|
|
|
|
|
|
|
|
|
|
Lun 6 a viz Meurzh,
niv. 90 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Ar
Skrivadenn a-benn disadorn ! |
|
|
|
Brest Sal
ar Sindikadoù (bali Clémenceau), da 2 eur 30.
Sked, pgz : 02 98 80 26 71. Gwerliskin Sal
ar Gosker, da 3 eur. Park an Arvorig, pgz :
02 98 81 16 51. Kastell-Paol Sal
Michel Colombe, da 2e30. KLT, pgz :
02 98 63 98 79. Kemper Koc'hu
Sant-Frañsez, da 2 eur. Ti ar Vro - Kemper, pgz :
02 98 90 70 43. Lannarstêr Sal
ar Gouelioù, da 2 eur. Emglev Bro an Oriant, pgz :
02 97 21 37 05. Naoned Ti
Keltiek (straed Harouys), da 2 eur. Ur sonadeg gant Jean-Luc Roudaut a
vo kinniget e-kerzh an endervezh ! Kentelioù an
Noz, pgz : 02 40 20 39 74. Roazhon Kreizenn
Dizolo Pol Brezhoneg Skol an Emsav (straed Pierre Martin), da 2 eur,
pgz : 02 99 38 75 83. |
|
|
|
|
|
Bep bloaz e weler bugale yaouank o
poaniañ e-kichen tud un tamm mat koshoc'h dirak ur follenn
wenn, ur stilo etre daouarn pep hini, tresoù sirius war o
dremmoù... Met plijadur a vez ganto da
gentañ-penn er Skrivadenn, oc’h ober gant ar yezh
a-gevret... ha gant ar spi da c'hounit ur priz bennak ivez
marteze ! Evel boaz e vo kinniget meur a live d'an
dud : CE, CM, skolaj, ha lise/tud deuet. E Naoned hag e Brest
e vo rannet an dud deuet etre div rann : unan evit an dud zo
deraouidi hag unan all evit ar re ampartañ . War hiraat ha
war ziaesaat ez a an destenn hervez al live. Ar re wellañ en
em gavo evit ar Gourfenn e miz Mae en Oriant. Seizh kêr a
gemero perzh er Skrivadenn er bloaz-mañ. Lakait
hoc’h anv buan ha tapit krog en ho stiloioù a-benn
disadorn !
|
|
|
|
|
|
Lienennoù
revr da daoler ? |
|
|
|
Peseurt
diskoulm kalz marc’hadmatoc’h hag ekologel a zo
d’ar gudenn-se ? Ar mailhurennoù da
walc’hiñ, ha n’int ket un distro
d’ar mailhurennoù kozh implijet gant hon
mammoù-kozh, a c’hellit krediñ. Div
lodenn a zo : al lienenn hec’h-unan hag a
c’hell bezañ rakstummet, gant velkro ha
stirennoù tro-dro d’an divvorzhed, hag ar
gulotenn-wareziñ graet gant un danvez dizour (gloan,
kotoñs, danvez polel pe poliester). Aes eo ober ganto pa vez
heuliet un nebeud alioù (da skouer, lakaat ar
mailhurennoù lous en ur sailh asambles gant dour hag eoul
lavand, da c’hortoz ma vint gwalc’het). Espernet e
vez arc’hant (war-dro 650 € a vudjed
e-keñver ar 1500 € a vez dispignet dre
vabig gant ar mailhurennoù da daoler), ne vez ket saotret an
endro ha tu zo da adimplijout ma vez bugale all da-heul ! Morwena Audic Diheiet
: distrujet, disleberet. Evit
goût hiroc’h : Pennad
e-barzh Les quatres Saisons du jardinage, niv. 157,
miz Meurzh-Ebrel. http://larbreabebes.free.fr/index.html |
|
|
|
|
|
Un
donennad lastez a vez produet gant ur babig keit ha ma vez lakaet
mailhurennoù dezhañ ! Un donennad a vo
ret gortoz betek 500 vloaz a-benn ma vo diheiet da vat. E-barzh, a-benn
euvriñ gwelloc’h e vez lakaet
“polikrilat sodiom” (ha c’hell degas
allergiezhioù d’ar vugale), benzol a
c’hell degas ar c’hrign-bev hag un nebeud
danvezioù kimiek all saotrus a-walc’h (toluen,
etilbenzen, ksilen ha me oar-me). Ouzhpenn-se, dre ma vez lakaet
kelluloz e-barzh e vez diskaret milionoù a wez evit ober
anezho. Ha pa verzer pegement a arc’hant a vez dispignet gant
ar familhoù a-benn prenañ seurt
mailhurennoù e c’heller soñjal eo ret
cheñch penn d’ar vazh !
|
|
|
|
|
|
C'hoariva
e Kerne |
|
|
|
C'hoariva
e Kerne, etre an 3 hag an Evit
gouzout hiroc'h : Tud Bro Konk, pgz :
02 98 56 96 03. |
|
|
|
|
|
Gant Tud Bro Konk e vo aozet evit ar pempvet
gwech C'hoariva e Kerne, festival c'hoariva brezhonek bro Konk-Kerne.
