|
|
|
|
|
|
|
|
|
|
Lun 26 a viz Ebrel, niv.283 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
24 bloaz zo: gwalleur Tchernobyl |
|
|
|
*conférence
de révision du traité de non-prolifération nucléaire |
|
|
|
|
|
D'ar Sul 25 a viz Ebrel e
oa bet aozet ur ''pik-nik enebatomek'' war dachenn kreizenn nukleel Brenniliz
gant ur bern kevredigezhioù evel Dour ha stêrioù Breizh, Agir pour un
environnement et un développement durables, Bretagne vivante, Consommation
logement et cadre de vie, Groupement mammologique breton, Sortir
du nucléaire Cornouaille pe c'hoazh Vivre dans les monts d'Arrée.
Ar pal a oa soñjal en-dro e gwallreuz Tchernobyl c'hoarvezet 24 bloaz zo,
d'ar 26 a viz Ebrel 1986. Tost da 200 den a oa deuet da vanifestiñ e-kichen
kreizenn nukleel Brenniliz. Ne vo ket didammet ar greizenn evit poent.
Nac'het e oa bet e fin miz Meurzh 2010 gant ar bodad enklask publik, rak den
ne oar pelec'h e vo lakaet al lastez skinoberiant. 100 den all oa bodet gant
ar Stourm evit ar peoc'h, evit un eil manifestadeg er Fred, e Kraozon. Aze o
deus embannet bezañ a-enep an armerezh nukleel. Aet int da vanifestiñ betek
kili tachenn-arme Enez Hir. Colin Archer, sekretour-meur Burev etrebroadel ar
Peoc'h a oa war al lec'h. E-touez an dud e oa ivez nav Breton, a yelo da sez
Aozadur ar Broadoù Unanet, e New-York, d'ar Meurzh 27 a viz Ebrel. Du-se e
kemerint perzh en ur brezegenn evit adwelet feur-emglev an dispaotadur
nukleel.*
|
|
|
|
|
|
Lazhañ an
Indianed evit magañ ar c'hirri ? |
|
|
|
M.M. |
|
|
|
|
|
N'eo ket ar wech kentañ e
vez klevet kaoz diwar-benn raktresoù greantel a yelo a-enep da wirioù an Indianed.
Er mare-mañ ez eus ur raktres bras-tre a savo kudennoù ramzel. Kaset eo war-raok
gant an embregerezh Repsol YPF, a werzh eoul-maen. Ar pal a zo klask
mammennoù dour-tan nevez e koadeier Amazonia. Savet e vefe 454 km a
linennoù-tarzhañ (e lec'h ma lakaer ar maen da darzhañ evit kavout tireoul er
c'hondon), ha 152 greizenn evit degemer biñsaskelloù. El lec'h ma vije graet
an enklask anvet "Takad 39", ez eus o chom d'an nebeutañ daou veuriad
e-touez re ziwezhañ henvroidi Amazonia. Ar re-se a c'hellfe mervel prim ma
vefent e darempred gant labourerien an embregerezh, dre ma n'eo ket gwarezet
o c'horf a-enep da gleñvedoù-red boutin evidomp (evel-se ez eus marvet ul
lodenn vras eus Indianed Amazonia). Ouzhpenn d'ar raktres-se e vije savet un
duellenn divent evit treuzdougen an dour-tan, gant an embregerezh Perenco.
Taget eo bet ar raktresoù-se dirak al lez-varn gant ar gevredigezh AIDESEP, a
vod henvroidi Amazonia e Perou.
|
|
|
|
|
|
Gouel Kala-Mae/Barr-Mae e Bro-Gwened |
|
|
|
D’ar Gwener 30 a viz
Ebrel: emgav da 6e30 noz war parklec’h Mirdi Kartennoù-post Baod. "Soñjit
degas un droc’hell geneoc’h!". D’ar Sadorn 1añ a
viz Mae: emgav da 10e beure e-tal chapel Sant-Kidi, etre Pluverin hag ar
Chapel-Nevez. Baleadenn war-dro ar Roc’h-du, gant lennadennoù ha
barzhonegoù. Pred e ti Mari C’hlazioù (kas boued). 4e30 d’enderv:
emgav er Manez-Gwenn, e Gwennin. Abadennoù digoust. Pedet eo an dud da zegas
barzhonegoù ha binvioù-seniñ. Evit gouzout hiroc'h: Ti ar c’hevredigezhioù, 6 straed ar
Govuerezh, 56000 Gwened. Pgz: 06 11 51 43 15. |
|
|
|
|
|
Kinnig a raio ar gevredigezh
Bemdez, d'an 30 a viz Ebrel ha d'ar 1añ a viz Mae ur gantreadeg gant
barzhonegoù a-zivout
|
|
|
|
|
|
R1
Mell-droad : Roazhon hag an Oriant |
|
|
|
|
|
|
|
|
|
Evit 34vet devezh R1
Mell-droad Frañs, disadorn, e oa aet skipailh Stad Roazhon betek Pariz evit
c'hoari ouzh skipailh PSG. Diouzh an tu all e tegemere ar Pennoù-Merluz en
Oriant Jirondined Bourdel. Dipitet eo bet paotred Roazhon da heul an abadenn
er Parc des Princes, daoust d'an disoc'h a-rampo (1-1). Diskouezet o deus ar
re ruz-ha-du ul lodenn eus perzhioù mat ar bloavezh: eskemmoù prim, ur c'hoari
aozet da veur a hini... O zuoù gwan o deus diskouezet beg o fri betek re
siwazh. Diaes dezho ren war ar c'hrogad, hag un difenn diasur a-wechoù. Gant
disoc’hoù ar c'hrogadoù all eo diskennet ar skipailh er renkadur, d'ar
7vet plas. Laouenoc'h e c'hell bezañ paotred an Oriant. Kemeret en doa Lionel
Cappone plas Fabien Audard e kaoued ar Pennoù-Merluz, ha diskouezet en deus
bezañ mestr war e jeu! Graet en deus diouer Yoann Gourvuff, gloazet, da c'hoari
Bourdeliz. C'hwitet ganto o digarezioù-palañ, digalonekaet int bet un eurvezh
a-boan goude ma vefe bet boulc'het ar c'hrogad gant pal Kevin Gameiro.
