|
|
|
|
|
|
|
|
|
|
5 a viz Here 2004, niv. 26 |
|
|
|
|
|
|
|
|
|
|
|
|
|
|
|
Stefan
Philippe lezet da vont |
|
|
|
Ar
prizoniad politikel breizhat Stefan Philippe a oa bet lezet da vont en
e frankiz disadorn, d'an 2 a viz Here. |
|
|
|
|
|
|
|
|
|
|
|
Al
Lanv |
|
|
|
1
pe 2 mm uheloc’h eo live ar mor bep bloaz abalamour
d’an hinad zo o tommañ. Pezh zo grevus-spontus
evit enezegoù ar Meurvor Habask hag a zo un nebeud
metradoù a-us ar mor. Ha dre m’int graet gant
koural kleuz e teu ar mor dre diabarzh an enezennoù, pezh na
ro ket tu da wareziñ netra. Da skouer emañ an
enezeg Tuvalu (1 1300 annezad) o vont da netra, beuzet gant ar
mor tamm-ha-tamm. |
|
|
|
|
|
|
|
|
|
|
|
Oberenn
Loeiz Bloñs digor d’an holl |
|
|
|
A-benn
bloaz e vo kinniget oberenn Loeiz Bloñs d’ar
Vretoned. Aet e oa da Anaon en diskar-amzer tremenet, goude
bezañ bet o luc’hskeudenniñ a bep seurt
darvoudoù e Breizh e-pad 30 vloaz. E-kerzh un abadenn en
enor d’an arzour e miz Genver en doa embannet Pierre Maille,
maer kozh Brest, e youl da welet oberenn Loeiz Bloñs da chom
unvan hag er vro. Miliadoù a fotoioù
(diapoioù, luc’hskeudennoù war baper ha
filmoù) zo bet adprenet gant an ti-kêr eta evit
kinnig anezho d’an holl hag enoriñ labour an den.
Abaoe 6 miz emañ neuze |
|
|
|
|
|
|
|
|
|
|
|
Marc’hhouarnerezh |
|
|
|
An
dibenn-sizhun-mañ e oa e Verone (en Italia) kampionad ar bed
ar marc’hhouarnerezh war hent. Pemp rummad
disheñvel a oa da redek : merc’hed junior, paotred
junior, paotred danvez-kampioned ha kampionad ar bed war hent evit ar
merc’hed hag ar baotred. En urzh ar rummadoù, setu
anv ar gampioned nevez : Marianne Vos
(Izelvroioù), Roman Kreuziger (Republik Tchekia),
Kanstantsin Sioutsou (Belarus), Judith Arndt (Alamagn) hag Oscar Freire
(Spagn). Ar Spagnad hag a zo kampion ar bed evit an trede gwech dija
(1999, 2001 ha 2004), en deus gounezet ar redadeg d’ar sprint
gant Erik Zabel (Alamagn), da eil, ha Luca Paolini (Italia), da drede.
Roud ebet avat eus ur reder gall er 15 plas kentañ. Pell e
seblant ar mare ma oa deuet Laurent Brochard da vezañ
kampion ar bed e 1997...
Brest
(1añ) 1-1 Grenoble (2vet)
|
|
|
|
|
|
|
|
|
|
|
|
Wonderful
days |
|
|
|
Korea
ar Su - 2003 Seveniñ
: Kim Moon-Saeng Priz
Meur Anim’Arts – Festival ar Film Faltazi e
Gerardmer 2004 Gant
ar brezel hag ar saotradur e oa bet diskaret ar sevenadurezh. Ken bras
ha ken bihan ma ne chom ket ken met div gêr er bed e
2142 : Marr hag Ecoban. Emañ an eil e
soñj mougañ eben avat : ezhomm he deus da
ledanaat c’hoazh takad ar saotradur a-benn
pourvezañ muioc’h a energiezh. Ur
fablenn ekologour e vefe ar film neuze ? Komprenet e vez buan
a-walc’h eo kentoc’h un arguzenn da
zisplegañ barregezhioù teknikel . Ar pal da
dizhout a oa embann e c’hell Korea c’hoari ouzh
Bro-Japan war dachenn ar filmoù bevaat a-dra-sur. Trivlius
eo disoc’h labour ar sevenerien e gwirionez (gwarizius e
teuio George Lucas da vezañ gant an arvestoù
redadegoù a zo amañ). Met mont a reont re bell
ganti hep na zegasfe tra ebet ouzhpenn : an
tudennoù a zo re vrav, ar skeudennoù 3 D a zo
lipet betek re, an istor a zo stambouc’hus. Kement
ha gouzout muioc'h : http://www.wonderfuldays-lefilm.com/ |
|
|
|
|
|
|
|
|
|
|
|
Breizh,
Keltia ha BT... |
|
|
|
Kêr-Iz,
ur wech ouzhpenn ! Gibelin hag Heloret a ro deomp unan eus ar
selloù souezhusañ war vojenn ar gêr
veuzet. "Le bateau feu", un oberenn e peder levrenn embannet gant
Glénat, en dastumadenn "Grafica".Deuet eo al levrenn
ziwezhañ er-maez e 2002. Er bloavezhioù 1920 e
tleer bezañ pa vezer er bed "gwirion". A-hend all Ahez, an
Diaoul, boudoù iskis, menec'h souezhus hag a stourm abaoe
kantvedoù evit dieubiñ ar Gêr-Enezenn
eus ar galloudoù drouk, mui un nebeud tud "vev", an
alc'hwezioù hag ur vag tour-tan evel hini mirdi
Douarnenez... Un avantur leun a zarvoudoù, meskaj SF,
fantastek, mojenn. Kontet ha treset mat. Renevezet eo amañ
an istor en un doare plijus-kenañ. |
|
|
|
|
|
|
|
|
|
|
|
Te
pe kafe e tavarnoù T’Chick ? |
|
|
|
E
ti T’Chick ez eus tu da dañva doareoù
te liesseurt savet gant an ti Tazo : te freskik, temzet, gant
frouezh, glas pe du, ha re all c’hoazh. Blazet mat-tre int.
Un dra dedennus all a vez kinniget gant Tazo ivez, un te digafeinet.
Souezhet e c’heller bezañ da gentañ.
Met c’hwi a oar moarvat ez eus un elfenn par d’ar
c’hafein e-barzh an te, an tein. Tost ar memes
efedoù zo d’an div elfenn :
dinerviñ, pe derc’hel dihunet d’an
nebeutañ. Nebeutoc’h a dein a zo en te eget a
gafein er c’hafe memes tra. Neuze pa soñjer ober
vad d’e yec’hed en ur evañ te ha
n’eo ket kafe… ne reer ket fall. Met
erlec’hiet e vez ur boeson a zo kafein e-barzh gant ur boeson
a zo… kafein e-barzh ivez ! Ma,
ret eo mont pell evit ober un dramm da vat eus e vanne kafe. Ouzhpenn
seizh tasad (700 miligram kafein) zo ret evañ
bemdez ! Kement
ha gouzout hiroc’h diwar-benn ar yec’hed hag ar
c’hafe : http://www.cyberpresse.ca/outil/imprimer.php?id=TnpRek5UZ3c= http://www.ql.umontreal.ca/volume10/numero15/campusv10n15b.html Evit
dizoleiñ an te Tazo : www.tazo.com Tavarnioù
T’Chick : 10 plasenn ar C’henwerzh 44000 Naoned.
Pgz : 02 40 48 23 23. 12
straed Rallier du Baty 35000 Roazhon. Pgz : 02 99 78 24 25. |
|
|
|
|
|