|
|
|
|
|
|
|
|
|
|
Lun 21 a viz C'hwevrer, niv.320 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
Libia: emsavadeg ar bobl ha gwask ar Stad |
|
|
|
|
|
|
|
|
|
Da-heul poblañs Tunizia hag
Egipt, emañ poblañs Stad Libia o tiskouez he c'hounnar a-enep ren an
diktatour Mouammar Kadhafi. Abaoe dimeurzh e vez tud ar vro o tibunañ bemdez er
straedoù o c'houlenn groñs e tilezfe ar c'horonal Kadhafi penn ar vro.
Respont ar Stad d'ar vanifesterien zo bet taer evel an tan: lazhet ez eus 233
den da vihanañ gant tennoù soudarded, hervez an Aozadur e-maez-gouarnamant
Human Rights Watch (84 hervez Stad Libia). 60 den a vije bet lazhet gant an
arme dec'h e Benghazi, e reter ar vro, e lec'h m'eo kreñv ar stourm a-enep
ren Kadhafi. Freuz ha reuz zo e penn-uhelañ ar Stad ivez. Ur mab d'ar
c'horonal, Seif al-Islam, en deus disklêriet e oa prest da cheñch al lezennoù
evit reiñ muioc'h a frankiz d'an dud. E kelaouennoù zo e c'heller lenn e soñj
da lod eus al Libianed emañ Seif al-Islam o klask tapout hêrezh e dad, hag en
dije broudet an emsavadeg. Chomet eo mut penn ar Stad evit poent. Pevare
pourvezer petrol Afrika eo Stad Libia, hag efedoù he deus an emsavadeg war
marc'hadoù an eoul-maen er bed. An embregerezh saoz BP da skouer, en deus
goulennet digant e 140 implijad kuitaat tiriad Libia.
|
|
|
|
|
|
Tammoùigoù plastik er morioù: traoù
da gompren |
|
|
|
M.M. |
|
|
|
|
|
Emañ lod eus ar
skiantourien o klask kaout titouroù war ur gudenn brasoc'h-brasañ, ha divrud
a-walc'h evit poent: an tammoù plastik munut a gaver er morioù. Kavet e
vezont dreist-holl er broioù e lec'h ma ne vez ket graet kalz war-dro al lastez
hag e lec'h ma kresk kalz ha prim ar produiñ. Gouzout a reer dija pegen
chalus eo an tammoù plastik bras, a c'hell mougañ al loened mor, pe mirout
outo da fiñval. Met kudennoù a sav ivez gant an tammoù bihan, ha n'int ket
bet studiet mat evit c'hoazh. Tammoù plastik bras a vez distrujet ha
bruzunet. An tammoùigoù bihan-se a vez lonket gant al loened, pe silet er
c'houral, ha lod diouto a vez debret gant an dud ivez neuze. Posupl eo e vefe
ret gortoz bloavezhioù pe kantvedoù a-raok bezañ dismantret da vat. Lod
diouto a zo bet savet diouzhtu er stumm "mikroplastik", gant palioù
resis: evit an naetaat, daleañ an tan, lazhañ amprevaned... Holl ar re-se en
em gav er morioù. An tammoù plastik graet a-ratozh evit dismantrañ o-unan en
natur n'int ket un diskoulm zoken, rak hervez al lec'h m'en em gavont,
n'hellont ket mont da netra o-unan evel m'int sañset ober.
|
|
|
|
|
|
Zelium, ur gazetenn fentus nevez |
|
|
|
Kavet e vo war ar bajenn
gentañ ha war o blog ur manifesto evit displegañ petra eo spered ar mizieg
nevez-mañ. Evit gouzout hiroc'h: www.leblogdezelium.info nidi: nijell dianav (ovni) |
|
|
|
|
|
Da heul Hara-Kiri, Charlie Hebdo, Siné Hebdo
hag ur bern reoù all ez eus bet embannet ur mizieg nevez, Zelium e anv. Embannet eo bet an
niverenn gentañ d'an 11 a viz C'hwevrer 2011, ha n'eo ket sur e oa evit lidañ
gouel an amourouzien, an dispac'h ne lavaran ket! Evit an oberourien n'eo ket
aes ar vuhez, ha pa vefe er Stad c'hall gant an enkadenn sokial pe e broioù
ar Maghreb, hag emaint e soñj reiñ d'al lennerien o doare da welet ar
c'heleier. Enni e vo kavet a bep seurt traoù: tresadennoù, fotoioù,
bannoù-treset, pegadennoù, enklaskoù, taolioù-pluenn, kronikennoù, pennadoù
ha traoù all c'hoazh, d.l.e. leun a draoù mesk-divesk. 70.000 skouerenn zo
bet moullet evit an niverenn gentañ, ganti memes ment ha Le Canard enchaîné. Emañ saverien Zelium gant ar c'hoant da reiñ da lennerien Frañs un doare
"nidi" lennegel. Gant ma kavo pep hini e lod!
