|
|
|
|
|
|
|
|
|
|
Lun 6 a viz
C'hwevrer, niv. 86 Pellgargit ar pennadoù e stumm Word Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Dimeurzh,
devezh ar "CPE" |
|
|
|
Er
Vodadenn Vroadel e vo kaoz eus raktres ar CPE dimeurzh. Embannet o deus
kannaded ar PS, ar PC, ar Re C'hlas hag an UDF e klaskint dispenn ar
muiañ ar gwellañ kinnig ar gouarnamant. Gorrekaet
kalz eo an divizoù er Vodadenn Vroadel c'hoazh. War
ar memes tro e c'halv meur a sindikad micherel, studierien pe liseidi
da vont da vanifestiñ dimeurzh a-enep ar
c'hevratoù nevez-se. Met n'eus nemet ur sindikad en dije
galvet da herzel gant al labour dimeurzh, ar c'hevre SUD-Rail. Er
beure-mañ e embanne Libération
disoc'hoù ur sontadeg aozet gant LH2, oc'h embann e oa
52 % eus an dud goulennataet a-enep ar Gevrat
kentañ gopradur (evit gouzout hiroc'h : http://www.liberation.fr/page.php?Article=357119). |
|
|
|
|
|
Ur gevrat labour didermen savet evit an dud
dindan 26 vloaz hag an embregerezhioù a c'hopr nebeutoc'h
eget 20 implijad eo ar CPE (Kevrat kentañ gopradur).
Kinniget eo bet e-kreiz miz Genver gant gouarnamant Dominique de
Villepin.
|
|
|
|
|
|
Grip
al laboused : peseurt re zo kleñvedus ? |
|
|
|
Da
gentañ, evit poent n’eus nemet 11 labous gouez
etre tout a zo bet prouet da vat e oant bet klañv gant ar
virus. Da eil, n’eus bet klevet komz eus den ebet a vefe
marvet diwar daremprediñ al laboused gouez e
neblec’h. Da skouer, en Aostralia ma’z eus kalzig a
laboused o tont eus lec’hioù kontammet e Sina,
n’eus ket bet kavet tud klañv. Ouzhpenn-se ne vefe
ket kap ul labous tremeniad klañv da vont gant e hent gant
ar skuizhus m’eo nijal ken pell. Hag evit echuiñ e
seblant lederezh ar virus bezañ stag ouzh ar
c’henwerzh yer kentoc’h : ned a ket hent ar virus
hervez hentoù al laboused tremenidi (Hanternoz-Su) met
hervez an darempredoù kenwerzh etre ar Reter hag ar
C’hornôg (da skouer hent an Transsiberian), hag an
dud zo bet skoet klañv a veve tost ouzh ar yer e-giz ar
saverien yer. Kement
ha goût hiroc’h :
Teuliad
e-barzh ar gelaouenn L’Oiseau magazine,
niv.81 : “Grippe aviaire, les oiseaux migrateurs victimes de
la psychose.” Hag
ivez : www.lpo.fr
(ur rann ispisial a zo evit respont da c’houlennoù
an holl diwar-benn ar grip-se) |
|
|
|
|
|
Er mare-mañ e vez komzet kalz eus ar
virus H5 N1. Diwarnañ ez eus bet diskleriet
|
|
|
|
|
|
Memor
ar Mor, e Mirdi Sant-Brieg |
|
|
|
Evit
gouzout hiroc'h : Mirdi Arz hag Istor Sant-Brieg, Porzh
Francis Renaud, 22000 Sant-Brieg. Pgz :
02 96 62 55 20. |
|
|
|
|
|
Kenaozet eo bet an diskouezadeg gant Buhez
(kevredigezh mirdioù hag ekomirdioù Breizh) ha
skourr an enklaskoù arkeologel dindanvor e Ministrerezh ar
Sevenadur hag ar C'hehentiñ. Kinniget e vo d'an dud
dizoloiñ arkeologiezh dindanvor
peñseoù ar Meurvor Atlantel. 550 traezenn diwar
ouzhpenn 40 lestr aet d'ar strad a zo kinniget en diskouezadeg
(binvioù merdeiñ, kanolioù,
diñsoù, pezhioù moneiz...), war un
dachennad
|
|
|
|
|
|
Kampionad
Europa ar Vell-dorn gounezet gant skipailh Frañs |
|
|
|
Ar
c'hrogad diwezhañ a oa etre melldornerien Frañs
ha Spagn. Trec'het eo bet ar re-mañ diwezhañ, 23
fal da 31 evit skipailh Frañs, daoust da Spagnoliz kaout an
titl a Gampion ar Bed. An tri flas kentañ zo aet neuze gant
Frañs, Spagn ha Danmark. |
|
|
|
|
|
Al lodenn diwezhañ eus Kampionad
Europa 2006 ar Vell-dorn a oa bet c'hoariet dec'h e Zürich.
