|
|
|
|
|
|
|
|
|
|
Lun 31 a viz Mae, niv.288 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Tud ul lestraz skoazell evit Gaza |
|
|
|
|
|
|
|
|
|
Dec'h e
oa loc'het eus Kiprenez ul lestraz c'hwec'h bag, lesanvet "Lestraz ar
Frankiz", aozet gant ar strollad Free Gaza. Warno e oa kantadoù a
stourmerien o doa c'hoant da zegas skoazell da Balestiniz strizhenn Gaza, gant
10000 tonenn a voued ha dafar a bep seurt. Abaoe 2007 e aoz Israel ur blokus
a vir ouzh Gazaiz da zegemer a bep seurt madoù evit bevañ. Embannet o doa
Israeliz ne lezfent ket ar bigi da dostaat da aodoù Gaza. Er beure-mañ ez eus
bet roet da c'houzout gant servijoù gouarnamant Israel kement ha gant keleier
Al-Jazira, e oa bet taget al lestraz gant soudarded Israel. Etre 
|
|
|
|
|
|
Barn an
energiezh dispignet: traoù a chom da cheñch |
|
|
|
M.M. |
|
|
|
|
|
Ur mennozh mat eo lakaat,
war liketennoù peg ouzh ar produoù gwerzhet, peseurt kementad energiezh a vez
dispignet ganto, evit ma c'hellfe an dud dibab diouzh an abeg-se. Met emañ an
aozadur UFC-Que Choisir o paouez embann ur studiadenn evit diskouez ez eus
traoù a-dreuz gant an dorae da lakaat se e pleustr. Da gentañ, abaoe ma'z eo
bet lakaet al liketennoù-se war ar yenerezioù pe ar c’hannerezioù, eo
aet da get ar re a veveze ar muiañ, d.l.e. ar re a veze lakaet er renkadoù
diwezhañ. Er memes mare ez eus degouezhet produoù nevez, a zo bet lakaet e
rummadoù evel A+ pe A++. Ar renk "A" zo roet d'ur produ a vevez
nebeut sañset, gant rummadoù "A" all ouzhpenn, ne dalvez ket kalz
tra ken neuze. Poent e vije neuze adsevel ar renkadur en ur zerc’hel
kont eus emdroadurioù ar produoù a vez gwerzhet. Da eil, kalz re uhel eo ar
priz da baeañ evit gallout prenañ ar re a vevez nebeut: ken ker int, ma ne
vez ket kempouezet, e-keñver an dispignoù, war an energiezh a vez espernet. Pe
neuze goude 10 vloaz a-wechoù! Dre se e vije dav ober strivoù ouzhpenn evit
broudañ an dud da vat da brenañ ar binvioù a vevez nebeut a energiezh.
|
|
|
|
|
|
Goloioù kazetennoù Breizh diskouezet
e Gwened |
|
|
|
Da welet e Ti-departamant ar Mor-Bihan, 2 straed
Sant-Tropez e Gwened. Digoust eo ha digor d’an holl. |
|
|
|
|
|
Etre an
|
|
|
|
|
|
Eil
lodenn eus kib ar bed evit ar c’hanoe-kaiak |
|
|
|
|
|
|
|
|
|
En dibenn-sizhun-mañ,
d’an
|
|
|
|
|
|
Disoc’hoù Festival Cannes 2010 |
|
||
|
|
Ar balmenn aour a zo aet
gant ur sevener eus Thailand Apichatpong Weerasethakul (skeudenn), evit e film Lung
Boonmee Raluek Chat (Uncle Boonmee Who Can Recall His Past Lives- Oncle
Boonmee celui qui se souvient de ses vies antérieures – Tonton Boonmee
a c’hall kaout soñj eus e vuhezioù kent) a vo bannet er salioù
sinema d’ar c'hentañ a viz Gwengolo er C’hwec’hkorn. Ar priz meur a zo aet gant Des
hommes et des dieux, sevenet gant Xavier Beauvois (8/09/10). Priz ar
seveniñ a zo aet gant Mathieu Amalric evit e film Tournée (30/06/10). Priz ar senario a zo aet
gant Lee Chang-dong evit Poetry (deiziad da lakaat). Priz ar juri a zo
