|
|
|
|
|
|
|
|
|
|
Lun 25 a viz
Gwengolo, niv.115 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Budapest : manifestadegoù
bepred a-enep ar ministr gaouiat |
|
|
|
Dimeurzh
ha dimerc'her e oa aet ar manifestadegoù war daeraat, gant
emgannoù etre poliserien ha manifesterien. Tud zo bet
gloazet ha savadurioù ofisiel zo bet taget. 150 den zo bet
harzet gant ar polis abaoe penn-kentañ ar
manifestadegoù. |
|
|
|
|
|
Setu bremañ eizhtez zo en em gav
bemdez miliadoù a dud dirak Parlamant Hungaria e Budapest.
2 500 e oant dec'h pa oant ouzhpenn 20 000 disadorn.
Manifestiñ a reont evit goulenn ma vefe kuitaet e bost gant
Ferenc Gyurcsány, ar c’hentañ Ministr
sokialour. Leun a dud zo e fulor war e lerc'h goude skignadenn un
enrolladenn ma tisklêrie bezañ kontet gevier
diwar-benn stad armerzh Hungaria da vare an dilennadegoù, e
miz Ebrel. Anzavet en deus Ferenc Gyurcsány bezañ
graet kement-se, met n'emañ ket e soñj lezel e
garg e penn ar gouarnamant. Prest eo zoken da lakaat e anv adarre evit
bezañ e penn ar strollad sokialour er bloaz a zeu.
|
|
|
|
|
|
Biotreloskoù
evit an holl er C'hwec'hkorn ? |
|
|
|
Goulennet
eo bet digantañ daoust hag-eñ e rankfe an dud
cheñch karr-tan evit gellout ober gant an trelosk "glas".
Kendalc'het en deus o lavarout en doa "souezhadennoù brav"
d'ober a-benn nebeut da dud Frañs, e-keñver ar
c'hirri-tan hag an tailhoù... |
|
|
|
|
|
Embannet
en deus Ministr an Armerzh, Thierry Breton, e oa o vont da aotren
a-benn nebeut gwerzh ar bioetanol (un trelosk a saotr nebeutoc'h evit
an eoulmaen, graet diwar alkool hag a vez tennet diwar sukr da skouer).
Dec'h en doa lavaret e-kerzh an abadenn "France Europe Express" war
France 3, e vo dispaket plomennoù "glas" er
stalioù-esañs er C'hwec’hkorn a-bezh.
Ouzhpenn saotrañ nebeutoc'h an endro, e tlefe ar bioetanol
bezañ marc'hadmatoc'h ivez. Fiziet en doa Ministr an Armerzh
ur studiadenn war an danvez-se er blenier redadegoù Alain
Prost.
|
|
|
|
|
|
Livadurioù
Michael Cawley e Landerne |
|
|
|
Hoel
Louarn |
|
|
|
|
|
Betek
disadorn e c’hellit mont da zizoleiñ
oberennoù un arzour iwerzhonat a ginnig e
livadurioù evit ar wech kentañ, e ti-post
Landerne. Michael Cawley zo bet o tresañ hag o
livañ abaoe e vugaleaj, desket gantañ e-unan
implij ar barroù-livañ. Ganet en Iwerzhon, an
arzour zo bet o vevañ e Bro-Saoz hag e labour
bremañ evel kelenner saozneg e Breizh. Evit e ziskouezadeg
kentañ en deus dibabet kontañ mareadoù
eus e vuhez gant dourlivadurioù : kregiñ
a ra ar veaj gant taolennoù eus Venezia hag Italia, el
lec’h ma oa bet 15 vloaz zo hag Iwerzhon, el lec’h
ma oa distroet e 2000 : Dulenn ha maezioù
kornôg ar vro. Hag evit echuiñ, ur sell war ar
Menez Athos e Gres, ur vro anavezet mat gantañ dre
m’eo bet eno meur a wech. Emañ bremañ
Michael Cawley o livañ maezioù Landerne, e vro
degemer nevez.
|
|
|
|
|
|
Mell-droad :
distro ar Ganaried |
|
|
|
Cheñch
penn d'ar vazh o deus graet Dimitri Payet ha Guillaume Norbert, pa oa
aet ur pal gant pep hini anezho. Klasket o deus Marsilhiz, souezhet-mik
gant startijenn Naonediz, bezañ mestr war ar c'hrogad, met
en aner. C'hoarier an OM Mamadou Niang en deus gellet memes tra
pakañ ur poent. Setu
Naoned pignet un tamm e renkad ar C'hevre 1 ; Niça
o vezañ bremañ er penn izelañ. Mont a
ra skipailh Naoned da c'hoari a-enep Auxerre disul, gwelet e vo ha
kenderc'hel a ra ar Ganaried da gaout kement a nerzh. |
|
|
|
|
|
Serge
Le Dizet en deus kuitaet post ambrouger Kanaried Naoned goude meur a
grogad dipitus. E genseurt Georges Eo en deus kemeret e blas abaoe.
