|
|
|
|
|
|
|
|
|
|
Lun 5 a viz C'hwevrer, niv.131 Pellgargit ar pennadoù e stumm Word Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Kreskiñ niver
skoazellerien Diwan |
|
|
|
Ezhomm bras zo gant Diwan da
greskiñ e vudjed evit dont a-benn da ziorren.
Digeriñ skolioù nevez, ur skolaj raktreset el
Liger-Atlantel... "Rak ne vez kemeret koust ur skol nevez e
karg gant ar Stad nemet goude pemp bloaz, hag e-keit-se e rankomp kaout
peadra da baeañ an holl bostoù. Ouzhpenn se e
chom ganeomp da arc’hantañ 100 post
n’int ket skolaerien pe kelennerien" he deus
degaset da soñj Anna-Vari Chapalain, renerez Diwan. Ne vo ket kempouez ar budjed anez
kaout 300 000 euro a brofoù : bep bloaz e
vank c’hoazh 11 000 euro neuze. Evit dont a-benn da
dizhout ar sifr-se ez eus bet savet follennoù pleg-dibleg
nevez, enno ur golo T, a vo skignet 100 000 skouerenn anezho e
200 lec’h disheñvel e Breizh hag er C'hwec'hkorn.
Ar pal a zo kavout, gant ur geidenn a 15 euro ar miz dre zen, 500
profer nevez e miz Ebrel ha 500 nevez all e miz Even evit 2007. "En
holl e vo ret deomp daougementiñ niver ar broferien en ur
dremen eus 3000 da 70 den a zo er
c’huzul-paeroniañ evit ar poent, en o zouez
sportourien evel Florence Artaud pe Eugène Rigidel,
skiantourien evel Yves Coppens, pe c’hoazh arzourien evel
Gilles Servat hag Alan Stivell, met kalz tud all a gemero perzh ivez,
evit mont betek 200 den en holl. "Bez' e vo eus ar
c’huzul-mañ keit ma ne vo ket tizhet e holl
balioù gant Diwan" eme Patrig Herve, kenbrezidant
ar gevredigezh. Hag evit-se e vo aozet ur vanifestadeg en Oriant
d’ar 24 a viz Meurzh. H.L. |
|
|
|
|
|
|
|
|
|
|
|
Ar
voul-douar o teñvalaat (global dimming) |
|
|
|
M.M. Kit da welet pennad dedennus
Wikipedia : |
|
|
|
|
|
Petra
eo se c'hoazh ? Unan all eus efedoù emzalc'h
mab-den war an douar. Dianav a-walc'h eo hennezh koulskoude. Pa vez
devet koad, glaou, pe eoul-maen e teu
takennoùigoù dour d'en em strollañ
tro-dro d'ar partikulennoù eztaolet. "Aerosol" a vez graet
eus an dra-se. Dre se e vez stankoc'h ar c'houmoul, hag e lakont
muioc'h a amzer a-raok ober glav. Adkaset e vez neuze ul lodenn eus
skinoù an heol e diavaez an atmosferenn: yenaat a ra an
douar. War un dro, ne zeu ket ar glav ken aes se: sec'hiñ a
ra an douar. An darvoud-se en defe enebet ouzh tommadur an douar
liammet ouzh an efed-gor, met dre ma vez graet studioù evit
talañ outañ eo posupl e vefe nullet e efed a-benn
nebeut, ha neuze brasaet tommadur an douar. An dra-se ivez a c'hellfe
displegañ ar sec'hor a zo c'hoarvezet en Afrika e-kerzh ar
bloavezhioù 1980. An dra-se a c'hellfe bezañ
gwelet evel un diskoulm evit talañ ouzh tommadur an douar,
met efedoù drastus all a zo gantañ: glav trenk,
sec'hor, hag all. Ouzhpenn se eo lec'hel a-walc'h.
|
|
|
|
|
|
Nozvezh
ar vuzisianed beajourien |
|
|
|
Al lodenn gentañ a grogo
gant Saveli Vasiliev, unan eus ar chamaned hengounel
diwezhañ e Siberia, a aoz lidoù evit ar
chaseourien hag an desaverien kirvi-erc’h, gant
kanoù chaman hag un daboulin. Peder arzourez eus ar bobl
Toungouz a vo ivez war al leurenn: Oktjabrina Vladimirovna Naumova a
gano tonioù a gont istorioù, gant
dañsoù kelc’h ; Ljubov
Dèkimbuvna Bel’Dy a vo gant he zaboulin hag he
c’houriz-son a lak da seniñ en ur hejañ
he divlez ; Galina Bogdanova ha Tatiana Dvoinova, muzisianezed
eus hanternoz Vladivostok, a gano ar gouelaned hag an arzhed. Ha Slava
Egorovitch Kemlil, eus pobl chaseourien bronneged an Tchouktched, a
zrevezo bronneged ar mor ha loened an Toundra. An eil lodenn a ginnigo
an arzhed. Ur ganerez a vo gwisket gant danvez kirvi-erc’h,
brodet a-vil-vern, ha div arzourez all a gano an distruj ekologel.
