|
|
|
|
|
|
|
|
|
|
Meurzh 25 a viz Mae, niv.287 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Tan-gwall e Menez-Are |
|
|
|
|
|
|
|
|
|
Tan zo kroget
e Menez-Are, er Yeun Elez, disul. En un nebeud eurvezhioù e oa bet devet mil
devezh-arat a wez hag a blant. E 1996 e oa bet devet an hanter muioc'h a
dachenn. E-tro 180 pomper a oa bet galvet da zont da stourm a-enep an tan,
asambles gant 40 karr, ha div stlaperez-dour dibradet eus Gironde. Dec'h
beure e oa nebeutoc'h a bomperien dija war al lec'h, e-tro 50, ur wech
mestroniet an tan. War evezh bras int bepred koulskoude, dre m'eo kroget an
tan adarre e lec'hioù zo. Daou bomper zo bet gloazet e-kerzh o labour, hag ur
c'houblad en deus ranket kuitaat e di e-pad un toullad eurvezhioù. N'eo ket
bet kavet, evit poent, abeg an tan-gwall. Tomm ha sec'h da vat e oa an amzer
abaoe fin ar sizhun dremenet. Bannac'hoù avel gwan a oa en deizioù-mañ dre
chañs, rak dañjerus-tre e vefe bet evit kumunioù Komanna ha Boneur ma vefe
bet kreñvoc'h an avel. Betek 20m pe 50m eus tiez eo aet an tan memes tra.
Aliet ez eus bet d'an dud chom hep tostaat evit lezel ar bomperien hag an
enklaskerien da gas o labour war-raok.
|
|
|
|
|
|
Ur
c'henemglev sinet evit koadeier Kanada |
|
|
|
M.M. |
|
|
|
|
|
Keloù mat, evit ur wech, war
dachenn an endro! D'an 18 ez eus bet sinet ur c'henemglev etre aozadurioù
broadel eus Kanada (Greenpeace en o zouez), ha FPAC (Aozadur Produioù
Koadeier Kanada), evit difenn koadeg an hanternoz. 144 milion a zevezhioù
arat a goadeier a zo kaoz outo, da lâret eo div wech gorread Alamagn.
Gwarezet e vo ar goadeg, enni kirvi-erc'h (o vont da get), ha roet tro d'an
embregerezhioù da gaout o flas er c'hevezerezh memes tra w ar un dro. War
lodennoù zo eus ar c'hoadoù e ranko an embregerezhioù doujañ ouzh reolennoù
strizh-tre a denn ouzh gwarez ar c'hoadeier. War 58 milion a zevezhioù-arat e
vo dibosupl troc'hañ koad mod pe vod. Er memes tro e kendalc'ho ar
fabrikoù-heskennat da vezañ pourvezet gant koad. Kalz amzer a zo bet ezhomm
evit lakaat an holl gostezennoù a-unvouezh, bremañ e vo dav gwelet e peseurt
mod e vez lakaet an dibaboù e pleustr. Doujet e vo ivez ouzh ar poblañsoù
henvroidi. Un enseller emren, anvet gant an daou du asambles, a vo e-karg da
wiriañ al lakaat e-pleustr.
|
|
|
|
|
|
Diskouezadeg Germaine Tillion en
Oriant |
|
|
|
Digor e vez an diskouezadeg etre ar Meurzh hag ar
Sul, etre 11e ha 6e noz. Digoust. Ostel Gabriel, Kloz ar Porzh, 56100 An Oriant. Evit gouzout hiroc'h : 02 97 02 22 42 pe 02 97 21
39 32 |
|
|
|
|
|
Betek ar Sul 27 a viz Mezheven
e vo kinniget en Ostel Gabriel (e kloz ar porzh) en Oriant un diskouezadeg
diwar-benn Germaine Tillion. Ganet d'an 30 a viz Mae 1907 e Allègre
(Haute-Loire) ha marv d'an 19 a viz Ebrel 2008 e Saint-Mandé (Val-de-Marne),
Germaine Tillion a oa un etnologourez. Brudet eo ivez evit bezañ stourmet
kalz e-pad an eil brezel, hag evit he obererezhioù a-enep ar baourentez, ar
serridigezh hag ar c’hastiz a varv. Kontet e vez gant an
diskouezadeg-mañ buhez Germaine Tillion, e tri frantad. He c'hefridioù kentañ
evel etnologourez er bloavezhioù 30, en Aljeria, p'he doa studiet plas ar
merc'hed er broioù kreizdouarel. He roll er rezistañs ha pa oa bet en harlu e
Ravensbrück ha goude-se he distro da Aljeria da vare brezel an dizalc'hiezh
du-se. Ouzhpenn an diskouezadeg, e vo tu da gemer perzh en ur c'hendiviz e
skol-veur an Oriant d'ar 26, 27 ha 28 a viz Mae, diwar-benn "L’engagement
à travers la vie de Germaine Tillion."
|
|
|
|
|
|
Roland
Garros: pemzek deiz tennis war douar ruz |
|
|
|
|
|
|
|
|
|
D'ar Sul 23 a viz Mae eo kroget
an tournamant tennis milvrudet, hini Roland Garros, e Bro-C'hall. E-pad
pemzek deiz e vo gwelet ar c'hoarierien wellañ er bed o taliñ an eil ouzh
egile war douar ruz stad Roland Garros, staliet e Dor Auteil, e kornôg Pariz.
