|
|
|
|
|
|
|
|
|
|
Lun 22 a viz C'hwevrer, niv.274 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
6
vloaz eo Bremaik ! |
|
|
|
Evel alies pa vez intrudu gant bed ar brezhoneg,
emañ al labour a-youl vat e-kreiz ar jeu. Al lec'hienn zo bet savet gant ur
grafour a-youl vat, bodet ez eus bet kenskriverien evit magañ ar rubrikennoù
a sizhun da sizhun, adlennet ha difaziet e vez ar skridoù a-youl vat ivez...
Lod eus ar genskriverien a sav pennadoù bep sizhun pe dost abaoe 6 vloaz, lod
all o deus labouret ingal bep sizhun e-pad ur bloaz, daou vloaz, tri bloaz...
ha lod all c'hoazh o deus sikouret da ginnig muioc'h c'hoazh a bennadoù
liesseurt en ur gas pennadoù ingal pe ingaloc'h. Setu an disoc'h: 273 niverenn embannet, da lâret eo
e-tro 1900 pennad brezhonek bet embannet abaoe miz C'hwevrer 2004. Ouzhpenn
300 den a lenn ar gelaouenn bep sizhun, da lâret eo 1000 lenner ar miz abaoe
6 vloaz. Ar pezh a dalvez ez eo bet lennet Bremaik e-tro 72000
gwech! Trugarez deoc'h holl neuze lennerien ger. Evit lidañ 6 vloaz ar
gelaouenn odeus ar genskriverien a-youl vat kas muioc'h a bennadoù en
taol-mañ. Ma vefe peg ennoc'h-c'hwi, lennerien feal, ar c'hoant
da ginnig keleier berr, e brezhoneg, diwar-benn un danvez a blij deoc'h kalz,
e viot degemeret gant ar skipailh gant plijadur! Er mizioù da zont hon eus spi bras da zont a-benn da
ginnig al lec'hienn en un doare nevez, a-benn aesaat al lenn, freskaat ar
c'hinnig, ha kaout un doare efedus da furchal en dielloù. Gant ar spi e vo
dedennet muioc'h c'hoazh a dud da lenn Bremaik ingal! Sikour a c’hellit en ur adkas liamm Bremaik
d’ur mignon bennak da skouer. Ra vo kalz a niverennoù all gant Bremaik! |
|
|
|
|
|
D'an 23 a viz C'hwevrer 2004 e oa bet roet lañs d'ar
gelaouenn vrezhonek sizhuniek war Internet Bremaik. Diwar atiz
skipailh Bremañ ha Skol an Emsav, e oa deuet ar mennozh kinnig keleier
war ar genrouedad, gant ul lusk hag ur stumm disheñvel diouzh ar pezh a veze
kinniget war baper. Pennadoù berr, keleier liesseurt, troet un tamm war an
dudi dre vras (sinema, sonerezh, sportoù), war ar vuhez pemdez (endro,
rekipeoù)... Reiñ un tu da lenn brezhoneg ingal, da dud n'int ket boas d'ober
zoken (tud o teskiñ ar yezh pe o vevañ pell diouzh ar vro), digoust, a zo lod
eus palioù pennañ Bremaik.