aet gant ar film Un Homme qui crie, sevenet gant Mahamat-Saleh Haroun
(29/09/10). Ar prizioù evit an aktorien
a zo aet gant Juliette Binoche, evit ar merc’hed, gant Copie
conforme (deuet er-maez c'hoazh), ha gant Javier Bardem, gant ar film Biutiful
(20/10/10) hag Elio Germano, gant ar film La nostra vita (22/10/10), evit
ar baotred. Priz ar c’hamera aour, da lavaret eo ur priz roet
d’ur film kentañ, a zo aet gant Año Bisiesto (16/06/10) sevenet
gant Michael Rowe. Prizioù all a zo bet roet
evel-just. G.L. Evit gouzout
hiroc’h : www.festival-cannes.com Marv eo Dennis Hopper
Kendalc’het en doa da
c’hoari prezhioù liesseurt, tudennoù drouk pe iskis kentoc’h,
e-barzh filmoù doare "rumm B" (Land Of The Dead gant George
Romero) pe "Z" zoken. Se na vire ket an holl da gaout doujañs
evitañ hag e labour. G.L. Ma fell deoc'h lenn
pennadoù all savet gant hor c'henskriverez diwar-benn filmoù, c'hoarioù-video,
levrioù ha me oar me, e c'hellit mont da dañva Soubenn ar Geek. |
|
||
|
|
|
|
|
|
63vet festival sinema
Cannes a oa bet dalc’het etre an 12 hag an 
Disadorn, 29 a viz Mae, eo
aet Dennis Hopper da Anaon. 74 vloaz e oa. Kroget e oa gant e vicher aktor da
18 vloaz, gant perzhioù bihan a bep seurt. Dedennet-kenañ gant an arz dre
vras ha skeudenner barrek, e oa aet en un doare naturel war-du ar seveniñ. E
film Easy Rider a zo gwelet evel diazez "an Hollywood nevez"
bet ganet er bloavezhioù 70. Hini ebet eus e filmoù all n'en deus graet
kement a verzh.
|
|
|
|
|
|
Ar rock trouzus |
|
|
|
Er bloavezhioù 1980 e voe
savet ur bern strolladoù a rae noise rock:
The Jesus Lizard pe Swans er
Stadoù-Unanet, This Heat pe The Pop Group er
Rouantelezh-Unanet a voe e-touez ar re vrudetañ. Er bloavezhioù 1990 e kendalc’has
al luskad met disheñvel e voe penn-da-benn ar pezh a veze kinniget a bep tu d’ar
Meurvor Atlantel: rock ha punk da vat er Stadoù-Unanet (Hüsker Dü,
Pixies), padal e oa mesket gant sonerezh pop er
Rouantelezh-Unanet, hag evel-se e teuas an noise rock da vezañ sonerezh shoegaze
eno. Er bloavezhioù 2000 e
kendalc’has al luskad er Stadoù-Unanet (Lightning Bolt, Black
Dice, Liars) hag ivez e Japan, ma reas berzh (Melt
Banana ha Boredoms). A-ratozh e voe krouet neuze an
droienn saoznek japanoise. Ma n’eo ket ul luskad
brudet-kenañ ha ma’z eo ret lavarout ez eus pladennoù noise rock tost
dibosupl da selaou (Metal Music Machine gant Lou Reed da
skouer) ez eo chomet bev al luskad a-hed ar bloavezhioù, hag a-bouez eo e bed
ar sonerezh underground. R.M. Muioc’h a drouz : Er bloaz-mañ e kinniger ur wech ar miz |
|
|
|
|
|
Ar rock trouzus (peurliesañ
noise rock) a zo ul luskad sonerezh a ziorroas er bloavezhioù 1980 er
Stadoù-Unanet. Noise rock a dalvez dre vras ober sonerezh punk hag arnodiñ
war un dro. Gwrizioù al luskad a gaver eno ivez: The Velvet Underground,
The Stooges hag en Alamagn, gant ar sonerezh anvet Krautrock
(strolladoù evel Can pe Faust).
