|
|
|
|
|
|
|
|
|
|
Lun 14 a viz C'hwevrer, niv.319 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
An arme e penn Stad Egipt |
|
|
|
|
|
|
|
|
|
Ar prezidant Hosni
Moubarak, e penn Stad Egipt abaoe tost 30 vloaz, en deus roet e zilez
digwener tremenet. Abaoe fin miz Genver e oa bet poblañs Egipt o vanifestiñ
ingal evit goulenn groñs e skarzhfe kuit Hosni Moubarak eus penn ar Stad. Digwener
eo aet hennezh hag e familh da Charm el-Cheikh (war ribl ar Mor Ruz) da
gavout repu. Lezet en deus Moubarak ar galloud gant ar soudarded. Laouen-bras
e oa tud Egipt p'eo bet embannet e oa aet kuit ar prezidant kozh, digwener
noz, ha lidet eo bet ar c'heloù gant miliadoù a dud war plasenn Tahrir, e
Kaero, ar gêr-benn. Fellout a ra d'an arme lakaat urzh er vro abaoe: nullet
Bonreizh Egipt evit ar poent, ha berzet d'an dud en em vodiñ pe herzel gant o
labour. Poliserien, kargidi ar Stad hag implijidi Bank Kreiz Egipt a
gendalc'h da c'houlenn e vefe gwellaet an traoù. Rannet eo dispac'herien
Egipt: lod zo laouen e vefe skampet kuit Moubarak, lod all a fell dezho e
vefe aozet un demokratelezh da vat. Reuz zo bet adarre dec'h etre soudarded
ha manifesterien war plasenn Tahrir. Ur gerzhadeg veur a vo aozet, sañset
a-benn digwener evit lidañ "an trec'h."
|
|
|
|
|
|
Gwenan e kreiz kêr an Oriant |
|
|
|
|
|
|
|
|
|
Mel made in an Oriant! A-benn nebeut e c'helloc’h prenañ mel graet e
kreiz kêr an Oriant. Divizet eo bet gant an ti-kêr staliañ ruskennoù e park
Chevassu ha war toenn savadur an ti-kêr. 420.000 gwenanenn a vo en holl gant
seizh ruskenn, 60.000 gwenanenn e pep hini. Staliet e vint en nevez Amzer. An
dalc'h a zo sikour ar liesseurted ar vuhez. Souezhus e c'hello bezañ kavout
gwenan e kreiz kêr, padal eo du-se mañ ar gwellañ aer evito, gant nebeut-tre
a zanvezioù dilastezer, hag ar bleunioù n’int ket ken saotret eget re
maezioù. Ar pezh zo nec'hus memes tra. Un emglev a zo bet sinet gant an
ti-kêr ha sindikat ar gwenanerien hag ar wech kentañ eo e vez aozet un dra
evel-se e departamant ar Mor-Bihan. Na rit ket biloù p’emaoc’h o chom
e-kostez an Oriant, n’eo ket droug tamm ebet ar gwenan.
|
|
|
|
|
|
Tresadennoù Truk |
|
|
|
Er skolaj e oa plijet Truk
gant ar bannoù-treset doare manga evel Sakura, peogwir e oa diouzh ar c’hiz
d'ar c’houlz-se. He doare dezhi da dresañ he deus kavet tamm-ha-tamm. El lise he doa graet ur
stummadur war an teknik, an tresañ hag ar maketenniñ. Aet e oa e skol
Arzoù-kaer Versailhez. Emañ-hi o heuliañ un aotreegezh war an Arzoù Plastek e
Roazhon 2 hiziv an deiz. He fal zo mont da Strasbourg er skol Arzoù-klinkañ
a-benn ar bloaz a zeu. Ober a ra kalz gant
teknikoù ar c’hoadengravadur, al linograverezh ("Le petit garçon perdu dans la mer" da skouer) hag ar
paper-didroc’het ("Les 36 vues du
Kilimanjaro" da skouer). Ul labour nevez a zo ganti
war ar stern. Ur raktres a-stroll eo,
a-gevret gant arzourien-all: sevel ul levr skeudennaouet evit ar vugale,
diwar-benn pozioù ur ganaouenn gant Frank Zappa. An disoc’h a vo diskouezet
d’an dud e Roazhon a-benn miz Meurzh. S.B. Evit gouzout hiroc’h: http://truk.ultra-book.com/book |
|
|
|
|
|
Piv a zo kuzhet a-dreñv anv
Truk? Truk zo anv-pluenn Amandine Momenceau. Abaoe he bugaleaj e tres
Amandine, hag ur bern tresadennoù eus ar mare-se a chom ganti c’hoazh (tiez,
arrebeuri, tud). Tresañ a rae he c’herent peogwir e oa pouezus-kenañ eviti:
he zad, he mamm, he breudeur, he moerebed, hec’h eontred, hag all... Kroget
he doa da dresañ loened, tiez-feurm, kêrioù, gant alc’hwezioù evit o
deskrivañ a-wechoù.
|
|
|
|
|
|
Rugbi:
Tournamant ar 6 Broad |
|
|
|
Iwerzhon 22 – 25 Frañs Tomm eo bet da lêr ar
C'hallaoued met daoust d'an tri esae lakaet gant Iwerzhoniz, int deuet a-benn
da c'hounit. C'hwec'h tenn-kastiz a-enep unan, sed aze alc'hwez ar c'hrogad.