|
|
|
|
|
|
Endro ha
politikerezh |
|
|
|
A-hed ar pennadoù, n'eus ket bet kavet alies keleier
diwar-benn ar yec'hed, a gaver koulskoude liammet gant hini an endro e
lec'hioù all. N'eus ket bet kennebeut kalz bruderezh evit produoù pe
teknologiezhioù nevez a vefe sañset saveteiñ ar blanedenn. An nebeutañ posupl
ez eus bet klasket reiñ kentelioù d'al lennerien, lâret dezho ar pezh o deus
d'ober, pe kinnig peseurt produoù bio a vo diouzh ar c'hiz evit Nedeleg. Er
c'hontrol ez eus bet kaoz eus prosezioù, lod anezhe o vezañ heuliet war
hirdermen (brezel al linad, prosezioù ar falc'herien, hini ar rezin...). Kaoz
ez eus bet ivez eus al lezennoù a veze studiet, hag alioù pep hini war ar
re-se. Alies eo bet meneget stourmoù ar poblañsoù a-enep da embregerezhioù pe
lobbyoù bras, o klask reiñ kement a bouez d'o arguzennoù politikel ha d'an
arguzennoù o tennañ d’an endro. Ar pal a oa neuze kinnig danvez an
endro el liammoù en deus gant ar politikerezh, ha n'eo ket gant ar beveziñ. Kompren an endro asambles gant ar politikerezh, sed
aze ar skoulm a liamm an holl dibaboù a vez graet evit danvez ar pennadoù. Re
alies e vez kinniget ar c'hudennoù ekologel evel pa vefent distag diouzh
kudennoù all, hag evel pa c'hellfent bezañ diskoulmet diouzh o zu, o kemm un
tammig doareoù da broduiñ pe da veveziñ. Amañ, er c'hontrol, e vez lâret eo
ar c'hudennoù-mañ kentoc'h un heuliad eus dibaboù politikel, ha n'hallont ket
bezañ renket hep kemer e kont hollad ar mennozhioù politikel a vez liammet
outo. Setu perak, pa vez kinniget kudenn an Organoù o Genoù Kemmet, da
skouer, ne vez ket kaoz eus arguzennoù a denn d’ar yec'hed, met
kentoc'h d’ur goulenn ledanoc'h: petra soñjal eus ar berc'hentiezh a
vez roet d'an embregerezhioù war ar boudoù bev, hag an disoc'hoù stag ouzh
kement-mañ? Daoust hag-eñ eo ur mont en-dro yac'h ma teu al labourerien-douar
da vezañ e-dalc'h an embregerezhioù greun, gant ar berc'hentiezh o deus war
ar spesadoù, hag ar redi da brenañ ar greun en-dro bep bloaz? Ar goulenn-mañ
n'eo nemet ur skouer. Met gallout a ra bezañ lakaet e pleustr war tachennoù
all. Ha setu, a-benn ar fin, e-keit-se, pa ginnigen ur
"gudenn ekologel", e klasken bountañ davet ar goulenn: "Ouzh
peseurt dibaboù politikel eo liammet ar gudenn-mañ? Peseurt aozadur
ekonomikel a zo kaoz eus ar saotradur? Ma vezan a-du gant an arguzennoù o
tennañ d'an endro, petra eo ret din degemer e memes tro war an dachenn
bolitikel?" Ar c'hudennoù ekologel ne savont ket dindan n'eus forzh
peseurt aozadur politikel. Setu eo dav deomp kemer e kont n'hallont ket bezañ
komprenet ma vezont distaget diouzh an endro politikel a lak anezho da sevel. M.M. Evit
mont donoc'h gant an danvez e c'hellit lenn ur pennad gallek savet ganin: |
|
|
|
|
|
Abaoe 3 bloaz hanter zo bremañ e skrivan pennadoù diwar-benn
an endro e-barzh Bremaik. Evit deiz-ha-bloaz ar gelaouenn e
klaskin kinnig petra eo an dro-spered a vez heuliet a-hed ar pennadoù. Merzet
ho po moarvat e vez klasket kinnig e-barzh Bremaik keleier
disheñvel diouzh ar re a c'heller kavout dija e-barzh kazetennoù bras pa vez
kaoz eus an endro. Petra eo an diforc'h, hag eus pelec'h e teu?
|
|
|
|
|
|
Lidoù evit enoriñ Youenn Gwernig |
|
|
|
Meur a abadenn all a heulio, e-kerzh miz Mae evit an
darn vrasañ, da vare Gouel Erwan. Kendivizoù, sonadegoù a vo, ha bannet e vo
daou film ivez, sevenet gant Jean-Charles Huitorel, Youenn Vras ha Gant
Youenn, d'ar 15 a viz Mae, da skouer. Evit
gouzout hiroc'h: www.mjc-marelle.fr |
|
|
|
|
|
Gant MJC La Marelle Skaer e vo boulc'het d'ar Sadorn
6 a viz Meurzh ur rummad abadennoù evit enoriñ Youenn Gwernig. Barzh, kaner,
soner, livour, kizeller, labouret gantañ en tele, krouet en deus dre ar
brezhoneg, saozneg, galleg... Klask a raio al lidoù "Youenn Gwernig:
la Grande Tribu" (ar meuriad bras) diskouez an hêrezh lezet gantañ
war dachenn an arzoù. Boulc'het e vo prantad enoriñ Gwernig gant ur sonadeg,
d'ar Sadorn 6 a viz Meurzh, e Leurenn Youenn Gwernig Skaer. Laz-kanañ
Penn-ar-Bed eo a ginnigo tonioù e koun an arzour, aet da Anaon e 2006.