|
|
|
|
|
|
Mell-droad:
Rummad 1 ha Rummad 2 |
|
|
|
Tolosa 1 - 2 Roazhon Pemp miz zo ne oa ket deuet
a-benn paotred Frédéric Antonetti da c'hounit pell diouzh o douaroù. Aze,
gant an trec'h-mañ, e tistroont en eil plas renkamant ar R1. Diaes eo bet un
tammig, dreist-holl goude ar pal a-enep e gamp lakaet gant Kévin
Théophile-Catherine (61') hag en doa adlakaet rampo an daou skipailh neuze.
Leroy, o paouez erruout war an dachenn, a zo bet graet ur fazi warnañ en
takad difennet. Penalti treuzfurmet gant Montaño ha setu tri foent e sac'h Roazhoniz.
Nav fal e-korf pemp krogad
evit Kevin Gameiro, tri hiziv (35', 38' ha 88') goude unan bet lakaet gant
Amalfitano (14') hag unan all gant Arnold Mvuemba (68' war penalti). Bez' e
oa dija 3-1 e fin an hanterenn gentañ ha goude m'eo bet skarzhet Sosa, an
difenner kreiz, ez eus bet lakaet daou bal ouzhpenn en eil hanterenn. Ur
festival enta! Brest 2 – 0 Monaco Ur pal brav a zo bet lakaet
gant Ayite (15') evit lakaat Brestiz war an hent mat ha lakaet en deus un eil
(88' war penalti) evit klozañ. N'eus netra da lavaret e-keñver an disoc'h, ha
gwell a se evit Stad Brest 29 hag a adpign d'an navet renk. Reims 3 – 1 Gwened Trec'h eo bet paotred ar VOC
war douaroù ar Champagne, ha gant o flas a 19vet n'eo ket sur e vo distouvet
ur voutailhad eus ar gwin eonennek-se diouzhtu-kaer. Emañ kampionad an
"National" o tostaat! Naoned 0 – 0 Metz Goude bezañ trec'h e ranke Naonediz
ober un dra bennak war o zachenn. Nul eo bet an disoc'h ha tost ken nul all
an doare evit a sell ouzh an hanterenn gentañ. Kalz gwelloc'h eo bet en eil
hanterenn met n'eo ket bet trawalc'h evit gounit. Un afer fiziañs an hini eo
met emañ ar R1 o pellaat! |
|
|
|
|
|
An Oriant
|
|
|
|
|
|
An
Arvest/Au bistro du coin, ur film gall e 6 yezh |
|
||
|
|
Roet e vo tro da sellet ouzh
ar film-mañ er salioù sinema adal ar 16 a viz Meurzh 2011. E galleg e
c'helloc'h mont da welet anezhañ evit an holl re na ouifent ket unan eus ar 6
yezh all! Ra vo degemeret mat ar soñj dic'hortoz-mañ gant an arvesterien. Diskouez
a raio da lod ez eus yezhoù all er Stad c'hall, dianav evit al lodenn vrasañ
eus an dud, siwazh! Evit gouzout hiroc'h: www.europacorp.com |
|
||
|
|
|
|
|
|
Bannet ez eus bet war
skrammoù zo, d'an 29 a viz Genver e Dinarzh hag er beure-mañ e Roazhon, un
drol a film: An Arvest (Au bistro du coin). Ur gomedienn
c'hall penn-kil-ha-troad, eilmouezhiet e brezhoneg hag istitlet e galleg! Renet
eo bet ar film-mañ gant Charles Nemes goude bezañ bet skrivet ar senario gant
Fred Testot. Hemañ a zo brudet evit bezañ kasour an abadennig fentigellañ Le Service après-vente des émissions war
Canal+, asambles gant e gomper Omar Sy. "Omar & Fred" ma kavit
gwelloc'h. E gwirionez eo bet eilmouezhiet ar film e c'hwec'h eus "yezhoù
Frañs" evel ma lavar ar broduerien: brezhoneg evel-just, okitaneg,
korseg, elzaseg, kreoleg ha ch'tieg zoken. Skipailh ar gevredigezh Dizale en
deus graet war-dro an eilmouezhiañ brezhoneg.
