|
|
|
|
|
|
|
|
|
|
Lun 11 a viz Genver, niv.268 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Referendom e Gwiana c'hall ha Martinik |
|
|
|
|
|
|
|
|
|
Dec'h e oa bet kinniget da
annezidi lodenn c'hall Gwiana hag enezenn ar Martinik votiñ evit kreskiñ
emrenerezh o ziriadoù pe chom gant ar statud zo ganto c'hoazh, d.l.e
departamantoù (ha rannvroioù) tramor. N'eo ket bet uhel-tre an niver a dud o
vont da vouezhiañ en div vro: e-tro 48% eus an dud enskrivet e Gwiana hag
e-tro 55,3% e Martinik. Aet eo ar brasañniver en un doare sklaer ha fraezh
gant an "nann", gant 69,8% eus ar mouezhioù e Gwiana, ha gant 78,9%
e Martinik. Aozet e oa bet ar votadegoù-se da heul an enkadenn armerzhel,
sokial ha politikel c'hoarvezet bloaz zo, hag he doa lakaet Martinikiz, Gwianiz
ha pobloù all tiriadoù tramor ar Stad c'hall da stourm evit goulenn groñs e
vefe reizhet an traoù du-se. Divizet e oa bet neuze gant ar gouarnamant gall
aozañ "kendivizoù meur". Disoc'h ar mouezhiadegoù-mañ zo bet
degemeret mat gant ar gouarnamant gall a wel aze c'hoant tud Gwiana ha
Martinik da virout liammoù start gant Pariz. Galvet o doa koulskoude kalz a
zilennidi hag a strolladoù enno da votiñ "ya". A-benn ar 24 a viz
Genver e vo pedet Martinikiz ha Gwianiz da votiñ adarre, evit ma rofent o ali
war ar c'hinnig kendeuziñ ar c'huzulioù departamant ha rannvro.
|
|
|
|
|
|
Tabut
en-dro diwar-benn ar produoù OGK |
|
|
|
D'ar 6 a viz Genver eo bet
embannet ar rentañ-kont, e-lec'h ma skriv an HCB n'eus kavet road ebet a
c'hellfe prouiñ eo fall ar MON 810 evit ar gwad pe al lounezh. Hervez France
Nature Environnement, ne glot ket ar rentañ-kont-mañ gant skridoù
enklaskerien an HCB. Gant ar re-se ez eus bet lâret dreist-holl n’eus
ket a-walc'h a ditouroù diwar-benn an MON 810, nag evit prouiñ eo fall, nag
evit prouiñ n'eo ket. Evit c'hoazh n'eo ket gouest Monsanto da reiñ an
asurañs n'eo ket fall e broduoù evit ar yec'hed. Unan eus lodennoù dipitus
an tabut-mañ eo e vez kaoz eus ar yec'hed, a ra aon d'ar bobl, met ne vez ket
kaoz alies eus kudennoù diazez ar produoù OGK, evel ar fed ma lakont ur berc’henniezh
war ar boudoù bev, hag ar fed ma c'hellont en em ledañ e pep lec'h, ha dre
se, lakaat Monsanto da vezañ perc'henn war ar plant a zo er park e-lec'h
emaint en em gavet dre zegouezh. M.M. |
|
|
|
|
|
Soñj hon eus e oa bet
nac'het an aotreoù da sevel maiz MON 810, eus ti v/Monsanto, e 2008. Dre ma
n'eo ket peurbadus an diviz, emaomp o c'hortoz ma vefe diskleriet daoust
hag-eñ eo noazus pe get maiz Monsanto evit ar yec'hed. Kuzul Meur
Teknologiezhioù ar Vuhez (HCB) an hini eo a zo e karg da reiñ e ali.
|
|
|
|
|
|
Strollad ar Vro Bagan: "Divroa"
(Divroañ) |
|
|
|
Ar Gelveneg: Sul 17 a viz Genver
da 4e30 g.k. er sal CLC Plouvien: Sul 31 a viz
Genver da 3e g.k. e sal ar gumun Plougastell: Sul 7 a viz
C'hwevrer da 3e g.k. e sal ar c'hendalc'hioù ...ha deiziadoù all e
Breizh e-kerzh miz C'hwevrer ha miz Meurzh Evit gouzout hiroc'h: http://pagesperso-orange.fr/avb/ |
|
|
|
|
|
Oberenn
nevez Strollad ar Vro Bagan a denn d'an divroañ, gwelet eus Breizh.