Dibaboù sonerezh tennet diwar ar bladenn Deiz al lid a vo sonet
dreist-holl. 15 vloaz ar gevredigezh Mervent a vo lidet war memes tro.
|
|
|
|
|
|
R2
mell-droad: derby Gwengamp-Brest difrouezh |
|
|
|
Vancouver
2010: aour Super-G ar merc'hed gant Aostria adarre
Kenstrivadeg ar "Super-G" (pe Super Giant
Slalom) zo unan diazezet war an tizh hag ar barregezhioù teknik. N'hell ar
genstriverien ober nemet sellet pizh ouzh an hent a-raok an abadenn. Ouzhpenn
an tizh e rankont neuze talañ war ar prim ouzh diaesterioù an dachenn. |
|
|
|
|
|
Daoust d'an disoc'h etre daou, ne oa ket memes blaz
gantañ a bep tu eus an dachenn. Kenderc'hel a ra Gwengampiz da vezañ dipitet
gant ar pemvet krogad diouzh renk echuet a-rampo war o zachenn. Diouzh o zu
Brestiz a oa tresoù laouenoc'h ganto, an hent war-du ar R1 o tigeriñ a grogad
da grogad. An 11vet krogad diouzh renk gant un disoc'h mat evit Brestiz e oa
(8 trec'h, tri a-rampo). Kement-se daoust da Wengampiz bezañ aozet muioc'h a
zigarezioù palañ e-kerzh an abadenn dec'h, e stad ar Roudourou. En hanterenn
gentañ eo bet paotred Treger o klask ren war ar jeu. D'an 22vet munutenn,
siwazh, e c'hwitas an argader Scarpelli un digarez merkañ eus ar re vravañ.
Poan o deus bet Gwengampiz da c'houde da adkavout kement a youl, daoust dezho
bezañ lakaet ar vell da vont ha da dont gant startijenn e-kerzh ar bartienn.
Un eil digarez palañ c'hwitet ganto d'ar 84vet munut. Paotred Bro-Leon o deus
klasket lakaat bec'h war Gwengampiz en eil prantad, harpet gant suporterien
deuet niverus. Daou zigarez palañ brav a-walc'h o deus gellet aozañ e-kerzh an
eil hanterenn (gant Grougi hag Autret). Chomet eo solut an difenn ha setu
Stad Brest eil (goude Caen) war e renkadur er R2. Gwengamp, er c'hontrol zo
el lodenn izelañ, dres a-raok Istres ha Bastia, ar re ziwezhañ.
Disadorn e oa bet aozet abadenn ar Super-G evit ar
merc'hed, evit C'hoarioù Olimpek Vancouver, e Whistler. Un hentad direbech he
deus graet Andrea Fischbacher (skeudenn), an Aostrianez 24 bloaz, en 1'20"14. Deuet
eo a-benn da dremen dreist Tina Maze (Slovenia) ha Lindsey Vonn
(Stadoù-Unanet Amerika). Houmañ a glaske tapout un eil medalenn aour, da heul
hini ar ski diskenn. Deuet eo a-benn Fischbacher da ziskenn an hent, gant
plegoù naet ha frank. He c’henstriverezed o deus int graet fazioù er c'hammdroioù
dreist-holl, just a-walc'h. Medalenn olimpek kentañ an Aostrianez eo. Ganti e
chom medalenn olimpek aour ar Super-G en Aostria. Pevar bloaz zo e oa aet ar
maout gant Michaela Dorfmeister, e C'hoarioù Turin.