|
|
|
|
|
|
Immrama, enklask nevez
Roland Becker |
|
|
|
Enklasker da gentañ: boas eo ar paotr d'ober
enklaskoù hir ha sirius davet an istor ha da zastum tonioù, ha doareoù da
seniñ. Diwar-se e oar mat-tre eus petra emañ o komz, ar pezh a ra un diforc'h
bras gant ijinadennoù "keltiek" all. Diwar-se eo aet da gerc'hat,
en amzer dremenet, hag el lec'hioù tro-dro dezhañ, un dafar puilh da sevel e
oberenn: skeulioù direoliek, luskoù ampar, kanoù dezastumet, trouzioù ar
vro... Diwar kement-se e kinnig danvezioù nevez, divoutin, gant ar spi e roio
awen da sonerien all. Enklasker, met ivez arzour, ha se dreist pep tra. Pa vez tennet
elfennoù diouzh an amzer dremenet pe an trowardroioù gantañ, n'eo ket evit o
lakaat en ur mirdi, o "gwareziñ", met evit ober un dra bennak
nevez, divoutin, hag awenet ganto. Staliañ a ra un aergelc'h a ijin, oc'h
implijout dafar kozh ha kollet evit sevel oberoù nevez. Un doare bev da welet
an "hengoun" hag ar pezh a zo d'ober gantañ, ken pell neuze diouzh
ar Virourien Sakr ha diouzh an Ijinourien-diwar-ludu. Un doare dedennus da sevel sonerezh an dazont diwar pinvidigezhioù kollet
an amzer dremenet: sed aze ar pezh a zegas Roland Becker, hag ar sonerien
varrek o seniñ gantañ, war Immrama. Malo Morvan Immrama gant Roland Becker, produet gant Oyoun Muzik. Evit gouzout hiroc'h: www.rolandbecker.com |
|
|
|
|
|
Ha gouzout a rit perak eo rontik Roland Becker? Me gav din 'm eus
kavet ar respont: peogwir ez eus daou zen er memes den! Bez' ez eus un
enklasker, hag un arzour. Ul labour a c'heller klevet gant e bladenn nevez, Immrama.
|
|
|
|
|
|
Tro Frañs Jean-Luc Delarue a-enep an
drogachoù |
|
|||
|
|
dibistriañ:
désintoxiquer brigadenn
(b.) an drammoù: brigade des stupéfiants Deiziataer 2011
Nevez er bloaz-mañ: "Ar brezhoneg war ar
Genrouedad" renabl al lec'hiennoù pouezusañ e brezhoneg war ar
Genrouedad renket e 6 rumm. E gwerzh emañ Deiziataer 2011, 10€ an tamm. Gellout a
reer gourc'hemenn anezhañ dre ar Post ivez evel-just. Dont e darempred gant
Skol an Emsav (12€ an tamm gant ar mizoù-kas). Evit gouzout hiroc'h:
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se ingal,
dre ar brezhoneg, gant Bremaik! Ur skipailh tud a youl vat a sav ar
pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez
Bremaik, n'eus mann ebet aesoc'h: kasit ur gerig deomp d'ar chomlec'h
postel-mañ: bremaik@free.fr! Lennit Bremañ
C'hwevrer 2011!
An teuliadig a ra anv er miz-mañ eus an dilennadegoù
da zont evit ar guzulierien-departamant. An dro diwezhañ e vo da votiñ er mod
ma vo graet a-benn an 20 hag ar 27 a viz Meurzh. Daou zilennad o vont da
zilezel emvodoù ar c'huzulioù-departamant a ro o soñj: Andre ar Gag
(Penn-ar-Bed) ha Patrick Mareschal (al Liger-Atlantel)... Kinnig a ra ivez Bremañ div bajennad
anvet "Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Goude bezañ bet dibistriet eus
an drammoù, en doa prometet Jean-Luc Delarue, animatour ha produer brudet e metoù
ar mediaoù, mont da reiñ testeni da dud yaouank. Evit se ez aio d'ober un
droiad er C'hwec'hkorn a-bezh. Diouzh a glever e krogo an traoù e Kemper,
gant skolajidi ha liseidi eus al Likes. Pedet eo bet an aotroù Delarue, 46
vloaz, gant kevredigezh tud ar vugale, evit prezegenniñ ha kaozeal diwar-benn
"Bezañ e dalc'h drogaj: emzalc'hioù
arvarus". Evit ma vo sklaer an traoù e teuio ivez ur poliser eus
brigadenn an drammoù hag ur medisin. Kentelius-kaer e vo moarvat, met ne fell
na da gevredigezh tud ar vugale na d'ar Fondation Réservoir e teufe kazetennerien.
