|
|
|
|
|
|
|
|
|
|
Lun 15 a viz C'hwevrer, niv.273 Pellgargit ar pennadoù e stumm Word Evit resev kemennadenn nevez Bremaik bep Lun, Petra oa keleier Bremaik
bloaz zo? Klikit amañ ! |
|
|
|
|
|
|
|
|
|
|
|
|
|
|
Argad AFNA e Su Afghanistan |
|
|
|
|
|
|
|
|
|
15000 soudard eus armeoù
Aozadur feur-emglev Norzh Atlantel (AFNA), en o zouez Stadunaniz, Afghanistaniz,
Breizhveuriz, Daned, Estoniz ha Gallaoued, a gemer perzh er c'houlzad-brezeliañ
|
|
|
|
|
|
Prosez ar
rezin |
|
|
|
Ar sizhun paseet eo bet
embannet diviz al lez-varn: ne vo ket kastizet an MRDGF. Diskouez a ra al
lez-varn eo bet embannet sklaer hentennoù-labour an enklask, ha ne oa ket bet
distummet an disoc'hoù. An FNPRT, d'he zro, a zo bet kastizet, evit
"mont d'al lez-varn diabeg". Dre ma oa bet embannet an disoc'hoù e
fin ar c'houlz-amzer evit prenañ rezin en deus kavet al lez-varn ne oa ket ur
studiadenn bet embannet evit herzel ouzh an dud da brenañ rezin. Ret e vo neuze
d'an FNPRT rezteurel an 2000€ bet dispignet gant an MRDGF e-pad ar
prosez evit en em zifenn. Ur gounid evit ar gwir da embann disoc'hoù skiantel
displijus d'ar c'henwerzh! M.M. |
|
|
|
|
|
Ha soñj ho peus eus prosez
ar rezin? Taget e oa bet an MRDGF (Luskad evit Gwirioù ha Doujañs evit ar
Remziadoù da Zont) gant an FNPRT (Kevredigezh Broadel ar Broduerien
Rezin-Taol) goude bezañ bet embannet ur studiadenn a ziskoueze e veze kavet
louzoù e-barzh 99,2% eus ar standilhonoù rezin dielfennet ganto, hag e veze
kavet ur geidenn a 6,5 danvez disheñvel e-barzh pep standilhon. Goulennet e
veze 500000€ dre ma veze graet bruderezh fall evit ar rezin taol.
|
|
|
|
|
|
Deizioù 2010 Bro an Oriant:
diskouezadegoù |
|
|
|
Evit gouzout hiroc'h: 02 97 21 37 05 www.emglevanoriant.com |
|
|
|
|
|
Kenderc'hel a ra festival
Emglev Bro an Oriant, "Deizioù". E-touez an degadoù a abadennoù ez
eus ivez diskouezadegoù. En Oriant, betek an 21 a viz Meurzh, emañ "Regards
croisés Lorient-Ludwigshafen et Géopraphies variables" en Hôtel
Gabriel da skouer, gant skeudennoù Marlis Jonas ha Chris Dorley-Brown, er
memes lec'h emañ diskouezadeg "Dessi(e)ns de ville: évolution urbaine
de Lorient jusqu'en 1807", a ginnig dielloù kozh diwar-benn tisavouriezh
kêr an Oriant. En diskouezva Le Faouedic e c'heller mont da welet betek fin
miz C'hwevrer, livadurioù Patrick Le Corf, Guy Le Maux hag Yves Nioblet,
bodet en dastumad "L'école de Lorient: Peintures-Paysages".
Diskouezadegoù all a vez kinniget e bro an Oriant. Evel hini "Kalon
ur vamm" e Mediaoueg Lannarstêr, betek an 8 a viz Meurzh, gouestlet da
luskellerezioù tennet diwar ar bladenn savet gant Yves Ribis ha Sofi Le
Hunsec. E Kaodan, Kewenn pe Langedig ez eus ivez traoù brav all da welet:
goulenn titouroù a c'heller ober digant Emglev Bro an Oriant.
|
|
|
|
|
|
Vancouver:
aour evit Kanada |
|
|
|
Er memes diskiblezh e rann
ar merc'hed, eo aet an aour gant ar Stadunanadez Hanna Kearney. 26.63 poent
he deus bet, da lavaret eo 0.94 poent ouzhpenn ar Ganadianez Jenn Heil, aet
an arc'hant ganti. Fellout a rae da houmañ tapout an aour evit bezañ an
atleterez kentañ eus he bro o resev ar vedalenn aour e C'hoarioù aozet gant
Kanada. Spi bras he doa dre ma oa bet tapet an aour ganti e Turin pevar bloaz
zo. |
|
|
|
|
|
Dec'h e oa bet resevet ur
vedalenn aour gant ur C'hanadian e-kerzh ar C'hoarioù Olimpek aozet er vro,
evit ar wech kentañ. E 1976, e Montréal, hag e 1988 e Calgary, e oa bet
c'hwitet pazenn uhelañ ar podiom gant atleterien Kanada. Gant Alexandre
Bilodeau eo aet ar maout evit gourfenn ar ski freestyle war un dachenn
bolbosek. Erruet eo e penn an diskenn e 23.17 eilenn. Un notenn 26.75 en deus
bet, da lavaret eo 0.17 poent ouzhpenn an Aostralian Dale Begg-Smith, bet an
aour gantañ e Turin e 2006.