Dav e vo da skipailh Marc Lièvremont diwall rak a-benn pemzektez emaint o
vont da c'hoari a-enep ur skipailh saoz dispar.
Eizh esae a zo bet plantet
gant c'hoarierien Bro-Saoz, evit unan hepken gant ar paourkaezh Italianed.
E-pad ugent munutenn e oa kazi rampo an daou skipailh ha Mirco Bergamasco en
dije gellet lakaat un taol-kastiz evit ma vije bet ur poent a ziforc'h
hepken. C'hwitet en deus ha spontus eo bet war-lerc'h. Domaj evit paotred
Nick Mallett, dreist-holl goude o c'hrogad brav a-enep Iwerzhoniz. Skos 6 – 24 Kembre Daoust m'o doa diskouezet
traoù brav a-enep ar C'hallaoued an dibenn-sizhun tremenet, n'eo ket deuet
a-benn Skosiz d'ober kement-all a-enep Kembreiz. Shane Williams an 3/4
askeller, prim evel ur gaerell, en deus plantet daou esae, daou esae nemetañ
ar c'hrogad. Mell-droad:
Rummad 1 ha Rummad 2 Roazhon 2 - 0 Niça Kroget dousik e-pad an
hanterenn gentañ, paotred Roazhon o deus boulc'het an eil hanterenn gant lañs
ha startijenn. Lakaet o deus daou bal dindan ur c'hard-eur gant Montaño (52')
ha Boukari (58'). Setu Roazhoniz en eilvet plas ar R1, gourc'hemennoù dezho! Monaco 3 – 1 An Oriant Gameiro en deus lakaet ur pal c'hoazh, n'eo ket bet
trawalc'h evit gounit avat. Ouzhpenn da se, en deus tapet Jeremy Morel ur
c'hartoñsig-ruz e fin tout ar match! Valenciennes 3 – 0 Brest Netra da lavaret e-keñver
an disoc'h. Brest a oa izeloc'h o live eget hini o ostizien, a galz. Dav e vo
dezho strivañ evit distreiñ e penn-kentañ renkamant ar R1. Gwened 1 – 0 Naoned Trawalc'h eo bet gant ar
pal lakaet gant Mézague goude un eurvezh c'hoari evit paotred ar VOC da
alaniñ un tamm. Evit Naoned avat, emañ ar R1 o pellaat diouto... Tennis: Tournamant
Challenger Kemper Soñj ho peus moarvat eus
Nicolas Mahut hag e grogad hir-abominapl a-enep John Isner (unnek eurvezh
c'hoari!). Bez’ e oa hemañ diwezhañ niverenn gentañ e penn ar rollad
c'hoarierien hag a zo deuet betek Kemper. Trec'het eo bet er c'hentañ tro
avat! Er gourfenn hon eus gwelet David Guez ha Kenny de Schepper, daou diwar
an ugent c'hoarier tennis gall enskrivet en tournamant. Ar maout a zo aet
gant David Guez. Gourfenn David Guez 6-2 4-6 7-6(5) Kenny de
Schepper Evit gouzout hiroc'h: www.opendequimper.com |
|
|
|
|
|
Bro-Saoz
|
|
|
|
|
|
The
King's Speech (Le Discours d'un Roi) |
|
||
|
|
Breizh-Veur, Aostralia, Stadoù-Unanet – 2010 Seveniñ : Tom Hooper
Istor gwir tad Rouanez Elisabeth Bro-Saoz eo,
rediet da gemer ar garg Roue da-geñver ur mare gwall drubuilhet eus istor
Mab-den. Dont a ra a-benn Tom Hooper da reiñ da welet un den a stourm evit
sammañ ar roll en deus da c’hoari er gevredigezh. Strivoù un den a rank mont
dreist dezhañ e-unan evit seveniñ e donkad, bravat tem. N’eus ket ezhomm
bezañ roue evit talañ ouzh ar glaoustre-se; klaoustre kement buhez eo. Meriadeg Vallerie Abadenn
ispisial Mouchig-Dall
a-benn dimerc'her
Evit gouzout ar pezh a zo c’hoarvezet gant
Goulwena, e c'hellot sellet an abadenn dimerc'her beure war France 3 Breizh (ne
vo ket skignet e Bro-Naoned), pe war Internet ar sizhun-pad: |
|
||
|
|
|
|
|
|
Saoz ha saoz eo Albert.
Bloavezhioù zo e stourm ouzh e c’hagouilherezh hep dont a-benn anezhañ. Dre
an holl vedisined eo tremenet, betek koll an disterañ spi. Rankout a ra
Albert mont dreist d’e namm koulskoude, evit komz d’ur vroad ramzel. Dug York
ha danvez Roue Bro-Saoz hag e Impalaerezh eo er bloavezhioù 30.