Diaes e oa lakaet ar skipailh abaoe penn-kentañ bloavezh
nevez ar C'hevre 1, hag e penn izelañ ar renkad e oa disul,
a-raok c'hoari a-enep skipailh Marsilha, gounezet e holl
grogadoù gantañ evit ar poent.
|
|
|
|
|
|
Quand
j’étais chanteur |
|
|
|
Frañs
– 2005 Senario
ha seveniñ : Xavier Giannoli
War
ar c’houblad-se penn da benn eo savet Quand
j’étais chanteur. Kemer a ra amzer da
reiñ tevder d’an div dudenn : ouzhpenn o
seblantoù e tizoloer tamm ha tamm o anien, evel ma tremener
a-hed ar film eus sked ar salioù arvestoù da
noazhded tiez goullo. Pell zo ne oa ket bet gwelet Depardieu gant ur
roll ken kaer ha Cécile de France a ziskouez pegen ampart e
c’hell bezañ war dachenn an drama. Meriadeg
Vallerie Evit
gouzout muioc’h : http://www.quandjetaischanteur.com/ |
|
|
|
|
|
“Boy meets girl”. War an oad
ez a Alain Moreau (Gérard Depardieu),
kaner bal e Clermont-Ferrand. Hoaler a vicher eo koulz lavaret, setu
p’en em gav gant Marion (Cécile de
France), ne chom ket pell a-raok mont ganti. Met un nozvezh
n’eo ket a-walc’h evitañ en
taol-mañ : trumm eo tapet ar c’haner gant
ar c’hoant da brenañ un ti, ha perak ket mont
d’ober gweladennoù gant Marion a labour en
ajañs-tiez ur mignon, dres ?
|
|
|
|
|
|
10
vloaz DAW e Speied |
|
|
|
Digwener
adalek 8 eur noz e krogo gant Burek a zegaso sonioù eus ar
Balkanioù a-raok klevet ar c’hoarier
violoñs Jacky Molard gant e strollad nevez :
Yannick Jory hag e dreujenn-gaol, Janick Martin ouzh an
akordeoñs hag Hélène
Labarrière o c’hoari gourrebed. Kerzh’ta
eo a lakao an dud da zañsal betek fin an noz, pe dost rak
daou DJ, eus Douarnenez ha Bamako, hag Erik Marchand, a vo pedet da
glozañ an abadenn. Disadorn e vo klevet arzourien eus ar vro
evel Bernez Tangi, Gigi Bourdin pe c’hoazh Jacques Pellen.
Plijadur vras a vo gant L’Affaire Foraine : ur foar
mod gwechall hag un abadenn "Lucien et les papys féroces", a
vo adkavet disul ivez. Evit an devezh diwezhañ e vo
abadennoù c’hoazh hag adarre, ur pred-kan hag ur
fest-deiz digoust. Deiz-ha-bloaz
laouen DAW. Hoel
Louarn Hervez
an abadennoù : digoust pe betek 13€ |
|
|
|
|
|
Evit
lidañ 10 vloaz DAW (Dre Ar Wenojenn) e vo aozet 3 devezh
gouel e Speied : pedet e vo 80 arzour da gemer perzh en 20
sonadeg war pemp leurenn disheñvel ha kinniget ur foar
divoaz hag abadennoù ru.
|
|
|
|
|
|
Bragoù
jean produet reizh |
|
|
|
Evit
ar merk R. Lewis eo ar c’henwerzh reizh ur arguzenn
werzhañ dreist-holl. Dominique Lanson a daol evezh evit ma
chomfe marc’had-mat e vragoù. "Emaomp o
varc’hata gant Max Havelaar evit kavout ul labouradeg en
India he defe o label, da broduiñ bragoù gant
prizioù izeloc’h". Daoust
hag-eñ eo reizh dilezel al labouradeg e Tunizia ? "N’eo
ket reishoc’h eget pa oa bet paouezet gant ar
produiñ e Frañs" a respont D. Lanson
krenn-ha-krak. Katell
Leon
Danvezioù evit
4 den : 400 grammad pennsac'henn – 4
fiezenn fresk – 4 berenn vihan – 180 grammad
endivez – 40 ml gwinêgr – 100 ml eoul
olivez – perisilh drailhet – pebr hag holen
– 1 meudad sukr Troc'hit
ar bennsac’henn a lavnennigoù voan. Dibluskit ha
troc’hit ar fiez a-bastelloù. Dibluskit ha
troc’hit ar per a bastelloù moan.
