|
|
|
|
|
|
|
|
|
|
Lun 3 a viz Ebrel,
niv.94 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Kannaded
an UMP a bleustro war ar CPE |
|
|
|
Dimeurzh
e vo un devezh stourm adarre gant ar sindikadoù. Spi o deus
an aozerien da vodañ e straedoù
kêrioù ar C'hec'hkorn kement a dud hag er sizhun
dremenet, da lâret eo etre |
|
|
|
|
|
Emglevioù zo bet gant ar
sindikadoù : kannaded an UMP a ranko kinnig un danvez lezenn
a-benn kemm ar CPE (Kevrat Implij Kentañ). Gant ar prezidant
Jacques Chirac eo bet karget prezidanted ar strollad UMP er Vodadenn
Vroadel hag er Sened da sevel an destenn-se. Daou boent a bouez a fell
d'ar sindikadoù gwelet cheñchet : ar "prantad
esae" daou vloaz hag ar gwir evit an implijer da skarzhañ an
dud hep reiñ displegadenn ebet. Prezidant strollad an UMP er
Vodadenn Vroadel, Bernard Accoyer, en deus disklêriet ne vefe
ket prest an danvez-lezenn a-raok penn-kentañ miz Mae. Met
goulennet en deus prezidant ar Vodadenn, Jean-Louis Debré, e
vefe savet an danvez-lezenn-se a-benn un dek devezh bennak.
|
|
|
|
|
|
Ar
gouennoù kozh o vont da netra |
|
|
|
Morwena Audic F.A.O.:
Food and Agriculture Organization (aozadur an ABU evit ar boued hag al
labour-douar). www.chez.com/ferm
(lec’hienn ar F.E.R.M.E) |
|
|
|
|
|
Gant an nevezhañv e welomp er
pradoù mennoù bihan, oaned a denera hor
c’halon pe leueioù o tenañ o
mammoù. Hag heñvel-vi eo pep oan ouzh un oan all,
evit ar re n’emaint ket war ar vicher. Padal ez eus a bep
seurt gouennoù loened doñv savet dre forzh
strivoù an dud abaoe penn kentañ al labour-douar,
pe e oa gouennoù a bep seurt pa lâran mat. Hervez
ar F.A.O. ez eus
|
|
|
|
|
|
Arzoù
a bep seurt e foar vras Naoned |
|
|
|
Deus
ar 7 d’ar 17 e vo div gompagnunezh arzoù straed
"Les Enolifleurs" ha "Compagnie Cosmos" o kantreal en
alezioù ar stalioù evit brasañ
plijadur ar weladennerien. Ne vo ket disoñjet ar vugale gant
Macadam compagnie hag o "manej legumaj" : ur doare
"kezeg-koad" mod nevez evit reiñ d’ar
c’hrouadurioù ur sell disheñvel war al
legumaj. Deus
ar 7 d’an 13 e vo posupl dizoleiñ "Les arts en
liberté", diskouezadeg vloaziek ar gevredigezh "Les amis de
l’art" : 20 arzour (kizellerien, arzourien blastek
ha livourien) a vo o kinnig o oberennoù nevez, hag o freder.
Un doare evito da ziskouez e c’hell an arz bezañ
eztaolet en ur mod dieub e lec’hioù divoaz ha da
dud digustum. Hag
er savadur 4 e vo an "Espace Culturel de Bretagne" o kinnig un
diskouezadeg livadurioù,
luc’hskeudennoù ha kizelladurioù,
krouet gant arzourien ar vro ha bodet gant ar
c’hevredigezhioù Spered Kelt ha Poellgor an Tarv. A bep seurt emgavioù all a vo ivez evel ur c’hinnig gizioù diazezet war ar bleunioù, ur gizelladenn skorn savet dirak ar sellerien, pe c’hoazh un diskouezadeg fotoioù "Ar 4 amzer."
Hoel Louarn Evit
gouzout hiroc’h : http://www.foire-nantes.com |
|
|
|
|
|
E diskouezadeg hollek Naoned e
|
|
|
|
|
|
Euskariz
Biarritz e hanter-gourfenn Kib rugbi Europa |
|
|
|
C'hoari
a raio ar Biarritz Olympique a-enep Saozon adarre, skipailh Bath, e
Stad Anoeta e Donostia. An hanter-gourfenn all a vo etre daou skipailh
Iwerzhoniz, re Leinster ha re Munster. Ar c'hrogad a vo graet e stad
Lansdowne Road e Dulenn. |
|
|
|
|
|
Trec'h eo bet skipailh Biarritz Olympique dec'h
war Saozon skipailh "Sharks" Sale, e Donostia (San Sebastian) (11-6).