|
|
|
|
|
|
Sekred-kregin: Saladenn gant keuz
gavr |
|
|||
|
|
1.Gwalc’hiñ ar
sivi. Ober 4 damm gant pep hini. 2.Troc’hañ ar
c’horiandrez hag an tin gant ur sizailh 3.Lakaat an
tammoù sivi en ur plad saladenn ha lakaat ar c’heuz gavr tammet, an
eoul olivez, ar gwinegr, pebr ha holen ha meskañ mat. 4.Lakat an tin
hag ar c’horiandr war c’horre 5.Lakaat da
yenañ er yenerez e-pad 30 mn 6.Meskañ ar
saladenn adarre a-raok servijiñ. Riwanon 63vet skol-hañv KEAV
A-hed ar sizhunvezh e vez
ar vuhez e brezhoneg penn-da-benn, sed amañ perzh pennañ stajoù KEAV:
soubidigezh! Ouzhpenn ar c'hentelioù e vez kinniget obererezhioù a bep seurt
d’ar berzhidi: kaozeadennoù, kan, darempredoù gant tud eus ar vro,
pourmenadennoù, c’hoariva, beilhadegoù... Un doare da vont war-raok
buan-tre ha da gemer ar boaz d’ober gant ar brezhoneg a-hed an amzer. E-kerzh an div sizhunvezh e
c'hello ar stajidi heuliañ kentelioù diouzh o live, pe heuliañ kentelioù
a-ziforc’h a roio tro da vont war-raok oc’h implij ar brezhoneg:
er sizhunvezh kentañ, e c’hellint labourat war distagadur ha
fonologiezh ar brezhoneg (live 1añ), penaos sevel ur sitcom, kinniget gant
Riwal Kermareg ha Yann-Herle Gourves. En eil sizhunvezh e c’hellint deskiñ
ober gant ar video evit sevel filmoù berr, labourat war distagadur ha
fonologiezh ar brezhoneg (live 2), pe c’hoazh labourat war ar
c’hazetenniñ, kentelioù savet gant kenlabour Keit Vimp Bev. Kavet e vo
ar programmoù war lec’hienn KEAV. Evit enskrivañ e ranker
gouzout un tamm brezhoneg eta, bezañ studiet ar yezh e-pad bloaz pe zaou da
vihanañ. Evit gouzout hiroc'h : KEAV, 22 hent Mouliouen,
29000 Kemper. Lennit Bremañ Mae 2010
An teuliad zo gouestlet er miz-mañ da sonerezh
Breizh. Produerien pladennoù eus ar vro zo bodet bremañ er gevredigezh Musiques
de Bretagne. Un albom nevez-flamm zo bet savet gant Nolwenn Korbell, Noazh.
Diouzh an tu all e kinnig ar strollad Oktopus Kafe Ar vro didu, e
bladenn gentañ, gwriziennet don en hengoun. Eil pladenn ar Ramoneurs de
Menhirs zo bet lakaet e gwerzh nevez zo, ivez. O albom kentañ en doa graet
berzh. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Koumanantiñ:
50€ evit ur bloaz – 60€ evit an estrenvro – 4€
bep miz dre lamadenn. Evit gouzout hiroc'h: www.breman.org |
|
|||
|
|
|
|
|
||
En hañv-mañ e kinnigo KEAV
div sizhunvezh staj, etre ar 4 hag an 10 a viz Gouere, hag etre an 11 hag ar
17 a viz Gouere, e Lise ar Stêr Aon (Lise al Labour-Douar ha Liorzhouriezh),
e Kastellin. Distag eo an div sizhun an eil diouzh eben: bez’ e c'hell
ar stajidi dibab dont da unan anezho nemetken pe d'an div.