Kenderc'hel a ra ar strollad gant troiad ar pezh-c'hoari nevez dre ar vro. En
19vet kantved betek kreiz an 20vet e kuita leun a Vretoned o bro: n'eus ket
labour a-walc'h. Mengleuzioù Trelaze (Añjev), Pariz, an Dordogn, Kebek,
kornôg Kanada, New-York, Arc'hantina... N'o deus ket kavet bep tro an
eürusted e oant o klask siwazh. Goude an eil brezel bed, e tistro lod en o
bro, da vare o leve... Mare ar brezel en deus gwelet ivez Spagnoled pe
Italianed o tegouezhout e Breizh. E fin an 20vet hag e penn-kentañ an 21vet
kantved e weler ivez labourerien eus Mali, Afrikaned hag Aziiz o klask gounit
o zamm bara, e Breizh, en Europa, kevandir ar re binvidik. Familhoù
Tchetchened, Euskariz, a weler ivez o tegouezhout evit klask repu.
|
|
|
|
|
|
Kib
Frañs: Plabenneg trec'h war Niça |
|
|
|
|
|
|
|
|
|
E Kervegen e c'hoarie,
dec'h, skipailh mell-droad Plabenneg (Rummad "broadel" d.l.e. evel
ur "rummad 3") ouzh hini Niça (R1) evit 32vedennoù Gourfenn Kib
Frañs. 3000 den a oa deuet da welet ar c'hrogad daou war tachenn Kervegen,
daoust d'an amzer yen-ki. Boulc'het mat e oa bet ar jeu evit paotred Niça
koulskoude. D'an 13vet munutenn e oa bet tapet o foent kentañ (ha nemetañ a-benn
ar fin...) ganto, a-drugarez da Rémy ha Sablé. Kalonek ha mennet eo chomet
Plabennegiz daoust da bep tra: d'ar 45vet munutenn eo deuet a-benn Abiven da
lakaat pal Plabenneg, gant sikour David, a lake ar Vretoned par da Niçiz. Dre
faot David hag Abiven adarre, e oa bet strafuilhet Cid, en deus adkaset ar
vell war-du pal e skipailh. Ar gward Ospina ne oa ket o c'hortoz seurt jestr
ha setu tapet ur poent ouzhpenn gant skipailh Plabenneg (d'ar 45vet munutenn
+2). En eil prantad e oa tamolodet c'hoarierien Niça war o lodenn eus an
dachenn, reutaet dirak argad Plabennegiz. Ar re-mañ o deus profitet mat gant taolioù-kaer
Créhin hag Abiven (d'an 71vet munutenn). Klasket en deus tuad Niça adtapout
an taol d'an 90vet munutenn, gant Coulibaly, en aner.
|
|
|
|
|
|
|
Coco Chanel & Igor Stravinsky |
|
|
|
Frañs
– 2009 Seveniñ
: Jan Kounen
Goude un azasadenn deuet mat a-walc’h diwar
Beigbeder (99 francs, 2007) e stag Jan Kounen gant un istor karantez
divoutin dre bersonelezh ramzel daou grouer meur eus deroù an 20vet kantved.
Pegen birvidik e tlee bezañ froud ar garantez etre tud a seurt-se a soñjer e
gwirionez. Feiz, ne zeu ket splann an dra-se en oberenn Kounen: muioc’h
a builhentez, a gizidigezh hag a friantiz a c’hortozer digant darempred
ur vaouez he deus dieubet korf ar merc’hed hag ur gour en deus digoret
tachennoù nevez d’ar sonerezh. Re fur ha klasel e chom doare seveniñ
Jan Kounen an taol-mañ. Meriadeg Vallerie |
|
|
|
|
|
|
|
O wiskañ dilhad kañv emañ Coco Chanel
|
|
|
|
|
|
13vet Festival Panoramas e Montroulez Etre ar 1añ hag ar 4 a viz Ebrel 2010 |
|
|
|
D'ar 1añ
a viz Ebrel e krogo an traoù gant ur pezh-c'hoari (L'empereur de Chine) e
c'hoariva Montroulez. Emgav e
park an diskouezadegoù kerkent hag an deiz war-lerc'h evit selaou sonerezh
hip hop gant Wax Tailor, elektro-pop gant Flairs, rock gant Ghinzu ha The
Wankin Noodles hag elektro gant Beat Torrent. Er memes
sal e vo aozet nozvezh vras ar Sadorn, ma sono B Real (unan eus izili ar
strollad rap Cypress Hill), sonerezh elektro gant Italianed The Bloody
Beetroots ha gant Yksek hag ivez Renaissance Man, Naonediz Pony Pony Run Run
ha re Sexy Sushi, Fortune, Brodinski ha DJ Pone (eus Birdy Nam Nam). Echuiñ a
raio an traoù d'ar Sul 4 e klub Coatelan gant Zak Laughed, Tender Forever,
Mikix the Cat, Elephanz ha Stereoheroes. Tikidi
etre 11 hag 50 euro (pass tri devezh). R.M. Muioc'h a bPanoramas : |
|
|
|
|
|
Goude
bezañ degemeret 8000 arvester er bloaz tremenet e fell da aozerien Panoramas
tizhout 10 000 anezho er bloaz-mañ. Chañsoù zo e teufent a-benn, pa weler ar
programm a zo bet kinniget n'eus ket pell zo. Sonerezh rock, elektro ha hip
hop eo ar pezh a vo dreist-holl.