|
|
|
|
|
|
|
Ur César pe un Oscar a yelo
ganeoc'h? |
|
|
|
Al lid gall Césars a vo d’ar 27 a viz
C’hwevrer hag hini an Academy Awards (pe Oscar) a vo lidet
d’ar 7 a viz Meurzh. Er C’hwec’hkorn ez eus un toullad filmoù
disheñvel war listenn an danvez-loreidi, Un prophète gant Jacques
Audiard avat, eo an hini a zo meneget ar muiañ. Er Stadoù-Unanet ez eus daou film rampo: Avatar
gant James Cameron ha The Hurt Locker (Démineurs e Frañs) gant
Kathryn Bigelow (bet dimezet gant James Cameron), meneget 9 gwech pep hini. Un
prophète a zo e rann ar filmoù estren, kenkoulz ha Das Weisse Band
ivez. Brendan ha sekred Kells a zo bet anvet e rann ar filmoù bevaat. Evel-just e c’hall souezhadennoù a bep seurt
c’hoarvezout. Chomomp war evezh evit gwelet pere e vo an disoc’hoù
er sizhunvezhioù a zeu ! G.L. The Lovely Bones (Lovely Bones) Seveniñ
: Peter Jackson Stadoù-Unanet
Amerika, Rouantelezh Unanet, Zeland Nevez – 2009
Savet diwar romant Alice Sebold (La Nostalgie de
l’Ange e galleg) eo ar film-mañ. Ar wech kentañ da Beter Jackson
filmañ er Stadoù-Unanet ha n’eo ket e Zeland-Nevez. Ur film iskis, pell
diouzh meurded The Lord of the Rings (2001, 2002, 2003),
heñveloc’h ouzh Heavenly Creatures (1996) da skouer. Ur film start ha barzhoniel eo, diwar-benn ar
c’hañv. Ur bagad aktored dispar a zo, hag un endro bloavezhioù 70
eztaolet mat. An efedoù ispisial hag ar bed "hanter-hent" a zo an
diaesañ da zegemer marteze. Ur santad "krennard" plijus, fromus ha
gwirheñvel a zo gant dezrevell Susie. Ur film a seblanto eeunik ha dipitus da
lod, hag un dro gaer leun a ijin hag a gizidigezh a-berzh Peter Jackson da
lod all. G.L. The Wolfman Stadoù-Unanet
– 2008 Seveniñ:
Joe Johnston Difennet
d’ar re dindan 12 vloaz
Ul loen gouez a zo e-barzh pep den, setu moarvat
talvoudegezh pennañ mojenn an den-bleiz. C’hoari a ra war-se The
Wolfman, dre ret, met, estreget an darempred etre an tad hag ar mab a vez
kinniget en un doare dedennus, n’ez a ket pell a-walc’h an
abadenn war loenelezh an eil tudennoù na war roll ar reizhelezh en istor. Un
elfenn greiz eo ar c’hoar gaer er senario koulskoude met, petra reot,
ur produ hollywoodian ez eo. An aktor mat eo Benicio Del Toro evit enkorfañ
un den a stourm ouzh al loen a zo ennañ; daoust hag an aktor mat eo evit reiñ
korf d'un denjentil saoz avat? Evit
gouzout hiroc’h : http://www.thewolfmanmovie.com/ |
|
|
|
|
|
|
|
Setu-ni o tizhout dibenn miz C’hwevrer ha deroù
miz Meurzh: mare ar prizioù e bed ar sinema!
14 vloaz e oa Susie Salmon pa oa bet drouklazhet gant
un amezeg. N’he deus ket c’hoant dilezel he bed, he familh na
lezel he muntrer dinec’h ha digastiz. Evel un ael mirer e klask heuliañ
a dost ar pezh a c’hoarvez gant ar re vev, du-hont, ha hi hanter hent
etre buhez ha marv. 
Ul lizher enkrezus en deus resevet an aktor Lawrence
Talbot
|
|
|
|
|
|
Ar sonerezh elektronek |
|
|
|
Er bloavezhioù 1970 e tiwanas da
vat al luskad elektronek, a-drugarez da gKraftwerk (skeudenn) ha d'un
nebeud strolladoù alaman all evel Can, Neu! pe DAF. E
dibenn ar bloavezhioù-se hag e penn-kentañ ar bloavezhioù 1980 e teuas da
vezañ elektronek ha pop war un dro. Niverus e voe ar strolladoù sonerezh
breizhveuriat a implijas anezhañ: New Order, Depeche Mode, Pet
Shop Boys, Eurythmics... Diorroet e voe da vat er
bloavezhioù 1980 ha 1990 pa voe ijinet ar sonerezh house e Chicago hag ar
sonerezh tekno e Detroit. Berzh a reas da vat er bloavezhioù 2000, hag an dud
a veze boas da selaou sonerezh rock nemetken zoken a grogas da selaou tonioù
elektronek. Ar C'hallaoued ivez a zeuas a-benn da vezañ brudet er bed a-bezh:
Daft Punk, Laurent Garnier. Hiziv an deiz ez eo ken diorroet
ar sonerezh elektronek ken e c'hall Yann Selaouer dibab etre nouspet doare:
sonerezh elektronek bihanañ, IDM (intelligent dance music), elektronika,
hard-core hag all. R.M. Muioc'h a sonerezh elektronek : Er bloaz-mañ e kinniger ur wech ar miz ul luskad a-bouez en istor ar sonerezh amplaet |
|
|
|
|
|
Hiziv an deiz ez eo anavezet ar
sonerezh elektronek gant an holl. Implijet e vez kalz, dreist-holl e bed ar
bruderezh. 