Bet ganet e 1925, an tournamant tennis-se a vez aozet bep bloaz e Pariz abaoe
1928. Unan eus ar re cheuc'hañ gant hini Wimbledon eo. Ar denniserien
vrudetañ o deus gounezet Roland Garros ur wech bennak: Max Decugis, Björn
Borg, Rafael Nadal, Gustavo Kuerten, Juan-Carlos Ferrero, René Lacoste,
Yannig Noah, Jim Courier, Justine Henin, Monica Seles pe c'hoazh Steffi
Graf... Warlene e oa aet ar maout gant Roger Federer evit ar baotred ha gant
Svetlana Kuznetsova evit ar merc'hed. Gant piv ez aio er bloaz-mañ ar milion
a euroioù a zo da c'hounit? Ar yalc'had-mañ a vo evit ar re a c'hounezo ar
gourfennoù d'ar Sadorn 5 ha d'ar Sul 6. Liesseurt a-walc'h eo perzhidi an
tournamant er bloaz-mañ, daoust ma'z eus chañs bras e vefe gwelet dreist-holl
ar re gentañ e rummadur ATP: Roger Federer, Rafael Nadal, Novak Djokovik. Pe
c'hoazh Andy Murray hag a zo bet trec'h war ar gall Richard Gasquet d'al Lun
24. Evit tourmanant ar merc'hed, e vo diaes-tre bezañ trec'h war ar
c'hoarezed Williams, Serena ha Venus!
|
|
|
|
|
|
Robin Hood (Robin des Bois) |
|
||
|
|
Rouantelezh-Unanet, Stadoù-Unanet Amerika - 2010 Seveniñ : Ridley Scott
Setu film nevez Ridley Scott, kinniget evel film
digoradur festival Cannes er bloaz-mañ. Ur meskaj etre Gladiator
(2000) ha Kingdom of Heaven (2005) eo un tamm. Emgannoù gant kezeg
filmet brav ha gant kalz a nerzh a zo e Robin Hood. Tu gwellañ ar film
a zo bezañ dibabet kontañ penaos eo deuet Robin Longstride da vezañ Robin
Hood ha n’eo ket kontañ ur wech ouzhpenn ar vojenn anavezet mat
gant an holl. Ur film dudius, a blijo d’ar re a zo troet gant filmoù
Ridley Scott peurliesañ. G.L. Ma fell deoc'h lenn
pennadoù all savet gant hor c'henskriverez diwar-benn filmoù,
c'hoarioù-video, levrioù ha me oar me, e c'hellit mont da dañva Soubenn ar Geek. |
|
||
|
|
|
|
|
|
Marv eo Richarzh Kalon Leon, roue Bro-Saoz, e
Normandi. Robin Longstride a zo bet test ha karget eo da adkas e gurunenn da
Vro-Saoz. Erruet en e vro e verzo ez eus a bep seurt itrikoù, dre m’eo
divarrek Yann Dizouar da ren. Mont a raio Robin Longstride da Nottingham
ivez, e lec’h ma ranko chom en desped dezhañ...
|
|
|
|
|
|
Art Rock e Sant-Brieg |
|
|
|
Div sonadeg mat-tre, ha
disheñvel penn-da-benn a zo bet kinniget disul da noz. Gant The Go! Team
o deus gellet an arvesterien kaout un tañva eus an holl (pe dost) seurtoù
sonerezh amplaet bet ijinet en 40 vloaz tremenet. C'hwec'h den a zo er
strollad, ha marteze div pe deir gwech muioc'h a levezonioù disheñvel: hip
hop, sonerezh bubblegum pop, country, trouz e doare Sonic Youth, ar strollad
en deus diskouezet e anaveze e c'heriadur sonerezh hag e oa gouest da ginnig
ur sonadeg leun a startijenn. Da-heul ar Vreizhveuriz
dichadennet ez eo degouezhet Jacques Dutronc war al leurenn.