|
|
|
|
|
|
|
Divskouarn: kaout un tañva eus ar
yezh gant ar re vihan |
|
|
|
E magouri Lesneven an hini
eo e c'hoarvez an traoù e Penn-ar-Bed evit poent, bep kentañ Sadorn ar miz,
da 11e. Setu aze deiziadoù an tri miz da zont: d'ar 16 a viz Genver, 6 a viz
C'hwevrer ha 6 a viz Meurzh. Evit abadennoù Lesneven e c'houlenner digant an
dud emezelañ ouzh Divskouarn, 15€ ar bloavezh. E Lannuon e vez dalc'het an
traoù er Greizenn Sevenadurel, a genaoz an abadennoù gant Divskouarn. Etre
10e hag 11e ez a an traoù en-dro. Gwelloc'h eo lakaat e anv en a-raok. Setu
amañ an deiziadoù da zont: 23 a viz Genver, 6 a viz C'hwevrer ha 13 a viz
Meurzh. Evit abadennoù Lannuon e c'houlenner digant an dud emezelañ ouzh ar
Greizenn Sevenadurel, 12€ ar bloavezh. Evit gouzout hiroc'h : Lesneven : 09 60 04 79 83
(Divskouarn) Lannuon : 06 99 04 88 40
(Kreizenn Sevenadurel Lannuon)
Goude ur bloavezh ehan en deus
adembannet Pol Brezhoneg Skol an Emsav un deiziataer hollvrezhonek adarre
evit 2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
Dindan ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a c’hallo bezañ
miret a vloaz da vloaz, ennañ roll kumunioù Breizh. Ur benveg talvoudus evit
ober gant ar brezhoneg bemdez! Kas ur chekenn 12€
da: Skol an Emsav, 25 straed
Pierre Martin, 35000 Roazhon. Evit gouzout
hiroc'h: 02 99 38 75 83 pe sae.bzh@wanadoo.fr Lennit Bremañ Genver
2010!
An teuliad zo gouestlet er miz-mañ da Gendalc'h
Kopenhagen. 193 Stad a oa bet bodet gant Aozadur ar Broadoù Unanet e Danmark
e-kerzh miz Kerzu, evit kemer divizoù diwar-benn tommadur an hin. Un disoc'h
dipitus zo bet evit kalz a dud dre ar bed. Cheñch an hin gant teknikoù nevez
zo ur mennozh o tont war wel tamm-ha-tamm hag a zo kinniget en teuliad-mañ
ivez. Kendalc'het e vo er miz-mañ gant div bajennad
ispisial, bet soñjet a-ratozh evit ar re zo o teskiñ brezhoneg:
"Lennomp!". M’ho pez plijadurig o lenn Bremaik,
plijadur ho po o lenn Bremañ, sur! Evit broudañ he lennerien da goumanantiñ e kinnig Bremañ
un distaol dreistordinal betek ar 1añ a viz C'hwevrer 2010: 45€ evit
ar c'houmanant-bloaz e-lec'h 50€! Ur follenn-goumanantiñ a c'heller
kavout war lec'hienn www.breman.org Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet gant Skol an Emsav (4,5€ an tamm) E gwerzh er stalioù-levrioù a ginnig danvez
Breizh, pe dre goumanant. Evit
gouzout hiroc'h : www.breman.org |
|
|
|
|
|
|
|
Evit an eil bloavezh e
kinnigo Divskouarn abadennoù "kaout un tañva d'ar brezhoneg gant ar re
vihan". Er bloaz-mañ ez eus strolladoù bodet ingal e Lesneven hag e
Lannuon. Pal an abadennoù-se zo kaout plijadur e brezhoneg gant ar re vihanañ,
pe e vezer brezhoneger e-unan pe ne vezer ket. En em vodañ a ra familhoù gant
o c'hrouadurioù en ul lec'h bennak. Un abadenn c'hoari, kanañ ha lenn a vez
kaset war-raok neuze gant animatourien, a zo anezho tud bugale, ha tud a
vicher war tachenn ar re vihan ivez. Dont a ra an dud asambles gant o bugale
n'int ket 5 bloaz anezho c'hoazh.