Pezhioù-c'hoari a bep seurt a vo kinniget e Konk-Kerne,
Pont-Aven, Sant-Ivi, Tregon. Gant Créajeune 56, Strollad
Plougin, Barzhanoff e vo kinniget pezhioù-c'hoari, met aozet
e vo ivez stajoù brezhoneg, kan, ur fest-noz, ur
genstrivadeg bagadoù, ur veilhadeg...
|
|
|
|
|
|
Boris
Diaw en NBA : e eil "tri-doubl" |
|
|
|
|
|
|
|
|
|
Graet e vez "tri-doubl" eus disoc'hoù
ur c'hoarier basket a zo deuet a-benn da gaout ouzhpenn 10 (da lavarout
eo ur sifr "doubl") e teir rann e stadegoù
(poentoù, adlamm, kas a-bouez). An eil gwech eo evit ar
c'hoarier Boris Diaw (genidik eus Frañs) da zont a-benn
d'ober un "tri-doubl" en NBA. 24 foent zo bet tapet gantañ,
10 adlamm ha 10 kas a-bouez dec'h, e Dallas. C'hoari a rae eno evit
skipailh Suns Phoenix, a-enep skipailh Mavericks Dallas. Skipailh ar
Suns zo bet trec'h 115-104 a-enep ar Mavericks. Ar basketour
kentañ a-orin eus ar C'hwec'hkorn o tont a-benn da gaout un
"tri-doubl" en NBA eo Boris Diaw.
|
|
|
|
|
|
L'ivresse
du pouvoir |
|
|
|
Frañs
- 2005 Senario
ha seveniñ : Claude Chabrol
Film
bloaziek Chabrol a c’hortozer. Ha ne cheñch ket ar
paotr : derc’hel a ra gant ar memes
perzhioù, mat ha fall. Aferioù polis a ro atav
dezhañ un digarez da studiañ tudennoù
zo. Dedennet eo en taol-mañ gant emzalc’h ur
varnerez vezvet gant ar galloud a zeu dezhi. Skeud an afer Elf a
anavezer met n’eo nemet ur stern da sevel an istor
ennañ. Sed aze evit ar perzhioù mat ;
eus tu ar sioù eo ret lavaret ne ren ket Chabrol war e
gomedianed : ar re a zo null zo null, ar re a zo ampart zo
ampart, ar re a ra o show a ra o show. Aze emañ an
dalc’h gant Huppert a ro ar santimant e chom war
c’horre he zudenn. Berléand zo mat-tre memes tra,
ha gant Balmer e teu ur gwir gur aktour. Meriadeg Vallerie Evit
gouzout muioc’h : http://www.livressedupouvoir.com/ |
|
|
|
|
|
E karg eus un afer luziet eo bet lakaet Jeanne
Charmant Killman (Isabelle Huppert), barnerez
enklask. Gwallwir ha bogod e metoù an
embregerezhioù uhel zo abeg d’he
furchadennoù. War Humeau (François
Berléand), pennrener un embregerezh bras, eo bet
lakaet an diskred ganti. Met liammet strizh eo ar gudenn gant ar
bolitikourien, ha merzout a ra Jeanne ez a he galloud war
greskiñ kement hag ar riskloù a gemer.
|
|
|
|
|
|
L’Auberge
du bout du Monde Gant
Prugne hag Ober |
|
|
|
Istor
ur gêriadennig eo, etre gwirvoud ha faltazi, enni tud vunut
pe binvidik, otus pe vadelezhus. Evel e pep korn eus ar bed. Ya, met
aze e tispak diwar tresadennoù bev ha livioù
kizidik Prugne, teñzorioù mojennoù ar
Vretoned. Kaset brav e vezer, gant karantez, souezh ha spouron war
roudoù tonkad Enora ha Yann hag hini Treberneg. Ma
tiskoachit pelec’h emañ Treberneg war ar gartenn,
kasit keloù da Vremaik mar plij. A.K. Div
levrenn : La fille sur la falaise ha Des
pas sur le sable. Embannet
gant Casterman, rumm
Ligne d’horizon. |
|
|
|
|
|
1884. Ur skrivagner, kollet e awen
gantañ, a zegouezh e Treberneg. Noz eo. Glav ra. Ostiz
"Ostaleri penn ar Bed" zo kozh ha klañv. Ha gwall
zizarempred e seblant ar vro bezañ. War-bouez razhed
marteze... nann ! boudoù bihan eus ar re na gaver
nemet dre amañ kentoc’h ! Peadra da
vroudañ ar skrivagner da zuañ paper gant
eñvorennoù an ostiz kozh.
|
|
|
|
|
|
Terence
Conran |
|
|
|
En
ur ober 10 vloaz a-boan eo bet goloet Europa a-bezh gant ar chadennad
stalioù. E 1973 e tigoras e stal Habitat kentañ e
Frañs, e Montparnasse. Berzh a reas Conran adal ar mare-se.
Skrivañ a reas meur a levr (The House Book,
Conran Octopus, The Katell Leon Ma faot deoc’h gwelet
traoù savet gantañ : http://www.conran.com. |
|
|
|
|
|
Un tresour brudet er bed-holl eo Sir Terence
Conran. Krog e oa gant e vicher er bloavezhioù 1950 dre
grouiñ e labouradeg arrebeuri kentañ e Notting
Hill. E 1956, e roas buhez d’ar "Conran Design Group".
Reiñ a reas lañs d’ar
gwerzhañ dre ar munud 8 vloaz goude. Nebeut goude e tigoro e
stal "Habitat" gentañ. E arguzenn bennañ a oa
gellout pourchas produioù divoutin diouzhtu-dak, gant e
sistem kas a ginnige ar pezhioù e
kartoñsoù plaen. Soñjal a rae ivez e
brudañ traoù produet un niver bihan anezho.
Kement-se da reiñ c’hoant d’an dud
prenañ… ha lakaat anezho da bennfolliñ
a-wezhioù !