"Distro piv?" emaoc'h o soñjal en ur lenn
titl ar pennadig-skrid-mañ. Koulskoude, kerkent ha silet ha chuchuet betek
ennoc'h Smooth Operator, Sweetest Taboo, Is it a Crime?
pe No ordinary Love e ouioc'h diouzhtu ez eus anv eus kanaouennoù kozh
Sade.
Abaoe 40 vloaz e labour izili Skoazell Vreizh evit
harpañ an holl stourmerien bolitikel pe sevenadurel eus ar vro, hag o
familhoù, lakaet diaes ha gwallgaset gwechoù zo, gant gwikefre justis ar Stad
c'hall. N'eo ket Skoazell Vreizh ur benveg politikel: pal ar jeu zo bezañ
kengret gant ar re o deus dibabet stourm en ur mod pe unan all evit ma vefe
anavezet gwirioù ar Vretoned evel pobl. Ur skoazell psikologel a zo degaset
evel-se evel-just, met pleustrek eo da gentañ-penn: lakaat an dud e darempred
gant breutaerien, sikour e-keñver arc'hant diouzh ret, harp e aozañ ar vuhez
pa vez unan bennak toullbac'het... Gant youl ha gwenneien ar Vretoned o-unan
e teu a-benn Skoazell Vreizh da gas e gefridi da benn.
|
|
|
|
|
|
|
Kouignoù kerneveurat |
|
|
|
Danvez: 4
zasad bleud gwinizh – 1 tasad sukr poultr – 100g amann – ur
banne laezh Meskañ an
amann gant ar bleud hag ar sukr. Lakaat ur
banne laezh hervez an ezhomm. Pladañ an
toaz fin a-walc’h ha troc’hañ rontoù gant ur werenn. Lakaat da boazhañ er forn e-pad 15-20 munutenn tan
etre. Riwanon Deizioù
en Oriant: ar c’heginerezh enoret
Evit gouzout hiroc'h ha kaout programm klok an
Deizioù: Freskennad-tud evit Breizh unvan e
Naoned
E porzh Naoned, tal-kichen an Hangar à bananes, da
2e goude-kreisteiz, eo bet lakaet an emgav. Ar pal zo sevel ur bras a
freskennad-tud, gant kantadoù a berzhidi, muioc'h zoken m'eo posupl. Ur
skeudenn a vo tapet neuze eus an uhel a-benn brudañ stourm adunvanidigezh
Breizh en un doare dic'hortoz ha dreistordinal. Un digor-kalon "apero-mix" a vo kinniget
hag ur sonadeg da c'houde, digoust, gant strolladoù hag arzourien eus Roazhon
ha Naoned dreist-holl. Evit gouzout hiroc'h : http://fresquehumainereunification.wordpress.com Skrivadeg 2010: d'ar 6 a viz Meurzh!
Sed amañ da heul roll an aozadurioù a gemero perzh ar
Skrivadeg, ha pelec'h. Kit e darempred ganto buan evit lakaat hoc’h anv
!
Sked: 02
98 80 26 71 / sked.breizh@free.fr DOUARNENEZ Ti ar Vro
Kemper: 02 98 90 73 43 / david.tiarvro@orange.fr GWERZHAV
(Bro Naoned) Kentelioù
an Noz: 02 40 20 39 74 / kann@netcourrier.com LANDIVIZIO KLT: 02
98 63 98 79 / klt@wandoo.fr LANNARSTÊR Emglev
Bro an Oriant: 02 97 21 37 05 / 02 97 21 69 75 / emglev.bro.an.oriant@cegetel.net AN OSPITAL Ar Froud
Birvidik & Bugale Amañ: 02 29 62 89 47 / divyezhbrodaoulaz@gmail.com
/ 7mimoza@wanadoo.fr / fr.kermarec@wanadoo.fr PARIZ Ti ar Vretoned: 01 79 46 52 24 / aude.merrien@laposte.net PLOUHA Kalon Plouha: 09 75 94 96 84 / kalon.plouha@wanadoo.fr ROAZHON Skeudenn
Bro Roazhon: 02 99 30 06 87 / skeudenn@wanadoo.fr Lennit Bremañ
C'hwevrer 2010 !