Kinniget a vo c’hoari an arzh gant kanerien ha
dañserien. Evit an trede lodenn e vo
pobloù siberian, turkek o yezh, awenet gant
sonioù an natur hag ar c’hoadoù don,
gant ur c’han diftonek a gont meurzanevelloù. Ur
vamm-gozh hag he merc’h-vihan, eus pobl ar Vouriated, an hini
nemeti gant ur yezh vongolek e Siberia, a gonto ur bed a vev war un dro
gant sevenadurioù ar voudisted hag ar chamaned. H.L. Evit gouzout hiroc’h: http://www.lequartz.com |
|
|
|
|
|
Dimeurzh
e vo kinniget "Emañ ar speredoù o selaou -
sonerezh ha chamanerezh Siberia". Un abadenn rouez ha dreistordinal e
Kwarz Brest. Tregont chaman deuet eus Siberia a-bezh a sono hag a
zañso evit liammañ an doueed hag an dud.
|
|
|
|
|
|
Mell-droad
amerikan: 41vet Superbowl |
|
|
|
|
|
|
|
|
|
Dec'h e oa echuet e Miami (Florida) ar 41vet
Superbowl, da lavarout eo krogad diwezhañ ar c'hampionad
mell-droad amerikan. Dindan ar glav-bil eo bet c'hoarierien an Chicago
Bears hag an Indianapolis Colts oc’h en em gannañ
e-pad ouzhpenn 3e30 (ma konter ar prantadoù bruderezh
niverus). Tud Chicago zo deuet a-benn d'ober un dra na oa c'hoarvezet
gwech ebet en istor ar Superbowl betek-henn : un "touchdown"
zo bet merket ganto er penn-kentañ-tout (7 poent dastumet er
14 eilenn gentañ!). Start eo bet ar jeu etre an daou
skipailh, gant an dachenn deuet da vezañ
ramp-kenañ gant ar glav-bil. Tamm-ha-tamm eo aet an
traoù gwelloc'h diouzh tu an Indianapolis Colts, en eil
kard-amzer gant daou d-touchdown evito. Eil hanterenn ar c'hrogad zo
aet da vat war an tu se hag aet eo ar maout gant ar c'hColts (29-17).
Ne oa ket bet gounezet ar Superbowl ganto abaoe 1971, pa oant staliet e
Baltimore.
|
|
|
|
|
|
Pars
vite et reviens tard |
|
|
|
Frañs – 2005
Kenkoulz eo lavaret diouzhtu
n’eo ket gwall entanus Pars vite et reviens tard.
Heñvel ouzh tudenn José Garcia eo red ar
film : dinerzh ha dic’hoanag. Aktored a-feson zo bet
bodet amañ (Serreau, Gourmet, Gillain, h.a.), met
n’eo ket a-walc’h evit reiñ talvoudegezh
d’ur senario en defe e blas kentoc’h e kael
filmoù polis ar Gwener noz war France 2. Meriadeg Vallerie Evit gouzout hiroc’h: http://www.parsviteetrevienstard-lefilm.com/ |
|
|
|
|
|
|
|
|
|
|
|
Panoramas
#10 – Montroulez |
|
|
|
Hopala ! Stagit ho kouriz,
tudoù, emañ rakprogramm "Panoramas #10" o paouez
bezañ embannet. Ha pa weler listenn an arzourien zo kinniget
deomp evit poent, ez eus peadra da soñjal ez eus bet graet
strivoù gant an aozerien a-benn lidañ 10vet
deiz-ha-bloaz ar gouel, hag e vo diaes chom hep mont da Vontroulez e
penn-kentañ miz Ebrel. Kan gall a vo kinniget
d’ar Yaou 5 gant Jacques Higelin ha Jeanne Balibar, ha
sonerezh folk gant Peter Von Poehl. An deiz war-lerc’h e vo tu
da selaou Joey Starr, Yelle (skeudenn) pe c’hoazh Stuck in
the Sound. Tamm amzer ebet evit distanañ, d’ar
Sadorn ivez e vo tu da vourrañ : Public Enemy,
Laurent Garnier, Asian Dub Foundation, Modeselektor, ha Rubin Steiner a
ginnigo o sonerezh. Ha d’ar Sul, evit
echuiñ : Abstrakt Keal Agram, Belone
Quartet… Emañ an
tikedoù e gwerzh, etre R.M. Muioc’h a
ditouroù, tikedoù da brenañ : |
|
|
|
|
|
Etre
ar 4 hag an 8 a viz Ebrel
|
|
|
|
|
|
Tartezenn
Tatin war ar prim |
|
|
|
Raktommit ar forn (210 / therm 7).
Amannennit ur moull. Dibunit ha lakait an toaz war un tamm paper parch.
Dibluskit ha troc’hit an avaloù a
drañchennoù. Goloit ar moull gant ar banne
karamel, lakait an tammoù avaloù
warnañ. Laoskit plas etre ar frouezh ha ribl ar moull.
Poultrennit gant ar sukr vanilhet. Ledit an toaz war an
avaloù ha pladit mat. Lakait er forn war-dro 25 mn. Da
zebriñ klouar gant un tamm dienn fresk. Mari Lubrano |
|
|
|
|
|