War-var plantañ un eil pal e kaoued ar Jirondined eo bet Yann Jouffre d'an
69vet munut ouzhpenn-se. Darbet eo bet da vMarouane Chamakh tapout ur poent
evit skipailh Bourdel, c'hwitet adarre.
|
|
|
|
|
|
Green Zone |
|
||
|
|
Stadoù-Unanet
– 2010 Seveniñ
: Paul Greengrass Diwar
oberenn Rajiv Chandrasekaran
Teulfilmoù brezel en deus savet Paul Greengrass da
gentañ, setu ne wel ket talbenn ar brezel evel un dachenn c’hoari. Un
abadenn a-feson en doa savet ar sevenour saoz gant Bloody Sunday
(2002) diwar un tem ken kizidik all tennet eus an istor tost. Dibaoe en deus
toullet e hent e Hollywood gant filmoù birvidik kentoc’h (The Bourne
Supremacy, 2003 ha The Bourne Ultimatum, 2007). Dont a ra
a-benn da veskañ an daou zoare-se en ur film brezel speredek. Evit gouzout hiroc’h : |
|
||
|
|
|
|
|
|
Divizet ez eus bet gant ar Stadoù-Unanet tagañ
Irak war zigarez titouroù kadarn bet dastumet war armoù diskar a-vras a vefe
e-kerz ar Gouarnamant. Dastum an armoù-se eo kefridi an adjudant Roy Miller
|
|
|
|
|
|
19vet gouel an Erer Kozh –
15-18 a viz Gouere e Karaez (lodenn 2) |
|
|
|
A bep
seurt a vo d'ar Sadorn: sonerezh metal gant ar strollad gall Gojira,
pop liesseurt gant Indochine, Phoenix ha Gaetan Roussel
(bet ezel eus Louise Attaque). Hag ivez sonerezh folk gant ar strollad
amerikan Midlake ha Poor Boy (eus Montroulez). A-fet sonerezh
elektronek e vo kinniget meur a arzour dedennus evel an alaman Boys Noize,
an daouad naonedat Sexy Sushi ha FM Belfast (eus Island daoust
d'o anv). Ar re a blij dezho sonerezh Breizh a c'hallo mont da welout ar
c'hampionad biniou, pe selaou Yann-Fañch Kemener gant Dièse3 pe
c'hoazh Jacques Pellen Tahli Gang (sonerezh Breizh mesket gant jazz ha
sonerezh India). D'ar Sul
18 e vo kinniget sonerezh reggae gant Toots and the Maytals, Bitty
Mc Lean ha Raggasonic, sonerezh pop gant Jamiroquai, -M-,
Gush ha Julian Casablancas (ezel eus The Strokes). Ken dedennus
ha programm ar Sadorn e vo hini ar Sul a-fet sonerezh elektronek dre ma sono Etienne
de Crécy ha dEbruit ha sonerezh elektro-pop Moongaï a vo
ivez. Sonerezh klasel a vo ivez
gant Contreo ha Laz-seniñ Breizh. Peadra
en do neuze Yann Selaouer e Karaez e-kreiz miz Gouere. R.M. Muioc'h a Erer Kozh : |
|
|
|
|
|
|
|
|
|
|
|
Tartezenn ton |
|
|||
|
|
Lakaat an toaz en ur plad-tartez amanennet pe war
baper-amann. Lakaat ur gwiskad sezv war
an toaz. Lakaat an tammoùigoù ton
war c’horre gant pebr. Lakaat ar c’heuz war
benn. Troc’hañ an tomatez e
rondelennoù ha goloiñ ar c’heuz ganto. Lakaat ul loaiadig vihan
koaven fresk war bep rondelenn domatez hag echuiñ en ur ouzhpennañ un tamm
keuz drailhet war c’horre evit ma vo livet brav an dartezenn. Lakaat da
boazhañ er forn e-pad 20 mn da 180°. Riwanon Lennit Bremañ Ebrel 2010: 30 vloaz eo ar gelaouenn !
An teuliad zo gouestlet er miz-mañ da 30 vloaz ar
gelaouenn Bremañ. Gant izili yaouank Skol an Emsav e oa bet krouet e
1980, da vare darvoudoù Plougoñ. Dizehan eo bet embannet ar gelaouenn abaoe.
Cheñchet he stumm, an danvez a gaver e-barzh ivez, pe an dud a gemer perzh.
Soñjezonoù a c'hellot lenn kement hag un dibab pennadoù heverk eus ar
c'heleier a gaver ingal e Bremañ. Kendalc'het e vo er miz-mañ gant div bajennad "Lennomp!",
bet soñjet a-ratozh evit ar re zo o teskiñ brezhoneg. M’ho pez
plijadurig o lenn Bremaik, plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€
an tamm) E
gwerzh er stalioù-levrioù a ginnig danvez Breizh, pe dre goumanant. Koumanantiñ:
50€ evit ur bloaz – 60€ evit an estrenvro – 4€
bep miz dre lamadenn Evit
gouzout hiroc'h: www.breman.org |
|
|||
|
|
|
|
|
||