D’ar 16 a viz C’hwevrer e vo kinniget war France 3
un abadenn dreistordinal gant skipailh Mouchig-Dall. "Deuit da heul Riwal ha Patricia e Ty-Théâtre, ul lec’h hud ha
marzhus. Bez' e vo birvilh, enklask ha souezh a-hed an abadenn. Ur vargodenn
o tañsal, tresadennoù-bev ha, biskoazh kement-all... diskoachet e vo Goulwena
gant Patricia ha Riwal!" eme aozerien an abadenn.
|
|
|
|
|
|
American
Tabloid gant James Ellroy |
|
|
|
Uhelek eo James Ellroy amañ:
fellout a ra dezhañ reiñ ur gentel deomp. Adsavet eo amañ istor ar Stadoù-Unanet
en ur zerc’hel kont eus stultennoù dispaket e teil-tomm "teorienn an
Irienn". E-ser ul laziadig ez omp kendrec’het en deus kollet e vuhez
John Fitzegarld Kennedy e-kreiz un tric'horn dañjerus-kenañ: CIA, Cuba,
Mafia. Ha gwir eo pe get, ne ra
forzh, eme James Ellroy. Arabat eo deomp disoñjal e lennomp un tabloid.
Mesket ez eus tammoù a wirionez gant sorc’hennoù a vez kavet e speredoù an
dud. Evit ar peurrest e talc’himp soñj eus krennlavar Cosa Nostra: "ar re a gomz, na oaront ket; ar re a
oar, na gomzont ket." Tangi Legavre American Tabloid gant James
Ellroy. Embannet e Frañs gant Rivages Noir (1997). stultenn (b.): soñjoù, prederiadennoù diskiant ha didalvoud
(gerioù all heñvel o ster: sorbienn, loariadenn, sorc'henn...) irienn (b.): emglev kuzh etre meur a zen
evit klask kemer ar galloud. |
|
|
|
|
|
Un "tabloid" zo
ur gazetenn moullet war baper marc’had-mat, gant skeudennoù ha titloù bras
evit kuzhat pegen dister eo preder ar gazetennerien... American Tabloid zo
lodenn gentañ ur pezh mell pikol oberenn lennegel (2.500 pajenn) kinniget
deomp gant James Ellroy. Ne vo ket dipitet lennerien feal ar skrivagner,
peogwir e adkavint e zoare-skrivañ efedus (rener+anv-verb+renadenn eeun). Strakal
a ra ar frazennoù berr evel tennoù mindrailherezioù. Implijet e vez alies luc'hajoù
an druanted ha stourmerien ar c’hKu Klux Klan.
|
|
|
|
|
|
Maget ar saout gant geot... ha gwin ruz |
|
|||
|
|
Evit gouzout hiroc'h: www.ats-sea.agr.gc.ca Deiziataer 2011
Nevez er bloaz-mañ: "Ar brezhoneg war ar
Genrouedad" renabl al lec'hiennoù pouezusañ e brezhoneg war ar
Genrouedad renket e 6 rumm. E gwerzh emañ Deiziataer 2011, 10€ an tamm. Gellout a
reer gourc'hemenn anezhañ dre ar Post ivez evel-just. Dont e darempred gant
Skol an Emsav (12€ an tamm gant ar mizoù-kas). Evit gouzout hiroc'h:
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se ingal,
dre ar brezhoneg, gant Bremaik! Ur skipailh tud a youl vat a sav ar
pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez
Bremaik, n'eus mann ebet aesoc'h: kasit ur gerig deomp d'ar chomlec'h
postel-mañ: bremaik@free.fr! Lennit Bremañ
C'hwevrer 2011!
An teuliadig a ra anv er miz-mañ eus an dilennadegoù
da zont evit ar guzulierien-departamant. An dro diwezhañ e vo da votiñ er mod
ma vo graet a-benn an 20 hag ar 27 a viz Meurzh. Daou zilennad o vont da
zilezel emvodoù ar c'huzulioù-departamant a ro o soñj: Andre ar Gag
(Penn-ar-Bed) ha Patrick Mareschal (al Liger-Atlantel)... Kinnig a ra ivez Bremañ div bajennad
anvet "Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Embannet eo bet ar c'heloù-mañ
nevez zo gant ministrerez Kanada al labour-douar hag ar gounezvouederezh.
Saverien saout zo e Kanada o deus kroget da reiñ gwin ruz d'o chatal. Ul
litrad bemdez dre loen-saout, da lâret eo kement hag ur werennad gwin evit un
den, hervez. Fellout a ra d'ar saverien saout-se kinnig un doare kig buoc'h
nevez, cheuc'hoc'h, evit marc'had ar gastronomiezh. Plijet e vefe an
debrerien ha mistri-keginerien pretioù Kolombia Vreizhveuriat, e lec'h m'eo
bet roet da dañva ar seurt kig-bevin nevez-mañ. Tener-kenañ ha blaz an hili a
vefe gantañ war a seblant. Hervez ar saverien chatal kanadian e vefe plijet
al loened ivez gant ar gwin ruz zoken! Koustañ a ra 15 cent ouzhpenn al
luriad kig dic'hortoz-mañ.
