|
|
|
|
|
|
|
|
|
|
1 a viz Mezheven 2004, niv. 15 Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Devezh
ar brezhoneg e Karaez |
|
|
|
Disul,
d’ar 6 a viz Mezheven, e vo aozet un devezh evit ar brezhoneg
e Karaez, war dachenn Kerampuilh, gant ar gevredigezh Dazont ar yezh.
Adalek 9 eur 30 mintin betek an noz e vo kinniget, e brezhoneg, un
oferenn, filmoù-berr, c’hoariva (Breizh-Aktu'
70-80 gant Strollad ar Vro Bagan), divizoù diwar-benn ar
politikerezh yezh, stalioù-labour evit ar vugale hag,
evel-just, standoù kevredigezhioù hag
aozadurioù a bep seurt a ra gant ar brezhoneg. Da
6 eur 30 e krogo abadenn veur ar sonerien a-raok ur fest-noz bras
e-lec’h ma vo tro da adkavout bagadoù Karaez ha
Brest, met ivez Dom Duff ha Bernez Tangi pe c’hoazh
strolladoù evel An diaoul ha peder, Strobinell hag ar Groove
Boys. Evit hetiñ he eilvet deiz-ha-bloaz e kinnigo al leti
Noz Vad, digwener ha disadorn, un abadenn gant ar ganerez Nolwenn
Korbell hag ar gitarour Soïg Siberil, hag un nozvezh
kontadennoù e brezhoneg. Digoust
evit mont e-barzh. Kement
ha gouzout hiroc'h : www.gouel.com |
|
|
|
|
|
|
|
|
|
|
|
"An
deiz war-lerc'h"... |
|
|
|
N’eus
nemet tud un tammig pout o spered pe paeet gant lobby an eoul-maen pe
an treuzdougen hag a zo prest da nac’hañ e ya an
hinad war dommaat ! Pezh zo n’eo ket trawalc’h e
ouife an dud evit lakaat anezhe d’ober un dra bennak evit
enebiñ ouzh ar saotradur hag ar gaz efed "ti-gwer" : leun eo
ar c’hêrioù a 4x4 klimatizet da
skouer… Kenderc’hel a ra an hinad da
cheñch eta. Brasoc’h-brasañ eo an
diforzhioù temperadur er Meurvor Atlantel ha diwar-se
kreñvoc’h-kreñvañ an
darvoudoù klimatek : gallout a reer soñjal e vo
muioc’h–mui a brantadoù
sec’h-tre ha tomm-gor (miz Eost 2003) hag a
c’hlaveier fonnus-tre. Ha neuze e vefe muioc’h-mui
a liñvadennoù (e-giz e bro Redon bep bloaz
bremañ) abalamour m’eo bet diskaret ar
c’hleuzioù gant an adlodennañ.
Muioc’h-mui a daolioù avel feuls-spontus a zegasfe
"korventennoù ar c’hantved"
aliesoc’h-aliesañ (e-giz e miz Kerzu 1999). Ha pa
savo live ar mor e vo beuzet ar geunioù, ar
paludoù hag an aberioù. Kement
ha goût hiroc’h : www.ademe.fr |
|
|
|
|
|
|
|
|
|
|
|
Diskouezadeg
William Wegman |
|
|
|
Betek
an 20 a viz Mezheven 2004 |
|
|
|
|
|
|
|
|
|
|
|
|
|
|
|
Netra
er sizhun-mañ, digarezit ! |
|
|
|
|
|
|
|
|
|
|
|
Kill
Bill Volume II |
|
|
|
Stadoù-Unanet
(2004) Senario
ha seveniñ : Quentin Tarantino Erru
eo war ar skrammoù eil rann oberenn ziwezhañ
Tarantino. Goude bezañ graet o stal da Vernita Green hag
O-Ren Ishii er rann gentañ e rank bremañ
“Ar Wreg” ober war-dro Budd hag Elle Driver a-raok
tizhout pal pennañ he dial : lazhañ Bill. Pegadenn
ampart doareoù filmoù disheñvel e oa
rann gentañ “Kill Bill”. Siouloc'h eo an
eil rann avat. Memes stumm a zo gantañ, met muioc'h a bouez
a vez roet da abegoù an tudennoù en desped d'an
emgannoù, ha gwell a-se ! Un
ali eo nemetken, met dedennusoc'h e teu da vezañ ar
boelladenn stil er mod-se. Kement
ha gouzout muioc'h : www.killbill-lefilm.com |
|
|
|
|
|
|
|
|
|
|
|
Blue
Note Revisited |
|
|
|
Ma
Doue ! Sonerezh jazz ! Met arabat kaout aon : ur sapre ti-embann eo
Blue Note, abaoe ar bloavezhioù 1930. E-giz ma
lavar Eli Wolf en destenn ginnig e rank an ti-embann-se
kenderc’hel da vont war-raok, da lakaat ar selaouerien da
zizoloiñ tachennoù nevez. Hag ar bladenn-se a zo
ur brouenn eus ar fed e c’haller meskañ
seurtoù sonerezh disheñvel : setu pevarzek DJ a
vesk en-dro tonioù o tont eus katalog Blue Note. Pep hini
gant e zoare, e teuont a-benn da nevesaat an tonioù en ur
virout ar spered a oa pa’z int bet krouet. Meneg ispisial da
Song of Will, krouet gant Eddie Gale (e 1969) ha modernaet gant
Jazzanova, ha da Erik Truffaz ha DJ Mehdi a ra war-dro The Emperor
(savet e 1971 gant Donald Byrd). Kement
ha gouzout hiroc'h : |
|
|
|
|
|
|
|
|
|
|
|
"Côté
Resto" e Sant-Ke |
|
|
|
E-kichen
an draezhenn vras ha nepell diouzh kazino Sant-Ke emañ
lec’hiet ar preti bihan-mañ. Brav
a-walc’h eo, gant ur c’hlinkadur simpl ha
livioù tomm degaset gant un nebeud taolennoù, ul
leurenn karellerezh kozh, dezhi livioù ruz ha gell ar
brikennoù koshaet, taolioù ha kadorioù
dibaret. Diouzh un nebeud taolioù e c’heller
gwelet ar mor. Ar c’heginañ zo onest ha simpl-tre. Côté
Resto, Plasenn an Draezhenn, Sant-Ke, pgz : 02 96 70 56 91. |
|
|
|
|
|