|
|
|
|
|
|
|
|
|
|
Lun 5 a viz Genver, niv.220 Bloavezh mat d'an holl ! Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Stad Palestiniz aet war washaat |
|
|
|
|
|
|
|
|
|
Disadorn da noz, e oa bet boulc'het gant arme Israel
un argad war zouar, e tachennoù palestinat dindan beli Hamas. Lañs a oa
bet roet d'an argad-se gant Stad Israel goude ur sizhunvezh bombezenniñ war
"bann-douar" Gaza, evit respont da dennadennoù roketoù gant
stourmerien Hamas. Hervez Palestiniz e vefe bet lazhet ouzhpenn 524 den ha
gloazet ouzhpenn 2450 abaoe deroù tagadennoù Israel, d'ar 27 a viz Kerzu, ur
c'hard anezho o vezañ tud disoudard. Disul en dije arme Israel kollet ur
soudard, hag un tregont bennak all a vije bet gloazet en emgannoù. E-kerzh an
devezh o doa tizhet soudarded Tsahal karter Zeitoun, e Reter Gaza. Kantadoù a
familhoù palestinat o deus kuitaet an tachennoù lec'h ma'z eus emgannoù,
a-benn kavout bod e lec'hioù siouloc'h. Hervez Israel e kendalc'h ar
sikourioù da vezañ aotreet da vont en tiriad palestinat, met kudennoù a zo
bet kalz e-kerzh ar sizhunvezh tremenet. Stad ar boblañs palestinat zo aet
war washaat kalz en deizioù-mañ, gant troc'h an tredan e bann Gaza, hag an
diouer a eoul-maen. Diaes e oa c'hoazh stad ar 1,5 milion a dud a veve e
bann-douar Gaza, un dachenn 40 km a hed war an arvor.
|
|
|
|
|
|
An tredan nukleel e-pad ar goañv |
|
|
|
M.M. |
|
|
|
|
|
Mare ar goañv, pa vez dispignet kalz tredan evit
tommañ an tiez (3 gwech brasoc'h e vez ar beveziñ eget e-pad an hañv), a
ziskouez un tu fall ouzhpenn eus an tredan nukleel: gant hennezh n'haller ket
kemm buan ar c'hementadoù produet. Kement-mañ a dalvez e vez produet kalz re
e-pad an darn vrasañ eus ar bloaz, hag e vez gwerzhet neuze an tredan da
vroioù all - se a dalvez ne servijo EPR Flamanville (skeudenn) da netra evit an darn
vrasañ eus ar bloaz. E-pad ar goañv avat, ne vez ket produet a-walc'h! Neuze
e ranker pe prenañ tredan digant broioù all, pe produiñ lod ouzhpenn amañ. Pa
vez prenet digant broioù all e vez alies da greizennoù Alamagn a grou tredan
dre zeviñ eoul-maen, gaz, pe glaou. Pa vez produet e-barzh ar vro e vez
alies... dre zeviñ eoul-maen, gaz pe glaou! Diefedus-krenn eo an hentennoù-se
(an darn vrasañ eus an energiezh a vez kaset e-maez e stumm gwrez ha n'eo ket
tredan) ouzhpenn bezañ saotrus-kenañ, evel-just. Div hentenn a zo neuze: pe
implijout hentennoù all da broduiñ tredan, pe paouez d'ober gant an tredan
evit en em dommañ (gant an difuiñ da skouer)...