Souezhadenn ebet, n'en deus ton nevez ebet da ginnig, met ne reer forzh, rak
deuet e oa an holl evit selaou e donioù hengounel dezhañ, ha sed ar pezh a zo
bet, eus Et moi et moi et moi betek Les cactus pe c'hoazh La
fille du père Noel. En holl un eurvezh hanter a sonerezh gant an dandy
gall bepred gwisket e lêr hag e du. Gant an oad e tenn muioc'h-mui Dutronc da
Iggy Pop ha daoust ma c'hall seblantout bezañ un torfed e Breizh n'en deus
evet nemet dour war al leurenn. R.M. An Gerlyver Meur
Kresket da vat eo bet
danvez al levr gant gerioù nevez, lod bet dizoloet nevez zo en un dornskrid
kozh bet kavet e 1999: Bywnans Ke (Buhez Ke). Gerioù evel kedhlow
(keloù, lavaret keheloù e Kreiz-Breizh, quehezlou e
krennvrezhoneg). Da heul an darn vrasañ eus ar gerioù e kaver an distagadur,
ar ster e saozneg, ar vammenn, ha dave d’ar brezhoneg ha d’ar
c’hembraeg. A geriadur
kerneveureg-saozneg, saozneg-kerneveureg zo bet embannet gant Kesva an Taves
Kernewek, The Cornish Language Board; 940 pajenn ha 22000 ger
ac’h a d’hen ober. Priz: 30 lur sterling. Ronan Tremel Evit
deskiñ kerneveureg : arnodennoù a vo e Breizh. Dre skrid, d’an 12
a viz Mezheven. Titouroù : Eostiñ Spered ar Yezh, pgz 02 96 45 94 38. |
|
|
|
|
|
Fonnus e oa programm ar festival
er bloaz-mañ, diaes neuze tapout e pep lec'h. E-touez ar sonadegoù gwellañ
(daoust ma c'haller lenn amañ hag ahont n'eo ket bet plijet an holl) eo bet
hini Air
Evit an dud a gav dudi er
yezhoù keltiek, ha predenek dreist-holl, ez eo embannadur An Gerlyver Meur
(Ar Geriadur Meur) un darvoud. Kaset eo bet ar raktres da benn gant ur
strollad lusket gant an doktor Ken George.
|
|
|
|
|
|
Sekred-kregin: Rarebit kembreat |
|
|||
|
|
1.Lakaat an tammoù bara
dous da rouzañ en ur billig gant an amann. Dizruañ war baper. 2.Rasklañ ar cheddar ha
lakaat en ur gastellodenn gant ar sezv hag ar bier. Tommañ ha dreist-holl
kenderc’hel da veskañ betek ma vo dibolos ar chaos. 3.Meskañ gant ur melen vi e
diavaez an tan, lakaat hervez ar c’hoant pebr Cayenne. 4.Lakaat an tammoù bara war ur blakenn hag ar
chaos war-c’horre pep tamm ha lakaat er forn da rouzañ e-pad 2
vunutenn. 5.Debriñ tomm gant ur banne bier. Riwanon Gourfenn Skrivadeg 2010
Roll al loreidi CE: 1.Angèle Boisard (Pariz),
2.Manuel Bodenes (Brest), 3.Youenn Labat (Brest) CM: 1.Alexandre Hobbins (loreet
e Plouha), 2.Kylyan Berrigaud (An Oriant), 3.Sterenn Korr (ar
Releg-Kerhuon) Skolaj: 1.Alan Lefeuvre
(Plouganou), 2.Malo Kastell (Plougastell), 3.Trestan Creignou (ar
Releg-Kerhuon) Lise: 1.Pablo Bizien (loreet e
Brest), 2.Clément Guillanton (Kerc’hfaou) Oadourien live 1: 1.Aude
Saudrais (Reudied), 2.Réjane Riant (Roazhon) Oadourien live 2:
1.Christine Le Bihan (Roazhon), 2.Anne Prigent (Brest), 3.Pierre Gwezenneg
(Brest) Oadourien live 3:
1.Thomas Lannuzel (Naoned) 2.Véronique Rivoaland-Morin (Gras-Gwengamp)
3.Anaïs Le Roux (Sant-Nazer) Oadourien live uhelañ: 1.Olier
Biguet (Naoned), 2.Sarah Chedifer (An Dre Nevez), 3.Iwan ar Fur (Naoned) Pellgargañ ar skrid a c'heller ober amañ. Lennit Bremañ Mae 2010
An teuliad zo gouestlet er miz-mañ da sonerezh
Breizh. Produerien pladennoù eus ar vro zo bodet bremañ er gevredigezh Musiques
de Bretagne. Un albom nevez-flamm zo bet savet gant Nolwenn Korbell, Noazh.
Diouzh an tu all e kinnig ar strollad Oktopus Kafe Ar vro didu, e
bladenn gentañ, gwriziennet don en hengoun. Eil pladenn ar Ramoneurs de
Menhirs zo bet lakaet e gwerzh nevez zo, ivez. O albom kentañ en doa graet
berzh. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E gwerzh
er stalioù-levrioù a ginnig danvez Breizh, pe dre goumanant. Koumanantiñ:
50€ evit ur bloaz – 60€ evit an estrenvro – 4€
bep miz dre lamadenn. Evit gouzout hiroc'h: www.breman.org |
|
|||
|
|
|
|
|
||