An teuliad zo gouestlet er miz-mañ da Redadeg 2010.
1200 km a zo bet lakaet e gwerzh hag a vo redet evit reiñ "bazh-eilañ ar
brezhoneg" a zorn-da-zorn war hentoù Breizh, etre an 10 hag ar 15 a viz
Mae. Gant an arc'hant dastumet e vo sikouret ar skolioù Diwan evit ul lodenn
hag hanterenn all ar sammad a vo roet da raktresoù evit kas war-raok implij
ar brezhoneg er mediaoù hag er vuhez pemdez dre vras. Kendalc'het e vo er miz-mañ gant div bajennad
ispisial, bet soñjet a-ratozh evit ar re zo o teskiñ brezhoneg:
"Lennomp!". M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€
an tamm – 50€ evit ur bloaz – 60€ evit an estrenvro
– 4€ bep miz dre lamadenn) E gwerzh
er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
|
|
Aes-tre
ha graet buan!
Betek fin miz Meurzh e vez dalc'het an Deizioù e bro
an Oriant. Aozet gant Emglev Bro an Oriant, darvoudoù a bep seurt a zo en
Deizioù : prezegennoù, sonadegoù, festoù-noz, stajoù, atailheroù,
diskouezadegoù... Ar pal a zo difenn ha kas war-raok yezh ha sevenadur Breizh
e kornad an Oriant. Da-geñver an Deizioù-mañ e oa bet kinniget d'ar Sadorn 20
a viz C'hwevrer en Amzer Nevez e Plañvour Alc'hwezioù sevenadur Breizh
diwar-benn keginerezh ar Vretoned. Pedet e oa Nathalie Beauvais, keginerezh
ar preti Le Jardin Gourmand en Oriant, ar geriadurour Martial Ménard hag ar
c'hontour Lucien Gouroug. Roet e oa bet d'ar 100 arvester war al lec'h
sekredoù-kegin ha kuzulioù a-bouez gant Nathalie Beauvais evit fardañ predoù
lipous gant pesked, legumaj, frouezh, karamel gant amann sal, krampouezh...
Roet e oa bet ivez chomlec'h produerien a-feson a ra boued mat-tre rak
hervezi "ne vez ket fardet kegin mat hep produioù mat ha ma ne vez ket
lakaat karantez o keginañ". Martial Ménard en deus displeget ur bern
troioù-lavar brezhonek tro-dro d'ar c'heginañ gant gerioù evel boued, pillig,
yod, krampouezh... hag evel-just amann, an danvez ret evit fardañ keginerezh
ar Vretoned ! Da-heul ar brezegenn e oa bet kinniget tañva boued Breizh,
lipousat plijadur !
Ar gevredigezh Breizh Unvan, asambles gant ar
strollad 44=BZH, a ro emgav d'hec'h izili ha d'an dud tomm ouzh
adunvanidigezh Breizh a-benn disadorn, d'ar 27 a viz C'hwevrer 2010, e
Naoned. Un degouezh dic'hortoz a vo kinniget ganto, "ur gouel
dreistordinal, da ziskouez birvidigezh ar stourm evit ma vo unvan
Breizh" eme Breizh Unvan.
A-benn ar Sadorn 6 a viz Meurzh e vo aozet tolpadoù
lec'hel ar Skrivadeg! Ingal bep bloaz, e vez bodet un tamm e pep lec'h e
Breizh (hag e lec'h all ivez gwechoù zo) kantadoù a vrezhonegerien a bep oad,
evit plediñ gant ar selaou ha skrivañ brezhoneg, ha dreist-holl bezañ holl
a-gevret tro-dro d'ar yezh. Ar skrivagnerez Mich Beyer (Seizh devezh
warn-ugent, Etrezek an enez...) eo a ginnigo an destenn er
bloaz-mañ. E penn an aozadur emañ Sked, a vod kevredigezhioù sevenadur Breizh
bro Vrest, evit abadenn 2010. E Brest e vo pedet loreidi an tolpadoù kentañ
evit Gourfenn ar Skrivadeg, a vo aozet d'ar Sadorn 22 a viz Mae 2010.
