baba Salah. E Mali e oar an holl piv eo ar gitarour aet da glask gwrizioù e
sonerezh en dezerzh. Pezh en deus krouet neuze en deus plijet da selaouerien
er bed a-bezh, betek dastum prizioù etrebroadel niverus gant e bladenn
gentañ. Tro-dro dezhañ e vez 10 muzisian ha dañser a oar enoriñ ar vro ha
spered ar Mali en ur veskañ luskoù hengounelañ Afrika gant sonerezh a-vremañ. Hoel
Louarn Muioc'h a Erer Kozh : Bep lun,
e-pad 2 viz, ho po tro da zizoleiñ abadennoù an Erer Kozh 2009 en ho kazetenn |
|
|
|
|
|
Leun-chouk Zenith Naoned
dimerc'her tremenet evit arvestiñ ouzh sonadeg "The Loner" (evel ma
vez lavaret), ha ne oa ket deuet da Vreizh abaoe e sonadeg e Kemper e 1982.
Daou du zo da Neil Young: an hini sioul, folk ha klevedoniel, hag an hini
trouzus, nerzhus ha leun a dredan. 
War dachenn sonerezhioù ar
bed e vo tro da glevet muzisianed yaouank barrek da veskañ an hengoun hag ar
sonioù a-vremañ.
|
|
|
|
|
|
Devezh ar reiñ gwad er bed d'ar 14 a
viz Even: Festival Globule en Oriant |
|
|
|
Evit gouzout hiroc'h: http://www.festivalglobule.org Lennit Bremañ
miz Even
An teuliad peder fajennad zo gouestlet er miz-mañ da
Gib 2009 Frañs ar vell-droad, zo bet ur gouel e-keñver sport kenkoulz hag
e-keñver Breizh: ar wech kentañ e oa evit daou skipailh eus ar vro bezañ
tal-ouzh-tal er Gourfenn, Roazhon ha Gwengamp. Aet ar maout gant Gwengampiz
ouzhpenn-se, p'emaint e Rummad 2. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Devezh ar 14 a viz Even zo bet gouestlet d'ar reiñ
gwad er bed. Evel e pep lec'h er bed eo bras an ezhommoù dastum gwad evit
sikour ar glañvidi e Breizh. Hervez an Etablissement Français du Sang ez eus
ezhomm eus 550 roadur gwad ha 150 roadur plasma bemdez e Rannvro Breizh
a-benn kaout trawalc'h a zanvez evit sikour an dud tizhet gant ur c'hrign-bev
pe ur c'hleñved genetek. Ur sizhunvezh ditouriñ ha dastum gwad a vo aozet
etre an 9 hag ar 14 a viz Even. Unan eus degouezhioù brasañ ar c'houlzad a vo
en Oriant, Festival Globule, e Kêr ar Bageal Eric Tabarly, d'ar Sul 14 a viz
Even, etre 11e ha 17e30. War ton an dudi e vo kinniget ar reiñ gwad: sonerezh,
c'hoarioù, arvestoù fentus a vo kinniget gant "glob'arzourien". An
titouriñ ha kizidikaat a zo ar palioù pennañ evel-just. Diskouezadegoù evit
ar vugale hag an dud vras a vo kinniget gant "Glob'expo" hag al
lec'h titouriñ "Glob'info". Ul lec'h evit reiñ e wad a vo ivez.