|
|
|
|
|
|
|
Sherlock Holmes |
|
|
|
Stadoù-Unanet,
Breizh-Veur, Aostralia – 2008 Seveniñ
: Guy Ritchie Diwar
tudennoù Sir Arthur Conan Doyle
Ur film hollywoodian eo, arabat disoñjal. Pell
a-walc’h eus fealded an heuliad skinwel gant Jeremy Brett emeur,
evel-just. Kentoc’h eget un dileizh gant 7% a gokain ez eo gant
amfetamin eo flemmet ar Sherlock Holmes-se. Meuzioù gwall zisheñvel e
c’haller fardañ gant ar memes aozennoù diazez. Hogen, ha pa ne vefe ket
diouzh rekipe Conan Doyle, an abadenn-mañ n’eo ket displijus da lonkañ
pa glasker un tamm dudi. Evit gouzout hiroc’h : |
|
|
|
|
|
|
|
Ur wech adarre eo deuet a-benn Sherlock Holmes
|
|
|
|
|
|
Ar Bagadoù a amprou reolennoù nevez e Kampionad
Brest |
|
|
|
1.Kap Kaval (16,74) 2.Kemper
(16,65) 3.Kemperle (16,37) 4.Brieg (15,22) 5.Kevrenn Alre (15,01) 6.Sant-Maloù
(14,65) 7.Meilhoù Glas (14,56) 8.Lokoal (14,26) 9.Gwened
(14,15) 10.Pondi (13,95) 11.Penhars (13,55) 12.Perroz-Gireg
(13) Trofe Alain Riou:
Kemperle / Priz Terouer: Kemperle |
|
|
|
|
|
D'ar Sul
14 a viz C'hwevrer e oa bet aozet gant Bodadeg ar Sonerion (BAS) kentañ
troiad kampionad 2010 ar Bagadoù kentañ rummad e sal ar C'houarz e Brest.
Gant Bagad Kap Kaval eus ar Vro-Vigoudenn eo aet ar maout. Klevet eo bet pep
strollad dek munut gant un doniaoueg (répertoire) eus Kerne-Izel. Evit
an darvoud-mañ ez eus bet lakaet e pleustr reolennoù nevez. N'eus ket ken eus
an "tuilage" a lakae strolladoù gwellañ ur rummad da c'hoari
gant ar re washañ eus an eil rummad er genstrivadeg en Oriant. Ar sistem-se
en doa lakaet bagadoù zo da fuloriñ "ne servije ket ken kenstrivadeg an
Oriant, ar bagad en doa gounezet e Brest a oa sur da vezañ kampion, pep tra a
oa raktreset en a-raok" a veze klevet gant lod eus ar sonerien. Disul o
deus dizoloet ar 15 strollad ur reoliadur nevez. Implijet e vez bremañ ar
memes sistem hag hini ar vell-droad. An daou strollad o deus bet an notennoù izelañ
a ya er bloaz war-lerc'h da seniñ er rummad izelañ hag an daou o deus bet ar
gwellañ notennoù a ya er rummad uhelañ. An hini a vo e-penn an div
genstrivadeg (e Brest hag en Oriant) er rummad kentañ a vo kampion Breizh.
War a seblant e ra muioc'h a berzh ar reolennoù nevez-se e touez ar Bagadoù.
Hag evit an istorig, pemp soner eus Bagad New-York, nevez ganet, o deus kemeret
perzh er c'hampionad-mañ. Degemeret int bet e daou strollad, Kerlenn Pondi ha
Bagad Bro Kemperle. Pa vez plijadur gant ar sonerezh ne vez ket kontet ar
c'hilometradoù!