|
|
|
|
|
|
Festival Taol Kurun etre an 13 hag 25 a viz Genver |
|
|
|
Tem gouel 2009 zo : "Skoaz ouzh skoaz
? / le bazar de la solidarité." E-touez an abadennoù brezhonek a vo kinniget emañ: - ar filmoù bevaat Laban, an tasmant bihan
ha Kie ar bikez vihan bannet d’an 13 a viz Genver e sinema
Kemperle - abadenn strobinell gant Dany Trick e ti-retred
Bois Joly Kemperle d’an 22 a viz Genver - un oferenn vrezhonek d’ar 25 a viz Genver e
Bae... Leun a abadennoù all a vo, gant festoù-noz
d’ar 17 ha d’ar 24, ur sonadeg rock Breizh, gant Guimol Dru Band e-touez
re all, en Arzhanaou d’ar 24 a viz Genver... Stajoù dañs, brezhoneg,
clown hag all a vo ivez, atalieroù evit sevel haiku... Evit
gouzout hiroc’h : http://taolkurun.free.fr |
|
|
|
|
|
Adarre er bloaz-mañ e vo kinniget gant Taol Kurun
leun a abadennoù e-pad pemzektez e bro Gemperle. Sinema, kontadennoù, dañs,
sonerezh, c’hoariva, barzhonegoù, kendivizoù, stajoù...
|
|
|
|
|
|
Krogad Konk-Kerne-Lyon daleet |
|
|
|
|
|
|
|
|
|
Kaoz e oa bet diwar-benn-se dibaouez e mediaoù Breizh
betek disadorn da noz. E stad ar Roudourou, e Gwengamp, e oa sañset ar
c'hrogad da vezañ c'hoariet etre skipailh US Konk-Kerne (CFA 2) hag an
Olympique Lyonnais (e penn ar Rummad 1). Evit 32vedennoù Kib Frañs e talveze
an abadenn. Met, da 8e20 noz e oa bet divizet gant an tredeog, Fredy Fautrel,
nullañ da vat ar c'hrogad. An abeg? Skornet tachenn ar Roudourou. N'eo ket
bet kemeret an diviz diouzhtu, hag eskemmoù zo bet etre pennoù ar c'hleuboù
war a seblant betek ar mare diwezhañ. Aet e oa kuit kirri-boutin suporterien
Konk-Kerne zoken. Hervez reolennoù an FFF e ranke ar c'hrogad bezañ aozet
neuze en deiz war lerc'h. Met nullet eo bet adarre, dre faot an amzer yen.
Dipitet ha fuloret eo tud Konk-Kerne: start e vo adreiñ lañs d'ar startijenn
a oa bet tapet en deizioù a-raok ar c'hrogad hirc’hortozet. Kudennoù
arc'hant a vo ivez: penaos ober evit digoll an dud o doa prenet bilhedoù ha
kemeret ar c'hirri-boutin? N'eus bet roet deiziad all ebet evit ar poent,
kendivizoù zo er mare-mañ e bodad-kreiz Kib Frañs... Fellout a rafe da
Gerneviz aozañ an abadenn ar buanañ ar gwellañ, met diouzh tu tud Lyon n'eo
ket ar c'hrogad mallusañ da c'hoari...
|
|
|
|
|
|
|
Australia |
|
|
|
Aostralia, Stadoù-Unanet Amerika - 2008 Seveniñ : Baz Luhrmann
Goude heuliad “Ar
rideoz ruz” (Strictly Ballroom e 1991, Romeo+Juliet e
1996 ha Moulin Rouge! e 2001) gant ar sevener Aostralian Baz Luhrmann,
setu e film nevez. N’eo ket abalamour da-se e cheñcho e stil
penn-da-benn, amañ c’hoazh e vo pompadus un tamm ar seveniñ. Hirik
a-wechoù, hegazus betek re ar skeudennoù dre urzhiataer padal e vefe bet
kaeroc’h tapout gwirvoud an endro aostralian. Digempouez ha kamm-digamm
moarvat, e chom Australia ur film bras, brav, gant ur bern mennozhioù
dedennus (an darempredoù etre ar re wenn hag ar re zu, koublad, familh...) ha
lodennoù lañsus par d’ar western. Kontet gant ur paotrig, mab
d’un den gwenn ha d’ur plac’h du, e tizho an istor-mañ tud
a bep seurt oadoù. G.L. |
|
|
|
|
|
|
|
E dibenn ar bloavezhioù 30
emañ Sarah Ashley o c’hortoz he gwaz, aet da Aostralia da brenañ douar
ha sevel chatal. Kendrec’het ne glask ket gounit arc’hant met
kentoc’h merc’heta e tiviz hi mont da Faraway Downs e norzh
Aostralia. Du-hont e tizolo eo marvet he gwaz hag e rank neuze stourm ouzh an
dud a glask lakaat o arigrap war an domani hag ar chatal. Spered ha kalon ar
Saozez a gemmo da heul an darvoudoù a c’hoarvezo.