Deuet eo buan ar poentoù evit strollad an Euskariz gant o 11
poent tapet en hanterenn gentañ ar c'hrogad (3 foent a oa
neuze gant ar Saozon). Daoust d'un toullad kudennoù (kabiten
skipailh Euskadi en deus ranket mont er-maez e-pad tost un eurvezh en
abeg da gudennoù kigennoù) n'o deus ket gellet ar
Saozon adtapout trawalc'h a boentoù en eil lodenn eus ar
c'hrogad. Daou boent zo bet gounezet ganto memes tra, pemp munutenn
a-raok fin an abadenn. Evit an trede gwech diouzh renk e teu a-benn tud
Biarritz da vont betek hanter-gourfen Kib rubgi Europa.
|
|
|
|
|
|
Renaissance |
|
|
|
Frañs
- 2006
Ouzhpenn
un istor polis ha skiantel dedennus ha dudius eo Renaissance.
Ur film gant un aergelc’h spontus, gant skeudennoù
niverel e gwenn ha du penn-da-benn brav-tre eo ivez, ur wech kustum
dezho. Gant sistem ar motion capture (implijet ivez
e-barzh Sin City, pe filmoù
diwezhañ Peter Jackson da skouer) eo bet savet ar film, tud
vev eo o deus c’hoariet ha sikouret neuze da sevel
skeudennoù ha fiñvoù gwirvoudel gant
gwiskamantoù a-ratozh. Emañ
Bro-C’hall o klask implij he donezon evit ar
c’hoarioù videoù a-benn sevel
filmoù ha plijus a-walc’h eo an disoc’h.
Plijusoc’h c’hoazh eo merzout pegen levezonet eo ar
metoù-se gant filmoù evel Akira
pe Ghost in the Shell.
G.L. Evit
gouzout hiroc’h : http://www.renaissance-lefilm.com/accueil.htm |
|
|
|
|
|
Pariz, 2054. Skrapet eo ar skiantourez yaouank
Ilona Tasuiev a labour evit an embregerezh Avalon a glask mirout an dud
diouzh ar gozhni. Goulenn 'ra rener bras Avalon digant ar poliser Karas
ober war-dro an afer-se. Met n’emañ ket e-unan o
klask war-lerc’h Ilona... Rak un dizoloadenn spontus he deus
graet a c’hallfe cheñch amzer da zont mab-den, ar
protokol “Renaissance”.
|
|
|
|
|
|
Art
Rock 2- |
|
|
|
D’ar
Sadorn 3, rock da vat gant Yeah Yeah Yeahs, The Rakes (skeudenn), dEUS,
Happy Mondays, hag eil derez e-leizh gant Katerine ha Jacno. Ar
Sul R.M. Muioc’h
a ditouroù : http://www.artrock.org/ |
|
|
|
|
|
O paouez dont er-maez emañ programm
Art Rock 2006. Evit an 23e gwech e vo aozet ar gouel-se e Sant-Brieg.
Ma n’eo ket peurglok c’hoazh, ez eus peadra da
vezañ laouen pa weler an anvioù kinniget.
D’ar Gwener 2 e vo dedennus mont da selaou The Black Heart
Procession, ur strollad amerikan a ra sonerezh heñvel ouzh
hini Tindersticks. Menegomp ivez Goran Bregovic ha Fun Lovin’
Criminals.
|
|
|
|
|
|
"Plac’h
dispar" Sina he deus ezhomm sikour… |
|
|
|
Marteze
e vo ar "plac’h dispar" nemeti. Melestradurezh Stad ar
radioioù, filmoù ha chadennoù tele he
deus divizet e vefe reolennoù nevez d’an
abadennoù evel-se. Er reolennoù nevez e lenner ez
eo ret "sikour da sevel ur gevredigezh sokialour kenson, chom
hep reiñ talvoudegezh d’ar pezh a
c’heller gounit ha chom hep ober "steredennoù" eus
an dud". Kement-mañ, ma ne lak ket an abadenn da
vervel, a cheñcho he stil da nebeutañ. Met
perak degas ar cheñchamantoù-se ? Lod a
skriv war an Internet e rofe seurt abadennoù
c’hoant d’an dud da reiñ o
soñj aliesoc’h. Lod all a soñj dezho ne
oa ket skouerius a-walc’h an dud a oa bet dalc’het
evit ar genstrivadeg. Lod a soñj dezho c’hoazh e
veze graet kevezerezh gant an abadenn d’unan all savet gant
ar stad war ar memes patrom. Nemet e oa kalz bleupoc’h ha ne
rae ket berzh… Katell Leon |
|
|
|
|
|
Er Stadoù-Unanet ez eus un abadenn
dele a ya mat-kenañ en-dro : Idol
hec’h anv. E Sina, gant produerien laezh, e oa bet savet war
ar memes patrom Mongolian Cow Sour Yogurt Super
Girl’s voice ("Mouezh Plac’h Dispar
yaourt trenk saout Mongolia"). Ur berzh digredus : 400 milion
a dud o doa sellet ouzh ar gourfenn e 2005. Hag ur votadeg divent dre
sms a roas ar maout da Li Yuchun, ur plac’h a gane evel ur
paotr hag a oa gwisket gant dilhad par da re Mick Jagger !