|
|
|
|
|
|
|
Kig-yar gant pour ha brikoli |
|
|
|
Danvez : 4 gwenn yar
(peadra evit 4/5 den) – 1 lur pour rakpoazhet – 1 lur brikoli
tammet – 1 tasad bouilhoñs soubenn-yar – 1/2 tasad bara kras
– tin – 3 loaiad vras whiskey
(wiski iwerzhonat) – eoul olivez – holen
-Ober tammoùigoù karrezek
gant ar c’hig. Poazhañ anezho ur pennadig bihan en ur billig gant an
eoul olivez, an holen hag an tin. Peurboazhañ a raio ar c’hig er forn
goude-se. -En ur gastelodenn lakaat
ar bouilhoñs da virviñ ha lakaat ar pour hag ar brikoli da boazhañ ennañ
e-pad 5 munutenn. -Lakaat al legumaj en ur
plad forn gant ar c’hig hag ar whiskey, goloiñ gant ar bara kras. -Goloiñ ar plad er forn ha
lezel da boazhañ e-pad 1 eurvezh. Lemel ar golo, uhelaat an tan e-pad un
toullad munutennoù evit rouzañ ar c’hig hag al legumaj. Riwanon An Oriant : penaos e oa ar gêr
war-lerc'h an eil brezel bed ?
Posupl e vo selaou an abadenn-mañ d'ar Yaou 18 a
viz C'hwevrer da 8e noz Lennit Bremañ
C'hwevrer 2010 !
An teuliad zo gouestlet er miz-mañ da Redadeg 2010.
1200 km a zo bet lakaet e gwerzh hag a vo redet evit reiñ "bazh-eilañ ar
brezhoneg" a zorn-da-zorn war hentoù Breizh, etre an 10 hag ar 15 a viz
Mae. Gant an arc'hant dastumet e vo sikouret ar skolioù Diwan evit ul lodenn
hag hanterenn all ar sammad a vo roet da raktresoù evit kas war-raok implij
ar brezhoneg er mediaoù hag er vuhez pemdez dre vras. Kendalc'het e vo er miz-mañ gant div bajennad
ispisial, bet soñjet a-ratozh evit ar re zo o teskiñ brezhoneg:
"Lennomp!". M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€
an tamm – 50€ evit ur bloaz – 60€ evit an estrenvro
– 4€ bep miz dre lamadenn) E gwerzh
er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org
Goude ur bloavezh ehan en deus
adembannet Pol Brezhoneg Skol an Emsav un deiziataer hollvrezhonek adarre
evit 2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
Dindan ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a c’hallo
bezañ miret a vloaz da vloaz, ennañ roll kumunioù Breizh. Ur benveg talvoudus evit ober gant ar brezhoneg
bemdez! Kas ur chekenn 12€ da: Skol an Emsav, 25 straed Pierre Martin, 35000
Roazhon. Evit
gouzout hiroc'h: 02 99 38 75 83 pe sae.bzh@wanadoo.fr |
|
|
|
|
|
|
|
Leun-chouk
e oa sal Palez ar c'hendalc'hioù en Oriant d'ar Meurzh 9 a viz C'hwevrer evit
kontañ istor ar gêr e-pad ha war-lerc'h an eil brezel. Tro 700 den, kozh pe
yaouank, paotred ha merc'hed, a oa deuet evit un abadenn ispisial aozet gant
France Bleu Breizh Izel, Ouest-France ha Ty Tele gant sikour Kounlec'h
Caen. War-lerc'h Sant-Maloù ha Brest, ar mediaoù o deus bet c'hoant da selaou
an Oriantiz evit gouzout penaos e oa o buhez e-pad an eil brezel bed dindan
ar bombezennoù ha war-lerc'h ar vuhez el logelloù ("baraques")
ha penaos o deus bevet p'eo bet adsavet o c'hêr. Start-tre e oa ar vuhez d'ar
mare-se, 70% eus an Oriant a zo bet distrujet, da lavaret eo 3500 savadur, "ne
chome ket kalz a diez en o sav ha bevañ a raemp gant tout ma familh e 25
metrad karrez", "yen-spontus e oa ar goañv, skornañ a rae ar
c'hafe". Ur bern danevellouigoù a zo bet kontet, lod mat
memestra daoust d'an euzhusted evel hini Juliette "110 babig a zo bet
ganet er varakenn e-lec'h ma oa medisin ma zad ha chañs am eus bet d'ober war
o zro!". "An aergelc'h a oa un tamm evel war ar maez, ur
sapre kenskoazell a oa etre an dud" eme Gérard. Un digarez e oa an
abadenn-mañ evit reiñ e soñj diwar-benn an doare m'eo bet adsavet an Oriant
gant an tisavour Georges Tourry. Chom a ra c'hoazh an Oriant evit lod "ur
gêr vil, met siñpa !". 65 bloaz war-lerc'h e chom goulioù an
eil brezel e kalon an Oriantiz, un tamm eus o istor eo a fell dezho treuzkas
d'ar re yaouankoc'h. Abadennoù eñvor a seurt-se a vo aozet d'ar Meurzh 16 a
viz Meurzh e Sant-Nazer ha d'ar Meurzh 6 a viz Ebrel e Donez. 