Daoust da skipailh Frañs bezañ bet kampion ar Bed
div wech (e
|
|
|
|
|
|
Ladies
in lavender |
|
|
|
Senario
ha seveniñ : Charles Dance Div
c’hoar war an oad a vev e ti kozh o zad war aodoù
didrubuilh Kernev-Veur e 1936. N’eus nemet ar
barradoù-avel a c’hell lakaat un tamm dizurzh er
bed-se. Dres goude ur barrad a seurt-se ez eus bet adkavet un den
yaouank (Daniel Brühl) dilezet hanter
beuzet gant ar mor war an draezhenn nes da di Ursula (Judi
Dench) ha Janet (Maggie Smith). Gant
santadoù an dud e pled ar film-mañ dreist-holl,
ha gant trivliadoù tud kozh peurgetket.
Plijus-kenañ eo an div drederenn gentañ eus an
abadenn, pa sav an aergelc’h a-nebeudoù e-giz ma
vez savet un daolenn gant dourlivadur. Ken soutil eo al lodenn
gentañ-se m’eo kerse e teufe an traoù
da vezañ peursklaer en eil lodenn e gwirionez. Daoust
hag-eñ ne vefe ket bet tu derc’hel betek ar fin
gant ul liv etre daou ha lezel muioc’h a frankiz da
intentamant an arvestourien ? Evit
gouzout muioc’h : http://www.tfmdistribution.com/ |
|
|
|
|
|
Breizh-Veur - 2004
|
|
|
|
|
|
The
New Pornographers – Twin Cinema |
|
|
|
N’anavezan
ket A.C Newman, hag eñ e penn The New Pornographers, met
ijinañ a ran en deus tremenet e yaouankiz o selaou sonerezh
power-pop (Big Star, Paul McCartney and the Wings hag all). Kazi sur e
tremene ivez e amzer o seniñ gitar en e gambr, o klask sevel
kanaouennoù pop peurvat. Ur wech deuet da vezañ
bras en deus bodet tro-dro dezhañ sonerien o tont eus
strolladoù all, hag holl asambles (9 den en holl) o deus
savet ur goustrollad : The New Pornographers. O
zrede pladenn eo Twin Cinema ;
heñvel ouzh o div bladenn gentañ eo.
Heñvel ne dalvez ket dipitus, pe randonus, pell alese. An
holl vinvioù (gant pe hep tredan), an holl
vouezhioù (paotred ha merc’hed) a zo implijet evit
kinnig deomp tonioù eus ar c’hentañ,
evel The Bleeding Heart Show pe Sing Me
Spanish Techno. N’eo ket gwall vrudet The New
Pornographers, koulskoude e talvez ar boan selaou o fladenn, unan eus
ar re wellañ bet embannet e 2005, hep bezañ bet
merzet. Evit
mont pelloc’h : |
|
|
|
|
|
Embannet gant Matador
|
|
|
|
|
|
Ar
Skuilher dour |
|
|
|
E
2005 ho poa kejet ouzh ur bern tud ha boulc’het gant ur bern
raktresoù nevez. Klasket ho poa kreskiñ ha
stabilaat war un dro. Cheñchamantoù a vo war ar
stern c’hoazh e 2006. Cheñch implijer,
dilojañ… Evit dont a-benn anezhi e vo ret
deoc’h ober war-dro ur bern paperioù.
N’eo ket tre diouzhoc’h. Neuze klaskit chom
dinec’h. Ha diwallit rak ar c’hudennoù
yec’hed a c’hellfe degouezhout abalamour
d’ar stress. Evit a sell ouzh ar garantez, na
c’houlennit ket re bepred. Deskit leuskel plas d’an
den a garit, ha na glaskit ket tizhout ur pal re uhel. Ne
vefec’h ket digarezet ar wezh-mañ… |
|
|
|
|
|
Nag
a ijin ! Empennañ ur bern traoù a
rit : bed an arzoù hag ar skiantoù a zo
tachadoù naturel evidoc’h ! Emren evel ma
’z oc’h e lakait ho toare da soñjal
war-wel. Met ne vez c’hoant ebet ganeoc’h
d’en em gannañ ouzh ar re all evit kement-se.
Mignoniezh a ziskouezit ha brokusted ivez, daoust deoc’h
c’hoari peurliesañ
evidoc’h-c’hwi hoc’h-unan da
gentañ. Prest e vezit da zegemer kalz mennozhioù.
Ho spered zo digor ha lañs gantañ war hini ar re
all !