Gwalc’hit ha troc’hit an endivez. Meskit ar
gwinêgr gant ar pebr hag an holen hag ouzhpennit an tamm
sukr. Meskit gant ar banne eoul olivez war-bouez ur baser. Meskit an
holl aozennoù ha kinnigit war asiedoù. Goloit
gant hili ha poultrennit gant perisilh drailhet. Mari
Lubrano
(23
a viz
Gwengolo - 22 a viz
Here) Gant
an niver a blanedennoù liammet gant hoc’h arouez
en un doare kenson n’ho po ket ezhomm ur bern
kuzulioù evit dont a-benn anezhi ! N’eus
nemet Sadorn a gendalc’ho da drubuilhañ
ac’hanoc’h. Ne zegaso netra grevus
deoc’h, nemet daleañ pe
diheñchañ darvoudoù zo.
N’eus netra d’ober a-enep Sadorn siwazh, nemet
gortoz e vefe paouezet ganti da hadañ skoilhoù
war ho hent. Ho pet pasianted ! Ger-stur ar bloavezh eo.
Kompren gwelloc’h ar re all, setu ar pezh a vo ret ober evit
ar re zo ganet dindan sin ar Balañsoù. Familh,
kenlabourerien, amezeien… Ret e vo gouestlañ da
bep hini amzer ha madelezh. Evit
a sell ouzh ar garantez ez eus chañsoù e vefe
kreñvoc’h ho c’hoant da gaout plijadur
evit surentez ; hag evit un nebeud prantadoù-dudi
emaoc’h en arvar da derriñ un darempred stabil. Ma
ne anzavit ket ho fazi e vo ar brezel ! Ma vevit
hoc’h-unan, ha ma fell deoc’h kejañ ouzh
unan all, ez eus spi da gaout. Meur a zen a hañval
bezañ dedennet ganeoc’h, met marteze
n’hoc’h eus ket merzet anezho c’hoazh. Ne
c’hortozont nemet un tamm jestr eus ho perzh koulskoude. El
labour e vioc’h broudet ha kalonekaet gant Meurzh. Da ziwall
zo memestra : Meurzh a zegas dihabaskter, neuze diwallit
diouzh an emgannoù gant ho kenlabourerien. Mod-all,
stabilaet e vo buhez labour ar re o doa bet poan betek-henn. Katell
Leon
An deiziataer 2007 zo deuet er-maez ! Kavet e vo er stalioù levrioù breizhek hag e Skol an Emsav, e Roazhon, evel-just. Un doare nevez zo gant deiziataer 2007. Bihanoc'h eo evit mont gwelloc'h er chakodoù hag er seier-dorn. An Deiziataer hollvrezhonek zo ur benveg talvoudus bepred : leun a chomlec'hioù (ouzhpenn 200) hag a ditouroù vo kavet diwar-benn Breizh hag ar brezhoneg, un daolenn kemmadurioù, kodoù-post kumunioù Breizh... 13 euro an tamm. Skol
an Emsav, 25 straed Pierre Martin, 35000 Roazhon: |
|
|
|
|
|
Lañset
eo bet e "vragoù jean produet en ur mod reizh" gant ar merk
Rica Lewis, a werzh ar muiañ a vragoù jean er
gourmarc’hadoù. Graet diwar koton gant al label
Max Havelaar, produet e Kameroun (strizh eo an doare produiñ
e-keñver endro met n’eo ket bio), int gwiadet en
Italia ha gwriet e Tunizia. "Ret eo bet
kendrec’hiñ ur gwiader italian da genlabourat"
eme zDominique Lanson, rener R. Lewis, "rak a-raok e veze
prenet danvez gwriet ha tout. Evit sevel ar bragoù
jean-mañ eo ret deomp gwiadiñ ar
c’hoton a zeu eus Kameroun". 100 000
bragoù jean evit ar baotred ha 30000 evit ar
merc’hed (gwerzhet war-dro 35 €, priz
uhelañ ar merk) zo bet produet. 5% eus an 2,8 milion a
bezhioù graet ganto bep bloaz. Ar pal eo tizhout 10%. Mat eo
bet an degemer, met ar rener a zo chalet memestra gant ar plas roet
d’e broduioù. "Beuzet eo hor
bragoù "reizh" gant re n’int ket. Ret e vefe
talvoudekaat ar produioù dre ouestlañ
lec’hioù resis dezho ha bodañ ar boued,
an dilhad hag ar produioù kened produet en ur mod reizh."
Saladenn
pennsac'henn gant fiez
Ar
balañsoù