|
|
|
|
|
|
2009, petra nevez? |
|
|
|
Evit a re a gav gwelloc'h
ar rock evel ma vez sonet gant Interpol pe The Killers, e vo talvoudus selaou
White Lies, ur strollad eus Londrez. Kanaouennoù a c'haller klevout ha
videoioù a zo da welout war http://www.whitelies.com/site.html.
The Magistrates, ur
strollad breizhveuriat all, a embann ez eo levezonet gant Talking Heads,
Prince ha David Bowie. Deoc'h da wiriañ ha gwir eo amañ : (http://www.myspace.com/magistratesband).
Evit a sell ouzh The Soft
Pack, ur strollad nevez eus San Diego, ez eo The Strokes ha Pavement o
levezonoù. Gwashoc'h zo, hag un tañva a zo amañ : http://www.myspace.com/thesoftpack. Kalz re all a c'haller
menegiñ evel The Big Pink
(sonerezh levezonet gant sonerezh indie dibenn ar bloavezhioù 1980,
penn-kentañ ar bloavezhioù 1990), Dinosaur Pile-Up, Florence and the
Machine, Delphic (sonerezh
elektro doare Manchester) pe The Chapman
Family, (etre Joy Division ha Sonic Youth). R.M. |
|
|
|
|
|
A-boan kroget ar bloavezh
nevez hag e klever anv eus arzourien a vo tu deomp dizoleiñ. Eus ar
Rouantelezh-Unanet e teu Little Boots (skeudenn), ur strollad ennañ ur plac'h
nemetken, anvet Victoria Esketh. Sonerezh elektro-pop a vez graet ganti, hag
un tañva a c'haller pellgargañ war he lec'hienn (
|
|
|
|
|
|
Gwastell ar rouaned |
|
|
|
Danvez evit ar wastell : 4 gwenn-vi –
100 g sukr – 50 g amann – 50 g bleud – ¼ sac'hadig goell
kimiek- 100g poultr alamandez – sukr lindr Danvez evit an dienn : 60 g amann – 60 g
sukr – 60 g poultr alamandez – 6 cl rom – 1 favenn Evit 6 den
Meskit ar bleud, ar goell kimiek, ar poultr
alamandez hag ar sukr. En ur girin, savit da erc'h ar 4 gwenn-vi. Ouzhpennit
ar meskaj bleud, ha goude-se an amann blotaet, meskit kaer a-benn chom hep
terriñ ar vioù. Diskargit en ur moull-gwastell, lakait er forn (200° - therm
6) 30mn. Divoullit, lezit da yenaat, ha troc’hit e daou. Ledit ar
c’helc’h dindan gant an dienn alamandez (1cm tevder), arabat
ankouaat lakaat ar favenn e-barzh, goloit gant an eil lodenn, poultrennit
gant sukr lindr. Mari Lubrano Lennit Bremañ
miz Genver!
Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Kudenn ar magañ tud er broioù lec'h ma astenn ar
gernez, Greunland war hent an dizalc'hiezh, emglev Rannvroioù Frañs
diwar-benn ar yezhoù, lid 100 vloaz kêr Lannarstêr... Kaoz zo eus an holl
draoù-se ha traoù all c'hoazh e-barzh niverenn Bremañ Genver 2009.